شكرا صلاح أدريس .. رئيس أمة الهلال يؤكد فضيحة ابو غريب !!

شكرا صلاح أدريس .. رئيس أمة الهلال يؤكد فضيحة ابو غريب !!


11-01-2007, 10:05 AM


  » http://sudaneseonline.com/cgi-bin/sdb/2bb.cgi?seq=msg&board=120&msg=1193907949&rn=0


Post: #1
Title: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 10:05 AM

هذا ما جاء فى خطاب (صلاح أدريس الذى وجهه فى لقاء جماهيرى حاشد بنادى الهلال.
-
Quote: نحن مع المطالبة بتحكيم خارجي للقاء القمة القادم (علي ان يكون اجنبيا وليس افريقيا) (اشارة للبتسواني)

Post: #2
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 10:25 AM
Parent: #1

هذا ما كتبته قبل عدة أيام على هذا المنبر مطالبا بتحكيم (اجنبى) :-
حسم بطولة الدورى الممتاز للسنة الخامسة على التوالى مسوؤ...ال وادارته - كيف ؟؟؟
Quote: لهذا اقول أن بطولة هذا العام سوف يحسمها (الجمهور) فنحن على ثقة تامه بلاعبينا وانهم الأفضل ويمكن أن يحلقوا لأى 11 دلقان مريخى.
وبطولة هذا العام تحسمها ادارة نادى الهلال، بمطالبتها القوية من الآن بتحكيم اوربى يديرون لقاء (القمه) .. أو بحكام من بلد غنى لا يمكن أن يرتشون أو تشترى ذممهم .. صراحة انا لا أثق فى حكام يتم تعيينهم بواسطة (سيحه) المريخابى (ضابط الأمن السابق) ولجنته، والذين لا يعرفون سيحه من صغار الهلالاب نقول لهم أنه كان من افشل حراس المرمى فى السودان على ايام (سبت) و(عبدالعزيز عبدالله) و(النور) وكان يكره الهلال كثيرا حينما كان يلعب للنيل لأن الهلال ظل دائما يملأ شباكه بالأهداف التى تجعله مضحكه ومسخرة!!على ادارة نادى الهلال أن تتحمل مسوؤلياتها أن منصرفات الحكام الذين يستقدمون مهما كانت باهظه والتى لا اظنها تتعدى مبلغ 10 الف دولار تهون من اجل الهلال ومن أجل أن تلعب مباراة نظيفه تزيهة لا يتأثر فيها الحكم بصيحات الجمهور واعتراضاتهم، أو يتاثر فيها الحكم يميوله السابقه.
ولقد راينا كيف أن الجمهور المريخى لم يكن منصفا حينما اجمع كله على صحة ضربة الجزاء التى احتسبت لصالح (العجب) يوم لقاء الأسماعيلى، ولم يؤكد عدم صحتها سوى الصحفى النزيه (عبده قابل)، وكيف ان ذلك الجمهور ومعه مساعد مدرب المريخ مازدا احتجوا على ضربتى جزاء صحيحتين 100% احتسبتا يوم لقاء (الدلاقين) بالدلافين!لهذا وفى زمن (الكاش الذى يقلل النقاش) اللاعب رقم 12 فى صفوف (المريخ) اطالب ادارة نادى الهلال أن تتحمل مسوؤلياتها كاملة بأن تطالب بتحكيم اوربى، حتى يستفيد من طريقة ادائه تحكيمنا (التعبان) وحتى تخرج المباراة لبر الأمان، خاصة وما اتوقعه أن يخرج المريخ خالى الوفاض من المنافستين العربيه والأفريقيه، فقد وصل (القتله) و(الشفاته) وانتهى دور (الحمام الميت) قطن ، شلف، كوارا، وعوارا !!


وهذه صورة (الحكم) البتسوانى بطل فضيحة (ابوغريب) الأسماعيليه:-


Post: #3
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 11:12 AM
Parent: #1

الصحفى المريخابى النزيه (عبده قابل) كتب بعد لقاء (المريخ والأسماعيلى):-
(
Quote: نقولها بكل أمانة وصدق ان ضربة الجزاء الاولي التي احتسبت للمريخ اثر سقوط فيصل العجب داخل منطقة الجزاء انها كانت ضربة جزاء غير صحيحة اذ اتقن فيها العجب التمثيل الذي لو دقق الحكم كثيرا لمنح العجب انذاراً بالبطاقة الصفراء ·
فيصل العجب باختراقه لدفاع الاسماعيلي واندفاعه نحو المرمى بمتابعة من مدافعين من الاسماعيلي سقط ارضا دون ان تكون هناك مخالفة متعمدة تستدعي احتساب ضربة جزاء . )

لهذا نؤيد ما قاله رئيس نادى الهلال بل نصر عليه !!!!!!

Post: #4
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: abas
Date: 11-01-2007, 11:13 AM
Parent: #1

يا تاجو ازيك

والله الجماعه ديل بطلو ده كلوا اسي بقو يفتحو بوستات شتيمة لي صلاح ادريس

البسوه غلبهم

ودي الضربة الرابعه ليهم

موت الصحفي في مباراه سمبا

رشوة الحكم ده

قضية الرشوه لي فريق شمبات

والرابعه انت عارفة لو قلناها الناس بتموت الجاب اسي سيرة البصمة منو

اعرفها انت براك

Post: #5
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 11:55 AM
Parent: #1

يا عباس
سلامات
نحن فى الهلال لا نعرف عبادة الأصنام أو الأفراد ولو كان صلاح أدريس غير صالح لطالبنا بذهابه اليوم قبل بكره، صالح ادريس رجل عاشق للهلال يعرف عن كرة القدم اقضل من الكثيرين فى الهلال.
لكنى أسال متى كان الحكم على جدوى ادارى ببنائه لاستاد أو منشآءات ؟؟
وما هو السبب الذى يجعلنى نطالب صلاح ادريس ببناء استاد ؟؟
هل ماله اتى من مال الشعب السودانى ؟؟؟
هل جميع الأداريين الذين مروا على الهلال بنوا استادات أو نوادى ؟؟
نحن فى الهلال يهمنا بناء (الأنسان) لا (الحيطان) !!
ما حققه الهلال من سمعة طيبة لكرة القدم السودانيه أمر يرفع راس كل سودانى ويفتخر به
شرفاء (المريخ) قبل أن تفتخر به (أمة الهلال) !!
لدينا فى الهلال عدد من اللاعبين أى واحد منهم يساوى أكثر من قيمة استاد المريخ !!
والمريخ حينما حقق اعظم انجازاته فى الدور ى المحلى للخرطوم، لم يكن لديه استاد بل كان يتمرن فى ملاعب مدارس المعرفه، وكان استاده يسمى (حفرة النحاس) ويستخدمه العابرون من أم درمان الى أم بده (كمرحاض)، يتخلصون فيه من فضلاتهم !!
الآن المريخ لديه (استاد شاخور) كما اطلقنا عليه غصبا عنهم، لكنهم لم يحققوا فيه بطولة محليه (قوية) منذ 5 سنوات، بل اصبحوا ينهزمون فيه كما حدث يوم لقاء (اسيك) أو ينتصرون فيه (بالكاش) كما حدث يوم (فضيحة) ابو غريب !!

Post: #6
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: طلحة عبدالله
Date: 11-01-2007, 11:57 AM
Parent: #1

الأخ تاج السر
تفضل بقبول هذه الهدية المتواضعة ..

يا ارباب كفاية حرام بهدلت كرامة الهلال ياخ

Post: #7
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: وليد محمد المبارك
Date: 11-01-2007, 12:01 PM
Parent: #6

عمنا التاج

يا ريت والله

نحن زاتنا بعد مبارات الامل عطبره
بقينا بنخاف منكم

طاردين ليكم اتنين يا مفترين


Post: #8
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 12:05 PM
Parent: #1

يا طلحه
هديتك مقبوله .. ما اعرفه جيدا أن صلاح ادريس يحب الهلال أكثر منى، الذى أحب الهلال أكثر من ابنى الواحد !!
لهذا نتمسك بصلاح أدريس .. حتى لو لم يرض (المؤتمر الوطنى) !!

Post: #10
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: طلحة عبدالله
Date: 11-01-2007, 12:13 PM
Parent: #8

Quote:
لهذا نتمسك بصلاح أدريس .. حتى لو لم يرض (المؤتمر الوطنى) !!


دي مكنتك يا تاج السر
أفوو يا راجل ..

Post: #9
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: تاج السر حسن
Date: 11-01-2007, 12:12 PM
Parent: #1

ولدنا وليد
كتبت:-
Quote: نحن زاتنا بعد مبارات الامل عطبره
بقينا بنخاف منكم

يا وليد للأسف اول شئ كتبتو بعد مباراتكم فى عطبره كانت شجب وادانه لسلوك مشجعى فريق الأمل، رغم انه انتصاركم كان مشكوك فيهو .. المهم انت كنت منتظر الأمل ينتصر على هلال رجع (يتلتل) من احتكاك قوى ولعب ضد الزمالك، والأهلى، والترجى، واسيك، والنجم الساحلى؟
يا وليد
محمد الياس رئيس نادى المريخ السابق، قال لمريخاب خلال جلسه، لن يهزم الهلال من اى فريق وكذلك المريخ، ونتيجة الدورى سوف تحسم بين الفريقين !! والهلال ده ما بتقدروة عليهو الا تشوف طريقه (للفلاته) يقصد قودوين وكلاتشى!!
ده كلام زول عندو خبره كويسه ومعرفة بكرة القدم .. ما (قروش) ساكت زى (عوير امو) !!

Post: #12
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: طلحة عبدالله
Date: 11-01-2007, 12:35 PM
Parent: #9

Quote:
محمد الياس رئيس نادى المريخ السابق، قال لمريخاب خلال جلسه، لن يهزم الهلال من اى فريق وكذلك المريخ، ونتيجة الدورى سوف تحسم بين الفريقين


غايتو يا تاج السر لامن تغليك الحيلة تقعد تقول كلام الطير فى الباقير
أسي في زمتك الجديد شنو فى كلام ود الياس دا
من زمن دوري الدرجة الاولي المريخ والهلال محتكرين الألقاب والزول دا ما أكتشف حاجة ياخوي .

Post: #11
Title: Re: شكرا صلاح أدريس .. رئيس أمة الهلال يؤكد فضيحة ابو غريب !!
Author: osman abdala
Date: 11-01-2007, 12:27 PM
Parent: #1

المريخ قبل الهلال طالب بتحكيم اجنبي..
جيد..اها انشاء الله ايادي الوالي الطويلة ما تمتدها للحكم الاجنبي بعد الهزيمة.
أنا حاحتفظ بالبوست دة للتوثيق..