Post: #1
Title: شيماء خلعتينا ياخ !!!!
Author: Ahmed musa
Date: 10-24-2007, 11:07 PM
في بوست :
والله العظيم.. سودانيزاونلاين يتجسس على أعضائه
اقرأ ليك :
Quote: يا تمبس ونوبي ومحمد البشرى
عليكم الله نحنا ناس اميين في فنيات الكمبيوتر دي
والكلام الزي دة بيخوفنا عديييييل كدة
ولغاية ما بكري يجي فهمونا الكلام دة ممكن يكون حاصل ولا لأ
انا عندي رسالة مجنناني وعاملة ليّ نفسيات
كل مرة بتجي تقول لي privacy violation
تتذكر يا تمبس مرة سألتك عنها
أها نورونا الله ينور عليكم
وكدي خلوا السمك وملاح الخدرة أسة |
وأعاين للكاتب ألقى ليك :
اللله ؟؟؟؟
الباشمهندس ؟!!!!
يا تمبس ونوبي ومحمد البشرى
عليكم الله نحنا ناس اميين في فنيات الكمبيوتر دي
؟؟؟؟
الللللللله ؟؟؟؟!!!
نحن إتغشينا في سيد الحوش وسلمناه رقابنا الإلكترونية وهو أُمي في الكمبيوتر ؟؟؟؟
ومنفصم كمان وبكلم نفسو ؟؟؟
Quote: ولغاية ما بكري يجي فهمونا الكلام دة ممكن يكون حاصل ولا لأ
|
بكري يكلم بكري ؟؟؟؟
ياخوانا سيد الحوش ده إتهكر ولا شنو ؟؟؟
ولا إمكن أنا نعست ؟؟؟
وأنا عادتي لمن ألقى صورة سيد الحوش بقرأ كلاموا كلوا بروح حفظ ما معروف الظروف
فجأة ألقى ليك الإسم :
Shayma
يعني وكمان غير إسموا بدون ما يخطرنا ... الله؟؟؟ غير إسموا كيف وهو كاتب بإسموا برضوا تحت ؟؟؟؟
{وجه مرهق من التفكير}
أهأاااااااااااا
دي شيماء خاته صورة بكري !!!!!!
شيماء
خلعتينا ياخ !!!!
|
Post: #2
Title: Re: شيماء خلعتينا ياخ !!!!
Author: Shayma
Date: 10-25-2007, 03:28 AM
Parent: #1
احمد موسى سلام
الحكاية وما فيها انه الاخ بكري عمل ايقونة (اكواد) الجديدة
وفيها طريقة وضع صورة في البروفايل
وطبّق في صورتو
وما عمل حساب للناس (البليدين) الزينا كدة
جات زولتك طبقت ليك النظرية حرفيا
طلعت ليها صورة بكري
قلتا اقشر بيها حبة وارجعها
لكن حيث انه الموضوع دة ممكن يخلق لبس
وانا خلاص قشرتا وانتهيت
فمن دربي دة ماشة اشيلها
تحياتي
|
Post: #3
Title: Re: شيماء خلعتينا ياخ !!!!
Author: Ahmed musa
Date: 10-25-2007, 07:48 AM
Parent: #1
Quote: جات زولتك طبقت ليك النظرية حرفيا
طلعت ليها صورة بكري |
سبحان الله !!!
الغريب أنا مرة سرقت صورة (على محمود حسنين) من أخوي عدلان أحمد عبدالعزيز
ولصقتها ... الحيرني لمن لصقتها صلعت لي برضو صورة (علي محمود حسنين)!!!
تعرفي يا شيماء الشي التاني اللفت نظري في البوست صورة ود محمد البشرى دي
وود محمد البشرى ده أنا بعرفوا من محبتي لأبوه
ود رزين وروحوا حلوة ما منططة زي عويناتوا المنططة في الصورة
أقولليك ؟؟؟؟ حت لمن أبوه خت صورتوا في أول التبادي ما كانت منططه
أهاااااا بعد البوست التاني أو التالت ما أقولليك
عويناتوا إنططت .... ياربي مالوا ؟؟؟
لكن صورتوا دايما ما بجيني مامعاها صوت (مُتخيل) بقول :
ياربى الأعمام ديل مالهم ؟؟؟؟
وأبوي ده جابني هنا ليه؟؟؟
غايتوا الله يسامحوا ويسامحهم !!!
|
Post: #4
Title: Re: شيماء خلعتينا ياخ !!!!
Author: Shayma
Date: 10-25-2007, 08:09 AM
Parent: #1
سمح يا احمد موسى كدي ننتهز الفرصة ونستفيد من الكلام دة
اها انا كان عايزة اخت لي اي صورة موجودة فييييييييي كمبيوتري دة
ألقى ليها وين رابط عشان اختو في محلي الختيت فيهو رابط صورة بكري؟؟؟
|
Post: #5
Title: Re: شيماء خلعتينا ياخ !!!!
Author: فيصل نوبي
Date: 10-25-2007, 08:33 AM
Parent: #4
Quote: اها انا كان عايزة اخت لي اي صورة موجودة فييييييييي كمبيوتري دة
ألقى ليها وين رابط عشان اختو في محلي الختيت فيهو رابط صورة بكري؟؟؟ |
سلامات يا شباب
ونسه جانبية في البورد
|
Post: #6
Title: Re: شيماء خلعتينا ياخ !!!!
Author: Shayma
Date: 10-25-2007, 08:41 AM
Parent: #5
Quote: اها انا كان عايزة اخت لي اي صورة موجودة فييييييييي كمبيوتري دة
ألقى ليها وين رابط عشان اختو في محلي الختيت فيهو رابط صورة بكري؟؟؟ |
نوبي ما دام جيت براك ما تجاوب ع السؤال دة
عشان انا وغيري نستفيد
وبندفع حق الدرس 
|
Post: #7
Title: Re: شيماء خلعتينا ياخ !!!!
Author: Ahmed musa
Date: 10-25-2007, 11:31 AM
Parent: #1
يازولةدي مسألة بسيطة ناس نوبي ديل خليهم للتقيل ناسالفيشن وكده
تمشي تحميل الصور
تعفصيه
يجيك تحميل
براهو بمشي بمحل الصور وبديك خيارات
صورتك وين؟؟؟
في الدسك توب ؟؟؟
في الكمبيوتر ؟؟؟
في المستندات ؟؟؟ إلخ
بس توريه وتعفصي تحميل
بجيك تاني براهو
بقول ليك أها دايراه في بوست شيلي ده ولصقي
دايراها بروفايل شيلي ده ولصقي
تلصقي
شوية كده يجيك
ما ياهو يا (نوبي)
|
Post: #9
Title: Re: شيماء خلعتينا ياخ !!!!
Author: فيصل نوبي
Date: 10-25-2007, 11:50 AM
Parent: #8
بطريقة تانية
متستسلة و بركة الشكر لـ تمبسنا
نمشي الرابط بتاع تحمل الصور ده
http://www.sudaneseonline.com/u
Quote: - نمشي لي مكان رفع الصور المحدد في البورد .. ونضغط على Browse لتحديد مكان الصورة على جهاز الكمبيوتر .. زي ما موضح بالشكل .. ولتسهيل عملية تحديد مكان الصورة على جهاز الكمبيوتر يفضل دائما وضع الصور المطلوبة للتحميل في ملف إما على سطح المكتب .. أو على المستندات في المجلد الخاص بالصور ..
&
بعد تحديد مكان الصورة نضغط عليها Double Click أو كلك واحد ونضغط خيار Open لإدراج الصورة في محل التحميل ..
- نضغط على خيار تحميل ..
- عند نجاح العملية وقبول الموقع للصورة المطلوبة تظهر الصورة ومعها تسمية الصورة والروابط الخاصة بالتحميل .. التي قام بكري بتجهيزها بشكل يسهل التعامل معه .. كما في الشكل..
يمكن التعامل مع الأكواد بطريقتين:
1- إما عن طريق النسخ المباشر .. كما موضح:
( لاستخدام الصورة في المنتدى انسخ الكود والصقه في المنتدى مباشره ) يمكن في الطريقة الأولى نسخ الكود مباشرة فهو جاهز وعمل لصق في المنتدى في المكان المراد أن تدرج فيه الصورة ..
2- لوضع الصورة في البروفايل يا ( أميرال ) .. نقوم باختيار الرابط الخاص كما موضح في الطريقة الثانية .. http://www.sudaneseonline.com/u/phono.JPG صورة البروفايل يجب أن تكون صغيرة الحجم على الاقل في حجم الباسبورت حتى لا تشوه الصفحة ..
نأخد الرابط الصغير ونذهب للبروفايل الخاص بينا( ملفك ).. ثم نقوم بالاجراء الآتي:
- نقوم بعملية اللصق للرابط الناتج من تحميل الصورة الصغيرة بحجم الباسبورت لو فرضنا أن هذا الرابط كان بالاسم http://www.sudaneseonline.com/u/phono.JPG ونلصقه في مكان الموضح برقم (1) بعد التاكد من مسح كل المساحة بالكامل ..
- بعد اللصق نقوم بالضغط على تعديل البروفايل كما مضوح بالشكل رقم (2) .. وبعد إنتهاء عملية التغيير للبروفايل تتحول الصفحة تلقائيا للوضع الجديد وتظهر رسالة تاكد تعديل البروفايل .. |
مع تحيات tmbis
و للمذيد من المعلومات أعفصو هنا اللــون .. الصورة .. الخطوط .. الاقتباس
كان في حاجة ما واضحة ادونا خبر
|
Post: #10
Title: Re: شيماء خلعتينا ياخ !!!!
Author: Ahmed musa
Date: 10-25-2007, 11:53 AM
Parent: #1
Quote: العزيز ابو حميد و الاخت العزيزة ميادة
ياهو زاتو
بخطوات من المعلم تمبس هنا
Re: بكــرى ابــوبكر ...اسمع...عدييييييييييييييييييييييييييييييييييييل كده
و لرابط تحميل الصور هناأعفص هنا |
أهااااااااا
جبتي الخبراء
جابت ليها (نوبي)
و(نوبي) إقترح (تمبس)والبوست بعد شوية يفلت من يدينا
يبقى كلام (دُراش) لا تفهمي لا أفهموا
ونمشي نعمل لينا بوست تاني
شيماء خلعتينا ياخ !!!! (نُسخة مُنقحةومُعدلةومُؤمنة)
...
...
...
بعدين يا (نوبي) إنت خشيت كيف هنا ؟؟؟
ده بوست أنا عاملوا مُحصن بكلمات الله التامات
من العين والحسد ... والفيشنق والمداخلات !!!!
ــــــــ
تخريمة:
(الاخت العزيزة ميادة!!!) ... مياده دي منوا ؟؟؟!!!
شفت البوست ده خطورتوا كيف ؟؟؟
بكشف الدواخل والله تواصل علا يطلعك البوست عضو لجنة مركزية وين كدا ماعارف !!!!
|
Post: #11
Title: Re: شيماء خلعتينا ياخ !!!!
Author: Shayma
Date: 10-25-2007, 11:57 AM
Parent: #10
| Quote: و الاخت العزيزة ميادة |
نوبي
رمضان عندكم لسة ما انتهى ولا دي الستة من شوال؟؟؟
احمد موسى
اجرب واقول ليك
والبوست دة ما يفلت قبل ما اجرب
|
Post: #12
Title: Re: شيماء خلعتينا ياخ !!!!
Author: فيصل نوبي
Date: 10-25-2007, 11:59 AM
Parent: #11
آسف أختي شيماء
نعسان ..
أمسحيها لي احمد في وشو
|
Post: #13
Title: Re: شيماء خلعتينا ياخ !!!!
Author: فيصل نوبي
Date: 10-25-2007, 12:05 PM
Parent: #10
Quote: تخريمة:
(الاخت العزيزة ميادة!!!) ... مياده دي منوا ؟؟؟!!!
شفت البوست ده خطورتوا كيف ؟؟؟
بكشف الدواخل والله تواصل علا يطلعك البوست عضو لجنة مركزية وين كدا ماعارف !!!! |
تاني ما تعدل و تضيف كلام كتير كده يا احمد
اخوكـ متلخبط بينهم لانهم سجلو في وقت متقارب جدا و عدم تركيز و نعاس ..
خلاس ما تجيب لينا كتاحة تاني ...
|
Post: #14
Title: Re: شيماء خلعتينا ياخ !!!!
Author: غادة عبدالعزيز خالد
Date: 10-25-2007, 12:11 PM
Parent: #13
شيماء يا حبيبة
والله نوبي ده يقول عليك شيماء
يقول عليك ميادة
برضو كتير خيرو
الحل التاني إنو حيتب ليك الإسم
بالحبر السري
أها، قولي الحمد ليك يا مالك روحي
 
سلامات يا نوبي
محبتي يا (ميادة )
|
Post: #15
Title: Re: شيماء خلعتينا ياخ !!!!
Author: فيصل نوبي
Date: 10-25-2007, 12:16 PM
Parent: #14
الاخت الغالية الغادة
عارفة قضيت العيد مع سميتِكـ
قطعنا فيكـ كمية .. و فتشنا الصور 
هسي الحاصل لي ده يكون حنين ولا شيء تاني
مش أخير الحبر السري من البهدلة دي
كل سنة و انتِ طيبة .. ربنا يحقق أمنياتكـ .
|
Post: #16
Title: Re: شيماء خلعتينا ياخ !!!!
Author: Ahmed musa
Date: 10-25-2007, 01:10 PM
Parent: #1
غادة عبدالعزيز خالد:
Quote: سلامات يا نوبي
محبتي يا (ميادة ) |
فيصل نوبي
Quote: الاخت الغالية الغادة
عارفة قضيت العيد مع سميتِكـ
قطعنا فيكـ كمية .. و فتشنا الصور
|
أها يا شيما
ما قلت ليك البوست حيفلت
إنتي بتجربي في شنوا؟؟؟
خلصي خلينا نقفل ونحير الجماعة ديل !!!
|
Post: #17
Title: Re: شيماء خلعتينا ياخ !!!!
Author: Shayma
Date: 10-25-2007, 03:02 PM
Parent: #16
كدة كيف؟؟؟؟
شفتا يا احمد موسى خلعتي ليك في الآخر جابت فايدة
واتعلمت منها
لو عارفة كدة من زمان كنت ختيت صورة بكري في بروفايلي
ونوبي كتر خيرو وراني كيف اتحكم في مقاس الصورة
ماعدمناكم وتسلموا كتير
ويا احمد خلاص قفّل الدكان دة على كدة لغاية الدرس الجاي 
ــــــــــ
غادة يا غدّو ازيك يا غالية
|
Post: #18
Title: Re: شيماء خلعتينا ياخ !!!!
Author: Ahmed musa
Date: 10-25-2007, 03:20 PM
Parent: #1
|
|