يايمه رسلى لى عفوك ... ينجينى من جور نيفاشا الانقاذ

يايمه ساعت يوصلوا ويقولو ليك
شفناه فى بلد فى بلد الأمان
وانا حالى تشهدبوا نيفاشا
يايمه رسلى لى عفوك
ينجينى من جور نيفاشا الانقاذ

بحر المؤدة (يمــه)
كلمات: السر عثمان الطيب
غناء : محمد جبارة

شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد جرعني كاس
يا يمه يا نور الصباح وكتين يطل
يا يمه يا بدري البشع دايماً يهل
يا يمه يا فيض الحنان الما كمل
وآشري يا زينوبة ولدك في بحور الشوق كتل
محروم من الحب والمحنة وراك همل
********
يا يمه يا نغماً حنين بالشوق يرن
وأفكاري فيهو بيرتعن …
دمعاتي شانو بينزلن
********
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
جبتي اللبن بي انشراح
والساعة ديك يا دوب ديكنا بدأ الصياح
والطير صغاروا يغردن
********
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
********
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
********
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
********
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاء الله عندك يوصلو
********
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
...

Quote: يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوك ينجينى من جور الزمان

سلامات الرائعة دوما الشاعرة المذيعة تماضر

شوفتي أهلنا الشوايقة كيف!!! حتى نيفاشا الانقاذ عندهم فيها رأي من زمان...(جور الزمان=جور نيفاشا الانقاذ) .... لـول.