شيلو شيلتكم..بقيتوا للنص..

شكرا القدال..شكرا عقد الجلاد!

شان عيون اطفالنا ما تضوق الهزيمه!



(الطمباره والغناى) أو كما يحلو للجميع تسميتها بـ(أهل الفرحة)..ليست أغنية كأخريات تمر علي المسامع أو ندندن بها فحسب..لكنها خارطة لطريق بين طرق كثيرة محفوفة بالمخاطر وربما الفناء! ..هو طريق الأمل والحياة ..بالرغم من قسوتة ووعورته .
هي خلاصة معرفة كثيفة و تجربة حياتية عميقة جدا مست دواخلنا مباشرة بتلقائية القدال المعروفة

الحب..

الصبر..

العمل..

النضال..

الأمل..

الفرح..

المستقبل.

فهلا تعلمنا منها !




نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

مو راجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

شغل نضيف ، ولك التحية

د.ترهاقا..

محتاجين للأمل
في الزمن الزمين ده !
علشان كده لازم نشيل شيلتنا..
ونركز للبيجيبها الريح..

وكل عام وأنت بألف خير..

* ليك درب ولا دربين مساك الدروب ضهاب

الاخ خالد لك التحية..........

جلست استمع واقرأ..........تركت الاستماع وبدات بالقراة فقط ...ثم العكس...

حاولت افتش للكلمات للتعليق فلم اجد...هذا الابداع الشعري ......فهي قصة ...بل

مقال فيه كل انواع الفنون.......فكان اللحن والاداء الرائع فأكتملت اللوحة..

(اتذكر لقاء مع شاعرة تقريبا من موريتانياسألت عن قصائدها فقالت .......

كلاماتي شئ لا حروف له عروضها الحب والايمان و الوطن)

waw

هي لوحة طبيعية مفعمة بالحياة ومكتظة
بكل معني من معاني الجمال..
ومعطاءة لانها تهب الأمل لكل من توقف عندها متأملا.


كل سنة وإنت طيب

شكرا د.مصطفي محمود ..

وفي هذا اليوم كان الشهيد القرشي ورفاقه محاصرين بين طلقات الرصاص ودخان الغاز المسيل للدموع
إلي أن إغتالته بنادق العسكر اللئيمة بطلقة خائنة فجرت رأسه فأنفجرت ثورة الشعب العظيمة..

ثورة إكتوبر الأخضر..




كل عام وأنت بخير..

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

ولا تندم علي خطوا تملي مشيتو لى قدام