|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
و الله يا محمد السني حكايتك حكاية!
يفتحوا بوست حول ثورة أكتوبر.. تجي تقول شفت العساكر طالعين في الشجرة
يفتحو بوست حول إتفاقية الحكم الثنائي, تجي تقول اليوم داك أنا كنت لابس
سكروتة
يفتحو بوست حول لقاء فريقي المسالمة و ستاك, تجي تقول اليوم داك ملح التسالي ورم لي خشمي
يفتحو بوست حول ذكرى افتتاح مؤتمر الخريجين تجي تقول اليوم داك شربنا كترة ليمونادة
و بعد ده جايب معاك رأفت ميلاد و جايين تتسلبطو في منو.. في عافية
و لا حتى أم بلينة السنوسي إن شاء الله !
حكم!
| |
 
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: طلحة عبدالله)
|
انا لمن كنت صغير ما لعبت بالتراب
حبيت في البلاط وقريت في الراهبات
كنت ود راحات وطفل واعي وتفتيحة
وماسك مفاتيحها..
ياخوي لمن شفت العساكر وغنينا باكر مع العساكر
كنت طفل مش تفل
ولمن شربنا الليموناده مع الخريجين اتفألوا بي
وماتنسى كنا بنمزمز بالكيتي كولا مش الكوكا كولا
اعلانه كان بي كديس لابس ابيض واسود
يافارة بامعز ولا المعز مش عارف
بعدين انت بره البلد ولاشنو ؟
ما عارف البنات الليلة
ميلهم وين
يميلون للعجايز الزينا
الفوق اربعين
مش للميل اربعين
تقول لي حكم
انا مابعرف كلام المثقفين
لكن كان راجل تعال لي بي هناك
ما عارف بي هناك وين
لكن تعال لي وتعال لي وتعال
قال حكم قال
ركك علي انزل الخرطوم
واحرق قلبكم انت وطلحة
ادبكم العافية
واديني عافية
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
صاحب البوست أبوبكر
عيني باردة عليك يا عافية حسن
والله ينجيك من الصقور اللآبسه ريش حمام
ود السني الفراش رفعوه خلاص شوفلك فراش تاني!!!
وود ميلاد كلامي لود السني ده برضه ليك وأخير ليك ترجعلينا هناك في البوست القلت عليه عنصري.
لكن المحيرني الزول الخاتي صورة أسماعيل عبدالمعين الغمد مع الفلاش حق زمان، أنت بس محل الفراش ده تقيل فيه وتبيت كمان،...
أنا غايتو لا بكاي ولا شي حتى الشاي زاتو خليته في شان ما ابكي من الخرمه...
لكن كدي اللمرق أصله العبرة خنقتني
بتمها بره وبرجع ليكم
الشايقي
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abd Alla Elhabib)
|
ابوبكر وضيوفه الحلوين
والحلوين هنا ما عافيه ونانسي
السني وميلاد و(جيلهم)
سويتوها ظاهره - وحيرتونا
يعني بالعربي كدا زي ما قال الوالد الله يرحمه -طلعتونا-(مهندسين)
يوم بتودوا ليكم زول الآخره بالبكا ده ...
بكيتونا احنا زاتنا !!!
هسه في طريقه الزول يقيف في الصف ده ولا يجوا يقولوا ليك يا ود بطل التشبر والوقوف مع الناس الكبار!!
لكن يا السني لقيتك بكاي كيف
شعر ببكيك  .. غنا ببكيك، بكا ذاتو ببكيك
عموما التقسيمات وتوزيع النتائج دي مشترك وما مشترك دي خلونا منها .. كدا ووب وكدا ووبيين اها في اكتر من كده
واها النقول ليكم المفيد
| Quote: يا عافية ويا نانسي انا قليبي رهيف ارحموهو يديكم العافية ربي! |
أموت غنايااخي ..!!!!!
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Aymen Tabir)
|
أيمن طاهر
والله إنتو العملتوها ظاهرة
عامل قميصك الأحمر الكروهات ده داير تخرتا بيهو
ياخوى الحكاية حنك والشدر الكبار معروووف
خلينا ياخى فى قفا نبكى و ما تكسروامقاديفنا
جنس حسادة
هس كان متابع البورد ده فى أربعة من جيلكم مكسرين فى واحده
ده ما كلامى 
عاد ده كلام !!!
نحن ناس نوقف الحركة والجكس يتجارا
ما سمعت بالفراعة المن مدنى
الله يديك العافية
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: رأفت ميلاد)
|
اونكل ميلاد
(ياحنين)
انت جيت راجع تاني ، انا اتخيلته انو من ما جابو سيرة الكوامر انته ومحمد السني فكيتوا البيرق واتنازلتوا عن اوهامكم .
قميص شنو ياونكل اسه عليك الله زي ضحكتك الفي الصوره دي جيلنا ده لو عصروا بجيب زيها .. انتو الخبره ـ لكن بالمناسبه الصمغ ذاتو بقى مافي الشجر - كيماوي ساييييييييييي !
بعدين انتو البكسر مقاديفكم منو ما شفته صاحبك محمد السني ..
تخش محل الشعر تلقى شاعر - تخش محل الورد تلقى بستان - تجي الغنى تلقى شايل طمبور يعني مساله اخير منها الواحد يبطل يعاين ذاتو .
Quote: هس كان متابع البورد ده فى أربعة من جيلكم مكسرين فى واحده
ده ما كلامى
عاد ده كلام !!! |
ما عرفتو ياتو ده ؟؟؟
انحنا ياعم رافت جيل بيامن بالمنافسه الشريفه والتقسيم العادل ... يعني تقيف في الصف وتمد قرعتك انشاء الله تطلع السادس مشترك ذاتو !!!
بعدين فراعة شنو ؟ ومدني منو
نحنا شباب بتاعين الاهليه لما الامريكي يقفل بنخلط النجيله تقول لي شنو
ما تنقطع انا حاسي انو قربته لي قفا نبكي ، عقبال ما تجي راجع تاني وفي ايدك الشربات ..
ابقى بخير ...وعافيييهههههه!
وما يصيبك عجااااااااااااج !
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: ahmed khidir)
|
الزوله دي ما بتعرف تغني , بعدين صوتها ما ثابت , يعني كل أغنية بتأديها بصوت مختلف ,
بعدين بصراحه كده يمكن يكون عندها موهبة بتاعة ثمثيل , بتبالغ شديد في تعابير الوش وتتصنع ( Overact ) لحدي ما تفقد المقطع المعني المراد توصيله ,
يعني ( بتكتر المحلبية حبتين وكده ) .
غايتو الغربة والبعد ليهو أثر علي الحكم علي أي شابة تظهر وتغني.
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
أزيك يا أبوبكر
دا شنو البتعمل فيه إنت وطلحة والسني ورأفت ياخ؟
مش عيب عليكم تتكلموا على (عافيتي) بالطريقة دي؟
قلت لي دي عايزة ليها راجل من غير قلب يا ابوبكر؟
عندي صاحبي في المجر مكسر كسير شديد في عافية .. بجهز لعرسو في السودان وهو ما عندو طريقة يحضرو قال للمرأة ما في زول ح يغني في عرسي غير عافية! أها المرأة شكلها ما بتحب عافية ولا غيرانة ما عارف .. قالت ليهو مافي طريقة نجيب عافية!! طوالي عمنا نطط وقال ليها مادام قلتي كدا مافي طريقة أنا زاتي أعرس .. أصلي حالف يمين أنو عافية تحضر عرسي ... ومادام ما ح تحضرو كعروس يبقى لازم تحضرو وتغني ولا بحرد ليكم عرسكم دا
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
معز ازيك
Quote: و الله يا محمد السني حكايتك حكاية!
يفتحوا بوست حول ثورة أكتوبر.. تجي تقول شفت العساكر طالعين في الشجرة
يفتحو بوست حول إتفاقية الحكم الثنائي, تجي تقول اليوم داك أنا كنت لابس
سكروتة
يفتحو بوست حول لقاء فريقي المسالمة و ستاك, تجي تقول اليوم داك ملح التسالي ورم لي خشمي
يفتحو بوست حول ذكرى افتتاح مؤتمر الخريجين تجي تقول اليوم داك شربنا كترة ليمونادة
و بعد ده جايب معاك رأفت ميلاد و جايين تتسلبطو في منو.. في عافية
و لا حتى أم بلينة السنوسي إن شاء الله !
حكم! |
سمعت بالدروس المجانية في الحب ؟
اهو عافية دي كده ، تخليك تفهم في حاجة انت ما عندك المام بيها !
عشان كده عمك محمد السني ناطي هنا من ضمن الحاجات التانية النطة فيها!
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
معاوية ازيك ؟
Quote: يا ناس هو البكاء دا الا يشيلوا فيهو فاتحه ويدقوا ليهو صيوان
ما تدوها صنه خلوا صوت البلوم يصلنا
الله يديكم الصحة و يدينا العافية |
ذكرتني شحاد طلب من واحد قروش ، الغني قال ليهو امشي الله يدينا و يديك !
الشحاد قال: انت ما داير تديني و حقت الله صابقني فيها ؟!
دحين يا اخوي اعدل حديثك ده و قول
الله يديكم العافية و يديكم الصحة كمان
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
Quote: الزوله دي ما بتعرف تغني , بعدين صوتها ما ثابت , يعني كل أغنية بتأديها بصوت مختلف ,
بعدين بصراحه كده يمكن يكون عندها موهبة بتاعة ثمثيل , بتبالغ شديد في تعابير الوش وتتصنع ( Overact ) لحدي ما تفقد المقطع المعني المراد توصيله ,
يعني ( بتكتر المحلبية حبتين وكده ) .
غايتو الغربة والبعد ليهو أثر علي الحكم علي أي شابة تظهر وتغني.
|
محمد سلام
الاعوج راي والعديل راي برضو !
| |
|
|
|
|
|
|
|
|
|
Re: يا عافية انا قليبي رهيف ارحميهو يديك العافية ربي! (Re: Abubaker Ahmed)
|
نصار يا عزيز كيفك ؟
Quote: يا ابوبكر انت الفراش دا رفعناهو تاني جبت سيرة البحر مالك??
|
الفراش رفعناهو صاح ، لكن مش مرات اهل الميت بتجيهم بكيه كده من عيد لي عيد ؟ اهو دي وحدة من ديل بس من بتجيني كل يوم !
| Quote: عمك كوستاوي فرش بي هناك نسقوا مع بعض بدون زي غيرتك من حسين ... |
انسق معاهو كيف ؟ يا زول عمك كوستاوي ما دا عزاني لحدي هسي !
وعلي الطلاق كن شفتو بنضم في عافية دي الي يشوفو لو بلد !
| |
|
|
|
|
|
|
| |
محمد سنى دفع الله
Abd Alla Elhabib
رأفت ميلاد
طلحة عبدالله
هاشم أحمد خلف الله
Moawia Mohammed
bushra suleiman
Al-Shaygi
Elawad Eltayeb
Aymen Tabir
ahmed khidir
Mohamed Abdelmotalib Hassan
Amir Omer
نصار
غباشي
فيس بوك
تويتر
انستقرام
يوتيوب
بنتيريست