مطلوب مساعدة جادة من جميع البورداب خصوصا بورداب الخرطوم للعودة النهائية للسودان

يا جماعة والله العظيم خلاص تعبت وزهجت وقرفت وندمت وزعلت أنى تركت السودان وهاجرت ،

أرغب الآن فى العودة النهائية للسودان ، أرغب فى أن ألملم أطرافى ، وألم نفسى وأسرتى من شر الغربة والتهجير ليمتلئوا بحب الوطن وترابه ، وليذوقوا ويعرفوا معنى العيش بكرامة فى وطنهم العزيز السودان

لا أحب الساسة ولا السياسة ، ولا أحب العنصرية ، ولا أحب التحزب لحزب دون آخر ، ولا أحب الفساد ، ولا أحب الرشاوى ، ولا أحب النفاق ، كل همى الوطن ، أحب الوطن ، وتراب الوطن الغالى وأهله الكرام الطيبون والعيش معهم أو الموت دونهم ،

أرغب فى أن أعود إليهم ، لأعيش ما تبقى من عمرى بينهم ، وأن أموت وسطهم ، وأترك كل أهلى وعيالى للعيش بين أقرانهم فى ذلكم البلد الطيب المدعو السودان حتى ألاقى ربى قرير العين مطمئن الفؤاد

لا أحب العطالة ، بل أرغب فى العمل الشريف ، وللأوطان فى دم كل حر يد سلفت ودين مسترد ، كما أرغب فى رد الجميل للسودان الذى سقانى من ماء نيله الزلال ، وأطعمنى من أرضه الطيبة ، فلماذا أهجره وأتركه لأعيش فى غربة وهم وقلق وقرف؟

لى خبرة طويلة تفوق الربع قرن فى مجال الترجمة ، وخصوصاً الترجمة المالية وبلغة المال والأعمال والإستثمار باللغتين العربية والإنجليزية(مترجم بنك) ، فهل لو عدت للوطن أجد وظيفة مناسبة تهىء لى العيش الكريم؟ ، علما بأننى أتقاضى الآن راتب شهرى إجمالى يعادل ثلاثة ألاف دولار أمريكى عدا عن العلاوات والحوافز وتذاكر السفر والعلاج وخلافه

هل يستوعبنى السودان؟ ، هل يدفع لى مثل ما يدفع لى السعوديين؟ ، هل يمكن فى زمن الطفرة السودانية وبواسطة نفر طيب هم البورداب ، هل يمكن مساعدتى فى إيجاد نوعية العمل التى تناسبنى وتحقق لى العيش الكريم بين أهلى وعشيرتى وبنى جلدتى؟

ساعدونى يا أولى الألباب ، ولا بأس للجادين منكم مراسلتى عبر الماسنجر الداخلى لأوافيكم بالسيرة الذاتية

وتقبلوا وافر تحياتى وتقديرى ، كما أرجو أخذ الموضوع بكل جدية فقد سئمت فعلا من هم الإغتراب

بارك الله فيكم ، ولو لمجرد التفكير فى المساعدة ،

لا مانع عندى أن يكون مقر العمل أى نقطة فى السودان ، شمالا أو جنوبا ، غربا أو شرقا ، أو لعله وسطا كما لا أبالى إن كانت الوظيفة لدى جهة حكومية أو منظمة أو قطاع خاص أو أى من شركات الإستثمار العاملة أو القطاع الخاص ، فقط أرغب فى المساعدة منكم لأنى أجهل تماما المداخل والمخارج فى السودان الحبيب لظروف طول الإغتراب حتى أصبحت فاقدا لظلى وظل أبنائى برغم أنى من أمدرمان



تحياتى وفى إنتظاركم

ملحوظة : يمكن أن أباشر وظيفتى غداً لو كنتم ترغبون ، وإن غداً لناظره قريب



إيمانى الراسخ بهذا المنبر ورجاله ونساءه هو حافزى لكتابة البوست ، ما عدمناكم

وللقراء يمكن مراسلتى عبر الإيميل:
[email protected]



أخوكم
هشام شيخ الدين

اوووووووعى تجي


شفت النضم البتشوفو في التفلزيون دا....كلو كضب

اسعلني انا لي سنتين جاري زي كلب الحر


صديقك

كلب الحر اركان حرب سجيمان

ما عندك حل إلا تتكوزن أو تبقى حركة شعبية!

بالعدم حا تضطر تفتش فيزا عشان ترجع مرة تانية ...

Elhadi

ده جنس النضم الأنا خايف منو



أنا لا أنتمى للمؤتمر الوطنى ، ولا للحركة شعبية ، بل حزب أمة (بالوراثة) تالد عن تالد ، ولكنى (سودانى) ، بل سودانى حتى النخاع ، وحدوى وضد إنفصال الجنوب ، ومنهجى السياسى يصب فى ذلك الإتجاه ، ولا أفكر حالياً من منظور سياسى ، بل أرى أن من واجب الحزبين الشريكين تفهم حالة الملايين مثلى فنحن نمثل الشريان الأورطى للسودان ، وبدون هذا الشريان لا تكون هنالك أى حياة ، ويجب أن يجد كل سودانى يصل لما وصلت إليه سوى من ناحية عامل سن أو من ناحية إتخاذ قرار العودة يجب أن يجد إهتمام ورعاية الدولة حتى لا يضيع الوطن ، ويستفيد الوطن من خبراتنا التى جنيناها من سنوات غربتنا ويجزل إلينا العطاء فى تحقيق أبسط قواعد الحياة الكريمة بين حنايا الوطن ، ونساعد فى مد جسور التطور ويصب ذلك فى مصلحة الوطن الأم ، ويجد بالتالى أبناؤنا المناخ الجاذب وتعود للإنسان السودانى تلكم الهوية المفقودة منذ الأزل ،

وإذا لم تتفهم الدولة هذا الأمر ، وهى مشغولة عنا تناقش خفايا إتفاقية نيفاشا ، فسؤالى ،

أليس فى القطاع الخاص رجل رشيد؟

سلامات يا زول يازول،

قالوا عيب الزاد ولا عيب سيدو، دحين مِد كوريتك:

http://www.sudanjob.net/member.php?s=9f444b4d00ab8ebcbed9b63fb55710b8
http://www.dalgroup.com/dalcareers/
http://careers.zain.com/careers/UserLogin.aspx?Relogin=1&CompanyID=25
http://www.alsayeronline.com/English/careers/jobs.asp

مع أمنياتي لك وبالتوفيق أينما حللت.

Adil Al Badawi

جميل ، كما عهدناك



تسلم أخى الكريم ، فقد وضعت الأربعة مواقع فى المفضلة عندى ، وسأجضمها (تجضيما)

يازول كيفك
كنت اعمل في المملكة لفترة خمسة سنوات...قفلت معاي بين يوم وليلة اخدت القرار لكن انا (Single)الله ورقبتي
ولي سنتين اعمل في السودان....عشت التجربة بالريال وبالجنيه
راتبك في السودان مقارنة مع نفس الوظيقة... صعبة شوية...قد تكون الوظيفة متاحة في بعض المواقع العليا مثل الامم المتحدة او غيرها وكخبير حد علمي حسب سنوات حبرتك التي ذكرتها.
شيء آخر في السودان إذا أمنت بعض المتطلبات مثل السكن والعربية فالراتب لاسرة تعودت العيش في الخليج يمكن ان يكون الفين دولار فما فوق.يعني ضحي بالف دولار ممكن
شيء واحد ايضا اوصي به(حتقول لي طيب كيف..وانا ما عارف) حاول اتعاقد وانت في عملك...السودان ده صعب لو مافيه دخل ثابت من اول يوم ترجع فيه وحتاكل من سنامك وده صعب
اعلم ان الغربة احر مما يتصوره البعض...لكن هنالك اشياء مزعجة اكثر من حرارة الغربة...ستعايشها في السودان يوما بيوم وستقول انو الهجرة حل برضو

ما تستعجل وحسبها...الغربة حارة والوطن جميل...وهذا الوطن الجميل بدون مال يصبح كابوس ومشنقة عقال الكفيل جنبه طوق من الورود.
الله المستعان

Gamar BoBa

Quote: يازول كيفك كنت اعمل في المملكة لفترة خمسة سنوات...قفلت معاي بين يوم وليلة اخدت القرار لكن انا (Single)الله ورقبتي ولي سنتين اعمل في السودان....عشت التجربة بالريال وبالجنيه راتبك في السودان مقارنة مع نفس الوظيقة... صعبة شوية...قد تكون الوظيفة متاحة في بعض المواقع العليا مثل الامم المتحدة او غيرها وكخبير حد علمي حسب سنوات حبرتك التي ذكرتها. شيء آخر في السودان إذا أمنت بعض المتطلبات مثل السكن والعربية فالراتب لاسرة تعودت العيش في الخليج يمكن ان يكون الفين دولار فما فوق.يعني ضحي بالف دولار ممكن شيء واحد ايضا اوصي به(حتقول لي طيب كيف..وانا ما عارف) حاول اتعاقد وانت في عملك...السودان ده صعب لو مافيه دخل ثابت من اول يوم ترجع فيه وحتاكل من سنامك وده صعب اعلم ان الغربة احر مما يتصوره البعض...لكن هنالك اشياء مزعجة اكثر من حرارة الغربة...ستعايشها في السودان يوما بيوم وستقول انو الهجرة حل برضو ما تستعجل وحسبها...الغربة حارة والوطن جميل...وهذا الوطن الجميل بدون مال يصبح كابوس ومشنقة عقال الكفيل جنبه طوق من الورود. الله المستعان

سأعمل وفق كلامك الجميل ، أحييك وأشكرك بارك الله فيك

إنت ده بالذات يا سجيمان ، كنت أحد النماذج الأنا مبسوط منها ، عشان إتخاذك للقرار الشجاع ، بس كلامك ده وكونك (كلب حر) وبدرجة (أركان حرب) حاجة تحير

على العموم ، قلنا فتاح يا عليم رزاق يا كريم ، وسيدى باب فضلو مو مسدود

تحياتى سعادتك

ولاّ أضرب ليك تعظيم حقو



قال ملصو نعلاتكم قال

سجيمان ده شغال في وظيفة وبيفتش في التانية
عشان يعيش مستور الحال ومايسلف كل شهر ..!!
يعنى انت لو داير مرتب 3 الف دولار وامتيازات المفروض تبحث عن 12 وظيفة على الاقل ..!!


اها ... بعد ده قرر ........

الطاهر ساتى

يعنى المسألة فيها (شلهتة) قصدك ، أم أن المسألة تتعلق بالصرف (الفظيع) كما يقول (العائدون من الإجازات)؟



كان الله فى عون سجيمان ومن لف لفه



تعرف يا الطاهر أقول ليك سر بينى وبينك ، سجيمان ده رباطابى قاعد (يسحر فى روحو)

سلام يا هشام :
يازول ألعن إبليس وشيل نفسك وواصل كفاحك وعطاؤك الجن البتعرفوا أحسن ليك ...
الشفيع

اخى هشام ..لك منى التحية وكل الود
الفكرة جميلة وليها زمن معشعشة فى الراس ..بس عايزه ليها شجاعة ما اكتر
اقوليك ادينى فرصة شهر نوفمبر القادم ده ..اقضيه فى السودان واجيك بالخبر
اليقين .. يا رجعنا ولا .. جاورنا !!!
ليك منى سلام
يوسف

يوسف محمد يوسف

أمشى (إستقصأ) لينا بالسلامة وتجى راجع قوام ، ونحن فى إنتظار التقرير يا سعادتك



يوسف ، الحالة (النفسية) تقرف العدو

Alshafea Ibrahim

الله يلعنك يا إبليس


كدى النشوف باقى النضمى

Quote: فهل لو عدت للوطن أجد وظيفة مناسبة تهىء لى العيش الكريم؟

العيش الكريم هنا خشم بيوت ...
مرتبك لوكفاك اسبوعين بيعتبر عيش كريم جدا هنا ...


أها انت مفهومك للعيش الكريم شنو ..؟؟؟

Quote: لى خبرة طويلة تفوق الربع قرن فى مجال الترجمة ، وخصوصاً الترجمة المالية وبلغة المال والأعمال والإستثمار باللغتين العربية والإنجليزية(مترجم بنك) ، فهل لو عدت للوطن أجد وظيفة مناسبة تهىء لى العيش الكريم؟ ، علما بأننى أتقاضى الآن راتب شهرى إجمالى يعادل ثلاثة ألاف دولار أمريكى عدا عن العلاوات والحوافز وتذاكر السفر والعلاج وخلافه

يا ود شيخ الدين

والناس القاعد ترسليهم وتساعدهم ينتحروا ولا شنو!
والله ترجع علا يجيك شلل اطفال!
يا هشام اخوى انا شغال هنا وشغلى حقى براى يعنى ما عندى زول فوق راسى والبجيبوا بدخلو فى جيبى وما بقول ليك كم عشان بخاف من العين او يقولوا الجاك او يجوا يمتحنوتى يقولوا لى سلفنى ! ولو رجعت السودان اضافة الى انى حألف صينية فى ناس بى غادى حيدفعوا تمن تهورى!
ونحن قاعدين بى جاى الا ان يقضى الله امرا كان مقضيا يعنى يطردونا او صاحب الامانة يشيل امانتو او ينصلح حال السودان ليصبح جاذبا
اضافة الى اننا قضينا الكتير ما باقى الا القليل فى الزايلة دى وما بنقدر على مرمطة الكبر!
دحين بطل حماقة وتهور قروشك البيدوك ليهم تصرفن علاج بس!
انا جنس النضم حقك دا ولانى قاعد افكر فوقوا بس بدعوا اقول اللهم نعمة احفظها من الزوال!
كمان اقوم امشى للبشتنة والشماتة بى كرعينى!
قيل لأشعب لم لا تجاهد فى سبيل الله!
قال انى لأكره الموت على فراشى فكيف أسعى اليه راكضا!
داحين ياود شيخ الدين شيل الموت وخت بدلوا السودان ليستقيم المعنى ففى الموت راحة!
جنى

جنى الحبيب

Quote: انا جنس النضم حقك دا ولانى قاعد افكر فوقوا بس بدعوا اقول اللهم نعمة احفظها من الزوال! كمان اقوم امشى للبشتنة والشماتة بى كرعينى!

نؤمّن على دعاك يا رجل ، ونقول الله غالب

Quote: داحين ياود شيخ الدين شيل الموت وخت بدلوا السودان ليستقيم المعنى ففى الموت راحة!

يعنى الزول الماشى السودن معناتو ماشى الموت ، والزول الجاهو الموت جاهو السودان

لووووووووووووووووووووووووووووول



تسلم يا جنى ، وحاسس بأنى لازم ألاقيك ولو فى قهوة بنى مالك نتفاكر شويتين

تسلم

خذ هذه النماذج واحكم :
اعرف طيارا راتبه في حدود 15 الف دولار ، خارج السودان مع تحويشة عمر ،ركلها وعاد الى السودان ، ومن يومها لم يسمع عن الدولار الا في السينما الغشاشة .
اعرف طبيبا مشهورا كان راتبه في حدود 20 الف دولار بجانب سكن راقي وهو ليس بحاجة الى تامين صحي وغيره ، عاد الى السودان ومن يومها لم يسمع بالدولارات الا عندما يستدعي احلام السنين التي انقضت منه في برهة .
اعرف سمسارا ترك راتبا في حدود الفي دولار ،قال لي مخدمه انه اوشك على الموت في السودان مما بذله من جهد في البحث عن لقمة العيش فرق قلبه له واعاده .
واعرف اخرين احرقوا مراكبهم وقطعوا الطريق الى العودة ، فاستطاعوا ان يمسكوا بقرني التنين ، ولا اظنك من هؤلاء .
انصحك بالتريث كثيرا الا اذا كنت من الفئة الاخيرة ، وحسب تجربتي ومعارفي ، ان سوق الترجمة في السودان ما زال مثل سوق تخصيب اليورانيوم ،فشركات البترول صينية وماليزية وسودانية وكلهم يعتزون بلغاتهم ويحاربون الانجليزية واهلها .
عائدات الترجمة في شعبة الترجمة جامعة الخرطوم وهي الجهة الوحيدة التي كانت معتمدة في زماننا ذلك لم يكن عائداتها يسد رمق من يقومون بذلك العمل المضني .
كان الدكتور هاشم الطاهر رئيس شعبة الترجمة يقول : ان المامون كان يعطي المترجم زنة ما يترجمه ذهبا!! وفي السودان لا يحصل المترجم على شيء .
من اميز المترجمين الذين عرفتهم صديقنا الدكتور الصادق بابكر ، ترجمة تحريرية وفورية، ظل حتى غادر السودان ولم ينل من خيرها ما يدعو الى الركون اليها .
اذا اردت ان تحصل على عائد مالي مجز في السودان فعليك ان تنسى مؤهلاتك ..
فالمطلوب في سوق الله اكبر لا يقبل المؤهلات وخاصة الاكاديمية .
ودعني اقول لك في النهاية ان العودة الى السودان اجمل وافضل من كل دولارات الدنيا ،هذا ما يقوله عقلي ولكن من يقنع بطني .
والود لك عدت او بقيت .

الدكتور عبدالمطلب صديق

Quote: دعني اقول لك في النهاية ان العودة الى السودان اجمل وافضل من كل دولارات الدنيا ،هذا ما يقوله عقلي ولكن من يقنع بطني

لو سمعت مقولة حبوبتى لأقنعت بطنك عقلك ، فقد كانت رحمة الله عليها تقول (وطنى ولا ملى بطنى)



يا دكتور والله كلامك جميل جدا وهى من القصص الواقعة والتى يجب أن تكون رادعاً قوياً لكل من تسول له نفسه حب وطنه وأهله ورغبته فى الموت بينهم ،

ماذا جنينا يا دكتور؟

Quote: واعرف اخرين احرقوا مراكبهم وقطعوا الطريق الى العودة ، فاستطاعوا ان يمسكوا بقرني التنين ، ولا اظنك من هؤلاء

إذن فلنجرب قرنى التنين ، وهل مسك قرنى التنين حلال أم حرام يا دكتور؟



وهل يستطيع موعود خمسين مثلى بالركض وراء (غنماية) ليمسك ذيلها؟



حاجة تحير يا سودان

والحب ده نوديه وين يا دكتور؟؟؟؟

أعرف كثير من (العوام) يا دكتور هم محسوبون بين أثرياء السودان ولا يهمهم ما نناقشه هنا يا دكتور فبطونهم متخمة وحساباتهم محشوة وعماراتهم تقول يا غربتى




الله كريم علينا يا دكتور والأقسام أقدار مقدرة وقسم مكتوبة وشغلانة مقضية منذ الأزل ، يبقى جزعنا وهمنا وركضنا وشلهتتنا هى المكتوبة يا دكتور ولا حول ولا قوة إلا بالله

وختاماُ أشكرك يا دكتور على صدق كلماتك وقد أحسست بها أنها قد أتت من قلب سودانى ناصع البياض ، وده واحد من الأسباب الموديانا عشان نلاقى الزيك يا ملك

الدكتور عبدالمطلب صديق

Quote: دعني اقول لك في النهاية ان العودة الى السودان اجمل وافضل من كل دولارات الدنيا ،هذا ما يقوله عقلي ولكن من يقنع بطني

لو سمعت مقولة حبوبتى لأقنعت بطنك عقلك ، فقد كانت رحمة الله عليها تقول (وطنى ولا ملى بطنى)



يا دكتور والله كلامك جميل جدا وهى من القصص الواقعة والتى يجب أن تكون رادعاً قوياً لكل من تسول له نفسه حب وطنه وأهله ورغبته فى الموت بينهم ،

ماذا جنينا يا دكتور؟

Quote: واعرف اخرين احرقوا مراكبهم وقطعوا الطريق الى العودة ، فاستطاعوا ان يمسكوا بقرني التنين ، ولا اظنك من هؤلاء

إذن فلنجرب قرنى التنين ، وهل مسك قرنى التنين حلال أم حرام يا دكتور؟



وهل يستطيع موعود خمسين مثلى بالركض وراء (غنماية) ليمسك ذيلها؟



حاجة تحير يا سودان

والحب ده نوديه وين يا دكتور؟؟؟؟

أعرف كثير من (العوام) يا دكتور هم محسوبون بين أثرياء السودان ولا يهمهم ما نناقشه هنا يا دكتور فبطونهم متخمة وحساباتهم محشوة وعماراتهم تقول يا غربتى




الله كريم علينا يا دكتور والأقسام أقدار مقدرة وقسم مكتوبة وشغلانة مقضية منذ الأزل ، يبقى جزعنا وهمنا وركضنا وشلهتتنا هى المكتوبة يا دكتور ولا حول ولا قوة إلا بالله

وختاماُ أشكرك يا دكتور على صدق كلماتك وقد أحسست بها أنها قد أتت من قلب سودانى ناصع البياض ، وده واحد من الأسباب الموديانا عشان نلاقى الزيك يا ملك

والأسبوعين التانين بيتموهم كيف يا الطاهر؟

ياخ ديل إما عندهم موارد تانية (نقاطة يعنى) ، أو بستهبلوا علينا عشان ما نرجع



وهل كل من عاد يا الطاهر كان راتبه يكفيه لأسبوعين ، وخلاص؟

لا حولالالالالالالالالالالالا

يرفع لإستقطاب المزيد

يا زول ما تصدق الكلام الفوق دة ارجع لو عاوز ومتجهز بس لازم تكون عندك نقاطة يعني شقتين تعملهم فوق السطح وتاجرهم مفروشات بيسدوا حق الحلة وحق العلاج ولازم ترسل عربيتك قدامك عشان ما تمشي من الاستاد لبرج البركة(وسط الخرطوم) كداري وبعد داك وقبل ما تجي تمشي تحول التحت البلاطة وتشتري شهادات شهامة لانو دخلها السنوي حايسندك ويسد نوازل الزمن المامعروفة وبعد داك wellcome to sudan لكن لو ما بتقدر علي ديل وما عندك مقدرة اخير ليك تقعد قعادك عشان ما ترجع تفتش ليك فيزا بتاعت عامل تربية وتبدا تاني من جديد

Quote: العيش الكريم هنا خشم بيوت ...

تعرف يا الطاهر عندنا واحد صاحبنا فى الحقيقة شايقى لكن فى الشريعة جعلى
يعنى متهور واهوج وارعن زى صاحبكم اللى ما يسماش الأول حرف من أسمه عمر أحمد البشير
مصر يعمل خروج نهائى ونحن نشيل ونخت حلف بالتقطعوا لا زم خروج نهائى! يا راجل اعمل خروج وعودة ستة شهور ادى نفسك فرصة! ركب راسو زى صاحبكم الساكن فى شارع النيل وفى القيادة وفى كوبر اللى ما يسماش واتجوعل ووصل الحد وقال لو جيت البلد دى تانى تعالوا تفوا لى فى وشى!!
الراجل باع عفشوا بما يغضب الله واشترى ليهو حاجات وشحنها قال نقاطة! واخوك من الحاجات الشالها انا عرفتوا الحول ما بتمو! الراجل زاد فوق السنة قاطع الاخبار الفار لعب فى عبنا وقلنا الراجل طلع كلس وارجل مننا!
اها لا قيت اخوهو الاصغر منه قلت ليهو اخوك الرمة دا لاحس لا خبر قرب للسنتين!
اخوهو قال لى يا خى كفيله الجديد ما مديهو نفس حتى العمرة ما بخليهو يمشيها!
ايوااااا وجريت الكرسى لى قدام ليه ولمتين وشغال شنو وتلفونو كم وجا متين راجع! 8 شهور بس والراجل استغاث باليونايتدنيشن والانروا وكير والهلال الاحمر والصليب الاحمر ونجمة داؤود!
أها طيب سلم عليهو واديهوا تلفونى واذا داير يزورنا عديل نحن مربيين وما بنتف للناس فى وشهم!
اها انا من ديك مقتنع بالبيان بالعمل!
اى زول تنصحوا يقول ليك انت حاقد!!
جنى

يازولyazoalيازول
سلاماااات
اوعك ترجع ....اياك ثم اياك ...
ممكن ترجع فى حاله واحده ...تكون خلاص ناوى تنزل معاش ...عشان ترجع تتفرغ للفن ....معليش قصدى تتفرغ للونسه و البرامج فى السودان . لكن لو عندك اولاد لسه فى المدارس و مصاريف راجياك ..خليك فى مكانك و ما تتبطر على النعمه
و ممكن برضوا ترجع اذا كنت عملت ليك بيت ( و لواتنين برضو كويس ) و عربيه كويسه ..و حاجه تانيه كده تدخل منها دخل محترم ...و لما اقول حاجه تانيه ..اكيد ما قصدى تكسى او حافله او بقاله ...(ما قصدى اى حاجه ما كويسه)...ديل بيجيبوا دخل ما كعب ....بس ما حتى قريب لدخلك الحالى. لما اقول "حاجه" ...قصدى مبنى 3 طوابق فى الرياض يتاجر لشركه بترول يقوم يعمل ليك دخل 3- 4 الف دولار فى الشهر ... و عندها ممكن تتفرغ للونسه. او تفتش ليك وظيفه على راحتك

اسمع كلام جنى ....طلع زول عاقل جداجدا

جنى
متزكر الزول الانصار السنه اللمثقف ؟؟؟ ذى ما قلت ليك بيسمع غناء و بيمشى الدكتور و بيموت فى الافلام ...عيبه الوحيد انه ذى صديقنا يازولyazoalيازول ده, مرات... مرات بتجيه افكار شريره و بيقول عاوز يرجع السودان

Quote: وعك ترجع ....اياك ثم اياك ... ممكن ترجع فى حاله واحده ...تكون خلاص ناوى تنزل معاش ...عشان ترجع تتفرغ للفن ....معليش قصدى تتفرغ للونسه و البرامج فى السودان . لكن لو عندك اولاد لسه فى المدارس و مصاريف راجياك ..خليك فى مكانك و ما تتبطر على النعمه و ممكن برضوا ترجع اذا كنت عملت ليك بيت ( و لواتنين برضو كويس ) و عربيه كويسه ..و حاجه تانيه كده تدخل منها دخل محترم ...و لما اقول حاجه تانيه ..اكيد ما قصدى تكسى او حافله او بقاله ...(ما قصدى اى حاجه ما كويسه)...ديل بيجيبوا دخل ما كعب ....بس ما حتى قريب لدخلك الحالى. لما اقول "حاجه" ...قصدى مبنى 3 طوابق فى الرياض يتاجر لشركه بترول يقوم يعمل ليك دخل 3- 4 الف دولار فى الشهر ... و عندها ممكن تتفرغ للونسه. او تفتش ليك وظيفه على راحتك

عييييييييييييييييييييك!
اها من دربك دا على الكفيل يجدد ليك اقامتك 32 سنة ومن ميسك عى ام القرى الكعبة المشرفة عدل واستار الكعبة الما بتغاباك ويارب طول العمر فانه لا يعجزك رغم معدل اعمار السودانيين القصير وممحوق!
رحم الله دكتور خالد الكد القائل:
يظل المغترب يكدح السنين الالطوال ليبنى بيتا لا ليسكنه ولكن ليشيع منه!
واسمارت دايرة ليك بيتين التانى Redundant and functionless
يعنى لام العيال الورثة
يطول عمرك مع العافى يا ود شيخ الدين
جنى

smart_ana2000

شكرا جزيلا فعذا رد عقلانى جدا جدا وسأعمل وفق ما ورد فيه

تحياتى وشكرى الجزيل

جنى

Quote: اى زول تنصحوا يقول ليك انت حاقد

تصدق فعلا دى مشكلة كبيرة ، وهى تصب فى (سوء الفهم) ، وقد شاهدت نماذج من هذا النوع كثيرة جدا ،

تعر ف يا جنى نحن السودانيين ديل تركيبتنا عجيبة خالص خالص

الله يدى السودانيين العافية

الزبير صالح الزبير

أشكرك على إضافتك المتميزة , وربنا كريم

Quote: لا أحب الساسة ولا السياسة ، ولا أحب العنصرية ، ولا أحب التحزب لحزب دون آخر ، ولا أحب الفساد ، ولا أحب الرشاوى ، ولا أحب النفاق

الا تمشي محل غير السودان

ربنا يوفقك يازول.....لكن نصيحتي ليك اوع تعمل خروج بدون عودة.....خلي شوية رواب في المملكة يمكن ترجع!!!!!

Quote: جنى متزكر الزول الانصار السنه اللمثقف ؟؟؟ ذى ما قلت ليك بيسمع غناء و بيمشى الدكتور و بيموت فى الافلام ...عيبه الوحيد انه ذى صديقنا يازولyazoalيازول ده, مرات... مرات بتجيه افكار شريره و بيقول عاوز يرجع السودان

كتفيهو !
بى جنزير!
موش عند شيخ!
تعرفى يا اسمارت
من مميزات الغربة االقليلة هى حميمية الاسرة والارتباط الوثيق بين افراد الاسرة وهذا للأسف لا يتوفر فى الوطن!
واكيد دا من اهم العناصرفى الحياة العائلية!
جنى

Quote: من مميزات الغربة االقليلة هى حميمية الاسرة والارتباط الوثيق بين افراد الاسرة

صدقت يا جنى

نوع ده المصبرنا(من الصبر)

omer altom

الله يديك العافية فكلامك عين العقل