خَــــــلــــّـِيــــْنــِي

ترددت كثيرا ... بين ان اضمنها لبوست الدندنات ام افرد لها بوست منفصل
وكان هنا التدفق

خَـلّـِيـْنِي

أتْـغَـزَّل فـِيـْك بَـرَايْ ...

واْلـقـاك يـَا نـُوْر الـْجـَمـَال

قـِنـْدِيـْل هَـوَى قـَاعـِد حِـدَاي

مـَلـْيـَان جـَوَى

والـّلـيـْل مـِعـِبّـَق

والـْـنُـجُـوْم تـَحْـكِـي الـْكـَلامْ

والـْكَـلام مـَلـْيـَان حَـنـِيـْن

خـَلِّـيـْك مـَعـَاي

يـَا بـْنـَيـَّة زَيْ رَيـْحْـةَ الـْتـَمـُر

لَـيْ زُوْل فـَقَـد رِيـْحْـةَ الـْبـَلـَد

خَـلّـِيـْنـِي اسـْرَح فِـي الـْعـُيـُون

وارْسـُم مِـنْ الـْكـَلـمَـات شـَجـَن

مـَا إنـْتـِي بـِيـْن الـْخـَيـَالات وَالـْظـُنـُون

كُـل الـْرُؤىَ

وكـُل الـْحـِكـَاَيـات الـْجـُنـون

قـيـفـَة بْـتـَغـَازِل لـِلـْنـَهَـَرْ

نِِـيـْمـة بـْتـَتـَاِوقْ لـِلـْغـُيـُوم

قـُمـْرِيّـِة تـَغْزِل بِـي فُـنُـون

عُـش الـْغَـرَام

يـَا بـْنـَيّـَة عُـصـْفُـورة بـْتـَدَاعِـبْ لِلْنَدَى

ألـقـاك نـَغـَم مـَالِـي الـْفـَضـَاءات والْـمـَدَى

دَوْزَن وَتـَر

حَـرْفـِي الـْمـَعَـطّـَن بِـالـْوَلـَه

فـَاض و انـْتـَشـَى

زَغْـرَد صـَبـَاحْ

رَدَّدَ صـَدَي

أعْـلـَن هَـوَاي

شُـوْق واْنِْـدَيْـاحْ

يَا بْنـيَّة زَيْ نُـوْر،

فـَتـَّقْ ولاحْ

خَـلّـِيـْنـِي جَـنْـبِـك يَـا مـُنـَايْ

اسـْرَح وَانـِمْ

لا حـُرقة لا صـَدْ لا أنِـيـْن

شَـأيـِـلِـك مـَعـَاي

سـَفـَرِي الأكـِيـْد والإغْـتِـرَاب

لا غِـبـتـْي يُـومْ

ولا

غَـفَـت عَـنّـِك عُـيُـون

شـَايـِلِـك مـَعَـاي

بَـرقـَاً سـَلَـخ جِـلْـدَ الـْضـَلامْ

هـَطـَلـَتْ سـِحـَاَبـاتـاًً هـَتُون

شـَايـِلِـك مـَعَـاي

أمـلا يِـدَغـْدِغْ لـِلـْمـُنـَى

فَـالاً حـَسَـنْ

يـَا بـْنـيّـَة نُــون

-

يا سلام عليك ..يا سلام

والله العظيم يا ابو شنب كلامك عجب اتاريك غاطس !!! عشان تطلع كلام سمح زي ده

Quote: فَـالاً حـَسَـنْ يـَا بـْنـيّـَة نُــون

مين دي ؟؟؟؟؟؟؟؟؟؟؟

د.محمد حسن

خلِيــــــــــــنْــي جنبك أشعر بــوجــودي،،

غاية في الرَوعة دووك وصفة خالصه مخلصـــًه.

،،،،أبوقصي،،،،

Quote: غاية في الرَوعة دووك وصفة خالصه مخلصـــًه.

ابو قصي

الرجل السباق للخير

ربنا يخلي ليك قصي

وكل سنة وكل اسرتك بخير

فانت رجل معرفته كنز

Quote: خلِيــــــــــــنْــي جنبك أشعر بــوجــودي،،

خليتك

يا ابو قصي

Quote: مين دي ؟؟؟؟؟؟؟؟؟؟؟ ¿¿¿¿¿¿¿¿¿¿¿

يا هاشم سمح انت وسمح طبعك
اما دي منو
انت ما سمعت بي

( نون والقلم وما يسطرون)؟

لك معزتي

Quote: يا سلام عليك ..يا سلام

صحافة يا فنان

عليك الله لو عندك الاغنية دي نزلها ولو تخرب ورقك

محبتي يا انسان

د. محمد

Quote: شـَايـِلِـك مـَعَـاي بَـرقـَاً سـَلَـخ جِـلْـدَ الـْضـَلامْ هـَطـَلـَتْ سـِحـَاَبـاتـاًً هـَتُون

أنا دايما بقيف في يا صديقي في المعنى الذي في بطن الشاعر أو المعنى الذي يجعلك تقف متخيلاً تجاويف الموقف ..

خليني يا زول واقف في الضلام المسلوخ دة أغتسل بالهتون

Quote: خليني يا زول واقف في الضلام المسلوخ دة أغتسل بالهتون

الحبيب جلابي الدين
بقد ما اترقب مداخلاتك بقد ما اتهيبها

فانت نبض كل حرف جميل

لك معزتي

Quote: هـَطـَلـَتْ سـِحـَاَبـاتـاًً هـَتُون شـَايـِلِـك مـَعَـاي أمـلا يِـدَغـْدِغْ لـِلـْمـُنـَى فَـالاً حـَسَـنْ يـَا بـْنـيّـَة نُــون

يادوووك وأنت معدن الكنز النفيس عندنا

ممكن تخَلـــًيـنْــا نسايب خليك من تمبس وخصبوتوا!! في الأمورة المعاك في صورة

حفلة الرياض حقت رمضان (وأعتبر جبنا شًراب الموية اليوم داك) والعريس قصي

ذات العامين وشهرين بتنتظر العروس ولا عند شوفه ؟؟

مع كامل حبي وتقديري أيها المسكون فينا حـــلي ورقة وكل عام وأنت والأسرة بألف خير.

،،،،أبوقصي،،،،

Quote: في الأمورة المعاك في صورة حفلة الرياض حقت رمضان

تعرف ايها العزيز
انا كنت حالف بناتي ما اعرسهم لاولاد تربية البامبرز
لكن قصي حالة استثنائية
تسلم يا حبيب وانت والاسرة بالف خير

د. محمد حسن

كل سنة وأنت ونويتك محققين كل الأمنيات !! ذكرتني قصيدتك هذه القصيدة النونية للامام ابن قيّم الجوزية... وهي قصيدة طويلة جداَ ...

حكم المحبة ثابت الأركان
ما للصدود بفسخ ذاك يدان
أني وقاضي الحسن نفذ حكمها
فلذا أقر بذلك الخصمان
وأتت شهود الوصل تشهد أنه
حق جرى في مجلس الاحسان
فتأكد الحكم العزيز فلم يجد
فسخ الوشاة اليه من سلطان !!!




وصال عالم

Quote: بشيلك هموم وأسافر بدونكـ والاقي الطريق البيرحل بساسق بيودي لعيونكـ ]

يا بنية نـــــون ..



سلام يا دوك ..
ولها ..
في حضورها الأنيق ..

Quote: سلام يا دوك .. ولها .. في حضورها الأنيق ....

سلام ليك يا معتصم
ولحضورك الاكثر اناقة

Quote: لا حـُرقة لا صـَدْ لا أنِـيـْن شَـأيـِـلِـك مـَعـَاي سـَفـَرِي الأكـِيـْد والإغْـتِـرَاب لا غِـبـتـْي يُـومْ ولا غَـفَـت عَـنّـِك عُـيُـون شـَايـِلِـك مـَعَـاي

انشالله انت تسلم كلامك سمح شديد وتسلم معاك الشايلا وماغابت عنك ويارب ماتغيب ابدا
تصليح سببه خطا مطبعى وخايفه يكون الاول صح وسبب التصحيح هو الخطا

Quote: انشالله انت تسلم كلامك سمح شديد وتسلم معاك الشايلا وماغابت عنك ويارب ماتغيب ابدا

سمحة انت
وسمح طبعك
وسمح زيك
وسمح ضحكك
وسمحة كلك
غزل بالمكشوف

وتسلمي من كل شر

تاني يا سلام عليك .. يا سلام

Quote: تاني يا سلام عليك .. يا سلام >

صحافة

تاني وتالت

وانت اول

انت تاني

انت تالت
وانت رابع

نون حــرف الجنون

نخليك ليها

يا مجنون





ــــــــــــــــــ

التعديل للخبته الاباها المهدى

أخي الحبيب (الشاعر) محمد حسن

هذا الل قب أهم يسبغ على من يصوغون الإحساس بياناً لأنه لقب معنوي تمنحه جنيات عبقر .. وعتبي أنك لم تدعونا أن نتغزل معك في هذا الجمال..وصف الجمال هو تجسيد لروح لطيف .. صاغه بالهام وروح شفيف .. بنيت له في دوخلك قصر منيف .. بين رياضه تتنزه روحك التي تناجي الجمال ويداعبه منه كل خيال وطيف..
هذا الدفق يسري عبر أعصابنا ومشاعرنا كنغم حالم يأتي صداه من عمق زرياب والموصلي وتردده في حضرة الرشيد من القيان عُريب وشهد.. أسجل انبهاري بهذا النميق الباذخ

دة الكلام يا بلاش !!!

أسعدتنا الله يسعدك ,,,

الله يسعد في الدارين

عواطف الجميلة

(نون حــرف الجنون

نخليك ليها

يا مجنون)

وانت ليك حق الوقوف ،

بين السكون،

تقوم قيامة المعنى

وينبهم كل الجنون

أسجل انبهاري بهذا النميق الباذخ

ابوبك الشاعر

وانا اسجل انبهاري بك

يا دكتور عليك نور

Quote: خَـلّـِيـْنِي أتْـغَـزَّل فـِيـْك بَـرَايْ ... واْلـقـاك يـَا نـُوْر الـْجـَمـَال قـِنـْدِيـْل هَـوَى قـَاعـِد حِـدَاي مـَلـْيـَان جـَوَى والـّلـيـْل مـِعـِبّـَق والـْـنُـجُـوْم تـَحْـكِـي الـْكـَلامْ والـْكَـلام مـَلـْيـَان حَـنـِيـْن خـَلِّـيـْك مـَعـَاي يـَا بـْنـَيـَّة زَيْ رَيـْحْـةَ الـْتـَمـُر لَـيْ زُوْل فـَقَـد رِيـْحْـةَ الـْبـَلـَد خَـلّـِيـْنـِي اسـْرَح فِـي الـْعـُيـُون وارْسـُم مِـنْ الـْكـَلـمَـات شـَجـَن

تعرف أول ما فتحت البوست المدام اتصلت طوالي خشيت ليك شمال في الأبيات الأولى لمن عملت ليها أبو الشهيق ... قالت وين الكلام الحلو ده من زمان !!! قلت ليها انتي فاضية من حليب الود كمل، وعليك الله ما تنسى البامبرس!! لكن ما عليك تاني كل يومين تلاتة زي ده بس خلي ربة الشعر تتصلح معانا... أخوك طوالي أخد ليه نهرة!! .. ربة الشعر دي منو؟ وبتعرفها من وين!!؟ المهم يا عسل انت (أنا قاصدك انت ما المدام) واصل في التدفق... أنت ترسم من الكلمات شجن ونحن نسرح في العيون.

ومعا لغسيل العدة

أمير

خليني ارتاح

مرة للنوم اعرف طعم

بين رموشك

وبين خيالاتي وانيني

الكلام جد انبهم

يــــ دوووك ــا

Quote: خَـلّـِيـْنِي أتْـغَـزَّل فـِيـْك بَـرَايْ ... واْلـقـاك يـَا نـُوْر الـْجـَمـَال

،،،،أبوقصى،،،،