Post: #1 Title: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 08:43 PM Parent: #0
تعادل مريخ السودان مع الرجاء البيضاوي المغربي بهدفين لكل في المباراة التي جمعت الفريقين مساء اليوم باستاد المريخ ضمن مباريات مرحلة الذهاب لدور ال16 لدوري أبطال العرب. بكر الضيوف بالهدف الأول عن طريق هشام العمراني في الدقيقة 10، وواصل الفريق الضيف مفاجأته وهو يتقدم بالهدف الثاني عن طريق خالد السباعي في الدقيقة 23. ليعود المريخ في نهايات الشوط الأول ليحرز هدف تقليل الفارق عن طريق اللاعب البرازيلي " باولينو" في الدقيقة 40 من زمن الشوط الأول. خلال هذا الشوط سيطر المريخ على معظم مجريات المباراة، إلا أن سوء التركيز عاب وسط الملعب خاصة المحترف البرازيلي باولينو والمقدمة متمثلة في هيثم طمبل، الذي يظهر أنه مازال يفتقد لحساسية المباريات بعد فترة التوقف الكبيرة. وحاول المريخ خلال هذا الشوط عبر كل الجبهات إلى الخروج بنتيجة أفضل من الخسارة ، إلا ان تكتيك الفريق المغربي وإلتزام لاعبيه بتقفيل مناطق اللعب والاعتماد على المرتدات وإضاعة الزمن كان أقوى من رغبة المريخ. ومع بداية الشوط الثاني واصل المريخ ضغطه على جبهة الرجاء بغية تحقيق هدف التعادل ونشطت هجمات المريخ من الطرفين والتي اصطدمت بجدار دفاعي صلب وخلفه حارس متكمن نجح في إبعاد أكثر من محاولة مريخية محققة. كما تفنن لاعبو الرجاء في الاستفادة من عامل التقدم لإضاعة الوقت خاصة حارس المرمى " فوهامي" الذي نال بطاقة صفراء وتحذير متكرر من حكم اللقاء. وأعتمد الضيوف على الهجمات المرتدة التي شكلت خطورة واضحة على مرمى المريخ، وكاد اللاعب محسن أن يصيب مرمى المريخ من كرة خطيرة سددها على الزاوية اليمنى البعيدة للحارس بهاء الدين الذي تألق في إبعادها. وحاول المريخ التوغل من منطقة العمق عبر اللاعب إيفوسا وباولينو إلا أن الدفاعات المغربية كانت بالمرصاد. ليقوم المدير الفني للمريخ " أتوفيستر" بإجراء عدة تعديلات قضت بخروج المهاجم هيثم طمبل ودخول علاء الدين بابكر، وخروج إيداهور ودخول عبد الحميد السعودي وخروج باولينو ودخول جيمي ناتالي. لتنشط الجبهة الأمامية للمريخ وينجح المريخ في اقتناص هدف التعادل في الزمن الإضافي للمباراة بعد طرد اللاعب عبد الواحد شخصي لنيله الإنذار الثاني بعد اعتداء واضح على اللاعب علاء الدين بابكر. ليحرز المتألق عبد الحميد السعودي الهدف التعادلي الغالي ليبقي على حظوظ المريخ للترقي إلى الدور القادم. مثل المريخ في هذه المباراة كل من " بهاء الدين في حراسة المرمى ، أبالو، سفاري، الزومة، مجاهد، العجب، قلق، باولينو (جيمي)، طمبل ( علاء الدين)، إيفوسا، إيداهور ( السعودي).
Post: #2 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-25-2007, 08:47 PM Parent: #1
Post: #3 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: شهاب الفاتح عثمان Date: 10-25-2007, 08:50 PM Parent: #1
* توهان دفاعي بدايه المباراه دفعنا ثمنها غاليا . * تجربه قاسيه نعم !. * سيفرح هذا الشامت ام ذاك نعم !. * لكن يبقى هذا زمان هذا الامتحان القوي ..!. * ويبقى ان هذه معركه واحده و لدينا في الافق معارك !. * مرحبا بالصعاب في اختبار معدن الرجال . * مبروك شباب المريخ النتيجه لم تعجبنا لكن روحكم و الامل عجبنا . *والذهب بالنار يختبر ويظل في كل احواله ذهبا .
Post: #4 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 08:52 PM Parent: #3
د. شهاب هذه المباراة جاءت في وقتها تمام، لأن الاحتكاك الداخلي والفوز بالسداسيات والسباعيات لا يجدي المريخ في شيء، وإنما دليل جديد على فشل كرتنا المحلية. هذه المباراة كشفت الكثير للجهاز الفني، وياريت يتواصل مقابلة فرق عربية وأفريقية قبل المحافل المهمة للزعيم وهذه محمدة نحسبها لمجلس الإدارة. وفعلا شكراً يا الرجاء
Post: #18 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: waw Date: 10-25-2007, 09:21 PM Parent: #4
الاخ راكوبة وشهاب.
اعتقد ان المريخ افتقد مدربه العام محمد عبدالله مازدا.....
طول زمن المباريات السابقة للمريخ الافريقية والعربية وحتي المحليه كان المدرب
مازدا في حالة توجيه دائم خاصة للمدافعين......نعم الاخطاء الدفاعية ادخلت
المريخ في حسابات معقدة.......
امام المريخ مباراة لا تقبل الاخطاء في نهائي الكونفدرالية....
اتمني يسعف الزمن الجهاز الفني لعلاج الاخطاء والاستفادة منها...
رغم المرارة من التعادل .......نقول ان المبارة شهدت بذل مجهود كبير من اللاعبين
وهو احتكاك جيد سيفيد المريخ كثيرا................
Post: #6 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: yasir Abdelgadir Date: 10-25-2007, 08:58 PM Parent: #3
الاخ العزيز راكوبة
كل عام وانت الامل والجاتكم في رجاكمسامحتكم
احنا قبيل شين قلنا
اهو دا التحدي الحقيقي واهو دا مستواكم الحقيقي والتعادل هدية من السماء
اعلامكم كبير في الفاضي ولو كنتو بتواجهو نفسكم بالحقيقة ما كان اتفاجأتو اليوم
وجاك الموت ياتارك الصلاة
لن نشمت ولكنكم لم تقدموا السبت
Post: #9 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:02 PM Parent: #6
د. ياسر في ذات البطولة واجهتم فريقا لم نسمع به إلا في كرتون كابتن ماجد ، فزتم عليه بهدفين مقابل هدف ونقض لهم الحكم هدف صحيح ، ماعلينا. ذهبتم إلى دمشق وعدتم بالهوبا وليس هناك وجه مقارنة بين الرجاء ولا حتى بين الهلال أو حتى المجد أبوهوبة! أيهما أنكأ ومدعاة للسخرية؟! التعادل على أرضك أمام فريق مغربي من الطراز الأول ، أم الخروج من الدور الأول بدون مجد ... وبي هوبا كمان! امسك السبت والأحد ومعاهم الشرميطي .. كان بتمسك!
Post: #5 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ahmed khidir Date: 10-25-2007, 08:56 PM Parent: #1
راكوبة ســـــــــــــــــلامات والله ما رضيناها ليكم لكن دا مستواكم فضيحه والله ستر كانت ممكن تكون هزيمه والعقبى عندكم فى الصفاقسى اقصد فى المسرات وحبوب الضغط ابلع الربع الليله وباقى العلبه انشاء الله يوم3/11 وبعد داك بنقول ليكم انشاء الله اخر الاحزان والمريخ المحلى راجع عطبرة
احمــد خضــر
Post: #7 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 08:58 PM Parent: #5
احمد المباراة تعادل ، والمريخ لعب اليوم عربيا وغدا أفريقيا وبعد غد يواجه فريقا أوروبيا وبعدها نهائيات أمم غانا انتوا اقعدوا لي جنس زي ده، حسادة ولسان طويل بس! هاك اهلي مدني ده!
Post: #8 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-25-2007, 09:02 PM Parent: #1
راكوبة طولة اللسان خليها و (رجاء) خاص نزل لينا الأقوان لو سمحت
Post: #10 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: omarmahdi Date: 10-25-2007, 09:12 PM Parent: #8
يا الله درون
Post: #12 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:13 PM Parent: #10
واستجاب لنا الله ياود الماحي لأن الله لا يرضى بالظلم!
Post: #11 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ahmed khidir Date: 10-25-2007, 09:13 PM Parent: #8
راكوبه جيتك صادى زى قونكم الاول
Quote: احمد المباراة تعادل ، والمريخ لعب اليوم عربيا وغدا أفريقيا وبعد غد يواجه فريقا أوروبيا وبعدها نهائيات أمم غانا انتوا اقعدوا لي جنس زي ده، حسادة ولسان طويل بس!
اول مرة اعرف عندك قصر نظر التعادل بتاعكم فى الريد كاسيل ( مقبرة الفرق) انت قايل فى المغرب . الفرحان ليها شنو برضو بحترم روحك الرياضيه رغم المرارت ظهرته وماكبيت الزوغة زى ناس كتاااااااااااااااااااااار
Post: #16 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:19 PM Parent: #11
ياخوي المقبرة في الزريبة! ده استاد المريخ وفي رواية " القلعة الحمراء" كورة وفن وهندسة وغالب ومغلوب، لا سيف لا نبوت لا فليق لا مراتب وهاك بيضوضان ده انت مالك خايف كده، نحنا ما خايفين!
Post: #14 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: abuguta Date: 10-25-2007, 09:16 PM Parent: #8
ها ها ها ها
سلام من مقرن النيل عشا تحياتى للاميرة رجاء
اشترينا تلميع للكاس وحلمنا مات مع دار فاس
يا راكوبا قلنا ليكم قوة المريخ مستمدة من الهلال قلتو لا ..نحن اسياد بلد نغلب على كيقنا
مبروك التعادل ..ودا اول فريق يقابله المريخ ,,كشف لكم المستور
قالو عندنا احطياطى جاهز,,,والفريق كلو طلع مو جاهز
يارب درون,,,
انا رجع ل ناس الهلال,,غشيتونى ساكت فكرتكم عظماء,,لكن طلعتو نمور من ورق
خليك رياضى ونزل الاقوان
Post: #17 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:21 PM Parent: #14
قوتة
Quote: انا رجع ل ناس الهلال,,غشيتونى ساكت فكرتكم عظماء,,لكن طلعتو نمور من ورق
Post: #15 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:17 PM Parent: #8
تأخر المريخ في إحراز الهدف الثاني خاصة بعد استبدال طمبل بعلاء الدين الذي لعب على الطرف وعمد إيداهور أيضا إلى الخروج من المنطقة واستلام الكرة من الخارج والتوغل بها، مما أراح دفاع المنافس كثيراً. كان على الجهاز الفني مطالبة لاعبي الوسط بضرورة الحصول على مخالفات على مشارف منطقة الجزاء لوجود عدد كبير من اللاعبين الذين يجيدون التصويب من تلك المنطقة ( العجب - قلق - باولينو). السعودي مازال يبرهن بأنه ورقة رابحة في أي وقت يشارك فيه، وجيمي مازال يحتاج إلى فترة أطول ليشارك في المباريات وليس حصره في دقائق معدودة يكون فيها أسير الضغط الجماهيري الكبير الذي يريد نتيجة في زمن قليل من لاعب ناشئ.
Post: #13 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: abdelwahab hijazi Date: 10-25-2007, 09:16 PM Parent: #1
العماري الجيد خيب رجاءهم في ذات مراتب جديدة بوجه عام الاداء وسط وكان يمكن أن تكون النتيجة أفضل لولا غفلة الحارس في الهدف الثاني للرجاء. تصرف غير لائق من هيثم طمبل والمدرب محق في اخراجه حسب ظني. تصرف غير لائق أيضاً من عبد الحميد السعودي حيث اعتدى على لاعب بدون كرة وكان يمكن أن يتسبب في خروجه مطروداً. اذا استمر اللاعبون في الاستجابة للاستفزاز فهذه نهايتنا بالبطولة العربية. ويجب على المدرب تدريب اللاعبين على تحمل الاستفزاز أكثر. واصل ايداهور هبوط المستوى وشخصياً توقعته خارج التشكيلة منذ بداية المباراة ولكن المدرب ربما اعتمد على عامل الخبرة لديه مع الفرق الاجنبية. ونواصل. رجاء خاص ياراكوبة خلينا في تحليل ذكي للمباراة وما تذكر الجماعة بذات المراتب أكثر من كده. يعني الا زول عايز يعضوه في اضانو وكده.
Post: #19 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:24 PM Parent: #13
Post: #22 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: yasir Abdelgadir Date: 10-25-2007, 09:38 PM Parent: #19
برضو ياراكوبة الفيكم مابتخلوهو
Quote: التعادل على أرضك أمام فريق مغربي من الطراز الأول
لم يتعادل الهلال في ارضه مع فرق اقوي بكتير من الرجاء وجندلها جميعا
،
Quote: امسك السبت والأحد
حااااضر.....السبتو الاحد بتوع البطولة الكونفدرالية العام القادم ان شاء الله وبدءا من القطن ثم الشلف...
كل ب(.........)لة عربية وانتو بخير تعيشوا وتاخدوا غيرها بس بالله تاني اعملوا حساب لي يوم زي دا و ماتنغروا بالشلف والقطن
Post: #26 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:46 PM
د. ياسر زي ما (جندلتو) الرجاء ظااااطو بالحجار ولا شنو؟
Post: #20 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: omarmahdi Date: 10-25-2007, 09:29 PM Parent: #13
يا شباب انتو رجاء العباسي وينه
Post: #21 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ahmed khidir Date: 10-25-2007, 09:31 PM Parent: #13
راكوبة
Quote: كورة وفن وهندسة وغالب ومغلوب،
دى عرفتها الليله
Post: #28 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:48 PM Parent: #21
Quote: دى عرفتها الليله
احمد وفي رحاب الزعيم ياما حتتعلم
Post: #32 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:58 PM Parent: #13
عبد الوهاب تحياتي الرجاء قدم خدمة كبيرة للمريخ وبصراحة المريخ في منافسته المحلية لم يكن ليجد فريق يظهر له العيوب والهنات في الفريق، حتى الهلال الغريم اللدود المريخ قابله في نهائي الكأس الموسم الماضي وكانت الحصيلة جلدتين على الماشي! فما هو الحال وهو يخرج بالهوبا تارة وبالشرميطي تارة أخرى؟ نواجه الصفاقسي الذي يواجه النجم والأفريقي والترجي وغيرها من الفرق التونسية المحترفة بحق وحقيقة تسهم في إعدادهم بالشكل الأمثل لحصد الكأس الأفريقية. منافستنا المحلية منافسة مضللة للغاية ولو ركن عليها رجال المريخ لما وصل المريخ إلى هذه المرتبة وهو يلعب على كأس البطولة الأفريقية. استحواذ المريخ على الكرة في معظم فترات المباراة أمر إيجابي ، والضغط المتواصل على الخصم من الطرفين ومحاولات الاختراق كلها من إيجابيات المباراة نتمنى من الجهاز الفني أن يستثمرها بالشكل الأمثل للنهائي الأفريقي. بعودة طمبل وباولينو إلى مستواهم المعهود تعود نسبة كبيرة من قوة المريخ إلى فعاليتها ستسهم إن شاء الله في تحويل وجهة الكأس من تونس إلى السودان. تخريمة: ممكن ندلعك ( هوبا)؟
Post: #23 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: waleed dawash Date: 10-25-2007, 09:38 PM Parent: #1
ما طار طائر و ارتفع الا كما طار وقع
Post: #24 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: mohanad haimoura Date: 10-25-2007, 09:42 PM Parent: #23
معليش وهاردلك لكل الشباب والجايات اكتر من الرايحات ونشاء الله نقدم احسن هناك المهم القادم يا شباب الكاس قدامنا
كل الود مهند حيموره
Post: #45 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: علاء الدين حيموره Date: 10-26-2007, 00:01 AM Parent: #24
مهند / كيفكم انت ومحمد
يا رواكيييييييييييييييب
ما عارف راكوبة ما اصدر عدد بمناسبة انتصاركم ( التعادل بالنسبة ليكم انتصار )
يكون التعادل بسبب انو المريخ حاسي بانو لاعب في ارض الخصم .. ( ده عذر برضو يا راكوبة )
تعرف دي فصاحتكم يا حمام يا ميت ..
خلي مزمل يقول ليهم انسحبو لانو افضل من الفضائح المتوقعة .. وراكوبة ده هو الجايب ليكم الجلا ..
المحلي راجع وين قلتو ؟؟؟؟
Post: #59 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 05:16 AM Parent: #45
علاء الدين الهلال انهزم من ذات الفريق بالخمسة، وفي الرجعة رجمتوهم رجم الزناة! وقبل أيام خرجتوا صفر اليدين من ذات البطولة على يد مجد كابتن ماجد وبي هوبا وأكروبات. وبعدها تكفل التوانسة كالعادة في رد بضاعتنا بعد أن ختم عليه ( الشرميطي) وسرحكم قائلا " إذهبوا فأنتم المنفوضين)! كل تلك الأحداث إن لم تستحق عدد خاص وبوستر هل يستحقه تعادل المريخ مع الرجاء!
Post: #25 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 09:44 PM Parent: #23
وليد وقع ولا قلب (هوبا) !
Post: #27 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-25-2007, 09:47 PM Parent: #1
.. ده شنو يا راكوبة !!!! ها هاها هاهاها هاهاهاها هاهاهاهاها هاهاهاهاهاها هاهاهاهاهاهاها مباااااااااااااالغة والله يا أبو الرواكيب .. تخيل انو اليوم بدل ( شفع ) الرجاء ديل كان هناك ( أسيك ) أو ( الترجي التونسي ) او ( الأهلي القاهري ) أو ( النجم الساحلي )أو ( الهلال السوداني ) .. أو أو
الصفاقسي
لا حولالالالالالالالالا يوم 3 نوفمبر سيبدأ ماراثون انهيار ( الامبراطورية ) النسجتوها من خيالكم .. وغدا لناظره قريب ...
**** بعد ( تطير ) الكونفدرالية .. وهي طائرة طائرة .. وتطلعو من كأس العرب ..وانتو طالعين طالعين بعد نتيجة اليوم ويبهدلكم الزعيم يوم 29 نوفمبر .. ودي طبعا ( العادة السنوية) بتاعتكم ما حيكون عندكم اي حاجة تاني غير النغمة بتاعة السنة الفاتت : ( استادنا ) أجمل من ستادكم
من حسع يا راكوبة ريّح نفسك وأقبض في حكاية الاستاد دي لانو صراحة صراحة صراحة غير ملعبكم الجميل ...ما عندكم أي حاجة تانية...
قبل النوم اسمع أغنية أم كلثوم : يا رجائي أنا كم عذبني ( شفع ) الرجاء ...
Post: #29 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ahmed khidir Date: 10-25-2007, 09:54 PM Parent: #27
راكوبه الليله انا معاك لحدى ماترفع الفراش والله لو كنت قريب مننا كنت جبته ليك ملايه عشان تقشقش دموعك
Post: #34 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 10:01 PM Parent: #29
احمد
Quote: كنت جبته ليك ملايه
مادام الحديث مع رشاشة
عاوز مرتبة بس!
Post: #30 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: MOHAMED EL-BEELI Date: 10-25-2007, 09:54 PM Parent: #27
لاعب الرجـاء ( الرافعى ) احرز هدف .. ورفع ليهو كور كتيرة قدام القون .. ياخى الزول رفاع رفع ولباع لبع !!!
Post: #31 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-25-2007, 09:55 PM Parent: #27
حاتم إبراهيم يا عمك تعرف انا بحملك سبب النتيجة دي شابكنا الرجاء تعبان الرجاء مغلوب قرب ينزل الدرجة التانية و اظنو الجماعة يشيلوا و يترجموا في كلامك دا لأتوفستر لحدي ما استهون بيهم ف(رجاء) بالله تحليلاتك دي أعفينا منها ________________________________________________________ يا راكوبة والله ذات المراتب دي حفظنا صورها حقظ جيب لينا الأقوان خلاص جيب أقوان المريخ الأقوان الكعبة حقت الناس الكعبين خليها
Post: #36 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 10:03 PM Parent: #31
محمد البشري
Quote: يا راكوبة والله ذات المراتب دي حفظنا صورها حقظ
في ناس بنسو أو بتناسو، وكانوا بتمنوا ( خماسية) وذات مراتب وهوبا كمان لكن الله في !
Post: #33 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 10:01 PM Parent: #27
حاتم لسه ما جاوبتها على السؤال من البوست داك أنت بتحب وتشجع ( الرجاء) قبل الخمسة ولا بعد الفلقة؟
Post: #35 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: waleed dawash Date: 10-25-2007, 10:02 PM Parent: #1
Quote: وليد وقع ولا قلب (هوبا) !
Post: #37 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 10:05 PM Parent: #35
وليد جاري وإنبرش زي مرق في كورة ( الرجاء)؟
Post: #38 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-25-2007, 10:05 PM Parent: #1
..
Quote: تعرف انا بحملك سبب النتيجة دي شابكنا الرجاء تعبان الرجاء مغلوب قرب ينزل الدرجة التانية و اظنو الجماعة يشيلوا و يترجموا في كلامك دا لأتوفستر لحدي ما استهون بيهم
والله يا ود البشرى أنا لغاية حسع مندهش فعلا الرجاء ( تعبان ) شديد ومعظم الرجاويين الحضرت معاهم الماتش كانوا متوقعين نتيجة ( تقيلة ) لصالح المريخ نظرا لانو فريق وصل نهائي الكونفدرالية وند تقليدي لـ ( الهلال ) العرفوهو كويس وواضعين في الاعتبار نتائج الرجاء المتواضعة في الدوري المغربي ( ترتيبو الـ 13 ) بس حبابينا طلعوا أي كلام وظاهر عليهم لعبو قدام ( اسم ) الرجاء عشان كده اتكبكبوا ...
Post: #39 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-25-2007, 10:06 PM Parent: #38
Quote: وند تقليدي لـ ( الهلال ) العرفوهو كويس
ونعم العرفة ، أنت يازول ما قلت بقيت تتغابي فيهم العرفة بعد العملة إياها
Post: #40 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-25-2007, 10:11 PM Parent: #39
الأقوان يا راكوبة الأقوان
Post: #41 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-25-2007, 10:15 PM Parent: #1
.. يا راكوبة
مع اني تابعت المباراة ..بس ما لاحظت : طمبل ده عمل شنو ؟ وليه طلعوهو ؟ وبعد طلع ليه غادر الاستاد كلو ؟؟ ..
Post: #42 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-25-2007, 10:19 PM Parent: #1
.. طمبل وهو يغادر الاستاد أثناء المباراة ورونا ياخوانا الزول ده مالو ؟ ..
Post: #43 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: abdelwahab hijazi Date: 10-25-2007, 10:24 PM Parent: #1
هوبا دي لكن ما ماركة مسجلة. أخاف توقعني في مشاكل مع ناس الملكية الفكرية
Post: #44 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-25-2007, 11:55 PM Parent: #43
راكوبة مبروك الدرون سفيرنا عبد الوهاب حجازى القون التانى بتاع الرجاء ده اخير منو الهوبة ده قون زول كان راقد فى الحوش قام من نومو ولقى قونو قون انتيكة ود الزومة ده رحل من الباك اللفت
Post: #46 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 00:19 AM Parent: #44
ويــن أبو حروف كبيرة دا ؟؟ (عبد الماجد)2 عامل زايغ واللا شنــو؟ أوعه يكون عيان بس ..؟
Post: #47 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 00:27 AM Parent: #46
يا راكــوبة .. وين الفيديو ..؟ الأقوان مالك ما بتجيبه ..؟ يعني نجيبــه بي ضراعنــا واللا شنــو..؟ ياخي خلي اخلاقك رياضية ..؟ وامشي شوف صاحبك أبوحروف كبيرة وين مشى .. ما يكون ركب الظلط ..؟
Post: #48 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-26-2007, 00:32 AM Parent: #47
تمبس
Quote: يعني نجيبــه بي ضراعنــا واللا شنــو..؟
ده المطلوب لانو راكوبة ماسجل الكورة .. قلبو كا حاسى عشان زمن الحمام الميت انتهى لكين ياركوبة القون التانى بتاع الرجاء يستحق يكون اسمو حمام الوادى ياراحل دفاعكم مشى وين بعدين زول الرجاء ده كان راقد فى الارض مالو
Post: #49 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 00:40 AM Parent: #48
Quote: ده المطلوب لانو راكوبة ماسجل الكورة .. قلبو كان حاسى
يا تيتاوي زولك دا أنا بعد ليهو لحدي ( إتنين ) كان ما جاب الأقوان دي أنا بتصرف ليهو وأجيبه .. والله حسع تلقاها قاااااعده في كمبيوترو .. لكن جيبانه هنا حار خلاص ..
ســاهموا معنا في البحث على أبو حروف كبيرة (عبد الماجد)2
Post: #50 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-26-2007, 00:46 AM Parent: #49
تمبس
Quote: زولك دا أنا بعد ليهو لحدي ( إتنين ) كان ما جاب الأقوان دي أنا بتصرف ليهو وأجيبه ..
راكوبة بعد القون التانى جاهو انفصال فى الدوائر الرجاوية وجفاف فى حلق المرمى عشان كده ماتلومو اتصرف ياتمبس ( الاتنين ) راجينك
Post: #51 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 00:53 AM Parent: #50
Quote: راكوبة بعد القون التانى جاهو انفصال فى الدوائر الصهيونية وجفاف فى حلق المرمى عشان كده ماتلومو
يا تيتاوي .. حرام عليك يــاخ
Post: #52 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-26-2007, 00:56 AM Parent: #51
ياتمبس حرام عليك انتا انا لقيتا حارة على صحبى راكوبة عدلتها تقوم تجييبا لى بى ضبانتا خلاص التبقى تبقى بينى وبينك راكوبة بستاهل
Post: #56 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 05:07 AM Parent: #48
ابوالتيت هدف .. هدفان ما مشكلة المشكلة في الخمسة والإنبراشة! وفي الرجعة الفلقة والمرتبة وتابعونا وفالكم طيب
Post: #53 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-26-2007, 01:06 AM Parent: #1
.. ود البشرى هاك شوف الملخص ده لميت فيهو في يوتوب لغاية ما صاحبنا راكوبة يفيق من الصدمة وينزل لينا الأهداف بصورة أوضح
.
Post: #54 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمود ريحان Date: 10-26-2007, 01:22 AM Parent: #53
معليش ياراكوبه المباره لسه فيها شوط تاني
Post: #58 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 05:11 AM Parent: #54
ريحان الفنان ربنا رد كيد الرشاشات في نحرهم ومنعهم من الشماتة فينا، وهم المكتوين بنار خماسية مازلت تحرقهم حتى الآن
Post: #55 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 01:34 AM Parent: #53
ودي الأقوان بي ضراعنــا .. زيادة الخير ( قونيــن )
Post: #57 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 05:09 AM Parent: #55
تامبا ما قصرت عليك امان الله يوم كورة الرجاء إياها تعبت تعب السنين خمسة أهداف كاملة ومعاها إنبراشات خلت ( مركب محمد الخامس) (يترج)، زمن بيضوضان لكن ربنا عارف وسلط عليكم واحد (شرميطي) خلاكم (ميطي) وتكابسو في ناس اتحاد مدني
Post: #60 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 05:45 AM Parent: #57
Quote: قال المدير الفني الفرنسي الجنسية لفريق الرجاء المغربي جان لوفيسيه انه قرأ اوراق المريخ جيدا قبل الوصول للخرطوم وعرف كيف يتفوق عليه وقال ان فريق المريخ يعتمد على اللاعب فيصل العجب في كل تحركاته بالاضافة للناحية اليمنى فقمنا باغلاق العجب وبالتالي اغلاق مفتاح اللعب واعتمدنا على التغطية اللصيقة في الملعب واضاف ان فريق المريخ جدير بالاحترام ولو لم نتعامل معه بجدية لخسرنا امامه بنتيجة كبيرة واكد المدرب ان مباراة الاياب لا تمثل اهمية بالنسبة له بعد ان عرف كيف يلعب فريق المريخ وان التفوق في الدار البيضاء ليس بصعب عليه مشيرا الى انه سيلعب الكرة المفتوحة ويغلق المنافذ خشية احراز المريخ لاي هدف واضاف المدرب ان المريخ ماكان ليحرز هدف التعادل لولا طرد احد لاعبيه المهمين في الملعب من الناحية التكتيكية مبينا ان اللاعب المطرود كان يقف دائما خلف العجب ويصطاد كراته المحولة للهجوم وفي اقل من ثواني حول العجب راسية احرز منها لاعب المريخ هدف التعادل واشاد المدرب بالجماهير السودانية وقال انه لم ير جمهورا بهذه القوة والاصرار وهو يشجه فريقه في كل دقائق المباراة حتى احرز التعادل وقال اذا لم نتقدم على المريخ لكانت مشكلتنا كبيرة مع جماهير بهذه الكثافة والقوة والتشجيع. واكد المدرب ان جماهير الدار البيضاء تساند فريقها في المباريات الخارجية التي تخوضها وانه اقترب الان من التأهل على حساب المريخ وبالتالي ستكون مهمة الجماهير في المغرب اكمال المباراة وقد امتعض اتوفيستر من حديث المدرب واعتبره تقليلا من شان المريخ باشارته للجماهير بالدار البيضاء لاكمال التأهل.
Post: #61 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 06:13 AM Parent: #60
الهدف الأول للرجاء ركنية في الدقيقة 10 تواجد ثمانية لاعبين من المريخ مقابل أربعة من الرجاء وعدم قيام أي من اللاعبين بالقيام بالتغطية المطلوبة عدا اللاعبان اللذان قاما بتغطية العارضة من الناحيتين، الباقون كانوا يتفرجوا وتركوا المهمة لبهاء الدين ليخرج ويواجه اللاعبان المغربيان اللذان ارتقا للكرة ونجح أحدهما في إسكانها الشباك. هدف مكرر لهدف الإسماعيلي المصري في ذهاب الكونفيدرالية بسوء التغطية الشديد عند الكرات العكسية بالذات، وطالما كان مازدا يوجه اللاعبين من على الخط بضرورة التغطية الجيدة. هدف مخجل للغاية ويتحمله خط الدفاع بالكامل لعدم عمل الرقابة اللازمة ، وكان للمريخ أن يتفادى هذا الهدف بوجود مدافع بين المرمى والمهاجمين المغربيين ومضايقتهم عند الإرتقاء للعب الكرة بالرأس. الهدف الثاني للرجاء كرة محولة من طرف الملعب إلى الجهة اليسرى للمريخ استقبلها اللاعب خالد السباعي الكرة بعدما كان على الأرض دون رقابة من موسى الزومة لنيجح اللاعب في إسكانها الشباك هدفا سهلا للضيوف صعبت من مهمة المريخ. ونلاحظ هنا أن سرعة الارتداد من موسى الزومة كانت بطيئة للغاية، فالكرة التي كانت في الأصل هجمة للمريخ وقطعت من منتصف الملعب وتحولت إلى هجمة مغربية واستطاع سفاري تعطيل اللاعب في الجهة اليمنى كل هذا الوقت كان كافيا جدا للزومة بأن يعود إلى منطقتة والقيام بواجبه الأساسي وهو الدفاع. ولكن اللاعب وصل متأخرا جدا بعد إسكان اللاعب المغربي الكرة الشباك. ومن الملاحظ أن اللاعب المغربي كان واقعاً على الأرض بالقرب من الجهاز الفني للمريخ، كان أجدى بفاروق جبرة أن ينبه أي لاعب قريب منه لعمل رقابة ولو من على البعد ليحول دون وصول اللاعب إلى المرمى مباشرة.
Post: #77 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: طلحة عبدالله Date: 10-26-2007, 11:12 AM Parent: #61
للتكرار
Post: #62 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Elmuez Date: 10-26-2007, 06:26 AM Parent: #1
إنت يا حبوب بتذيع في شنو ?! الموضوع ده حقو تنساهو و بعدين حكاية بلنتيات السلفقة دي لي متين(واحد كونفدرالي.. واحد عربي)!
Post: #64 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: نزار محمد صالح Date: 10-26-2007, 07:15 AM Parent: #62
يا راكوبة زيك زي بهاء الدين طبعا كنتو قايلين إنو الموضوع ماشي وزي القطن التشادي والشباب التنزاني وكوارا العوارا ودلفين وما أدراك مع الإسماعيلي ولما لقيتو ليك فريق متوسط المستوى إنكشف حالكم وبانت الحقيقة المحزنة إنو مستواكم مستوى حمام ميت وقلنا الكلام ده من مباراتكم الودية السنة الفاتت مع أسيك يوم إتغلبتو بالاتنين في القلعة الحمراء وقلتو مباراة تجريبية قلنا ما مشكلة يومكم بجي وهسي جاي تتكلم عن الخمسة الأخدناها من الرجاء ونحنا ما ناكرينها والفلقة برضو ما ناكرينها لكن إنتا الكبع الحصل أمبارح ده ما شفتو ورجل الراية القصاد مريخاب المقصورة ماشفتو ولا لأنو الكورة كانت اتنين صفر ما شفتها . بي ذمتك أمبارح لو كان الرجاء ده لاعب في الزريبة والله كان أخد حقو لأنو هو ما أحسن من الأهلي ولا أحسن من الترجي ولا زي أسيك ولا يجي رباط كدارة جنب النجم ومستواكم مع القطن وعوارة لما تطلعو حبة لي فوق طوالي المستور يبان وزي ما سألوك وكبيت الزوغة بسألك أنا تاني " تخيل كيف يكون الحال لو كان الأهلي ولا حرام الأهلي خليها كيف يكون الحال لو كان الترجي أضعف فرق دوري المجموعات " أنا شخصيا ما بتخيل . بالمناسبة وين شيبة وكيجا وطلحة وباقي الحمر الكانوا ماليين البورد؟؟؟؟؟؟؟؟؟؟؟
Post: #67 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 08:44 AM Parent: #64
نزار المباراة تعادل، وزي ما الرجاء خسر بملعبه وفاز على الزمالك بمصر الزعيم قادر على هز شباك الرجاء الذي لم يفعل الكثير في هذه المباراة. المهم بعد تخلصوا من اتحاد مدني وأهلي مدني وكتور جوبا ما تنسوا تجددوا اشتراكاتكم عشان تشاهدوا بقية مباريات الزعيم العربية والأفريقية ! والمحلي داخل عطبرة
Post: #66 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 08:42 AM Parent: #62
المعز الفنان قربت تبقى ( واحد هوبا وواحد شرميطي مرقنا ميطي)
Post: #63 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Ashraf el-Halabi Date: 10-26-2007, 06:54 AM Parent: #1
عييييييك.. !! يا حليلك يا باك!!
Post: #65 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: abuguta Date: 10-26-2007, 08:00 AM Parent: #63
ياجماعة
انتو الراجل الواقع دا مش اووووووووووف
الحكم كان خائن ولا خايف من المريخ العظيم يقابل المج السورى
قالو الوالى سوف ينسحب من البطولة العربية,,لان ما عندو امكانية يتحمل الهزيمة الجاية,,
تعرفو ياهلالاب ملاحظين ان الهلال خرج فى ارض الخصم لان المريخ بداء يخرج من استادو وسط جماهيرو
رايكم شنو ,,,باناس المغرب سمعتنا فى الكرة كيف بقت
تمبس زولك ابو حروف كبيرة شغال فى قصر رجاء الاميرة وقال ماشى الديرة ,,يازول دا اصلا مو زول رياضة بتاع شكل ساى
بس وين على مزمل ..دا زول بظهر كل ما المريخ يكون لاعب من امس قلنا ليكم انتو مع المريخ لما يكون غالب...ولما يتغلب كل زول فيكم برجع ل هلالو,,,,
معليش ياراكوبة انت الوحيد القاعد فى الساحة...خيرها فى غيرها
Post: #68 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ثابت محمد Date: 10-26-2007, 08:45 AM Parent: #1
راكوبة سلااام تعظيم عظمة الزعيم
المريخ اليوم لم يؤدي كما يجب وحسب ما رأيت فإن اللياقة متدنية جداً جداً وقد وضح هذا جلياً في شوط المباراة الثاني لم يظهر سوى إيفوسا والبدلاء البقية كان اداؤهم غير مرضي وغير منتج كرة القدم لا تعرف المستحيل .. أمامنا مباراة الرد وأمامنا إستحقاقات كبيرة .. وامامنا تجارب وإحتكاكات ستفيد المريخ
مجلس الإدارة والجهاز الفني يبنون مريخ المستقبل ويجب أن نصبر قليلاً ليس هناك مقارنة بين مريخ اليوم ومريخ العشرة سنوات المنصرمة المريخ يتقدم ويتطور ليس في ذلك شك وبالتأكيد تنتظره أيام جميلة
القادم أحلى
إنت الرشاشات ديل مع شنو ؟؟ مش ده الرجاء الصرف ليهم بالخمسة في الرباط مش هو الطلع بالمراتب من زريبة العيش ؟؟ بعدين هم مالهم ومال البطولات ؟؟ مالهم ومال أفريقيا والعرب ؟؟ .. مجد وسوسة وعلى الدنيا السلام عالم صااابرة وممغوصة صابرين سبعة وسبعين سنة .. والله ببالغوا أنا بحتار في زول يشجع فريق عمرو ما حقق بطولة خارجية يعني المشجعين العمرهم تمانين سنة راحو في حق الله والجيل الجديد ما زال ينتظر .. وسينتظر .. وينتظر ..وينتظر
يمشو يشوفو أمل عطبرة وين المريخ يلاعب فرق كبيرة كبيرة جداً .. الرجاء .. الصفاقصي . و و و
أنترميلااااااااااااااااااااااااااان
قال الأمل عطبرة قال
Post: #69 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: abuguta Date: 10-26-2007, 09:06 AM Parent: #68
Quote: إنت الرشاشات ديل مع شنو ؟؟ مش ده الرجاء الصرف ليهم بالخمسة في الرباط مش هو الطلع بالمراتب من زريبة العيش ؟؟ بعدين هم مالهم ومال البطولات ؟؟ مالهم ومال أفريقيا والعرب ؟؟ .. مجد وسوسة وعلى الدنيا السلام عالم صااابرة وممغوصة صابرين سبعة وسبعين سنة .. والله ببالغوا أنا بحتار في زول يشجع فريق عمرو ما حقق بطولة خارجية يعني المشجعين العمرهم تمانين سنة راحو في حق الله والجيل الجديد ما زال ينتظر .. وسينتظر .. وينتظر ..وينتظر
يمشو يشوفو أمل عطبرة وين المريخ يلاعب فرق كبيرة كبيرة جداً .. الرجاء .. الصفاقصي . و
ثابت معليش ياخى البالون فرقع دا كله اعلام الضلال اول مرة تقابلو فريق متوسط الاداء عارف ترتيبو كم فى الدورى 13 شفو مزمل وين واجلدوه
بعدين نحن كنا فاتيحن مدرسة هنا,,وقاعدين بنقولكم
ااهلى ,ترجى , اسيك , النجم الساحلى الليلة جيت تردد فى نفس النغمة رجاء وصفا قص ونسيت,و قطن شلف شباب كوارا دلفين ياخى دا هو حجم المريخ الطبيعى الانتو ما شايفنو لان اعلام الضلال ضضلكم
اسى كلامك دا انا بحفظو ليك للسبت القادم,,
ومن اسى بقولك,,, الهلال خرج من البطولتين فى ارض الخصم
لكن المريخ خرج من كاس العرب فى داره وسوف يخرج من الكنفدرالية فى داره ايضا دا الحجم الطبيعى ياثابت المريخ لم يقابل فريق قوى فى كل مشاوره غير الهلال,,,وحتى فريقنا القومى سوف يخرج,, وحتى لا نسوق الوهم مرة اخرى لكن بقولكم
لا يمكن للوصل لهذه البطولة حاليا (الرجاء) معاودة المحاولة لاحقا
Post: #71 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: هاشم أحمد خلف الله Date: 10-26-2007, 10:38 AM Parent: #69
الأخ الحبيب راكوبة خليك ثابت وما تحتار (وعسي ان تكرهو شيئاً وهو خير لكم) انتا عارف ممكن التعادل الحصل في امدرمان ده يكون لخير كبير جداً للاسباب التالية:- 1- تدارك اخطاء الدفاع بمعني ( التغطية السليمة رجل لرجل وخاصة في الكرات المعكوسة لان جميع فرقنا تعاني من الكرات المعكوسة وتفكيرهم كلو حول الكرة في الجو ويتناسوا الخصم المتواجد أصلاً في منطقة الجزاء او الخصم القادم من الخلف وهو اخطرهم بالنسبة لحارس المرمي يجب ان ينبه كل خطوط دفاعو لاي لاعب غير مغطي وحتي هو نفسه قبل وصول الكرة لمنطقته وقبل خروجه بثواني يتاكد من منطقتو كويس حتي لا يطير في الهواء علي الفاضي . 2- بالنسبة للحارس بهاء الدين لاحظت كتير جداً ميولو للإستعراض وحماسو الزائد عن حدو مما يفقده التركيز وربما يريد ان يرهب المهاجمين بس هذا ايضاً ليس في صالحو او صالح الفريق 2- تاني بالنسبة للدفاع تمرير الكرات العرضية بين المدافعين خطر جداً والملاحظ ايضاً عدم التمرير الجيد بالنسبة للعبي الوسط والدفاع واي خطاء يتم إستغلاله من الخصم من المؤكد حاينتج منو هدف وهدف قاتل جداً 3- تاكدت بما لا يدعي مجال للشك صعوبة اختراق خط دفاع الرجاء والأفضل لعب الكرات المعكوسة وهي بالتاكيد سوف تسبب حرج كبير للدفاع وحتي عكس الكرات يا ريت لو يكون بعيد قليل من حارس المرمي لانو يمتاز بالطول والكرة عندما تعكس بهذه الطريقة تجعل الحارس في وضعية غير مستقرة وهي اما ان يحاول يخرج لصدها او ينتظر في مرماهو . 4- البدلاء ( وطريقة إستبدالهم ) من الجيد ان يمتلك المريخ بدلاء جاهزون ( ناتالي غير جاهز ) وذلك لجعل اللأعب داخل الملعب التفكير مليون مرة انو ّإذا ما قدم مردود جيد فهناك من يتحفز للدخول مكانو وهو المطلوب إثباتو ( هيثم طمبل مثال ) . 5- الجهاز الفني مهمتو اصعب من اللاعبين لانك إذا أردت الفوز لابد ان تهئي كل الأجواء اللازمة للاعبين بمعني ان تكون ملتصق بهم ولا تنظر للهفوات فقط بل حاول ان تعطي الأمان لهم وتذكيرهم بأن كل فرد منهم يمثل السودان بأكمله وليس فقط المريخ محاولة تزليل الصعاب المادية منها والعائلية اجعل اللاعب يحس بانو شخص له كيانو وله وزنو ووجوده داخل الملعب شرف كبير له وان افريقيا والعالم العربي كلو ينظر إليه داخل الملعب كما لا يفوتني ان سمسارة اوروبا يتواجدون دائماً في مثل هذه البطولات للاستفادة من عطاء اللاعبين ذوي المهارات العالية في الأندية الاوربية 6- لأبد ان يكون الفكر الكروي فكر إحترافي ( تطبيق خطة المدرب علي ارضية الملعب بحذافيرها ) ( عدم ضرب المهاجم وانت في إمكانك اخد الكرة منو والإستفادة منها في هجمة مرتدة ) . واخيراً وليس اخراً انا لست ناقداً رياضياً ولكني لاعب كرة سابق ومحب للسودان والمريخ والهلال وكل من يمثل الوطن .
Post: #100 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 03:16 PM Parent: #71
جميل يا هاشم وفعلا المباراة كانت في موعدها للجهاز الفني قبل لقاء الثالث من نوفمبر أمام الصفاقسي في ذهاب نهائي الكونفيدرالية. اللاعبون في الدفاع حتى لم يأخذوا على عاتقهم الوقوف إن شاء الله بدون فعالية مع مهاجمي الرجاء الذي نجح أحدهما في الارتقاء ولعب الكرة رأسية في المرمى. هدف ساذج كاد أن يكلف المريخ الكثير، خاصة وأنه كما ذكرت مكرر. اعقتد أن فريق الصفاقسي قد رصد هذا الضعف بالنسبة لمدافعي المريخ في الكرات المعكوسة وأعتقد أنه سيلعب كثيرا على هذه الورقة في مباراتيه مع المريخ.
Post: #70 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 10:37 AM Parent: #1
يا خوانا الكلام دا جد
الزول دا قام من قعدته دي بكل بساطة وجاب قون و الحكم عداه متاكدين الحكم ماقال لبهاء الدين "معاك الكاميرا الخفية " ولا حاجة بالشكل دا
Post: #72 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 10:55 AM Parent: #70
Quote: متاكدين الحكم ماقال لبهاء الدين "معاك الكاميرا الخفية " ولا حاجة بالشكل دا
ود البشرى .. الكلام دا قولو لي :
أبو حروف كبيرة (عبد الماجد)2 قالو امبارح مشى يفتش على هيثم طمبل بعدما طلع بالسلالم عينك يا تاجر ورصدتو الكاميرا الخفية ولما ما لقاهو مشى اتعشى بي (صحنين) كسكسي .. ومشى نام .. مش احتمال يكون الكسكسي (سممــو)... ســاهموا معنا في البحث على أبو حروف كبيرة (عبد الماجد)2
Post: #73 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 10:58 AM Parent: #70
عايزين نعرف مدى شرعية الهدف دا من الناحية الفقهية اللاعب دا كان جالس و فجأة قام و تناول الكرة و احرز هدفا هل قرأ في سره دعاء كفارة (المجلس) ولا قام طوالي وإذا لم يقرأ الدعاء هل يصح القون البعد (القعدة) ولا يعتبر بدعة يا ريت تشوفوا لينا شيخ غير بتاع فتوة الفطور
Post: #74 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:01 AM Parent: #73
وسمعنا تحت تحت كدا إنو سلفاكير بعد القون التاني همس في أضان على عثمان قائلا: "قوماك نكمل المفاوضات (القاعدين) ليها شنو؟"
Post: #75 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:06 AM Parent: #74
في العسكرية عندهم ما يعرف بقِيامات ضرب نار منها قِيام واقفا وقِيام راقدا وقِيلم مرتكزا أمس شفنا بيان بالعمل لقِيام (قاعدا)
Post: #78 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:14 AM Parent: #75
فرصة المريخ في التعويض لا زالت قائمة كل المطلوب إنو الناس (تقعد) في الأرض و تحلل المباراة الأولى أو بالعدم ممكن يعملوا (قعدة) و يجيبوا فيها فنان يغني : "(قاعد) براي و الهم عصف "
Post: #79 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:17 AM Parent: #78
من الأسباب الأدت للنتيجة دي , غياب كابتن مازدا حيث إنه هو احسن من يفهم كلام و توجيهات اتوفيستر و عندو المقدرة يترجم و(يقعد) الكلام بصورة جيدة للاعبين أتمنى أنو غيابو ما يكون بسبب إنو (قاعد) ليه فوق راي
Post: #81 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:23 AM Parent: #79
بعد إكتشاف الملكات الشعرية لراكوبة نطلب منو نقد فني للبيت التالي: إذا رأيت اطراف الهجوم (قاعدة) **** فلا تظنن ان الرجاء ينهزم و الأهزوجة: الرجاء (القاعدة) برة **** (قاعدة) لي انا للمضرة
ونواصل (القعدة)
Post: #82 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 11:25 AM Parent: #81
الناس الحضرت الكورة من الإستاد صحي بهاء الدين و هو جايب الكورة من الشبكة كان بطنطن: "(قاعدين) تحننوا , قايمين تجننوا"
Post: #88 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 12:27 PM Parent: #79
ودالبشرى
Quote: أتمنى أنو غيابو ما يكون بسبب إنو (قاعد) ليه فوق راي
مشكلتك حقدك على الزعيم وزيادة عليها ما متابع الحاصل !
Post: #90 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 12:35 PM Parent: #88
Quote: مشكلتك حقدك على الزعيم وزيادة عليها ما متابع الحاصل !
حقد شنو يا راكوبة ياخ وزعيم شنو؟ مكاواة كورة و بس بأمانة كدا بعد الجماعة نزلوا القون (ذو القعدة) عذرتك والله أمس حسي إنقرش معاك (قاعد) أكوركليك الأقوان الأقوان أتاريك مضايق قدر ده
وفعلا اخوك ما متابع الحاصل , يا ريت تنورني وآدي (قعدة)
Post: #91 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 12:42 PM Parent: #90
اذا قعد خصمنا أو قام فماذا عن إنبراشة مرق والتي نتج منها هدف ( بيضوضاني) أصلى؟
Post: #92 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 12:51 PM Parent: #91
مرق حقنا وإحنا أسياد بلد (نقعد) نقوم على كيفنا لكن السباعي دا قايل روحة في الدار البيضاء (يقعد) يقوم يجيب قون ببساطة كدا
Post: #76 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-26-2007, 11:06 AM Parent: #74
محمد البشرى راكوبة شابكنا ذات المراتب رايك شنو انا ماعارف القون ده نسميهو ذات المراقد ولا ( ذو القعدة ) ولا السلم السباعى
Post: #80 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: tmbis Date: 10-26-2007, 11:17 AM Parent: #76
Quote: عايزين نعرف مدى شرعية الهدف دا من الناحية الفقهية اللاعب دا كان جالس و فجأة قام و تناول الكرة و احرز هدفا هل قرأ في سره دعاء كفارة (المجلس) ولا قام طوالي وإذا لم يقرأ الدعاء هل يصح القون البعد (القعدة) ولا يعتبر بدعة يا ريت تشوفوا لينا شيخ غير بتاع فتوة الفطور
تحول الفتوة لي مجلس الإفتاء الشرعي .. بقيادة الشيخ أحمد الريح ..
Quote: ولا ( ذو القعدة )
.. دمــار لكن يا تيتاوي ..
Post: #83 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عبدالكريم الامين احمد Date: 10-26-2007, 11:30 AM Parent: #80
Quote: ســاهموا معنا في البحث على أبو حروف كبيرة (عبد الماجد)2
والله ياتمبس طريت مريخابي كبير الليلة صحي هو مشي وين دكتور عبدالماجد ده الليلة يا اخواني
راكوية قلنا ليكم بطلوا طولة اللسان شبكتونا الاحمر الوهاج وشنو كده ما عارف اهو القصة جابت ليها ضرب داخل الديار والله يستر علي تونس الخضراء والبرشا الذي يجيد مقابلات خارج الديار..
Post: #87 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 12:26 PM Parent: #83
كرومة نحن الوحيدين الذين نلعب عربيا وافريقيا .. وغدا مباراة الكأس .. دعواتكم بس !
Post: #86 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 12:24 PM Parent: #80
دي زي شكوى الهلال في الشرميطي؟ باعتبار اسمه بجرح الصيام ولا شنو؟ جيبوا حاجة جديدة!
Post: #84 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: طلحة عبدالله Date: 10-26-2007, 11:52 AM Parent: #1
Quote:
ركنية في الدقيقة 10 تواجد ثمانية لاعبين من المريخ مقابل أربعة من الرجاء وعدم قيام أي من اللاعبين بالقيام بالتغطية المطلوبة عدا اللاعبان اللذان قاما بتغطية العارضة من الناحيتين، الباقون كانوا يتفرجوا وتركوا المهمة لبهاء الدين ليخرج ويواجه اللاعبان المغربيان اللذان ارتقا للكرة ونجح أحدهما في إسكانها الشباك.
قصدك تغطية القائمين الأيمن والأيسر ومع ذلك .. خطأ يا راكوبة الهدف جاء نتيجة لحالة سرحان اللاعب ايفوساتحديدا الذى كان يقف لتغطية القائم الأيمن للمرمي حيث تفرج على الكرة الضعيفة وهى تتهادي لداخل الشباك .. بالنسبة للهدف الثاني فقد أكد على ان المغاربة مارسوا أساليب جبانة للظفر بنقاط المباراة حيث ظلوا يسقطون بلا اي سبب على رأس كل خمس دقائق لتضييع الوقت وفى واحدة من هذه الحركات الوسخة سقط اللاعب الذي سجل الهدف الثاني يتلوي على الأرض وحينما اعتقد الجميع أنه مصاب بشدة لطول فترة سقوطه فأجأ زملائه وحكم المباراة ونهض ليسجل من الكرة التى وصلته وهو خالي من الرقابة ولكن مع ذلك لا نعفي لاعبي المريخ من المسوؤلية .
Post: #85 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 12:22 PM Parent: #84
كيف يرتقي لاعبان وسط ثمانية لاعبين وينجحوا في لعب الكرة بالرأس ، أين المدافعين وهو هدف كربوني ظل يلج شباك المريخ حتى في المنافسة المحلية.
Post: #89 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 12:29 PM Parent: #1
Quote: رايك شنو انا ماعارف القون ده نسميهو ذات المراقد ولا ( ذو القعدة )
ذو القعدة طبعا يا تيتاوي قاليك لما بنو الجامع في الإستاد إختلفوا في هل يضعوا هلال على المئذنةولا لأ أها في النهاية مشوا لشيخ - غير بتاع الفطور - فافتاليهم بعدم ضرورة وضع الهلال على المئذنة بإعتباره ليس من تعاليم الإسلام ولم يثبت عن الرسول (ص) أنه امر بوضع الهلال على مئذنة المسجد النبوي سمعنا من امس الجماعة بفتشوا في الشيخ دا عشان يحذف شهر ذو القعدة من التقويم الهجري او يغيرو إسمو , بإعتبار ان تسميات الشهور العربية من زمن الجاهلية قبل الرسول (ص) و أهم أسي (قاعدين) يفتشوا الشيخ (قاعد) وين
Post: #93 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: yasir Abdelgadir Date: 10-26-2007, 12:59 PM Parent: #89
Quote: د. ياسر في ذات البطولة واجهتم فريقا لم نسمع به إلا في كرتون كابتن ماجد ، فزتم عليه بهدفين.
هذا الفريق {المجد} تعادل مع الاتحاد الليبي في عقر داره ...ولو مابتعرف الاتحاد دا رابع افريقيا....يعني ما حمام ميت زيكم
Post: #94 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: شرير والبرتقاله Date: 10-26-2007, 01:20 PM Parent: #93
عادي ان الوداد يتفوق على المريخ في الرد كسل لعبا ونتيجة الى ماقبل نهاية المبارة بدفيقة واحدة .. وعادي جدا ان يخرج الوداد خاسرا بتعادل المريخ معه رغم مساندة جمهوره له
لكن الذي ليس بـ (عاديا) ان يحاول (راكوبة) انتزاع قناعتنا بان هزيمة المريخ شيء عادي مع ان عادية المريخ التي ظن المريخاب خطئا انها (راحت) الى غير رجعة بعد ان نجحوا في شراء ذمم الحكم ابان مقابلتهم المشئومة مع الاسماعيلي المريخ هي التي اكدت ما كنا نقوله دائما ان المريخ فريق عادي وعادي جدا .. كل ماهناااالك ان الحظ وكثير من الدسائس والخيانات وشراء الذمم والفرق الضعيفة هي التي جعلتهم يظنون انهم تخطوا مرحلة العادية ....
Post: #95 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 01:31 PM Parent: #94
وداد مين يا شرير ؟! وهزيمة مين!
Post: #96 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 01:32 PM Parent: #93
الاتحاد رابع مين التالت ده!
Post: #97 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-26-2007, 01:40 PM Parent: #1
.. يا راكوبة ان شاء الله تكون امبارح ( قعدت ) واستمعت لهديتي ليك أغنية ام كلثوم : يا رجائي أنا كم عذبني أنا ( شفع ) الرجااااء تلقاك بس عشان الأغنية بالسلم ( السباعي) ابيت تسمعها...
ولسع .. القادم أحلى وأحلى في نوفمبر .. مش حتقدر تغمض عينيك .. .
Post: #99 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 01:57 PM Parent: #97
شغلتها يا حاتم وطلع فيها "بيضوضان"! اتخلعتا وقربتا أقلب ( هوبا)
Post: #98 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-26-2007, 01:45 PM Parent: #1
..
Quote: كيف يرتقي لاعبان وسط ثمانية لاعبين وينجحوا في لعب الكرة بالرأس ، أين المدافعين وهو هدف كربوني ظل يلج شباك المريخ حتى في المنافسة المحلية.
دي ما مشكلة المريخ براهو .. كل الأندية السودانية عندها مشكلة مع الكرات العرضية .. نادر ما نستفيد من الركنيات وأي ركنية او كورة عرضية ضدنا فيها خطورة ... ..
Post: #101 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 03:31 PM Parent: #98
الزعلو منو ماليكم حق
Post: #102 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 03:43 PM Parent: #101
زول داخل غرفة الملابس إلا يكون زعلان؟!
Post: #103 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 03:46 PM Parent: #102
يعنى مشى غرفة الملابس فى الشوط الاول قبل مايخلص وشال شنطتو وقام جارى صاح
Post: #104 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 03:50 PM Parent: #103
المضايقك شنو إنت، لاعب غير راضي عن أدائه داخل الملعب وكان يتمنى أن يقدم أكثر وأكثر للزعيم، النادي الذي قيمه وأعاده إلى النجومية من الباب الواسع. يقعد يمشي على كيفه، امشي شوف أهلي مدني كورتو متين معاكم!
Post: #105 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 03:54 PM Parent: #104
احسن استعد اجهز الشنطه عشان اسافر المغرب واشوف ليهو شولات عشان يخوت فيها الاقوان
Post: #106 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 03:58 PM Parent: #105
Post: #107 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 04:02 PM Parent: #106
عربى المغرب ولاتونس
Post: #108 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 04:03 PM Parent: #107
عربي (اليخوت)!
Post: #109 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 04:05 PM Parent: #108
البخوت دا السباعى والعمرانى وملوص بتفرج
Post: #110 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 04:08 PM Parent: #109
دا اخلاق لاعب عقب نهاية مباراة المريخ والرجاء امس حدثت مشادة كلامية بين عبد الحميد السعودي واحد لاعبي الرجاء المغربي تم احتوائها
بواسطة قائد المريخ فيصل العجب الذي تدخل مطالبا السعودي بعدم الاحتكاك مع اللاعب المغربي·
Post: #112 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-26-2007, 04:09 PM Parent: #104
Quote: يقعد يمشي على كيفه،
حلوة يا راكوبة
Post: #113 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 04:50 PM Parent: #112
صور من اللقاء
Post: #114 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: علاء الدين حيموره Date: 10-26-2007, 07:36 PM Parent: #98
Quote: مريخ السودان يتعادل بصعوبة مع الرجاء المغربي
يا ربي هناك الرجاء حايتعادل بصعوبة في مبارة الرد ولا الرجاء حا يقطع لسانك يا راكوبة ..
ما تجي مغلوب يا راكوبة لانو شغلنا تصميم .. وأبشرك حضرنا الخطوط العريضة ..
بس برضو بنتمنى انك تخزلنا وتجي منتصر ..
Post: #115 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 07:40 PM Parent: #114
يعني لو اتغلبنا حنتغلب خمسة صفر ومعها كم برشة فوق البيعة! في الفضيحة إياها ما شفنا أي تصميم ولا حتى درابزين!
Post: #130 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ياسر ميرغنى عبدالرحمن Date: 10-27-2007, 11:10 AM Parent: #98
وفعلا شكراً يا الرجاء
Post: #140 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: nazar hussien Date: 10-27-2007, 03:15 PM Parent: #98
أحييك علي شجاعتك وثباتك علي مريخيتك برغم رجاء المغرب
Post: #111 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: osman abdala Date: 10-26-2007, 04:08 PM Parent: #1
الاخ محمد عادل.. انا واحد من الناس متابع كتاباتك في المنبر.. اخوي.. حقيقة عندك مشكلة كبيرة جداً في الكتابة باللغة العربية والعامية كمان(اللخو شهادة عربية)..حقوا تحاول تجود اداءك شوية.. وبالذات اختيارك لعنوانين البوستات.. مع انك بتدرس مع اكتر ناس بتكلموا وبكتبوا(مصر)..
Post: #116 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-26-2007, 09:41 PM Parent: #1
.. خد يا راكوبة ( استأنس ) بصور لجماهير الرجاء في مركب محمد الخامس ( منقولة ) عشان تتهيأوا ( نفسيا) لمباراة الرد
Post: #117 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-26-2007, 09:51 PM Parent: #116
ياحاتم ماتمغص الجماعه من حسع بكره الوالى بصدر قرار بعدم السفر للمغرب استنى بعد كورة الصفاقصى كما فلقو ناس الصفاقصى بالحجار دا مستوى ناس العرضه جنوب دائما كده الجماعه لاكوره لامقصوره يمشو تونس والمغرب ويلقو سيد البلد العمرو مادرن فى استادو ولا انغلب حسم الممتاز
Post: #118 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-26-2007, 10:24 PM Parent: #116
يعني يا حاتم عاوز تبرر إنبراشة مرق بالصور دي!
Post: #119 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: ahmed khidir Date: 10-26-2007, 11:43 PM Parent: #118
راكوبة اهاكيف اصبحت ونحنا معاك لى اليوم التالت للفراش
Quote: يعني لو اتغلبنا حنتغلب خمسة
بعدين تتغلب خمسة دى قايلة كتيرة . شوف حامد بريمة وكمال عبدالغنى اتسوى فيهم شنو [/
Post: #120 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-27-2007, 00:07 AM Parent: #119
أمممممممممممك دا شنو يا احمد خضر دا جبتوا من وين دا عليك الله ما تشوف لي بتاع زيكو الشال فيهو الكورة الله يعدلها عليك و تلقى (رجاء)ك دنيا وآخرة
Post: #123 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 07:49 AM Parent: #120
Post: #129 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد البشرى الخضر Date: 10-27-2007, 11:05 AM Parent: #123
Post: #131 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hassan bashir Date: 10-27-2007, 11:32 AM Parent: #128
الأستاذ راكوبة
تحياتي
أخشى ما أخشاه أن تؤثر مباراة الرجاء سلباً على لقاء المريخ المرتقب مع الصفاقسي، تماماً مثلما حدث للهلال عندما استفاد مدرب النجم من شماهدته للمباراة وكشف مدى ضعف الحارس وتعامل الدفاع مع الكرات الثابتة والمعكوسة. من المؤكد أن الصفاقسي لن يفوت هذه الفرصة التي قدمت له على طبق من ذهب ويحاول أن يعتمد إستراتيجية تستغل مكامن الضعف في المريخ وأولها الحارس بهاء الدين.
مشكلة بهاء الدين الرئيسية استهتاره الواضح وعدم جديته (راجع الهدف الثاني، وكيف كان بإمكانه أن يستولى على الكرة واللاعب طريح الأرض. وحتى بعد أن نهض اللاعب وتوجه نحو المرمي، لم يحاول تضييق الزاوية عليه، وانصرف عوضاً عن ذلك إلى استجداء الحكم.
عموماً، نتمنى أن يعمل الجهاز الفني على معالجة مكامن الخلل قبل مبارة الصفاقسي
Post: #133 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: عامر تيتاوى Date: 10-27-2007, 11:40 AM Parent: #131
حمدان قوووم جيب قوون
Post: #137 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 02:21 PM Parent: #133
Quote: حمدان قوووم جيب قوون
ويا مرق أصحى ما تنوم ويا بيضوضان براحا على القون
Post: #142 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 03:46 PM Parent: #131
الأخ حسن بشير تحياتي بالطبع الصفاقسي رصد المباراة وحللها بالشكل المطلوب وبالمقابل المريخ مطلع تماماً على مباريات الصفاقسي وآخرها الديربي الكبير أمام الأفريقي ومباراة اليوم أمام البنزرت التي قدمها الاتحاد التونسي لتسهم في إعداد الفريق لمباراة المريخ. بهاء الدين لا نلومه كثيراً ففي الهدف الثاني أين كان الظهير الأيسر موسى الزومة، حاول بهاء الدين الخروج تارة والرجوع إلى المرمى وتردد في لعب دور المدافع أو الحارس، وهو موقف حرج لا يحسد عليه. المباراة إنتهت بخيرها وشرها وأعتقد أنها جاءت في وقت مناسب لتساعد الجهاز الفني على تجاوز الهنات قبل المباراة الأهم في مشوار المريخ هذا الموسم. المريخ أدى مباراة رائعة في شوط اللعب الثاني وغاب الرجاء ولم يستطع تهديد مرمى المريخ إلا من كرة يتيمة تصدى لها بهاء الدين. هكذا نود الزعيم في مباراته المقبلة يهاجم عبر كل الجهات والمساحات ولا يعطي الفرصة للخصم للتوغل وتهديد مرمانا. وبعودة مازدا إلى الإطار الفني ستزيد قوة المريخ التكتيكية لقرب مازدا من اللاعبين ولعبه لدور حلقة الوصل بين أتوفيستر واللاعبين مع كامل احترامنا لأدوار إبراهومة وفاروق جبرة.
Post: #143 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 04:26 PM Parent: #142
Post: #135 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 02:19 PM Parent: #128
Quote: في زعيم بيصول ويجول فى الميادين
على الفاضي!
Post: #134 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: أبوالزفت Date: 10-27-2007, 01:46 PM Parent: #1
المريخ تعادل بالوصفة السحرية للمريخ وهي ضربة جزاء او طرد لاعب وده حصل في جميع مباريات المريخ في دور المجموعات واحتمال كبير نشوف ضربة جزاء يوم 3 نوفمبر الموافق 22 شوال ومباراة الرد والهلال حتكون في ذو القعدة
Post: #136 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 02:19 PM Parent: #134
Quote: والهلال حتكون في ذو القعدة
هلال مين ياعم، نحنا هسي ما فاضين!
Post: #138 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: hatim ibrahim Date: 10-27-2007, 02:30 PM Parent: #1
.. المسيكين ده يا راكوبة تعب معاكم بدون فايدة الأخبار بتقول ، وبعضهم ( يؤكد ) انو كلها يومين تلاتة ويكون في الكاميرون وحبيبكم ( مازدا تنظيرات ) قالوا في كورس وين كده ما عارف اها ... منو الحيكون واقف او حتى ( قاعد ) عالخط ( بيكورك ) في فضائح نوفمبر المقبلة .. ..
Post: #139 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-27-2007, 03:08 PM Parent: #138
الزعيم يستورد من كأس العالم ويصدر للكاميرون انتو ريكاردو ده جبتوا من وين جنوا خندقة وشكيه من أرضيات الاستادات.
Post: #141 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-27-2007, 03:17 PM Parent: #139
قام رئيس القطاع الرياضي بالمريخ الكابتن ابراهومة باستدعاء مهاجم الفريق هيثم طمبل حيث اجتمع معه امس الاول وتناقش معه
حول التصرفات التي بدرت منه بعد قرار المدرب باستبداله اثر خروجه المباشر من الاستاد رافضا الجلوس علي دكة البدلاء كما يفعل اللاعبون الذين يتم استبدالهم من جانبه اعترف اللاعب طمبل بالخطا الذي بدر منه وابدي اعتذاره موضحا ان ماحدث منه كان نتيجة لضغط نفسي تعرض له اثناء المباراة ومن المنتظر ان يعقد اجتماعا مع مدرب الفريق اتوفيستر والاعتذار له قبل الانخراط اليوم في التدريبات الاعدادية لمباراتي الخرطوم في الممتاز والصفاقسي التونسي في ذهاب نهائي الكونفدرالية· المريخ في الراحة امس منح الجهاز الفني للمريخ لاعبي الفريق راحة عن التدريبات امس تنفيذا لبرنامجه الاعدادي للمرحلة القادمة·
Post: #144 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: محمد عادل Date: 10-27-2007, 11:04 PM Parent: #141
راكوبه هاك شوف ملوص
Post: #146 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: أبوالزفت Date: 10-29-2007, 07:52 AM Parent: #1
Quote: هلال مين ياعم، نحنا هسي ما فاضين!
هلال الملايين ياراكوبة وزعيم الاندية السودانية
بشارة امس رايت في المنام انو مباراة الاياب
انتهت 4/1 لصالح المريخ
انا بحب الهلال وما بكره المريخ ويييييييييييه
اقعد عافية
Post: #147 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-29-2007, 09:55 AM Parent: #146
Quote: مس رايت في المنام انو مباراة الاياب
انتهت 4/1 لصالح المريخ
في البطولة (المحلية) ولا ( العربية) ولا ( الأفريقية) شكلوا حلمك ده بنفع مع كلو!
Post: #148 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-30-2007, 03:35 PM Parent: #147
اللجنة المركزية للتأديب التابعة للجامعة تقرر: توقيف مركب محمد الخامس لمبارتين، وتوقيف السباعي لاعب الرجاء لثلاث مباريات أمام أحداث الشغب الخطيرة التي رافقت الكلاسيكو التقليدي بين الرجاء والوداد عن الدور الربع نهائي لكأس العرش، لم تجد اللجنة المركزية للتأديب بدا من عقد جلسة إستعجالية بمقر الجامعة بعد التوصل بتقريري حكم ومندوب المباراة· وبعد افتحاص الوثيقتين، قدرت اللجنة أن الجانب الرياضي للمباراة لم يتلوث إلا من خلال إنذارات وجهت للاعبي الرجاء رشيد سليماني وزكرياء الزروالي ولاعبي الوداد خالد السقاط ويونس منقاري، وأيضا من خلال ورقة حمراء وجهت للاعب الرجاء خلال السباعي بسبب سبه وشتمه للحكم، لذلك قررت لجنة التأديب توقيع عقوبة توقيف لثلاث مباريات في حق خالد السباعي إعتبارا من يوم 22 أكتوبر 2007، عملا بما ينص عليه سلم العقوبات للجامعة· وبخصوص سلوكات الجماهير داخل مركب محمد الخامس والتي ميزها القذف بالشهب الحارقة نحو الملعب، واقتلاع الكراسي، ما تسبب في خسائر مادية قبل، خلال وبعد المباراة، فإن اللجنة قررت توقيف المركب للمبارتين القادمتين لبطولة المجموعة الوطنية الأولى، حيث يكون فريقا الرجاء والوداد مستضفين· وسيصاحب هذا التدبير، حرمان الجماهير من الحضور في المباراة· وأهابت اللجنة التأديبية بالمكتب الجامعي إتخاذ عقوبات رمزية ضد جمعيات المحبين والأنصار للناديين معا، إن تم تورطهما في الأحداث المذكورة
Post: #149 Title: Re: دوري أبطال العرب: مريخ السودان يتعادل بصعوبة مع الرجاء المغربي Author: Rakoba Date: 10-30-2007, 03:37 PM Parent: #148
خسائر الديربي تتزايد وأصوات تنادي بإقفال مركب محمد الخامس طيلة الفترة التي أقفل فيها مركب محمد الخامس بسبب الإصلاحات، عرفت منطقة المعاريف التي يتواجد بها المركب أجواء من الهدوء، واستبدل سكان المنطقة أجواء الصخب مع نهاية كل أسبوع بالراحة والطمأنينة والسكون، لكن شاءت الظروف مرة أخرى أن يتم افتتاح المركب مجددا مع لقاء يختلف في طقوسه عن باقي اللقاءات، إنه لقاء الديربي برسم ربع نهاية كأس العرش، وهي مقابلة حاسمة وفاصلة لا تقبل بأنصاف الحلول، وقبل إعلان الحكم العاشري عن صافرة النهاية، تحولت الشوارع المجاورة للمركب لساحة حرب استعملت فيها الحجارة والقنينات، وعاد الصخب والشغب ليهدد أمن وراحة السكان، كما أصبحت المحلات التجارية عرضة للتكسير والتخريب، وشتان ما بين الهدوء السابق والفوضى الحالية التي تسبب فيها شبان وقاصرون اختلطت لديهم المفاهيم وتشبعوا بمبادئ الهوليغنس التي لا تمت للأخلاق والقيم التي عرف بها الشعب المغربي، الحصيلة إذن كانت ثقيلة سواء داخل الملعب أو خارجه فقد أعلن المسؤول عن القطاع الرياضي بمجلس المدينة عن إقتلاع 230 كرسي كما تضررت الحلبة المطاطية جراء الكم الهائل من الألعاب النارية التي رمى بها الجمهور، في حين لم تسجل أية خسائر على مستوى صنابير الماء ودورات المياه كما جرت العادة في بعض اللقاءات السابقة، وتعرضت سيارات المواطنين وزجاج المحلات التجاربة للتكسير، أما بالنسبة للنقل العمومي فإن المسؤولين عن هذه المؤسسات قدروا الخسائر فيما يزيد عن 117 حافلة، وبقيمة إجمالية تصل لحوالي 100 مليون سنتيم، في حين أن مجلس المدينة يقدر خسائر مؤسسات النقل العمومي في 70 حافلة فقط، أما الخسائر المادية فإنها لم تتجاوز 60 مليون سنتيم كما سجل مستشفى ابن رشد إصابة حوالي 40 شخصا بإصابات مختلفة، كما تم عرض حوالي 35 شخصا من مثيري الشغب على الضابطة القضائية ومن بينهم قاصرين، إلى جانب إعلان حالة وفاة لمشجع ودادي·
كل هذه الأحداث التي أرخت بظلالها على ديربي هذا الموسم خلفت حالة استنفار لدى المسؤولين عن كرة القدم ببلادنا، وكذا لدى السلطات المحلية والأمنية بالبيضاء، في حين بدأت الأصوات تنادي مجددا بإعادة إقفال أبواب محمد الخامس في وجه الأندية البيضاوية وهذه الأصوات صادرة بالأساس من السكان وأصحاب المحلات التجارية المجاورة لهذه المعلمة الرياضية إذ يستعد هؤلاء المنددون بجمع توقيعات ورفع ملتمس لمجلس المدينة بهذا الخصوص، وإذا كانت ظاهرة الشغب تحتاج لمقاربات إجتماعية واقتصادية وثقافية، فإنه لا يمكن استثناء المقاربة الأمنية التي بإمكانها الحد من هذه الظاهرة من خلال الزجر والضرب بيد من حديد على يد كل من سولت نفسه الأضرار بالغير· ما دفع بالبعض لاتهام الجهاز الأمني بالتقصير في واجباته بالرغم من كل الجهود المبذولة، إذ لا يمكن لألف و 500 رجل أمن التحكم في 80 ألف متفرج نصفها غاضب من نتائج فريقه ما يعني أن مقابلات من هذا الحجم تحتاج لتغطية أمنية شديدة حتى لا تتكرر مثل هذه الأحداث·
