Post: #1 Title: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 05:37 AM
كضبت عليكم
وبصراحة كده وبدون مجاملات منو الأفضل في أداء أغنية في الضواحي وطرف المدائن دي .
منال ولا نانسي؟
أحتاج آراء خبراء مستمعين إن أمكن
رأيي:
بالنسبة لمنال بدر الدين قد إستفادت من الشهرة التي إكتسبتها من مجموعة عقد الجلاد حالة كونها صوت نسائي رقيق وسط مجموعة من الاصوات الرجالية .. وبعيدا عن هذا وذاك فهنا هي الحلقة الأضعف.. هاردلك دكتورة.. أما نانسي فأنت
Post: #2 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 06:25 AM Parent: #1
أقصد (خبراء ) و(مستمعين )..ما (خبراء مستمعين ) كما هو مكتوب أعلاه..
يعني لو أضانك نضيفة أدخل وقول رايك .. بس أبعد من المجاملات..
حتي الآن: صوت واحد لنانسي..لاشيء لمنال..يعني 1/صفر
Post: #3 Title: Re: (نانسي عجاج) و(منال بدرالدين) صورة نادرة جدا! Author: نادر محمد الراضي Date: 10-24-2007, 06:45 AM Parent: #2
انا في رأيي إنو كل واحدة ليها طريقة
في أداء الأغنية لكني أميل لمنال
يا خالد كدا .... 1 / 1 (درووون) ...
Post: #6 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 07:07 AM Parent: #3
سلامات نادر..
Quote: انا في رأيي إنو كل واحدة ليها طريقة في أداء الأغنية لكني أميل لمنال يا خالد كدا .... 1 / 1 (درووون) ...
نقول درووون..والفورة مية بس
وكل سنة وإنت طيب
Post: #4 Title: Re: (نانسي عجاج) و(منال بدرالدين) صورة نادرة جدا! Author: ترهاقا Date: 10-24-2007, 06:50 AM Parent: #2
مع إحترامى الشديد ، لو دا غنا انا يمكن ما سمعت غنا قبل كدة وفقدت الذاكرة
ولكم ودى
Post: #7 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 07:11 AM Parent: #4
د.ترهاقا.. سلامات..
Quote: مع إحترامى الشديد ، لو دا غنا انا يمكن ما سمعت غنا قبل كدة وفقدت الذاكرة
لا هذا ولا ذاك..
وأنا قايل نفسي قسيت علي د.منال بدرالدين
تسلم علي الإعتراض وكل سنة وإنت طيب.
Post: #5 Title: Re: (نانسي عجاج) و(منال بدرالدين) صورة نادرة جدا! Author: Mahathir Date: 10-24-2007, 07:01 AM Parent: #1
كمستمع غير خبير اداء نانسي اجمل
Post: #9 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 07:14 AM Parent: #5
Mahathir كل سنة طيب..
Quote: كمستمع غير خبير اداء نانسي اجمل
تقدم فريق نانسي بهدف سجله Mahathir في الدقيقة 5 من الشوط الأول لتصبح النتيجة 2/1
تسلم
Post: #8 Title: Re: (نانسي عجاج) و(منال بدرالدين) صورة نادرة جدا! Author: Dr. Ahmed Amin Date: 10-24-2007, 07:12 AM Parent: #1
د. منال صوتها طروب ... نانسي صوتها جميل ويكون أجمل في غناء الأوبرا لأنها تملك حنجرة ذهبية فهنيئا للسودان بالصوتين ...
Post: #10 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 07:22 AM Parent: #8
د.أحمد سلامات
Quote: د. منال صوتها طروب ... نانسي صوتها جميل ويكون أجمل في غناء الأوبرا لأنها تملك حنجرة ذهبية فهنيئا للسودان بالصوتين ...
يا دكتور حيرتني والله!
يعني نقسم صوتك لي نصين مثلا..كده ما معانا.
كدي ارجع السمع كرتينD
يمكن يرسي علي واحدة منهن.
Post: #11 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 07:55 AM Parent: #10
لو فرزنا النتيجة حتي الآن بشكل دقيق ستكون كالآتي:
منال(1 صوت) نانسي(2 صوت) كلاهما(1 صوت) ولا أي منهما(1 صوت) المجموع(5 أصوات)
ـــــــــــــــــــــــــــــــــــــــ المجموع الكلي المطلوب هو 100 صوت ..وبعده نفرز .
Post: #12 Title: Re: (نانسي عجاج) و(منال بدرالدين) صورة نادرة جدا! Author: Elhadi Date: 10-24-2007, 08:18 AM Parent: #11
منو الـ بالله بقارن الثرى بالنجم البلمع
نانسي عجاج أكيييد ...
Post: #13 Title: Re: (نانسي عجاج) و(منال بدرالدين) صورة نادرة جدا! Author: Ahmed Yousif Abu Harira Date: 10-24-2007, 08:24 AM Parent: #12
خالد الطيب
تحياتي
منال بدر الدين صوت جميل ورقيق (من الرقة عشان ما تتحامل عليها اكثر من كده) وطروب وبديع.انت ما قاعد تشوف هارموني ولا شنو؟
منال بدرالدين
اوييييييييي
Post: #14 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 08:34 AM Parent: #12
الهادي ..سلامات
وكل سنة وإنت طيب.. وبصوتك تتقدم نانسي بصوت إضاافي لتصبح النتيجة 3/1
والنتيجة حتي الآن بشكل دقيق ستكون كالآتي:
منال(1 صوت) نانسي(3 صوت) كلاهما(1 صوت) ولا أي منهما(1 صوت) المجموع(6 أصوات)
ـــــــــــــــــــــــــــــــــــــــ المجموع الكلي المطلوب هو 100 صوت ..وبعده نفرز .
Post: #15 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 08:53 AM Parent: #14
د.أبوحريرة
كل عام وأنت بألف خير
Quote: خالد الطيب تحياتي منال بدر الدين صوت جميل ورقيق (من الرقة عشان ما تتحامل عليها اكثر من كده) وطروب وبديع.انت ما قاعد تشوف هارموني ولا شنو؟ منال بدرالدين اوييييييييي
صوت منال جميل ..ومافي زول قال حاجة غير كده .. لكن بالنسبة لي فالتطريب واضح أكثر من جانب نانسي وتوقفت عند عدد من المقاطع وخصوصا : (ده دلال ايه ...ده دلال معجن محن الامات يا رداح) ما عجبني المقطع ده من منال .. بينما أطربني جدا من نانسي..ونقاط أخري سأعود لها
ـ ـ ـ ـ ـ بصوتك تأخذ منال نقطة لتصبح النتيجة 3/2
النتيجة حتي الآن بشكل دقيق ستكون كالآتي:
منال(2 صوت) نانسي(3 صوت) كلاهما(1 صوت) ولا أي منهما(1 صوت) المجموع(7 أصوات)
ـــــــــــــــــــــــــــــــــــــــ المجموع الكلي المطلوب هو 100 صوت ..وبعده نفرز .
Post: #16 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 09:24 AM Parent: #15
نانسي عجاج وللا..منال بدر الدين؟ منال بدر الدين وللا..نانسي عجاج؟
Post: #17 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 09:42 AM Parent: #16
منال بدرالدين في منتصف الثمانينات مع عقد الجلاد..
في أمونة- القدال
Post: #18 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 11:49 AM Parent: #17
حتي المساء..
Post: #19 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 10:05 PM Parent: #18
+ الملاحظ لاداء نانسي مقارنة باداء منال يحس فرق مقدرات التطريب الواضحة من الاولي..وبالرغم من جمال صوت منال الا انك تحس باجهادها وهي تؤدي في مقطع ذو سلم عالي..عكس نانسي المرتاحة في ادائها في نفس المقطع , يظهر ذلك الاجهاد الغير مريح في الصوت وتقاسيم الوجه ايضا.
Post: #21 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-24-2007, 11:23 PM Parent: #20
طلال سلامات
Quote: الغلاط في شنو ؟! أحلى نانسي ..
بالنسبة لي : الموضوع محسوم..وانحياز طبيعي للجمال لكن ..قلنا برضو نسمع من الجميع.
و النتيجة 4/2
حتي الآن: منال(2 صوت) نانسي(4 صوت) كلاهما(1 صوت) ولا أي منهما(1 صوت) المجموع(8 أصوات)
ـــــــــــــــــــــــــــــــــــــــ المجموع الكلي المطلوب هو 100 صوت ..وبعده نفرز .
Post: #22 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 00:03 AM Parent: #21
د غرباوي .. كل عام وانت وكل من تحب بخير وشكرا علي المرور والادلاء بصوتك..واتفق معك تماما فيما ذهبت اليه
Quote: لمحترم خالد الطيب.....منال بدرالدين مع عقد الجلاد وبس... حتى الآن نانسي هنا هي الأجمل والأحلى في تطريبها لنا.....رغم الحاح قناة هارموني د غرباوي
. فعلا فمنال لم تستطع بعد تجربتها الناجحة مع عقد الجلاد ان تلفت انتباه جمهورها السابق كما كانت في وسط العقد .
وبصوتك تتقدم نانسي خطوة اخر للامام
تقبل خالص تحياتي
و النتيجة 5/2 حتي الآن: منال(2 صوت) نانسي(5 صوت) كلاهما(1 صوت) ولا أي منهما(1 صوت) المجموع(9 أصوات). ـــــــــــــــــــــــــــــــــــــــ المجموع الكلي المطلوب هو 100 صوت ..وبعده نفرز
Post: #23 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 01:01 AM Parent: #22
Post: #24 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 02:43 AM Parent: #23
شيء اخر يميز نانسي كثيرا ..وهو عفوية وتلقائية الاداء.. وتتفاعل مع الكلمة واللحن بصورة طبيعية جميلة
Post: #25 Title: Re: (نانسي عجاج) و(منال بدرالدين) صورة نادرة جدا! Author: mohmed khalail Date: 10-25-2007, 03:08 AM Parent: #24
في رأي
احلي صوت.........
منانسي
Post: #26 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 03:27 AM Parent: #25
mohmed khalail .. كل عام وانت بخير وشكرا علي المرور والادلاء بصوتك..2\1 ...2\1
Quote: في رأي
احلي صوت.........
منانسي
تقبل خالص تحياتي
و النتيجة حتي الآن: منال(2 صوت) نانسي(5 صوت) كلاهما(2 صوت) ولا أي منهما(1 صوت) المجموع(10 أصوات). ـــــــــــــــــــــــــــــــــــــــ المجموع الكلي المطلوب هو 100 صوت .
Post: #27 Title: Re: (نانسي عجاج) و(منال بدرالدين) صورة نادرة جدا! Author: Tragie Mustafa Date: 10-25-2007, 03:57 AM Parent: #26
اولا انا لا افهم في التطريب ولا لااصوات.... من ناحية صوت احتمال د.منال بدر الدين فقد استمعت لها قديما في اغنية لمراسيل خليفه وكانت رائعه بحق. ولكني اقر بان آداء نانسي عجاج افضل وطبعا هذا له علاقه باشياء آخرى سفر نانسي في سن صغيره للخارج واقتباسها من الثقافه الاوربيه وخلطها لها بالثقافه السودانيه اكيد بتجيب مزيج افضل.
لذا انا اختار نانسي.
Post: #28 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 05:02 AM Parent: #27
تراجي سلام وشكرا علي مرورك وتصويتك لنانسي..
Quote: اولا انا لا افهم في التطريب ولا لااصوات.... من ناحية صوت احتمال د.منال بدر الدين فقد استمعت لها قديما في اغنية لمراسيل خليفه وكانت رائعه بحق. ولكني اقر بان آداء نانسي عجاج افضل وطبعا هذا له علاقه باشياء آخرى سفر نانسي في سن صغيره للخارج واقتباسها من الثقافه الاوربيه وخلطها لها بالثقافه السودانيه اكيد بتجيب مزيج افضل.
لذا انا اختار نانسي.
اثرت يا تراجي نقطة مهمة للغاية وهي تاثير الثقافة الاوربي علي اداء الفنان بصورة ايجابية.. وربما عوامل المناخ والبيئة والطقس علي الصوت وطريقة الاداء نفسها.
ما يعجبني ايضا في صوت نانسي انه مزيج ما بين الحزن والفرح مع غطاء رخيم يجعل من الصعب الحكم عليه باي منهما اما بالنسبة لمنال فصوتها يغلب عليه الفرائحية.
الكلام ده طبعا ما مستند الا علي السماع فقط بعيد عن العلمية وعلم الاصوات.
الف شكر
و تصبح النتيجة : منال(2 صوت) نانسي(6 صوت) كلاهما(2 صوت) ولا أي منهما(1 صوت) المجموع(11أصوات). ـــــــــــــــــــــــــــــــــــــــ المجموع الكلي المطلوب هو 100 صوت .
Post: #29 Title: Re: (نانسي عجاج) و(منال بدرالدين) صورة نادرة جدا! Author: يوسف الولى Date: 10-25-2007, 05:08 AM Parent: #1
Quote: سفر نانسي في سن صغيره للخارج واقتباسها من الثقافه الاوربيه وخلطها لها بالثقافه السودانيه اكيد بتجيب مزيج افضل.
دا اسمو خلط الفسيخ بالشربات ..... ودا المغطس حجرنا فى كل شىء
ادى منال دى عشره نقاط ... نانسى عجاج دى ابوها اسمو عجاج ولا مقصود البيطلع من حنجرتها
مع احتراى الشديد لكل من خالفته الراء ... وايضا لنناسى واخيرا السودانى سودانى
Post: #30 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 05:56 AM Parent: #29
يوسف ..سلامات اكيد هناك اثر ( ايجابي ) من الثقافة والبيئة واضح في صوت وطريقة اداء نانسي... وهذه النقطة تحسب لصالحها وليست ضدها كما ذكرت تراجي ... ارجوك وضح لنا كيف (غطست حجرنا).. اما بخصوص الاسم فهي ابنة الموسيقار المعروف بدر الدين عجاج فهي من اسرة لها بصماتها الواضحة في خارطة الاغنية السودانية .
فهمت ان صوتك لمنال فارجو التوضيح ان كان غير ذلك
و تصبح النتيجة : منال(3صوت) نانسي(6 صوت) كلاهما(2 صوت) ولا أي منهما(1 صوت) المجموع(12أصوات). ـــــــــــــــــــــــــــــــــــــــ المجموع الكلي المطلوب هو 100 صوت
Post: #31 Title: Re: (نانسي عجاج) و(منال بدرالدين) صورة نادرة جدا! Author: يحي ابن عوف Date: 10-25-2007, 06:09 AM Parent: #30
منال بدر الدين لك التحية خالد
لا توجد ثقافة أجمل من ثقافتنا ولا حضارة أجمل من حضارتنا
Post: #32 Title: Re: (نانسي عجاج) و(منال بدرالدين) صورة نادرة جدا! Author: خالد الطيب أحمد Date: 10-25-2007, 06:27 AM Parent: #31
يحي تحياتي..
طبعا اكيد ثقافتنا جميلة..ونانسي ومنال جزء من هذه الثقافة ..
صوت اخر لمنال بدر الدين..
و تصبح النتيجة : منال(4صوت) نانسي(6 صوت) كلاهما(2 صوت) ولا أي منهما(1 صوت) المجموع(13أصوات). ـــــــــــــــــــــــــــــــــــــــ المجموع الكلي المطلوب هو 100 صوت
