من يتبنى فريق المورده ... البلطي ياسيد السمك .. حالتك تحنن ياملك ..

.
.
.
لايوجد دوري في الدنيا ينبني نجاحه على فريقين فقط
ومسلسلات من التحكيم الفاشل والتواطو المتواصل
ودفع العرابين الخرافية قبل نهاية المواسم

الحق يقال ان حال الكرة السودانية لن يتصلح حاله
الا بان يتم تبنى فرق ضعيفه وزيليه والدفع بها لمنافسة فرق المقدمه
قلنا زمان الخصخصه امر حتمي لنجاح مسيرة تطور الرياضات في بلادي
لكن الواقع الرياضي لايشجع في عملية الخصخصة لانها مرتبطة بمعادلة الربح والخساره

اذن لابد من جهات تتبنى الفرق الزيليه وتؤسس لها هياكلا اداريه مستقر بالاضافة الى توفير الدعم المالي
الذي يعين هذه الفرق من القفز الى المقدمه التنافسية بما يعمل على اعادة توازن العملية التنافسية وبما يعين
على توفير اكبر عدد ممكن من اللاعبين المؤهلين لرفد المنتخبات الوطنية في كافة الرياضات

عفواً لحظه :
تعرفوا انه كوره واحده ممكن تعمل على تفريق
كم من شحنات الغضب والكبت الذي يولده الواقع المعاش
ياخي ادعموا الكوره عشان نفش فيها غبينتنا ...


قبل نمش :
فريق المورده هو فريق ذو تاريخ واصاله لتجعلوا منه تجربه ان نجحت
نجحتم وان فشلت كفاكم اجر الاجتهاد (الكلام ده لي ناس الحكومه)

كلمه قاعده في طرف الحلق :
ممكن الرئيس القادم للمورده يكون اسامه عبدالله
رايكم شنو؟




عندي باقي كلام لكن لسه ما خِمر

بجيكم راجع

البصاص

تحياتي

Quote: قلنا زمان الخصخصه امر حتمي لنجاح مسيرة تطور الرياضات في بلادي

الخصخصة..؟؟

هي النوادي ملكية دولة ولا شنو..؟؟

.
.
.

Quote: الخصخصة..؟؟ هي النوادي ملكية دولة ولا شنو..؟؟

مادي المشكله ذاته

كدي بس تخيل لو كل نادي بقت ليهو اسهم
وبدخل سوق الاوراق المالية يعني ربح وخساره
اكان الدوري الممتاز بكون حالتو كده


لكن كدي شوف لينا معاك دباره

نحول بيها الاندية لاندية ذات اسهم تباع وتشترى


اكان ده حصل انا من هنا بتوقع ليك
انه ناس مزمل ابو القاسم وحسن محجوب
سامي وشيبا وكوستا وعيييك
حايشتروا الهلال وينزلوهوا الليق عدييييييييييل

والله دييل يعملوا ليك دمغة ( الليق) كمان

بس التالته غير التالته مابِرضو


جنس مغايس


البصاص