Post: #1
Title: ورجعت ليك ... !!!
Author: وصال عالم
Date: 10-24-2007, 01:18 PM
Parent: #0
ورجعت ليك.....
شايل غناوي الريد حروف
وهمست في صمتك كلام
ونّست بيك ريحة الجروف
من رقة الإحساس خطاك
نسمة عبير .. رعشة كفوف
بسمة ملاك شايل جمال
بّدّد دروب مليانة خوف
البيني بينك إشتياق ...
إحساس مسافر دون وقوف !!
ناديني من نبضك بجيك
وديني في خاطرك طيوف ..
ياغيمة من عسل الكلام
أديني من شهدك قطوف
خليني أنهل إشتياق ..
أدخل مساحاتك وأطوف
يمكن أعود لحظة رؤاك
وأرجع رموش عينيك أشوف !!
والتحية للأخ / عمار محي الدين فهي من إهداءه وتوقيعه ..
وصال عالم
|
Post: #2
Title: Re: ورجعت ليك ... !!!
Author: الطاهر ساتي
Date: 10-24-2007, 01:19 PM
Parent: #1
ورجع للمنبر بعض الألق
شكرا ليك ... وليهو ..
|
Post: #4
Title: Re: ورجعت ليك ... !!!
Author: وصال عالم
Date: 10-24-2007, 01:26 PM
Parent: #2
الطاهر ساتي
سلام ،،،
الألق بحضوركم الأنيق في هذا البوست .. وعبوركم البهي ...
ومابين الرجوع والحيرة وقفة .. للتنفس .. للتأمل .. للمراجعة !!
ولكن يبقى أن النبض الكائن فينا .. محبتي لكم ؟؟.. وانتم فى غفوة غياب ..أجيال !! منو الفاكر.. معالم الرؤيا... ودرب الرحلة .. فى زمن طامح .. مساراته..شجون.. من هم ... وهل.. نتلم؟؟!!..وكيف..نكتم.. أزيز الشكوى .. ورنة ..الترديد.. وغربة مسار الخطوه... على أفق .. فى مداه..بعيد!!
تسلم الطاهر يارب !!
وصال عالم
|
Post: #3
Title: Re: ورجعت ليك ... !!!
Author: وصال عالم
Date: 10-24-2007, 01:21 PM
Parent: #1
محتار معاك.. يوم أشتهيك
تسبقني دايماً لهفتك.....
أنا والغرام دربين طوال
شاقين مداخل سكّتك
حاضنين صباحاتك كلام
عاشقين نجيمة طلتك
والنظرة من عينيك صباح
إشراقه زايد.... روعتك
أديني من روحك جمال
أو من مداخل بسمتك
ختيني في صدرك وشاح
تدّفي ساعة هجعتك ...
وأنا في رجاك زي الفراش
مستني موكب عودتك....
ياريتني لو بقدر اكون
غيمة بتضلل مشيتك
أو واحة في نص الطريق
مشتاقة تهمس كلمتك
أسقيك حنان تدفي بي
او في الهجيرة أضللك
وأنا من زمان حارس مجيك
ياعمري جد ... بتنفسك
لو أي زول عرف الحياة
إنو السعادة هي منبعك
كان السحاب بقى من عطر
وإستنشقت كل الخلايق روعتك !!
وصال عالم
|
Post: #6
Title: Re: ورجعت ليك ... !!!
Author: Abd Alla Elhabib
Date: 10-24-2007, 01:40 PM
Parent: #3
ما أندى حروفك يا وصال...
زيدينا من فوح بستانك الوريف.
نعم...شذى زهر ولا زهر !!
ولك دوما أطيب الأمنيات .
|
Post: #11
Title: Re: ورجعت ليك ... !!!
Author: وصال عالم
Date: 10-25-2007, 07:48 AM
Parent: #6
Abd Alla Elhabib
تسلم يارب !!
أشكرك على المرور والتعليق ..
بشكرك
معني وكيان...
أحرف بيان مستوطنه
تجمع تلم
مطر الغني
بتحسسك !!
وصال عالم
|
Post: #5
Title: Re: ورجعت ليك ... !!!
Author: هاشم أحمد خلف الله
Date: 10-24-2007, 01:36 PM
Parent: #1
Quote: ورجعت ليك.....
شايل غناوي الريد حروف
وهمست في صمتك كلام
ونّست بيك ريحة الجروف
من رقة الإحساس خطاك
نسمة عبير .. رعشة كفوف
بسمة ملاك شايل جمال
بّدّد دروب مليانة خوف
البيني بينك إشتياق ...
إحساس مسافر دون وقوف !!
ناديني من نبضك بجيك
وديني في خاطرك طيوف ..
ياغيمة من عسل الكلام
أديني من شهدك قطوف
خليني أنهل إشتياق ..
أدخل مساحاتك وأطوف
يمكن أعود لحظة رؤاك
وأرجع رموش عينيك أشوف !!
والتحية للأخ / عمار محي الدين فهي من إهداءه وتوقيعه .. |
يا سلام عليك يا وصال تغيبي تغيبي وتاتي بمثل هذا الجمال شكراً
|
Post: #7
Title: Re: ورجعت ليك ... !!!
Author: مجدي عبدالرحيم فضل
Date: 10-24-2007, 01:48 PM
ياسلام ياوصال عالم رجعت لينا الألق مره آخري للساحات التي كانت يابسه
بدونك ويسلم الكلام ويسلم يراع أخونا وحبيبنا وجارنا العزيز عمار محي الدين
وعبرك له التحايا ولأخوانه د. تيسير وجنابو وليد والفنان العازف الراقي عثمان
ولكي عظيم مودتنا أيتها الممتلئ وود ووصال.
،،،،أبوقصي،،،،
|
Post: #8
Title: Re: ورجعت ليك ... !!!
Author: مدثر محمد ادم
Date: 10-24-2007, 02:37 PM
Parent: #7
الرائعة وصال سلامات وحمدالله علي السلامة
| Quote: ومابين الرجوع والحيرة وقفة .. للتنفس .. للتأمل .. للمراجعة |
بدون تعليق تسلم حروفك
|
Post: #14
Title: Re: ورجعت ليك ... !!!
Author: وصال عالم
Date: 10-25-2007, 08:05 AM
Parent: #8
مدثر محمد ادم
سلامات ... وتسلم من كل شر يارب !!
لو أرهقتني بالنضوج قناعتي
ألقيتها طوعا ولا أخشى .. لننبذ كل هـدام ..
ونحفظ للقديم الواصل النفحات .. إعزازا وإجلالا ..
وكل سنة وإنت طيب !!
وصال عالم
|
Post: #13
Title: Re: ورجعت ليك ... !!!
Author: وصال عالم
Date: 10-25-2007, 07:56 AM
Parent: #7
أبو قصي
سلام أشكر المرور .. ماأسعدني حقاَ معرفتك للأخ عمار .. ذا الحروف الرشيقة والإحساس المرهف ...
مطر الغنى
شتت غمامك للزمان
ادانا احساس بالوجود
نور مساحات المكان
أشكرك جدا
وصال عالم
|
Post: #23
Title: Re: ورجعت ليك ... !!!
Author: مجدي عبدالرحيم فضل
Date: 10-27-2007, 07:59 AM
Parent: #13
ورجعت ...ليك ...!!!
لاالهمسه نامت في البعيد
ولا النسمة دارت في المغيب
ويارجعت ماعادت تفارق الأحباب
ويابسمة سكنت في الأحداق عيون
الوليد محي الدين من الشباب المجًدين القلائل له
ألف حب وحب والتحية لك وأنت من تبحثين عن المجًدين
علي حد الجمال كمال دمتي لنا ياوصال همس القوافي
الراجعه من جوف المنابر.
،،،،أبوقصي،،،،
|
Post: #12
Title: Re: ورجعت ليك ... !!!
Author: وصال عالم
Date: 10-25-2007, 07:51 AM
أخي الشقيق هاشم
تسلم يارب !!
أشكرك جداَ على المرور الأنيق دائماَ ... وأشكر الجميل عمار ..
وصال عالم
|
Post: #9
Title: Re: ورجعت ليك ... !!!
Author: محمد عثمان
Date: 10-25-2007, 04:23 AM
Parent: #1
Quote: حاضنين صباحاتك كلام
عاشقين نجيمة طلتك |
وصااال...
عودا حميدا
و عيد مباارك..
محمد سعد دياب
بصوت الجيلانى الواثق..
|
Post: #10
Title: Re: ورجعت ليك ... !!!
Author: ابوبكر يوسف إبراهيم
Date: 10-25-2007, 05:37 AM
Parent: #9
أختي العزيزة وصال
سلامٌ على روحك الطيبة
أختي هذه رائعة من روائعك الرائعات التي تزين هذه السوح الظميئة إلى كل مزن يهطل ليروي الأرض الجديبة.. شاعرية خصبة ومفردات أجمل وروح شاعرية شفيفة تستنطق البيان بعذب القصيد.. أسجل أنبهاري
ودمتِ أختي العزيزة لتزينين عقدأ هو قبيلة الشعراء
|
Post: #16
Title: Re: ورجعت ليك ... !!!
Author: وصال عالم
Date: 10-25-2007, 08:16 AM
Parent: #10
د. أبوبكر يوسف إبراهيم
سلام ،،، وربنا يحقق الأمنيات !
أشكر حس إنبهارك والذي توقفني معانيه حد الدهشة ...
والسكة لسة ملانة شوق
تدينا إحساس بالصراع
حتى الصراع بصبح جميل
جوة القلوب يفرد شراع
يوصل مدى الزمن الجميل
مابين عيون تشرق شعاع
وشعاع جميل عبر المدى !!
وصال عالم
|
Post: #15
Title: Re: ورجعت ليك ... !!!
Author: وصال عالم
Date: 10-25-2007, 08:09 AM
Parent: #9
محمد عثمان
سلام ،،، وتسلم يارب من كل شر !!
أشكر الأريحية العالية .. طوافك هنا أضاف إيقاع حجل خطواته الرشق والنغيم...فلقد لملم بحفيف خطاه.. تلك المشاوير الحنان.. وأضاف على مرسم الأيام ريشة ألوان .. بنفسجية الملامح.. ومختلطة التمنى وفضفاضة المنى!! وكم اشرقت الأنوار.. عندما طلت حروفك الألق مصحوبة بالنغم الهادئ الطروب !
وصال عالم
|
Post: #17
Title: Re: ورجعت ليك ... !!!
Author: د.محمد حسن
Date: 10-25-2007, 08:25 AM
Parent: #1
نسكت بس ونتمحن
وصال يا بدر المنبر
|
Post: #18
Title: Re: ورجعت ليك ... !!!
Author: وصال عالم
Date: 10-25-2007, 08:39 AM
Parent: #17
د. محمد حسن
سلام ... وتسلم يارب !! وكل سنة وأنت كل الروعة ... إن أكن بدراَ فأنت كل الأقمار !!
أديني من شهدك قطوف
خليني أنهل إشتياق
أدخل مساحاتك وأطوف !!
وصال عالم
|
Post: #19
Title: Re: ورجعت ليك ... !!!
Author: وصال عالم
Date: 10-25-2007, 10:10 AM
Parent: #18
ياحبيبى أنا فرحان
... فرحان بيك
ياريت يدوم هنانا !!
&&&
أنا عاشق وفي
وبهواك محتفي
أوفيك وأوفيك
وتوفيني ونحرس وفانا !!
ويبقى الوفاء .. شعار نتدثر به .. وغاية نصبو إليها !!
وصال عالم
|
Post: #20
Title: Re: ورجعت ليك ... !!!
Author: عماد محمود علي
Date: 10-25-2007, 12:50 PM
Parent: #19
في ظل المحبة نستظل بجمال الكلمة وروعة المعنى وفي بساتين الفرح نلقى الأحبة هناك وبك نلتقي هنا لنسترح قليلاًُ للحظات خالدة تسطرها التاريخ .
شكراً وصال لهذا الجمال والألق الجميل ..... ونلتقي .....
مع عاطر شكري وكل تقديري
عماد
|
Post: #21
Title: Re: ورجعت ليك ... !!!
Author: وصال عالم
Date: 10-25-2007, 01:21 PM
Parent: #20
عماد محمود علي
سلام وكل سنة وكل أمنياتك محققة بإذن الله ... الممكنة والمستحيلة منها !!
سعيدة بالمرور والمشاركة ... عندما تنقبض النفس و لا نجد حروف تسعفنا لفك انقباضها و لا نجد فينا مكانا لفرح نسكنها فيه علها تنسي مرادها ... ولكن لا يكون ذلك آخر المطاف .. وإنما بعث الأمل فينا .. أرجو أن يكون رجوعك نهائي !! وأن تكون زالت أسبابك بخصامك للمنتدى ...
وصال عالم
|
Post: #22
Title: Re: ورجعت ليك ... !!!
Author: وصال عالم
Date: 10-27-2007, 06:45 AM
Parent: #21
ورجعت ليك ..
رغم المصائب والمحن ..
ورغم العواصف والصعاب
ورغم الخجل والشحوب
ورجعت ليك ....
وانا بين همسة عيونك
وسواد قدري ...
رملاً مسربل بالجفاف
بحراً يصارع للغيوم
داسي البخار ...
ورجعت ليك ...
عاصب سراب العشم
وقابض روح الدعاش
وخايف الفجعة ..
قبل الرجوع ...
ما الرجوع .. عز الكفاح
والسفر ... عز العرب
ورجعت ليك ....
كان القي فرحة هناى
والقي عشقي القبيل
قاعد حداك زي المعاي
وخايف الرجوع...
ورجعت ليك ...
وخايف الرجوع
والتوقيع والإهداء من محمد أبو صباح وحلاوين.نت ....
وصال عالم
|
Post: #24
Title: Re: ورجعت ليك ... !!!
Author: عماد محمود علي
Date: 10-27-2007, 07:19 PM
Parent: #22
| Quote: أرجو أن يكون رجوعك نهائي !! |
ولا أحتاج فيه للاستعانة بصديق ،،، وشكراً مو وتمبس وشتات فلقد كان لوقفتهم المشرفة أثرها الكبير في عودتي ولك الشكر والتقدير لتفقدك لشخصي الضعيف .. وعبر الأسير أرسل أسمى آيات الشكر والتقدير والمحبة للاخت الكريمة سلمى التي وقفت مع جنباً إلى جنب عبر الأسير بتوجيهاتها الدينية ودعواتها الصادقة التي تحكي عظمة شخصها الكريم ومعدنها الأصيل .... ولكم جميعاً مودتي ....
عماد محمود
|
Post: #25
Title: Re: ورجعت ليك ... !!!
Author: mohmed khalail
Date: 10-27-2007, 07:47 PM
Parent: #24
Quote: ورجعت ليك.....
شايل غناوي الريد حروف
وهمست في صمتك كلام
ونّست بيك ريحة الجروف
من رقة الإحساس خطاك
نسمة عبير .. رعشة كفوف
بسمة ملاك شايل جمال
بّدّد دروب مليانة خوف
البيني بينك إشتياق ...
إحساس مسافر دون وقوف !!
ناديني من نبضك بجيك
وديني في خاطرك طيوف ..
ياغيمة من عسل الكلام
أديني من شهدك قطوف
خليني أنهل إشتياق ..
أدخل مساحاتك وأطوف
يمكن أعود لحظة رؤاك
وأرجع رموش عينيك أشوف !!
|
وصال ازيييك
والشكر ليك وللاخ عمار
دمتما
|
Post: #27
Title: Re: ورجعت ليك ... !!!
Author: وصال عالم
Date: 10-28-2007, 09:32 AM
Parent: #25
mohmed khalail
وينك يادفعة ؟؟!! سلام وكل سنة وكل أمنياتك المستحيلة محققة بإذن الله .. الأنا عارفاها والمامعروفة ...
الجميع هنا نيام ... وأنت وحدك تطارد في الأحلام !!
ربنا يقرب البعيد .. ويعيد كل الطيور المهاجرة إلى ديارها .. وتتحق كل الأمنيات !
وصال عالم
|
Post: #26
Title: Re: ورجعت ليك ... !!!
Author: وصال عالم
Date: 10-28-2007, 09:19 AM
Parent: #24
عماد محمود علي
سلام ،،،
ربنا يزيل كل الكرب والهم والمشاكل ... ويديم المعروف بين الأصدقاء !
وأبدأ أسئلُ نفسي ؟؟ وأعرفُ أن الأجوبة لن تأتي !! .. ولكني أهوى أن أسألُ وأجيبُ وبالنجومِ أكتبُ على سطحِ القمر .. حتى إذا جاء الليل وبان .. رأته كلُ البشر .. ورأت فيه سر ضوء وجمال القمر .. وتبدء الشمس بالظهور معلنةٍ إنهاء رحلتي .. ورحلتي هي سؤالي عن الغائبين في محراب الأدب والكلمة الرقيقة !
وصال عالم
|
Post: #28
Title: Re: ورجعت ليك ... !!!
Author: عماد محمود علي
Date: 10-29-2007, 08:25 PM
Parent: #26
الأميرة وصال
يسعد مساءك وينور صباحك ،،،
مزيد من الابداع لأننا في شوق للمتعة .
مودتي
|
Post: #32
Title: Re: ورجعت ليك ... !!!
Author: وصال عالم
Date: 10-30-2007, 07:06 AM
Parent: #28
عماد محمود علي
صباح الإشراق والبهاء
قد وهبنا الطير للروض
وكم طير وهبنا
فمضى يسبح في الأفق
ولا يشعر حزنا
سوف يلقى الحب منثوراً
ونلقى عنه مغنى !!
تسلم يارب !
وصال عالم
|
Post: #29
Title: Re: ورجعت ليك ... !!!
Author: ابراهيم عثمان آدم
Date: 10-29-2007, 08:34 PM
Parent: #1
Quote: ناديني من نبضك بجيك
وديني في خاطرك طيوف ..
ياغيمة من عسل الكلام
أديني من شهدك قطوف
خليني أنهل إشتياق ..
أدخل مساحاتك وأطوف
يمكن أعود لحظة رؤاك
وأرجع رموش عينيك أشوف !! |
الاخت وصال
التحية ليك وللأخ عمار
وشكراً لابداع الحروف
|
Post: #30
Title: Re: ورجعت ليك ... !!!
Author: عماد شمت
Date: 10-29-2007, 11:22 PM
Parent: #29
تشكري اخت وصال علي كل هذه الورود والعطور
التي تجدد وتنعش الروح ....
انشاء الله دائما عطرك فواح وورودك زاهيه مفتحه بكل الالوان ...
لك دوام العافيه
|
Post: #34
Title: Re: ورجعت ليك ... !!!
Author: وصال عالم
Date: 10-30-2007, 07:23 AM
Parent: #30
عماد شمت
سلام ،،،
أشكرك للإطراء ... والمرور والظهور !
يا رب جئت على رحابك
أرتجي منك المتاب
وأنا الضليل فخذ بناصيتي
إلى نهج الصواب !!
آمين يارب !
وصال عالم
|
Post: #33
Title: Re: ورجعت ليك ... !!!
Author: وصال عالم
Date: 10-30-2007, 07:15 AM
Parent: #29
ابراهيم عثمان آدم
سلام ،،،
أشكرك للمرور .. أصالة عن نفسي .. ونيابة عن عمار .
وتسلم يارب !
وصال عالم
|
Post: #31
Title: Re: ورجعت ليك ... !!!
Author: محمد عثمان
Date: 10-30-2007, 05:10 AM
Parent: #1
وصاال...
تحيات و شوق مطر
و رجعنالك...
|
Post: #35
Title: Re: ورجعت ليك ... !!!
Author: وصال عالم
Date: 10-30-2007, 07:43 AM
Parent: #31
محمد عثمان
سلام ،،،
سعيدة بالعودة والإياب ... وهذه دعوة لك لتصاحبني في رحلتي القادمة إلى سطح القمر !
تسلم يارب !
وصال عالم
|
Post: #37
Title: Re: ورجعت ليك ... !!!
Author: محمد عثمان
Date: 10-30-2007, 08:13 AM
Parent: #35
Quote: محمد عثمان
سلام ،،،
سعيدة بالعودة والإياب ... وهذه دعوة لك لتصاحبني في رحلتي القادمة إلى سطح القمر !
تسلم يارب ! |
وصاااااال....
للقلوب احسااس يقرب
و حتى للاروااح عيون
كل زهورك زيك عبيرا
فايحة بالشوق و الهيااام
كل عطور انت بتريدا
شايل ليك منى السلااام
و انا راجيك بالاماانى
بكل اشوااقى و حناانى
لو بعد طيفك على..
بطولوا بالفن و المعاانى..
و حجزت مكانى فى رحلة القمر
و اى مكان تمشيهو مكانى و اى زمان....
مودتى....
|
Post: #36
Title: Re: ورجعت ليك ... !!!
Author: د.محمد حسن
Date: 10-30-2007, 07:59 AM
Parent: #1
رجعت ليك
علشان اشلي
من نور جمالك
لي نور
وعلشان الون من فراشاتك صور
تغري الزهور
ورجعت ليك عشان انت وصال
|
Post: #38
Title: Re: ورجعت ليك ... !!!
Author: وصال عالم
Date: 10-30-2007, 08:14 AM
Parent: #36
د.محمد حسن
تسلم .. ويسلم خاطر الغالي ...
مطر الغنى
شتت غمامك للزمان
ادانا احساس بالوجود
نور مساحات المكان !!
ولك كل الحب أيضاً على مفرداتك المضيئة والجميلة في طواف عبر المساحات الوريفة التي إرتدتها دوماَ!
تسلم يارب !
وصال عالم
|
Post: #39
Title: Re: ورجعت ليك ... !!!
Author: مجدي عبدالرحيم فضل
Date: 10-31-2007, 07:05 AM
Parent: #38
وصااااال
كان الرجعه ليك سكت هواك قدر
تجي أقدارنا طائعه مختار ليك
بس محتاج للمجئ طائر هواك جناح
يحملني ويكفكف كل الآلام ونرتاح
علي هدب الأجفان وتنوم كل العيون
علي وجهك طلت النور وفراشات رحيق
ورجعت ليك حامل أماني الوجود أمل.
،،،،أبوقصى،،،،
|
Post: #40
Title: Re: ورجعت ليك ... !!!
Author: وصال عالم
Date: 10-31-2007, 08:34 AM
Parent: #39
مجدي عبدالرحيم فضل
سلام ،،،
ورجعت ليك حامل أماني الوجود أمل... هذا لخص كل البوست في عبارت موجزة ... لا تعليق بعد هذا .. لا إضافة!
تسلم يارب !
|
Post: #41
Title: Re: ورجعت ليك ... !!!
Author: د.محمد حسن
Date: 10-31-2007, 09:34 AM
Parent: #1
ما غبتي مني عشان اجيك
ولا خارج
مدارك يوم مشيت
ماانت يا كل المواسم والفرح
انا ماشي بيك
|
Post: #42
Title: Re: ورجعت ليك ... !!!
Author: وصال عالم
Date: 11-01-2007, 07:46 AM
Parent: #41
د.محمد حسن
سلام ،،،
ما عدت أذكر .. والحرائق في دمي
كيف التجأت أنا إلى زنديه
خبأت رأسي عنده ...
وكأنني طفل أعادوه إلى أبويه
حتى فساتيني التي أهملتها
فرحت به .. رقصت على قدميه
سامحته .. وسألت عن أخباره
وبكيت ساعات على كتفيه
وبدون أن أدري تركت له يدي
لتنام كالعصور بين يديه ..
ونسيت حقدي كله في لحظة
من قال إني قد حقدت عليه؟!!
كم قلت إني غير عائدة له
ورجعت .. ...
ما أحلى الرجوع إليه !!
وصال عالم
|
|