الأستاذ محمد السني دفع الله دايرين نجرب حظنا بس دي فيها حاجة ياخ الحكاية قسمة ونصيب طول بالك .
Post: #10 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 09:57 AM Parent: #9
اللهم طولك ياروح يعني موصر يا طلحة ياخي كترتها مفروض ما تجي راجع يعني عمك ميلاد وانا ما مالين عينك ولاشنو؟؟ ياحوي ما قسمة ونصيب وجدول ضرب كل واحد امد قلبو على قدر جمالو مثل جديد ما تستغرب امشي العب بعيد صحي انت طرحت السؤال ونحن إسلبطنا فيهو ورينا شن بتسوي ؟؟
سمعت قبل كدا البنية دي قالت دايرة واحد (شاب) ومن خارج الوسط الفني عشان كدا انت وعمي ميلاد أطلعوا من الصف .. يعنى بالواضح ما تحرجوها وتحرجونا وبالمرة تحرجوا نفسكم . الله يدينى (العافية) ...
Post: #12 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 10:17 AM Parent: #11
Post: #15 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 10:40 AM Parent: #13
فترت وحاسيبها ليك انشا الله ماتنفعك عشات سبب واحد لانو نحن بتجمعنا مصلحة واحدة وهم واحد والله لو ما كده كان فطستك وطلعت روحك ولو نزلوها في مزاد كنت عليت السعر وبيعت الوراك والقدامك عارف بتفق على شنو الأ رباب وجاييك بي هناك
و الله يا محمد السني حكايتك حكاية! يفتحوا بوست حول ثورة أكتوبر.. تجي تقول شفت العساكر طالعين في الشجرة يفتحو بوست حول إتفاقية الحكم الثنائي, تجي تقول اليوم داك أنا كنت لابس سكروتة يفتحو بوست حول لقاء فريقي المسالمة و ستاك, تجي تقول اليوم داك ملح التسالي ورم لي خشمي يفتحو بوست حول ذكرى افتتاح مؤتمر الخريجين تجي تقول اليوم داك شربنا كترة ليمونادة
و بعد ده جايب معاك رأفت ميلاد و جايين تتسلبطو في منو.. في عافية و لا حتى أم بلينة السنوسي إن شاء الله !
حكم!
Post: #16 Title: Re: يا عافية انا قليبي رهيف ارحميهو يديك العافية ربي! Author: هاشم أحمد خلف الله Date: 11-02-2007, 10:51 AM Parent: #14
سلام الله الدار , ممكن اشارك ؟؟؟
تخريمة :-
شوفتا اعمامي السني ورافت غيرت راي تاني ؟؟ بعدين يقولوا لي يا ولد امشي جيب لينا شنو كده ما بعرف من الدكان .
أستاذ محمد سني سؤال جاد انت الصورة الفى بروفايلك دى بتاعت الإرهاب والكباب واللا حاجة تانية .. حب إستطلاع بس ..
Post: #19 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 11:18 AM Parent: #17
انا لمن كنت صغير ما لعبت بالتراب حبيت في البلاط وقريت في الراهبات كنت ود راحات وطفل واعي وتفتيحة وماسك مفاتيحها.. ياخوي لمن شفت العساكر وغنينا باكر مع العساكر كنت طفل مش تفل ولمن شربنا الليموناده مع الخريجين اتفألوا بي وماتنسى كنا بنمزمز بالكيتي كولا مش الكوكا كولا اعلانه كان بي كديس لابس ابيض واسود يافارة بامعز ولا المعز مش عارف بعدين انت بره البلد ولاشنو ؟ ما عارف البنات الليلة ميلهم وين يميلون للعجايز الزينا الفوق اربعين مش للميل اربعين تقول لي حكم انا مابعرف كلام المثقفين لكن كان راجل تعال لي بي هناك ما عارف بي هناك وين لكن تعال لي وتعال لي وتعال قال حكم قال ركك علي انزل الخرطوم واحرق قلبكم انت وطلحة ادبكم العافية واديني عافية
Post: #18 Title: Re: يا عافية انا قليبي رهيف ارحميهو يديك العافية ربي! Author: Moawia Mohammed Date: 11-02-2007, 11:16 AM Parent: #1
يا ناس هو البكاء دا الا يشيلوا فيهو فاتحه ويدقوا ليهو صيوان
ما تدوها صنه خلوا صوت البلوم يصلنا
الله يديكم الصحة و يدينا العافية
Post: #20 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 11:30 AM Parent: #18
طلحة الصورة دي من مسرحية
ماكبث وليم شكسبير اخراج المخرج العراقي دزصلاح القصب رائد مسرح الصورة وكان تم تقديمها في نافورة فندق الريتز كارلتون بالدوحة ومعي في الصورة ليدي ماكبث وادته الفنانة العمانية فخرية خمبس يلا فرتق خلينا نسمع عافية كمان ظهر لينا المعز
حلا للمعضلة دي و للشبكة العجيبة دي نحن نقوم نشكل لجنة تمشي تقابل عافية و تكلمها بي عكلتة محمد السني دي لكن بي شرط أنه ناس اللجنة يشيلوا معاهم كمية من "الكلونيا" تقوم كمان تدوخ ولا كده!
Post: #23 Title: Re: يا عافية انا قليبي رهيف ارحميهو يديك العافية ربي! Author: محمد سنى دفع الله Date: 11-02-2007, 12:15 PM Parent: #21
لجنة يالمعز لجنة يا انت حصيف جدا يا انت حاقد جدا لجنة ( موسيقى ) الكلونيا برسلة انا ومعاها الريحة كاملة ايه رايكم !!
كان كده يا طلحة غير عنوان البوست لي "قلبي على عافية" الراجل وصل مرحلة الريحة ريحة ? ريحة ? ريحة التشمها قدحة يا ود السني البت تغني (حنين زي عش العصفور) و في النهاية تطلع ليها بي حصان كارو ?!
ابوبكر وضيوفه الحلوين والحلوين هنا ما عافيه ونانسي السني وميلاد و(جيلهم) سويتوها ظاهره - وحيرتونا يعني بالعربي كدا زي ما قال الوالد الله يرحمه -طلعتونا-(مهندسين) يوم بتودوا ليكم زول الآخره بالبكا ده ... بكيتونا احنا زاتنا !!! هسه في طريقه الزول يقيف في الصف ده ولا يجوا يقولوا ليك يا ود بطل التشبر والوقوف مع الناس الكبار!! لكن يا السني لقيتك بكاي كيف شعر ببكيك .. غنا ببكيك، بكا ذاتو ببكيك عموما التقسيمات وتوزيع النتائج دي مشترك وما مشترك دي خلونا منها .. كدا ووب وكدا ووبيين اها في اكتر من كده واها النقول ليكم المفيد
اونكل ميلاد (ياحنين) انت جيت راجع تاني ، انا اتخيلته انو من ما جابو سيرة الكوامر انته ومحمد السني فكيتوا البيرق واتنازلتوا عن اوهامكم . قميص شنو ياونكل اسه عليك الله زي ضحكتك الفي الصوره دي جيلنا ده لو عصروا بجيب زيها .. انتو الخبره ـ لكن بالمناسبه الصمغ ذاتو بقى مافي الشجر - كيماوي ساييييييييييي ! بعدين انتو البكسر مقاديفكم منو ما شفته صاحبك محمد السني .. تخش محل الشعر تلقى شاعر - تخش محل الورد تلقى بستان - تجي الغنى تلقى شايل طمبور يعني مساله اخير منها الواحد يبطل يعاين ذاتو .
Quote: هس كان متابع البورد ده فى أربعة من جيلكم مكسرين فى واحده ده ما كلامى عاد ده كلام !!!
ما عرفتو ياتو ده ؟؟؟ انحنا ياعم رافت جيل بيامن بالمنافسه الشريفه والتقسيم العادل ... يعني تقيف في الصف وتمد قرعتك انشاء الله تطلع السادس مشترك ذاتو !!! بعدين فراعة شنو ؟ ومدني منو نحنا شباب بتاعين الاهليه لما الامريكي يقفل بنخلط النجيله تقول لي شنو ما تنقطع انا حاسي انو قربته لي قفا نبكي ، عقبال ما تجي راجع تاني وفي ايدك الشربات .. ابقى بخير ...وعافيييهههههه! وما يصيبك عجااااااااااااج !
Post: #41 Title: Re: يا عافية انا قليبي رهيف ارحميهو يديك العافية ربي! Author: Abubaker Ahmed Date: 11-04-2007, 01:37 AM Parent: #1
عافية اتمنى ان تقع عين من عيناك علي هذا المعترك !
Post: #42 Title: Re: يا عافية انا قليبي رهيف ارحميهو يديك العافية ربي! Author: Abd Alla Elhabib Date: 11-04-2007, 02:46 AM Parent: #41
Quote: عافية اتمنى ان تقع عين من عيناك علي هذا المعترك !
يا ريت تشوف الدموع دى..وتتلطف تمسحا..ولو عبر الأثير !!
Post: #43 Title: Re: يا عافية انا قليبي رهيف ارحميهو يديك العافية ربي! Author: ahmed khidir Date: 11-04-2007, 03:02 AM Parent: #42
الزوله دي ما بتعرف تغني , بعدين صوتها ما ثابت , يعني كل أغنية بتأديها بصوت مختلف , بعدين بصراحه كده يمكن يكون عندها موهبة بتاعة ثمثيل , بتبالغ شديد في تعابير الوش وتتصنع ( Overact ) لحدي ما تفقد المقطع المعني المراد توصيله , يعني ( بتكتر المحلبية حبتين وكده ) . غايتو الغربة والبعد ليهو أثر علي الحكم علي أي شابة تظهر وتغني.
دا شنو البتعمل فيه إنت وطلحة والسني ورأفت ياخ؟ مش عيب عليكم تتكلموا على (عافيتي) بالطريقة دي؟
قلت لي دي عايزة ليها راجل من غير قلب يا ابوبكر؟
عندي صاحبي في المجر مكسر كسير شديد في عافية .. بجهز لعرسو في السودان وهو ما عندو طريقة يحضرو قال للمرأة ما في زول ح يغني في عرسي غير عافية! أها المرأة شكلها ما بتحب عافية ولا غيرانة ما عارف .. قالت ليهو مافي طريقة نجيب عافية!! طوالي عمنا نطط وقال ليها مادام قلتي كدا مافي طريقة أنا زاتي أعرس .. أصلي حالف يمين أنو عافية تحضر عرسي ... ومادام ما ح تحضرو كعروس يبقى لازم تحضرو وتغني ولا بحرد ليكم عرسكم دا
Quote: و الله يا محمد السني حكايتك حكاية! يفتحوا بوست حول ثورة أكتوبر.. تجي تقول شفت العساكر طالعين في الشجرة يفتحو بوست حول إتفاقية الحكم الثنائي, تجي تقول اليوم داك أنا كنت لابس سكروتة يفتحو بوست حول لقاء فريقي المسالمة و ستاك, تجي تقول اليوم داك ملح التسالي ورم لي خشمي يفتحو بوست حول ذكرى افتتاح مؤتمر الخريجين تجي تقول اليوم داك شربنا كترة ليمونادة
و بعد ده جايب معاك رأفت ميلاد و جايين تتسلبطو في منو.. في عافية و لا حتى أم بلينة السنوسي إن شاء الله !
حكم!
سمعت بالدروس المجانية في الحب ؟
اهو عافية دي كده ، تخليك تفهم في حاجة انت ما عندك المام بيها !
عشان كده عمك محمد السني ناطي هنا من ضمن الحاجات التانية النطة فيها!
يازول الموضوع ده انا حسمتو ، بس بعد ده خلوكم ناس واعين و قولو مبروك و ما تنفضحو ساكت،
Post: #58 Title: Re: يا عافية انا قليبي رهيف ارحميهو يديك العافية ربي! Author: Abubaker Ahmed Date: 11-10-2007, 08:46 AM Parent: #1
Quote: الزوله دي ما بتعرف تغني , بعدين صوتها ما ثابت , يعني كل أغنية بتأديها بصوت مختلف , بعدين بصراحه كده يمكن يكون عندها موهبة بتاعة ثمثيل , بتبالغ شديد في تعابير الوش وتتصنع ( Overact ) لحدي ما تفقد المقطع المعني المراد توصيله , يعني ( بتكتر المحلبية حبتين وكده ) . غايتو الغربة والبعد ليهو أثر علي الحكم علي أي شابة تظهر وتغني.
يا ابوبكر انت الفراش دا رفعناهو تاني جبت سيرة البحر مالك?? حسين طراقتو دي سببا كتفو الشمال البهوزز فيهو دا يعني بتاع الساوند ولا سواق الحالة بتاعة الفنانين لو هجروهو زمنو بظبط lool عمك كوستاوي فرش بي هناك نسقوا مع بعض بدون زي غيرتك من حسين ...
.. غنا ببكيك
