انا قاعده هنا ومطنشه مليون فاتوره زيك كده.... امبارح وين انت لم نجدك في المظاهره؟؟؟
Post: #6 Title: Re: و بعدين مع الفواتيــــــر ?! Author: سلمى الشيخ سلامة Date: 10-22-2007, 05:20 PM Parent: #4
والعجب يا معز كان سمعوا ساكت انك لميت ملينتين ما الكلام دخل الحوش عزة بتى مشت السودان قالت يعنى البرجع ليها من الضرايب النهزتا السنه كلها تتفسح بيهو مع اهلا قومو يا ناس الجامعة (امعطوا الضرايب زى الما حصلت حاجة ) وخلوها خشما ملح ملح
من تالاى بقيت اشتغل معاهن بنظام (الدفع المبكر) نص للكهربا ونص للتلفون ونص للموية ونص لشنو تانى ياربى ؟ لكين الفى السودان وووووووب منه داك ولا بمهلوك بقطعو طوالى
خارج النص مصطفى احمد الخليفة صديقنا العزيز اجر ليهو شقة وفى نفس اليوم كان فى جار جديد سكن قصادو سيد الشقتين قام بدون ما يقصد بدل الفواتير حقت الكهربا بقت حقت مصطفى عند الزول الجار والعكس صحيح اها مصطفى قال ـ الكهربا بقت شوية مشى اشترى كهربا وجا البيت فرحان انه كهربتو ما بتقطع وبدا ينزل فى الكهربا الجديدة لمن واطاتو اصبحت لا كهربا اشتغلت ولا حاجة الصباح اكتشف الخطا الغير مقصود وكان ان اضاف مثل جديد كهربا ما كهربتك ما بتولع ليك كان كسرت رقبتك
غايتو ياود امى كلو سجم كان هنا كان هناك نمشى وين ؟ الله اعلم
Post: #8 Title: Re: و بعدين مع الفواتيــــــر ?! Author: Elmuez Date: 10-22-2007, 05:46 PM Parent: #6
غايتو ياود امى كلو سجم كان هنا كان هناك نمشى وين ؟ --------
ده الكلام و ده السؤال يا سلمى لكن على الأقل بي جاي في أفق و في حد و في نظام
بقينا نحتار في الجماعة بي غادي أكتر من حكومتهم و جد ما قادر أتصور أنه الشغالين منهم بيديروا شهرهم و الكالندر السنوي كيف ! ولا يكونوا الناس العندهم ناس برة مكنتهم براها ?
ياريت بتاع بوستتنا يبدل لينا الفواتير مع الجيران على الأقل نجرب التغيير شوية ولا كمان نمشي ننضم لي جماعة inuvik
Post: #5 Title: Re: و بعدين مع الفواتيــــــر ?! Author: Elmuez Date: 10-22-2007, 05:07 PM Parent: #1
و الله يا تراجي حكاية " فواتير العمر " دي واضح أنها ما ليها نهاية !
تمشي تدفع و تجي تلقى بتاع البوستة رادم ليك كوم جديد
يا ترى بتاع بوستتنا ياهو زولكم برضو ? .. لأنو ده باين عليه ما نصيح !
أحسن حاجة في العالم ده الواحد يشتري ليه ترلة و شوية فوانيس و راديو صغير ..
و انتي دحين رادماهن لامتين !
------------ ما جيت لأنه الشغل ما ممديني فرصة طبعا ! كيف الشباب ..?
Post: #7 Title: Re: و بعدين مع الفواتيــــــر ?! Author: Tragie Mustafa Date: 10-22-2007, 05:30 PM Parent: #5
معز اخوي الله يبارك ضحكتني كثير اليوم وده طبعا من الغلب
Quote: يا ترى بتاع بوستتنا ياهو زولكم برضو ? .. لأنو ده باين عليه ما نصيح !
هو كان عليه براه يا معز ما معليش يازول الباقي بتموه بالتلفون كمان يقولوا لك نسيت تدفع واتحرك بلا لكاعه معاك.
Quote: أحسن حاجة في العالم ده الواحد يشتري ليه ترلة و شوية فوانيس و راديو صغير ..
ياريت يا معز هم العملوا كده قايلهم من شويه؟؟ما من العليهم اهي باقي لك هاجرنا عشان نبقى غجر آخر الزمن؟؟؟وغجر سود دي ما حصلت اصلها الا في كندا باين.
Quote: و انتي دحين رادماهن لامتين !
الي ان يفرجها ربك الكريم.
تتذكر يا معز زمان لمان بنقلد القطر ده لو ركبته طبعا,ماتكون حنكوش ومن اولاد الخرتوم كان القطر في مناطقة جبل ام علي نستخيل له صوت يقول:
قلبي انقطع قلبي انقطع قلبي انقطع
بس ده حالي حاليا.
Post: #9 Title: Re: و بعدين مع الفواتيــــــر ?! Author: Elmuez Date: 10-22-2007, 06:02 PM Parent: #1
هو كان عليه براه يا معز ما معليش يازول الباقي بتموه بالتلفون --------------
- Hello
- Hello
- May i speak with Mr. Elmuez Idris
- He is not available at the moment .. would you like to leave him a message
- That's OK, i will try later
- thank you
- thank you
دي باختصار صورة المحادثة مع ناس المساسكة بالتلفون يا تراجي عشاااان قصة "قلبي انقطع " دي ! و معاهم كمان بالمرة ناس السيلزمانية و السيلزنسوانية بالتلفون
و الله كويس ! .. عايزين يتقاسمونا مرارة
ندفع وكت ما ندفع , هم ما عارفننا شايلين لينا دولتين و حايمين خليهم يسألو عشة الصومالية !
Post: #10 Title: Re: و بعدين مع الفواتيــــــر ?! Author: Adil Osman Date: 10-22-2007, 06:09 PM Parent: #1
Post: #11 Title: Re: و بعدين مع الفواتيــــــر ?! Author: Elmuez Date: 10-22-2007, 06:36 PM Parent: #1
بالضبط يا عادل عثمان
يا هو دي الحالة !
! Dumn
Post: #12 Title: Re: و بعدين مع الفواتيــــــر ?! Author: قرشـــو Date: 10-23-2007, 09:14 AM Parent: #1
