اعتقد ان هذه الاغنية انطبعت في اذهان الكثيرين بصوت واداء شابة اخري من نجوم الغد.. واعتقد انها قد ادتها بصورة افضل من حرم وهذا لا يقلل من شأن حرم فهي تسير بخطى حثيثة ولكن اغنية الليمونة افضل بصوت واداء الشابة الاخرى.
Post: #4 Title: Re: ..الليمــــونة .. Author: محمد الطيب حسن Date: 10-20-2007, 10:15 PM Parent: #3
اختلاف كبير جدا بين حرم النور التي شاهدناها في نجوم الغد وحرم النور هاهنا
Quote: اختلاف كبير جدا بين حرم النور التي شاهدناها في نجوم الغد وحرم النور هاهنا
من ياتو ناحية يا محمد الطيب ..؟ في الاداء .. واللا اللوك ..؟
Post: #5 Title: Re: ..الليمــــونة .. Author: محمد علي آدم Date: 10-20-2007, 10:18 PM Parent: #1
Quote: اعتقد ان هذه الاغنية انطبعت في اذهان الكثيرين بصوت واداء شابة اخري من نجوم الغد.. واعتقد انها قد ادتها بصورة افضل من حرم وهذا لا يقلل من شأن حرم فهي تسير بخطى حثيثة ولكن اغنية الليمونة افضل بصوت واداء الشابة الاخرى.
محمد خليل .. الظاهر لي في مشكلة في المداخله بتاعتك وبتاعت خالد المنسي .. كدي حاول راجع المداخله وعدله .. لاني بقيت شايف البوست كلو نص ... نص
Post: #10 Title: Re: ..الليمــــونة .. Author: خالد علي محجوب المنسي Date: 10-20-2007, 10:49 PM Parent: #7
الرائع الجميل مرهف الأحساس تمبس تقبل الله منا ومنكم الصيام والقيام وصالح الأعمال عودتنا دوماً بالجميل حرم النور تنعم بأختيار موفق في الأغاني فقط ألا توافقني انا تحتاج لمن يدربها على ضبط صوتها على وتيرة واحدة؟؟؟
هناك من نجوم الغد فتاة تمتاز بإمكانية عالية من الأداء وكذلك تجيد التطريب بالصوت غنت كذلك أغنية جميلة من الاغاني النادرة لأنها غير مسجلة في المسموع والمرئي في السودان لا أعرف اسمها لكن الأغنية هي بي الحاصل بيا انت عالمة لكنك ظالمة وين ياظبية المسالمة
خالد علي محجوب .. سلامات وكيف أخبارك ..؟ وكل سنة وإنت طيب والقابله على امانيك .. طبعا انا بتفق معاك .. إنو نجوم الغد لسه محتاجين لي متابعة من متخصصين .. في علم الصوت والتحليل الموسيقي .. وبتطلع منهم اشياء كتيرة .. وما زلت في الاقتراح القديم بفتح المراكز التأهيلية والاهتمام بيهم بشكل جيد .. عندي تسجيلات متعددة لي حرم النور .. بحاول انزل منها هنا وياريت لو التسجيل دا اتلقى عند اي واحد يزودنــا بيهو ..
Quote: ياتمبس ياخى انت بتقراء الافكار ولا شنو ،، قبل يومين نزلت فيديو لى حرم دي فى بوست ممكونه ،، وقلته ليهم البت دي عندها فيديو فى قناة هارمونى لكن ما بعرف انزله من قوقل ،،(حرم) دي صوتها عجييييييييييييب يامان ،،
يا جــون كيف امورك ..؟ والله تعرف الفيديو كليب دا نبهني ليهو أبوجهينة قبل يومين بالتلفون وكلما انتظرو .. ما يجيبوهو الليلة قعدت ليهو وبطلت حتى نومت العصرية .. مع الصوت الجميل دا .. الفيديو كليب معبر خالص .. ومن ضمن الاعمال الجميلة لي الاستاذ معتصم الجعيلي .. ممكونة دائما بتنقش الحاجات الجميلة .. والظاهر لي حرم دي عندها كمية في اليوتيوب .. خليني انقز بي هناك وبجيب ليك الباقي ..
يا ابو العلاء الحموضة شنو يا زول?? ماكل ليك شايقي طمم بطنك زيما حصل مع التمساح قبل كدا? كان كدي جيبوا لينا كل اليمون المزروع في حدايق الغناء السودان من الليمون سقايتو عشية و انت طالع لي قام يتعزز الليمون بتاعة محمد سلام و ليمون بارا و هلم جرا
يا تمبس كل سنه وانت طيب: والله لو قلت ليك حاجة ما حتصدق , الليلة الصباح قلت عايز أنزل بوست اسمو ( الليمون ) ... وعندي فيديو كده عاجبني عن الموضوع ده.... لما جيت هسه وخشيت لما اتخلغت اتخيلت نفسي نزلتو ونسيت.. لكن حأنزلو برضو... ليمون لي ليمون يفرق.... وأهو كلو عند العرب ليمون.
Quote: والله لو قلت ليك حاجة ما حتصدق , الليلة الصباح قلت عايز أنزل بوست اسمو ( الليمون ) ... وعندي فيديو كده عاجبني عن الموضوع ده....
يا محمد عبد المطلب كيفك ..؟ وكل سنة وإنت بالف خير.. بلاي عندك مشروع ليموني برضو ..؟ جيب يا زول ومام تعلم يدك المهابا .. نشوف صابونك دا بشبه ليمون ناس منو ..؟ راجيك
Quote: يا ابو العلاء الحموضة شنو يا زول?? ماكل ليك شايقي طمم بطنك زيما حصل مع التمساح قبل كدا? كان كدي جيبوا لينا كل اليمون المزروع في حدايق الغناء السودان من الليمون سقايتو عشية و انت طالع لي قام يتعزز الليمون بتاعة محمد سلام و ليمون بارا و هلم جرا
.. يا نصـار كيفك ..؟ الحموضة في الحــال الفينا دا .. حموضة وحرقــان مبالغة لكن ليمون لي ليمون بيفرق كتير .. وكان غلبك ممكن تعادل الحموضة دي بي ملــح .. قام يتعزز الليمون دي نلقاهــا وين يا نصــار ..؟ دي عايزه ليها غطاس عديل كدا .. لكن معاك في ليمون بارا .. الليمونه الجوه قلبي مشتولة وكدا .. لاموني الناس فهموني غلط دي ما فيها طريقة ليمون يا نصار ..؟
دي شهادة معناها انك نجحت في المجال ده .... مرة عافية حسن .... ومرة اسرار بابكر .... واخيرا حرم النور اجمل حاجة انوا اسمه حرم بس هي بالغت عديييييل في الاغنية وانت بالغت في الاختيار.يديك العافية وكتر من ده ...سيبك من المواضيع البتجيب الهواء ....هواء الطقطاقة.....هيييييييييي يكا. تحياتي هارون دياب
Post: #25 Title: Re: ..الليمــــونة .. Author: على محمد على بشير Date: 10-21-2007, 06:54 AM
Quote: تمبس الله يجازيكـ انا شفت عنوان البوست جيت طاير افتكرت تراجي حلبتها تاني ....
Quote: سيبك من المواضيع البتجيب الهواء ....هواء الطقطاقة.....هيييييييييي يكا.
صباح الورد يا هــارون .. عيني بارده مزاجك رايق الليلة .. يعني افهم إنو الجماعة خلوك في حالك ..؟ السني دا فنان ما من حسع دي .. من زمان زي ما عارف ,,, علشان كدا كلامو دا الواحد يقرض عليهو كدا بس .. ويعتبرو نيشان عديل..
Post: #38 Title: Re: ..الليمــــونة .. Author: خالد علي محجوب المنسي Date: 10-21-2007, 12:26 PM Parent: #36
الليمونة ... وماكان وجه الشبه من ... فراق وأسأل مزارع ... وماتزعل ميكانيكي .... لم يكن وجه الشبه أن يطلقو لفظ الليمونة علي البنية الجميلة ( طعما ) بل لصفاء لونها وجماله تسر الناظر ... اليمونة
وقال أحدهم : خُدرتك ليمونة
لون الليمون أعني الأخضر .. صافي وجميل يستهويك لونه وملمسه . وبالذات الليمون السوداني
وقال أخر : الأخضر الليموني مشنق الطاقية حلفّتك بي رسولي تشوف لي زولاً قدري أقضي معاهو عمر وأسلم ليهو نفسي
وقال أخر :
قام إتعزز الليمون عشان بالغنا في ريدو
والزولة البندوره الليمونه وين
لذا خُصت الليمونة دون غيرها ونالت قصب السبق كما نالت البانة من بين الأشجار... والغزال والمها من بين الحيوانات
Quote: صباح الورد يا هــارون .. عيني بارده مزاجك رايق الليلة .. يعني افهم إنو الجماعة خلوك في حالك ..؟
ياجميل بالي يروق بي وين الجماعة ديل مابقدروا علينا ...لكن المصيبة الولية مارمت الجواز في الزبالة وانت عارف حاويات الزبالة في الخليج عاملة كيف ... والله فرتكت فهمي جنس فرتكه ... وبعد ده كله تقول ليك عاوزة ملايات جديدة . خليك كده دائما تحياتي هارون دياب
Post: #44 Title: Re: ..الليمــــونة .. Author: محمد الطيب حسن Date: 10-21-2007, 02:36 PM Parent: #43
و الله يا معاوية دي قلبت فيها هوبة ياخي كل ذرة حمض الليمونيك و انت منقة هههههههه انا قايل نفسي طلبت الاكسير لكن عضلات تبش و قوقلك كدا بس اها المهمة الجديدة برضو محمد سلام لمان بالغ و كبر وصلي هههههه كشك الله يرحمه هاجمه و ليه بالغ يابني
Quote: يا محمد عبد المطلب كيفك ..؟ وكل سنة وإنت بالف خير.. بلاي عندك مشروع ليموني برضو ..؟ جيب يا زول ومام تعلم يدك المهابا .. نشوف صابونك دا بشبه ليمون ناس منو ..؟ راجيك
تمبس يا فنان تسلم المهم يا زول غايتو الليمون العندي جبتو وختيتو جنب ليمونك!! وعندي فكره تانية انشاء الله تعجبك وتعجب عزيزك القارئ : وهي : عايز أعمل جمعية للصداقة ( الليمونيه ) , لأنو المستقبل بالمناسبه لليمون , والسودان الجديد حيكون المصدر الأول لليمون خاصة انو الليمون استخداماتو الأيام دي كترت.. وزي ما عارف انو الليمون مفيد ( للشية) جدا.
أسمع : انت الليمون في اسرائيل بتباع بالكيلو؟ ولا بالحبه ؟ و لا ( بالمصره ) أقصد ولا بالحلبه؟؟؟؟!!!!! أنا بحب المنقة وبكره الليمون!!!
حنين الانسان للماضي امره عجيب يا معاوية لمان طلبت اغنية محمد سلام كان علي سبيل المزاح لكن اعادتني لزمن بعتقد الان من النقطة الواقف فيها, كان زمن جميل.. خاصة انه المرحلة ديك كانت في مدني البكثف حضورها محمد سلام بظهوره القصير و اختفاءه في المهاجر.. ايام فتاح السقيد و صديق سرحان و صديق متولي و محمد بخيت المغني الجهادي في زمن الهوس و التكسب بالدين,, عصام محمد نور دوفعتي و شهدت اول ظهور ليهو في الدورة المدرسية كان حجمه قليلون و البنات بوظن اعصابه طلعن ليهو في المسرح بزهورني و هو الغني في حفلة وداعنا من السني الثانوية و طبع استاذ السنوسي هو صاحب الفضل في ظهوره.. اوهو ايام و الله منها و ياها الطفشة في اركان الدنيا.. في ركن مريت بزخيرة غنائية سودانية ما اظن بعض موادها موجودة في هنا ام درمان زاتا.. و اقصد بيها محلات الاستريوهات في اديس ابابا.. تلقي عندهم شرايط لفنانين سودانيين يمكن ما تعرفهم لانه بحتفظوا بالماسطر و بطبعوا ليك منه و لو اديتم الدنيا كله ما بفرطوا في الاصل.. ياريت تتضافر الجهود لتوثيق الكنوز دي.. و ممكن برضوا الاذاعة الاثيوبية تكون فيها تسجيلات نادرة منتظره البفتشا