موقعة ذات الكروت بعطبره ومشروع قتل الامل

.
.
.
بطولة الحكم احمد يعقوب

وكان الحصاد هدفاً يتيماً

وعطبرة رفضت ان تظلم في اكتوبر

وتستمر مسلسلة التحكيم البائس
وهو يصر على اهداء فوز غير مستحق للهلال
مساء امس بعطبره

عطاء م لايملك لمن لايستحق

اسفي عليك ياعطبره

انت شفت المباراه ولا لا

لوشفتها وقلت اللاعب ما بستاهل الطرد تكون .......

ولو ما شفتها وبتتكلم ساي تكون برضوا .........

ونسيتو مباراه هلال بورتسودان بي ثمانية وغلبكم بعد ده

.
.

Quote: لوشفتها وقلت اللاعب ما بستاهل الطرد تكون .......

نعم يستحق اللاعب الاول الطرد
لكن هل هناك حجيه قويه في طرد كاتبن الفريق

اعتقد ان الحكم يعمل داخل الملعب بالقانون وروح القانون

حيث انه لايستقيم منطقاً ان يتم طرد لاعبين لفريق واحد في اقل من دقيقه

Quote: ولو ما شفتها وبتتكلم ساي تكون برضوا .........

اما الشوف التاني للمبارة فحقاً يحزنني ان يؤدي الهلال مثل تلك المبارة الهزيلة
المردود والتي خرجت امام فريق يلعب بثمانية لاعبين بهدف وحيد
لقد كان الهلال يشرفنا اقليمياً حتى الامس القريب
وان المستوى الذي قدمه الهلال بالامس يجعلنا نشفق كثيراً
على التطور المزعوم للكرة السودانية



سؤال خارج النص :
انتو وفد المقدمة مشى عطبرة يعمل شنو؟

معليش للخطا ف العدد تسعه لاعبين

كده كويس

أبو عبيده البصاص
أشهد الله أن عنوان مقالك هو من أجمل وأروع ما قرأت في هذا المنتدي فلك التقدير والتجلة والإحترام.
أما عن صلب الموضوع فقد شهدت المباراة أو قل جزء منها على قناة النيل الأزرق ومشيت أفتح الباب جيت لقيت زيدان بغني أها حرستو لمن زهج مشيت أشرب جيت لقيت محمد وردي بغني قلت أفتش في محطات تانيه لقيت في قناة الإي آر تي جزيرة الفيل والخرطوم تلاته ، أها قلت أحسن أمشي أجيب الفول قبل المسلسل وأتعشي وأتمشي وأقيف تيوه وفعلاً هذا ما حدث بالأمس.

من بداية المباراة لمن لاعبي الهلال بدؤوا بالسلام على لاعبي الأمل، ولاحظت الابتسامة الصفراء لهيثم مصطفى قلت " الله يستر"!

Quote: ولاحظت الابتسامة الصفراء لهيثم مصطفى قلت " الله يستر"!

تعرف ياراكوبه بالجد انا المحيرني انه وفد المقدمه مشى عطبره يعمل شنو ؟؟؟؟؟؟؟

يا الملا
تعرف انه اروع حاجه انك جيتنا زاير

البصاص

Quote: انت شفت المباراه ولا لا لوشفتها وقلت اللاعب ما بستاهل الطرد تكون ....... ولو ما شفتها وبتتكلم ساي تكون برضوا .........

البصاص ده إما : شاهد ما شافش حاجة

أو شاهد شاف كل حاجة ولكنو حاقد على سيد البلد ليس إلا

وفي الحالتين

له

ولكل الحاقدين نهدي هذا الرابط


http://i10.photobucket.com/albums/a116/mazuni11/shirts/S016-nw.gif

Quote: البصاص ده إما : شاهد ما شافش حاجة أو شاهد شاف كل حاجة ولكنو حاقد على سيد البلد ليس إلا

يابيلو انت عارف لو ده مستوى سيد البلد
والله بالجد البلد ماعندها سيد
اها بالجد كده خلي الميرخاب الحاقدين ديل
لو مدرب النجم التونسي شاف العك بتاع امبارح ده بقول شنو

ده هلال تاني

قوم فكنا

قال سيد بلد قال


.

انا مع الملا عمر في عنوان البوست فهو ينم عن خيال واسع بغض النظر عن الحقيقة التي لويتها بالداخل ..
لكن العنوان فيه خيال واسع ..
أما بخصوص الظلم فحالة الطرد أكتر من واضحة والملاسنة بين الحكم واللاعب الثاني لا يعلمها إلا الحكم نفسه وهو الوحيد الذي سمع ماذا قال له اللاعب ربما وصلت حد الإساءة ..
المباراة لم تشهد أي ظلم تحكيمي فلا تمت عكس الحالات ولا تم إحتساب ركلات جزاء ولا تم إحتساب هدف غير صحيح ..
يعني ما يطردوا لاعب ولا كيف يعني؟

.

Quote: المباراة لم تشهد أي ظلم تحكيمي فلا تمت عكس الحالات ولا تم إحتساب ركلات جزاء ولا تم إحتساب هدف غير صحيح ..

اخي عمر فاروق

اتمنى ان تفيدنا
في حالة العنف الغير مبرر من علاء الدين جبريل
ضد لاعب الامل داوؤد عندما قام بضربه ببوز الحزمه في عنقه
هو نحنا في كوره ولا دورة تاكوندوا

يا بصاص

سلام

هذه هى كرة القدم

لو اردناان نحسب كم حدثت مناسبات و احداث كهذه لن نخلص
وسوف يكون نصيب المريخ كبيرا كما سوف يكون نصيب الهلال

فريق الهلال فريق قوى وكبير ولا تستطيع ان تحكم عليه من مباراة واحدة

فى الدوريهات فى كل العالم يتغير مستوى الفريق من مباراة لمباراة وكرة القدم لها ظروف خاصة

الامل عطبرة يشكل عقبة للكبيرين لا لأن الأمل فريق جيد بل لأن جماهير عطبرة جماهير متعصبة ودائما ما تخرج عن السلوك الرياضى. أقرا ما كتب مزمل ابو القاسم عن آخر لقاء للمريخ بعطبرة. هناك ظروف اخرى تحكم مثل هذه المباريات.

الدورى الآن عمليالن تحسمه الا مباراة الهلال و المريخ و حتى لو فاز الامل امس اعلان بطل الدورى مؤجل لمباراة يوم 29 نوفمبر ولا اعتقد ان فريق الخرطوم سوف يفعل شيئا امام المريخ.

دورينا اليوم دورى هزيل جدا كل الفرق الاخرى ما عدا الهلال و المريخ تلعب الآن دور الكمبارس. مباريات الاقاليم التى كانت تشكل هاجسا للقمة اصبحت اسهل من شربة الموية ما عدا مباريات عطبرة وذلك لسبب آخر غير كرة القدم كما ذكرت من قبل.

الحقيقة ان كرة القدم فى السودان فى ورطة بسبب اتساع الفارق بصورة مطردة ما بين الخرطوم الاقاليم وهو بالاساس فارق مادى يعنى الاقاليم كل يوم تزداد فقرا و المال يتركز فى الخرطوم حيث السلطة والجاه. لذلك تجد اندية الخرطوم نفسهامنقسمة بين ناديين كبيرين حيث يتبختر الجاه و تنتشى السلطة واندية اخرى اصبحت قريبة جدا من مستوى الاقاليم لان رئاستها لن تجلب جاها او سلطة از منفعة.

.
.
.

Quote: دورينا اليوم دورى هزيل جدا كل الفرق الاخرى ما عدا الهلال و المريخ تلعب الآن دور الكمبارس

واصبت كبد الحقيقه اخي المجمر


سؤال خارج النص

هل الكره لدينا تحتاج لاعادة توزيع السلطة والثروه ولا شنو ؟؟؟!


مدخل للخروج
تخيل لو تبنت الاحزاب السياسية عدد
من الفرق الرياضيه غير الهلال والمريخ
ووفرت لها الدعم اللازم والاداره المستقره

مش ممكن الحرب تكون جوه الميدان بس






ملحوظه :
اقتضت الصياغه اجراء بعض التعديلات
طبت اخي المجمر

اخى ابوعبيدة البصاص
اسجل اعجابى بالاسلوب الذى تتناوله فى هذا البوست
ولا اتفق معك فى ما يخص مباراة الهلال والامل وطالما
اعترفت بصحة البطاقة الحمراء الاولى فلا عزاء لك فى
يخص الثانية لان الاحتجاج الذى اخذ شكل المشادة بين
الحكم واللاعب يحتمل ان يكون اللاعب قد خرج عن السلوك
الرياضى بسب الحكم او اهانته ولذلك فهو يستحق الطرد
وبقليل من الواقعية اخى البصاص سنجد ان الهلال لا يحتاج
لمساعدة الحكم بالطرد امام الامل طالما انه لم يحتسب
هدفا ظالما او ركلة جزاء للهلال فقد فشل المريخ قبل
ذلك فى الفوز على هلال بورسودان بتسعة لاعبين وخرج مهزوما
1- صفر
شكرا اخى

الاخ العزيز عامر تيتاوي

اولا شكراً على اشادة تاتي من شخص في قامتك

فهي فخر لنا

ثانياً بيني وبينك الجماعه ما يسمعونا

هلال امبارح ده لو الله ما ستر

مش اكان مرق سيييييك

كدا العنوان بكون اجدمل يا بصاص

موقعة ذات الكروت بعطبره ومشروع قتل ( امل ) الوصيف


على ما اعتقد سيكون هنالك قرار جمهورى
لتمثل الوصيف فى الابطال العام القادم

دا

اذ غلبتم الاخت صفا رايح جائلا
والاميرة رجاء هناك
وانغلبتو من الانترميلان 10/صفر
لان ال 20 كتيرة يابصاص
ساعتها سيصدر قرار جهورى بصدارة المريخ للدورى
وتمثيل السودان فى الابطال

كلامى دا مو مظبوط؟؟؟زززز صاح

29/10
يوم العجب العجيب

Quote: على ما اعتقد سيكون هنالك قرار جمهورى لتمثل الوصيف فى الابطال العام القادم

الغالي
abuguta
ياخي ما تزعل اظنك ماقريت قصة النقاط والازي منو التي قرر بموجبها
ان يمثل السودان فريقين في ابطال افريقيا النسخه القادمه وده ما موضوعنا


اما ما يخص مباراة الانتر فاظن حتى لو تم غلبنا باكثر من (30) هدف

سنقول قولة (طه ود صحويه للمك نمر)

البياكلو الاسد اخير من البتاكلو الضبعه اقصد الهوبه اقصد
ياربي انا بقيت بهضرب ولا شنو


امل الوصيف قال

مدخل للخروج :
الرجاء الذهاب لبوست شروط دخول
مباراة الانتر والمريخ (الزعيم )



زكريا .. زكريا ...

تم الباقي براك

هاهاهاهاهاهاها


البصاص