Post: #1 Title: يا رمال حلتنا .... زولا كان بيأنسك يا حليلو.... يا حليل Author: Dr. Faisal Mohamed Date: 10-28-2007, 09:14 PM Parent: #0
يا رمال حلتنا - خالد محجوب
يا رمال حلتنا زولا كان بيأنسك يا حليلو يا حليلو فات رحل من بلدو روح روح ولا روح روح وفاتو لى دار ما ها هيلو ما ها هيلو ****** يا حليلو الكان بيطلع ينزل ومرة يطلع ينزل ومرة يشرب من سبيلو من سبيلو ومرة يترنم يحاكى حسه يردم فوق نخيلو ****** الرمال تشكى وتعاتبو تبكى منو وتشتكيلو تقولو ليه خليتنى فتا والزمن فتش بديلو ****** الليلة يبكى دموعو سايلى نازلة ما بسرك حويلو يبكى مطرتش مودر متيبس فاقد دليلو فقد دليلو ****** فاقد للايدو يمسك يورى لضلو ومقيلو وفاقد للدموع و يمسح ليهو يثنى وقت يشيلو ****** ينظر القمر المنور ساح شعاعو مغطى نيلو ينتشي ويعزف ربابتو لحن ما موجود مثيلو ****** يا سلام لو كان رجعلك يا بلدنا الهم يزيلو يسمع القمرى المغرد وينسا حزنو مع هديلو ****** يا رمال حلتنا زول كان بانسك يا حليلو يا حليلو فات رحل من بلدو روح روح ولا روح روح وفاتو لى دار ما ها هيلو ما ها هيلوِ