Post: #1 Title: في حالة زي دي .......... أعمل شنو ؟! Author: Mubarak Eltayeb Date: 10-31-2007, 12:16 PM
إذا لقيت نفسك قاعد ما عندك أي حاجة تعملا في فراغ حاصل دخلت نت مواقع كتيرة شفت الحاصل فيها شنو واطلعت على بوستات كتييرة في سودانيز أون لاين شاركت في بعضها واكتفيت بقراءة أخريات دخلت ماسنجر واتونست لمن فترت
وبعد دة كلو لقيت برضو ما في حاجة تعملا
خت نفسك في مكاني حتسوي شنو ؟
Post: #2 Title: Re: في حالة زي دي .......... أعمل شنو ؟! Author: عمار عبدالله عبدالرحمن Date: 10-31-2007, 12:20 PM Parent: #1
تعمل قاضي ,,,, وان ما كفت
Quote: واطلعت على بوستات كتييرة في سودانيز أون لاين شاركت في بعضها واكتفيت بقراءة أخريات
ترجع لسودانيز تشوف ليك موضوع من مواضيع القرف يجيك احباط وطمام يخليك تعرس
Post: #3 Title: Re: في حالة زي دي .......... أعمل شنو ؟! Author: Mubarak Eltayeb Date: 10-31-2007, 12:30 PM Parent: #2
Quote: يجيك احباط وطمام يخليك تعرس
طيب أنا عرس ومعرس تاني أسوي شنو يعني .. أدبل ؟ مالك داير تجيب لينا المشاكل
Post: #4 Title: Re: في حالة زي دي .......... أعمل شنو ؟! Author: Muna Khugali Date: 10-31-2007, 12:37 PM Parent: #3
طوالي تقوم تعاين لحيطه فاضيه قدامك وتنح.. وبعد تنيحه طويله تايهه..تلقي الحيطه ولا راسك ما عارفه طلعت منه اشكال والوان غريبه.. بس تغطس فيها لغايه راسك ما يتقل.. طوالي تنوم بعدها!
وصفه كويسه حقت التنيح دي موش؟
Post: #5 Title: Re: في حالة زي دي .......... أعمل شنو ؟! Author: Mubarak Eltayeb Date: 10-31-2007, 12:56 PM Parent: #4
يا مني يا بت خوجلي الحيط كلها بقت (مسلحة) زي (الحركات) يعني نومتي حتكون أبدية مالك علي؟
Post: #6 Title: Re: في حالة زي دي .......... أعمل شنو ؟! Author: أيمن الطيب Date: 10-31-2007, 12:58 PM Parent: #1
سلامات يا باشمهندس,
هنالك عدة خيارات منها على سبيل المثال لا الحصر,
تعمل ميت!!
تعمل مجنون!
تعمل نايم!!
تعمل جمعية!!
تعمل Parking)
أو تعمل شخيت زى ده -------------------------------------
أمثلة أرجو أن تجد فيها ما يناسبك ويملا الخواء الذى تعيشه
وإنعدام مايمكن عمله والإفادة منه,,
فقط إذا ذهبت للتسكع ما بين خور عمر أو النشيشيبة والإعدادية حتما ستجد مايفيد.
أخوك كان عندو عشرة دقايق وكباية شاى صاموتى وما كان عارف يعمل فيها شنو وجيتو
إنت وقال يساهم معاك شوية
تحياتى.
Post: #7 Title: Re: في حالة زي دي .......... أعمل شنو ؟! Author: haroon diyab Date: 10-31-2007, 03:56 PM Parent: #1
Post: #8 Title: Re: في حالة زي دي .......... أعمل شنو ؟! Author: Mubarak Eltayeb Date: 11-01-2007, 06:40 AM Parent: #7
الأخ أيمن الطيب كان عملت شخيت معناها حأقيف بعيد وأنا ما عاوز هروب عاوز المشاركة في قلب الأحداث (مع إنو ما في حدث) خور عمر ... يا حليلا الله يرحما .. نحن بنحاول بث الروح فيها من جديد (الله يجازي اللي كان السبب) النش والإعدادية ما يهم العرفناهم زمان تغيير شامل ليس في المبنى بل حتي في المعني أقولها صدقاً وأسألوا إي زول من الدفع القديمة مشى الجامعة في السنين الفاتت
إنشاء الله كباية الشاي عدلت مزاجك؟ تحياتي وشكراً على المرور
Post: #9 Title: Re: في حالة زي دي .......... أعمل شنو ؟! Author: Mubarak Eltayeb Date: 11-01-2007, 06:45 AM Parent: #8