مــــــــــــــــــــــــاااااااااا منعونا...... وكده !!!

قاعدين التلاثه بي مزاااج جنب العمود.... آخر قرقره وونسه... بلا فجأه كده يجيك لوري طاير لا فرامل لا بوري...
وطررراخ يعجن ليك التلاته ويلصقهم في العمود ,
شيلك... ختك... بي جاي.... لي جاي ....غايتو خمخموهم ليك وعلي المستشفي وكده...
الدكاترة وقدرتهم غايتو..... فرزو الكيمان وطلعو تلات جثث حسب اجتهادهم
ومقارنة لون ده بي رجل ده ونخرة ده بي عضم شيطان داك....
أهل المرحوم الأولاني بسرعة لحقو المقابر وجهزو حالهم... بعد خلصو الحفر ... جو ليك ثلاتة كده :
اسمعو: زولكم ده ما ممكن تدفنو هنا!!!
واحد: ليه؟؟
واحد : المقابر دي بتاعة مسلمين بس .. أمشو أدفنو زولكم ده في حته تانية,
المهم الجماعة وقعو شمطة بين ممكن ... ولا.... ما ممكن.
في النهاية ناس ما ممكن وبسرعه عملو اجتماع مصغر كده ....
بعد شوية انسحبو وقالو للجماعة :
خلاص مش المرحوم ده خليناهو ليكم.... ما حندفنو .. حنخليهو ليكم هنا ده أدفنو بي معرفتكم.
وخلو ليك المرحوم قاعد في السهله ساكت وشتتو...
ناس ما ممكن اتخعلو من التصرف ده... وراسهم ضرب وقامو جاريين ورا اهل المرحوم .... بعد مسافة حصلوهم وقالو ليهم:
اسمعو : خلاص تعالو أدفنوهو..... لكن تاني ما تعملو كده!!!!