Post: #1
Title: شــــكراً لأنـك خرجــت الآن ...
Author: عبدالله داش
Date: 10-18-2007, 09:57 AM
Parent: #0
على رصـيف الحـزنْ
أفــردْ طــاقتى للريح
يوهمنى إنتباهى لإتجــاه التيــه
يلمسنى فيرعش حنو إشفـاقى
ترفـقْ لا تخُـنْ ..
فالرفقةُ البستان حيث نَدَاك
أصــغى إلى نِدائى
ثم أرجعــنى إلى خطـوي
الذى يتحـسس العقــل التريثَْ
فى المضارب كلها
حتمـاً ستعرفنى المجاهل بالحماس
صلباً أُدانيـها المحنْ ..
فالملح دمع الفقد صخراً لا يذوب
فسأحــرق أشواقى قرابــيناً
على شرف الخــلاص
وبأيّمــا سحر يشق طريقه الإلهام
عـلْمنى التســلّق للمناص
كما النزيف الجرح لا يفتر
تنادت همْـهــمات الصمت
أعماقى تداعت بالحنين إلى الشجن
بديعٌ أيها العملاق
لاتنفذ إلى وجعى وهفــوات الزمن
يا حزن هـوناً
أنســنى الأوهــام
أتركنى أجُوبــك فى التنفس شهقةً
تعلو القياس لأســتريح
وأنتهــى بســلام
فالأحزان كهف الإحتراق
الصيف راحلة الفصول
الصوت يسبقنى
إلى هول المعارك إســتباق
وقبلة الأنحــاءُ عاريةٌ
تمـزق صبر أكتافى من الأحمال
فالأهوال عابثةً
تقاوم رشــرشات الماء
من وحــى الرذاذ
السحب عاصمة المدى
حجبت تفاصيل البشارةَ
وإهــتدت سُــبل الملاذ
الغـيْم يشرح سبرنا التكوين
أثـناء الغمام
تعال نحــوى
إنفــلاتٌ لا يتوب
لا يتوب من السقوطِ
إلى السمــوات العَـليةُ فى المقام
تعال عــلمنى
وأعــرفنى الصلابةَ
والعــزيمة َفى ربوع الماء
بحــاراً تعـوّدَ
إرتياد الموج غصباً فى البحـار
تعال نحــوى بالتلاشــى
أيــها اللا شــئ
لا شــئٌ يهــزْ مساكنى
شــكراً لأنك قد خرجت الآن
دثَرنى التعافى
فالثناء عليك
شـــكراً ...
أيهــا الحزنْ المســيح
|
Post: #2
Title: Re: شــــكراً لأنـك خرجــت الآن ...
Author: تماضر الخنساء حمزه
Date: 10-18-2007, 10:00 AM
Parent: #1
Quote: تعال نحــوى
إنفــلاتٌ لا يتوب
لا يتوب من السقوطِ
إلى السمــوات العَـليةُ فى المقام |
|
Post: #3
Title: Re: شــــكراً لأنـك خرجــت الآن ...
Author: هاشم أحمد خلف الله
Date: 10-18-2007, 07:01 PM
Parent: #2
 داش ايها الشاعر المقدام لقد امتعتنا بقصائدك العصماء ليلة إحتفال بورداب الرياض , سير إلي الأمام
قدماً فأنت شاعر بحق ولا يشق لك غبار
|
Post: #4
Title: Re: شــــكراً لأنـك خرجــت الآن ...
Author: Osman Musa
Date: 10-18-2007, 07:16 PM
Parent: #3
أفرد ياشيخ عبدالله
أفرد الطاقات الشعريه
المهوله .
سلامات
|
Post: #12
Title: Re: شــــكراً لأنـك خرجــت الآن ...
Author: عبدالله داش
Date: 10-19-2007, 11:29 AM
Parent: #4
عثمانوف موسى
مرورك شواطئ رحيبه
وعطْــر دواخل الروح
سلامات إزْيك
|
Post: #7
Title: Re: شــــكراً لأنـك خرجــت الآن ...
Author: عبدالله داش
Date: 10-18-2007, 07:55 PM
Parent: #3
هوايتى أحبك جداً
حد شريانى السِــرى
شايلك فيا وماشى
ولازمك زى ما ضُـلّى
هاشم الصديق
لك الموده
|
Post: #5
Title: Re: شــــكراً لأنـك خرجــت الآن ...
Author: عبدالله داش
Date: 10-18-2007, 07:30 PM
Parent: #2
Quote:
تعال عــلمنى
وأعــرفنى الصلابةَ
والعــزيمة َفى ربوع الماء
|
|
Post: #6
Title: Re: شــــكراً لأنـك خرجــت الآن ...
Author: تماضر الخنساء حمزه
Date: 10-18-2007, 07:45 PM
Parent: #5
لاتقترب
في مكاناتك لقيتك
إحنا بيناتنا التلاقي
في الصلابة
وياني جيتك
في الحكايات الخرافة
والدراويش الترنِّح
بالذكر بتقول حبابا
|
Post: #11
Title: Re: شــــكراً لأنـك خرجــت الآن ...
Author: عبدالله داش
Date: 10-18-2007, 10:40 PM
Parent: #6
لا تبتعــد أكثر
لقيناك ..
فى تفاصيل الخــروج
شكراً دخولك شقْــقات
فصل المطر
أهلاً تعال أكسى الفرح
قبل العـروج
ما تنسى إنك حزنى
أو إنك غيابى الفى الخدر
مخضر مروج
|
Post: #8
Title: Re: شــــكراً لأنـك خرجــت الآن ...
Author: abubakr
Date: 10-18-2007, 08:03 PM
Parent: #1
| Quote: فالملح دمع الفقد صخراً لا يذوب |
عجيبة ...
|
Post: #15
Title: Re: شــــكراً لأنـك خرجــت الآن ...
Author: عبدالله داش
Date: 10-19-2007, 11:56 PM
Parent: #8
إعجابى بموروك لا يضاهيه عجب
شكراً
لأنك تسـتعدنى دائماً
|
Post: #9
Title: Re: شــــكراً لأنـك خرجــت الآن ...
Author: Amir Omer
Date: 10-18-2007, 08:10 PM
Parent: #1
| Quote: تمـزق صبر أكتافى من الأحمال |
ما أجملك يا عبدالله
أمتعتني بهذا النص الجميل حد الدهشة
|
Post: #10
Title: Re: شــــكراً لأنـك خرجــت الآن ...
Author: ابو جهينة
Date: 10-18-2007, 08:37 PM
Parent: #9
Quote: يا حزن هـوناً
أنســنى الأوهــام
أتركنى أجُوبــك فى التنفس شهقةً |
هذا النص قد طرق لي باباً كنت قد تركته موارباً زمناً ..
مواربا و ليس مغلقاً
لكي أتنفس شهقة أو زفيراً يؤكسد شوقا لا يبرح تجاويف الروح
فشكرا أيها الطارق داش
|
Post: #19
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 00:32 AM
Parent: #10
Quote:
فشكرا أيها الطارق داش
|
الريس
أبوجــهينه
أنت تعرف كل القواسم المشتركه الكبرى ومتاعبها.
هى لم تتغير أبداً
ولم تكفنا عنها المحاذير
فظلننا نبحث عنها
ولا نبالى من أوجاعٍ قد تصاحب رحلة البحث
لا توارب الباب
أفســح للروح براحا
تقيها شــر الكتمان
لك الشكر
|
Post: #17
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 00:12 AM
Parent: #9
أمير الجميل
أكون فرحــاً
عندماأعرف أن هناك من يشاركنى أحساسى
وأحزانى وإنفعالات القصيد
لك الموده
لك الحب
|
Post: #13
Title: Re: شــــكراً لأنـك خرجــت الآن ...
Author: Shayma
Date: 10-19-2007, 11:59 AM
Parent: #1
Quote: تعال عــلمنى
وأعــرفنى الصلابةَ
والعــزيمة َفى ربوع الماء
بحــاراً تعـوّدَ
إرتياد الموج غصباً فى البحـار
تعال نحــوى بالتلاشــى
أيــها اللا شــئ
لا شــئٌ يهــزْ مساكنى
شــكراً لأنك قد خرجت الآن
دثَرنى التعافى
فالثناء عليك
شـــكراً |
تحية للكلمات وللروح المرهفة
كل عام وانت بخير يا عبد الله
|
Post: #21
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 00:50 AM
Parent: #13
شــيماء
العزيزه
الثناء عليك
شكراً للحضور
يا حبور الروح
كل عام وإنت بخير
|
Post: #14
Title: Re: شــــكراً لأنـك خرجــت الآن ...
Author: Alsa7afa_30
Date: 10-19-2007, 01:44 PM
Parent: #1
Quote: شــكراً لأنك قد خرجت الآن
|
و شكـراً لأنك قد أمتعتنا الآن .. و في كل حين ..
كل عام و أنتم بخير ..
|
Post: #18
Title: Re: شــــكراً لأنـك خرجــت الآن ...
Author: tmbis
Date: 10-20-2007, 00:17 AM
Parent: #14
داش اللذيذ ..
شكرا لأنك.. تسمعنا الشعر الذي يجعلنا نتحسس كلماتنا علها تشبه كلماتك ..
كنت جميلا في تلك الأمسية .. وفي القبلها .. وأيضا حين اسمع صوتك .. وعندما اللقاك ..
|
Post: #23
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 01:26 AM
Parent: #18
علاء
يا تمبس
تعرف يا صاحب
فى ناس كتار هنا بهزمونى تماماً
وبفرح بيهم لما يغلبنى الكلام
إنت واحد من هؤلاء ...
يعنى ...
والله مالاقى لى كلمه
توفيك معزتى بيك
كل الكلمات بحسها قاصره
وصغّيره وما بتوصل إحساس الأخاء العميق العايز اوصلو
للناس الجميله دى كلها
كدى خلينى أفتش القواميس وما شابه .
مع العلم ما ظنيت ألقى ...!
وبجد ...
كل يوم أتيقن
أن الدنيا
بيكم أجمل وأجمل
ليك الموده
|
Post: #24
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 01:47 AM
Parent: #18
خـــيل الحواس
بعد قليل من التعديل
أو كما كتبتها هنا من قبل
خــيل الحــواس
إتهجســنى كان ساهل عليك
داهمــنى فى الخاطر غناك
أطــرانى لما أغيب بعيد
علمنى شِقـيش أفهمــك
غصباً سـقيتك رشـفه من طبعى الكعب
ياحادى طول الليل
تعال إتمــدا
زي مابيعمل الضو فى الصباح
من مُــدّه إتحــدانا
) كش ش ش ش ش) خفـس القــزاز
عجلان وبالحيـل مجتهد
خليتنى زى مجــروح
وفى آخــر رمق
أو آخــر الشهقات
قبُـل ماتمرق الروح
فى البرازخ وتلحقك
أحسن أحسك وانتبه للصحـصحه
أنا ماغِـشِـيتك
لما فارقنى الثبـــات
غنـــت معاى الوحــوحــه
أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله......!!!! )
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام
داســت حواس الرحمه
شوفى الليل لبس طاقيتو
يتجسس علّى
مســكون مــوّدر ذاتى
فى اللحظه البقـــت مرهونه
بالودِع الوجيعه الجاتنا
كاشفه الضحكه فى صلب السنون
( مجنـون ... ومسـتعبط مساحاتك غلط)
مسكون بفارغ صبري
في ديس من سبايبك
ما الضلام مفجوع
يطنطن وسوسه ونتيف
يمشط فى الجريـد
مطبوع شراعك
والضفاف شرقانة بالطوفان
ختيت ملامحك لما يدركني البعيد
خاطرت بيك
والهول قيامة على مشارف حافة الإحراق
من المسؤول ..؟؟
وما ذنبى انا ..؟؟
وكوارث العالم تحاصر إتجاهاتى
ومآساتى .. أنا
فى العالم الرابع
أنا راجع
لأرصد ما هوى من السّما السابع
أنا تابع
وأفلاك الكواكب
دوخت سكك المدار
كان الحصار بالجــد
وبللنى العرق بالخُـدره
بالندى فى الصباح
بى لفحه نشفنى الهوى
بالمنتهي وموجــود متاح
ستفت فكرتى فى الرحيل
شفق المغارب وما حوى
بالصدفه حاولنى البـكا
وعدمان من الموجــود
وحـد أصــرخ مباح
مشيتك خطوتين ورجعت
استغرابي ليه ..؟!!!
كل الدروب متحــده
فى واحد يوصلنى ويقيف
والرجعه كانت ليك وفــا
مشيتك ..
حلمي ابقى المافي في وصف العصور
وين اليبل عِرق الصبر؟
وين .......؟
والشموس مدت ضفايرا ليك
صالحتي المكان
تعالى نفّـلى هذا الكون
نونّس ماتيسـر من حضور
ويقينـى إنك إعتـماد للفـكره
أقـرب للجنون
يا أمرقــينى من الهواجس
من متاريس الزمــان
تفــرح إذا نقـرت
دلاليك المدى الخمجان
وغــناكِ السكون
|
Post: #28
Title: Re: شــــكراً لأنـك خرجــت الآن ...
Author: تماضر الخنساء حمزه
Date: 10-21-2007, 11:58 AM
Parent: #24
ماساهل عليّ أبقاك هواجس..
لاكنتا في الغيم منتظر
تتلبّسك منِّي العواصف
انتا ياعودة نوارس
محمّلة باللقاءات المطر
ماكنتا قايل الليل بطول
لمّا تعلن انتا ياسيدو الهطول
ماكنتا فاكر الضو بغيب
يضارى في بسمة حبيب
وعايز أقول..
انا ناوي عن دربك عدول
أصلي ماقادر أشيل
الخطوة لو تلقاك وصول
بالشوفة لبست هي الخدر
إستصعبت بعدو الرحول
وريني بس ألقاك كيف؟؟
|
Post: #31
Title: Re: شــــكراً لأنـك خرجــت الآن ...
Author: عبدالله داش
Date: 10-23-2007, 00:55 AM
Parent: #28
فتشّــــت ليك
وعِــرفْت مِنــك ما يكون ممّكن
إذا سَــمح الزمن
ما الذكرى بتْهجـــس مجِــيك
وعِـرفت كيف درب المسـاسقه والبعاد
ضدْين ومُتحــدين علّي
وفى لحظة أطــراك بشــتهيكِ
تفوحى زى شذى من قرنفله
تبقى لىّ ... غنوه ولحن
خلينى فى وجعى القديم
لون الســديم
العــطّن الكلـمات عليك
يشدهنى مشروق من عنيك
أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك
|
Post: #22
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 01:01 AM
Parent: #14
حسام
كعادتك ..
تفاجئنى بأشيائك التى أعرف .
ياااخ شكرا ليك بالجد
وبعزك جدا
|
Post: #16
Title: Re: شــــكراً لأنـك خرجــت الآن ...
Author: awad okasha
Date: 10-20-2007, 00:08 AM
Parent: #1
| Quote: (عدل بواسطة عبدالله داش on 18-10-2007, 09:37 م) |
قرابينا صح ؟؟  اعدت ...الى ... توازني ...
كل المعزة
|
Post: #20
Title: Re: شــــكراً لأنـك خرجــت الآن ...
Author: سلمى الشيخ سلامة
Date: 10-20-2007, 00:49 AM
Parent: #16
يا سيدى ولم الحزن الذى يلبسك الان ؟
كن كما عهدتك سعيدا
كن الرسالة التى ننصلب الى رباها
فانت الرسول الى دهشتنا
ورمز سعادتنا
يا سعادتنا بك كشاعر يكتب العامية فنندهش
وتكتب الفصحى وتشجينا بحزنك
|
Post: #27
Title: Re: شــــكراً لأنـك خرجــت الآن ...
Author: عبدالله داش
Date: 10-21-2007, 11:43 AM
Parent: #20
وما أن حان الموعد مشيت نحوه
مستسلماً لأرى إلى أين تنتهى المسالك
خُــيّل لى أن دفقة الفرح
قد أجدها صدفةً من غير ترتيب فى وريد نابض
أو حزن منسى
فى شئ أبحث عنه كل العمر
علّه يأتينى وأنا أبتعد عنه فى رحلة لا تيأس
من البحث
ســلمى العزيزه
سألت نفسى ... وعاد الرشد
أنسى النســـاك ...
كما كُتبت فى
( مؤخرة لورى يفرك رمل الحله الفوق )
لك الموده
وأمانى العيد مجابه من رب العالمين
|
Post: #26
Title: Re: شــــكراً لأنـك خرجــت الآن ...
Author: عبدالله داش
Date: 10-20-2007, 01:24 PM
Parent: #16
صــــــاح يا صاح
تعرف يا عوض
دا كلو من العجله
بتدّخل الزول فى الأخطاء المطبعيه الزى دي ..
لو بتلاحظ حتى فى العنوان برضو ناقص كلمة ( قــد )خرجت الآن
دى يحلوها كيف ..؟
ياصديقى
كل عام وانت بألف خير وعافيه
|
Post: #25
Title: Re: شــــكراً لأنـك خرجــت الآن ...
Author: معتصم دفع الله
Date: 10-20-2007, 10:57 AM
Parent: #1
داش ..
في داعي تتعب دواخلنا المتعبة أصلاً ..
هسي أنا دخلت هنا وما أظن أمرق تاني ..
شكراً للحروف المارقة من عصب الكلام ..
وشكراً للكلام الحلو وجميل ..
أبقى كما أنت ..
|
Post: #29
Title: Re: شــــكراً لأنـك خرجــت الآن ...
Author: عبدالله داش
Date: 10-21-2007, 03:27 PM
Parent: #25
مــعتصم ...
يا أجمل ضــو
بعيد عنك تعب جواك
ياصدقى أنت تعلم
مدى الفرح اليبشــر بيك
دواخل الروح ...
لأنك ...
براك
البتعرف بتجلب
سمات المطر يا مطر
يااا خ
شـــكراً
مع علمى المؤكد
انها لاتكفيك فعلك
دم كما اود
|
Post: #30
Title: Re: شــــكراً لأنـك خرجــت الآن ...
Author: مدثر محمد ادم
Date: 10-21-2007, 05:09 PM
Parent: #29
Quote: وإهــتدت سُــبل الملاذ
الغـيْم يشرح سبرنا التكوين
أثـناء الغمام
تعال نحــوى
إنفــلاتٌ لا يتوب
لا يتوب من السقوطِ
|
يسلم ابداعك استاذ عبدالله
|
Post: #32
Title: Re: شــــكراً لأنـك خرجــت الآن ...
Author: عبدالله داش
Date: 10-23-2007, 01:00 AM
Parent: #30
المدثر
دثرنى مرورك
بإنتعاش ..
شكراً
لانك أيســر القلب
مودتى الصادقه
|
Post: #33
Title: Re: شــــكراً لأنـك خرجــت الآن ...
Author: ماجدة عوض خوجلى
Date: 10-23-2007, 01:19 AM
Parent: #1
Quote: أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك |
الله عبدالله كلامك جميل كلو جميل لكن الفقرة دى تحديد بتدى احساس
بالحياة والوعد والامل مليانه بيهم وفى نفس الوقت كلها رجاء .
تسلم يارب انت
|
Post: #34
Title: Re: شــــكراً لأنـك خرجــت الآن ...
Author: mohmed khalail
Date: 10-23-2007, 03:13 AM
Parent: #33
Quote: فسأحــرق أشواقى قرابــيناً
على شرف الخــلاص
وبأيّمــا سحر يشق طريقه الإلهام
عـلْمنى التســلّق للمناص
كما النزيف الجرح لا يفتر
تنادت همْـهــمات الصمت
أعماقى تداعت بالحنين إلى الشجن
بديعٌ أيها العملاق
لاتنفذ إلى وجعى وهفــوات الزمن
يا حزن هـوناً
أنســنى الأوهــام
أتركنى أجُوبــك فى التنفس شهقةً
تعلو القياس لأســتريح
وأنتهــى بســلام
فالأحزان كهف الإحتراق
الصيف راحلة الفصول
الصوت يسبقنى
إلى هول المعارك إســتباق
وقبلة الأنحــاءُ عاريةٌ
تمـزق صبر أكتافى من الأحمال
فالأهوال عابثةً
تقاوم رشــرشات الماء
من وحــى الرذاذ
السحب عاصمة المدى
حجبت تفاصيل البشارةَ
وإهــتدت سُــبل الملاذ
الغـيْم يشرح سبرنا التكوين
أثـناء الغمام
تعال نحــوى
إنفــلاتٌ لا يتوب
لا يتوب من السقوطِ
إلى السمــوات العَـليةُ فى المقام
|
داش..
درويش والله درويش شعر..مجنون عدييييل كده وعاوز تجننا معاااك...والله يا عبد الله ده اجمل شعر اقراهووو في المنبر من مدة طوييييييييييلة وانا بي هنااك اقول ليك انت ويين تاريييك مدفق بي هنا ..القصيدة دي فيها نضمي كتيييير جمال ما بتقال في تعليق واحد..والاقتباس في الكوت ده هلوس بي عديييل..وزاد درجة حرارتي تتخيل حاجة عجيبة لما تعجبني حاجة حد الدهشة بتجيني حمى..عندي ملاحاظات شوية كده ..مافي بناء القصيدة لان الوزن والبناء ما فيهو كلام لكن التشكيل داير مراجعه شوية انا مسنجري ما برسل الا زول ارسل لي وارد عليهو وكلمت بكري دق طناش ما بلومو مسؤلياتو كتااار..كده رسل لي على الماسنجر عشان اديييك الملاحظات..
ياخ تسلم عبدو ده كلااااااام بخش الدواخل بدون استئذان
وكن كما الدراويش يهيمون في عوالم جمال مطلقة
ولنا عودة
|
Post: #40
Title: Re: شــــكراً لأنـك خرجــت الآن ...
Author: عبدالله داش
Date: 10-23-2007, 11:36 PM
Parent: #34
بو حميد بن خليل
ياخليل ...
لم أقوى على كتابة توازى حديث العجيب ..
بنفس القدر لم أحتمل أبدأ رهانك
لأنه يورطنى ولا شك انى فى التورط ( مستكين بالحيل )
وفيما يخص ملا حظاتك تأكد يا صديقى أنى أحتاجها فعلاً
وسأفصح لك عن عقبات تحول دون تطرقى لهذا النهج
أولها ما ذكرت ( شدّه وسكون كســره وفتحين )
كدى خلينى أرسل ليك أول شئ
لأجنى ثمار الربيع
ولى عوده
ــــــــــــــ
تكتمل سعادتى عندما يقومنى العارفون .
|
Post: #39
Title: Re: شــــكراً لأنـك خرجــت الآن ...
Author: عبدالله داش
Date: 10-23-2007, 11:19 PM
Parent: #33
ماجده
العزيزه
أتفســـك وأجول بنظري هناك
أبدو كما أكون الآن
سعيداً بحضورك
...
..
.
متخم بطعم الشهد
كونى كما أود
|
Post: #35
Title: Re: شــــكراً لأنـك خرجــت الآن ...
Author: هند محمد
Date: 10-23-2007, 06:00 AM
Parent: #1
Quote: أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله......!!!! )
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام |
دائما مدهش ياداش..
دخلت كتير وفى كل مرة يخذلنى الكلام ..
تسلم ..
|
Post: #41
Title: Re: شــــكراً لأنـك خرجــت الآن ...
Author: عبدالله داش
Date: 10-23-2007, 11:46 PM
Parent: #35
هند العزيزه
تأكدى هذا ما يحصل معى تماما
فى أغلب الأحيان
لما يشرقنى الكلام
لك نبض القلب
وحيز يتســع للماء
لليابســه
للفضاء
وأجرام السماء
تدور فى فلك الثناء عليك
شكراً
قطرة الندى والربيع
|
Post: #36
Title: Re: شــــكراً لأنـك خرجــت الآن ...
Author: أبوذر بابكر
Date: 10-23-2007, 06:44 AM
Parent: #1
Quote: شــكراً لأنك قد أمطرت الآن
|
إذن
فيا ايها الناس
إذا جاءكم عاشق بخبر
فانصبوا سرادق الإخضرار فى براح الأرواح
وامتهنوا النشيد
يا دعاش
خذ محبتنا غليك
خذها بقوة
ايها الولد الحقل
|
Post: #42
Title: Re: شــــكراً لأنـك خرجــت الآن ...
Author: عبدالله داش
Date: 10-24-2007, 03:09 PM
Parent: #36
لمحتك فى خاطر رويان شوق
زى طيف
ورعــود ...
من مطــره قِــبلي
يا بســتان ..
يا غـابه ..
يا روعة حضورك
فى مواسم الدنيا
يا زول يا وريف
إتوهــط ...
حيل القدره
وأبســط فينا مراتع قولك
قولك ..
خضره توشــح جدب
الأرض الرمله
وأهلاً بيك معاى
أبو ذر
يا صاحب
لك كامل الشوق
|
Post: #37
Title: Re: شــــكراً لأنـك خرجــت الآن ...
Author: تماضر الخنساء حمزه
Date: 10-23-2007, 09:16 AM
Parent: #1
Quote: فتشّــــت ليك
وعِــرفْت مِنــك ما يكون ممّكن
إذا سَــمح الزمن
ما الذكرى بتْهجـــس مجِــيك
وعِـرفت كيف درب المسـاسقه والبعاد
ضدْين ومُتحــدين علّي
وفى لحظة أطــراك بشــتهيكِ
تفوحى زى شذى من قرنفله
تبقى لىّ ... غنوه ولحن
خلينى فى وجعى القديم
لون الســديم
العــطّن الكلـمات عليك
يشدهنى مشروق من عنيك
أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك |
ماتفتش ال برَّاك كتير
لاتضيِّع الوكت النريدو
نحنا يبقالنا التواعد
في المكانات البراح
فتش ال جوَّاك أكيد
تلقاني في نبض الدواخل
واحنا بيناتنا التوارد
وليلنا ماقابل صباح
طوّالي بطراك ..بحتويك
وحالي دايماً مشتهيك
ومابقول عطرك قرنفل
او باقة من انفاس شذاهو
شهقة الأنفاس معاهو
هيَّ.. عِطري .. المحتمل
تتسارع الآهات وراهو
|
Post: #43
Title: Re: شــــكراً لأنـك خرجــت الآن ...
Author: عبدالله داش
Date: 10-24-2007, 03:19 PM
Parent: #37
ودرت فــيك جواى
وكاســيانى إخـضرار
دروشْــت قارش صوتى
نص الليل ...
إذا فــتر الحنين للمافى
لو غاب النهار ...
ســمْينى عِــز الشهقه
أو خــلّينى قابل للحريق
والإشتعال ...
أوْحـــينى ذروة صبرى
فى النفَـس البغــيب
بين إنبهــار الدهشـه
والحلم القريب
بردان ومنتظرك دفا
بالصدفه قابلتك جواى
وفضحــت أســرار المغيب
وقـلبْت بيك السهر جهار
وفرحْـت بيك
ياعافيه بتدثر قواى
|
Post: #45
Title: Re: شــــكراً لأنـك خرجــت الآن ...
Author: تماضر الخنساء حمزه
Date: 10-24-2007, 08:17 PM
Parent: #43
سمّيتك غُناي
وندهتا لي التمتم
بيشعل في الميادين الحماس
وللدوبيت بيرجِّح
كفة القول والتراث
وانتا فيو كل القوافي
ووزنة الفعل الأساس
|
Post: #49
Title: Re: شــــكراً لأنـك خرجــت الآن ...
Author: عبدالله داش
Date: 10-28-2007, 02:02 PM
Parent: #45
مفروض علي أبقاك
معروض قلم رصــاص
زعلان كتير فوق كمْ
أفرح معاى وأحلم
وأدى السما طــلقه
إكسيرى إتكســر حزن
غناك حفيف الروح
يا عافيه الزمن القبيح
بقدر عليك ...
وبحمْلك وزرى إرتداد
تعالى معاى
قبُل يفتر مزاج صحوك
ما بوصلك ...
درب المسافات الكسيح
فجــأه إتفقنا على الرحيل
شوفى المحنْ يقت إمتداد
للباقى من عمرى الجميل
ما ذكروك الخدّروك
مفتكره جداً
جملة الما خبروك
انا نجمه ما لوزة قطن
انا ممتهن وجعك خلاص
يا إرتهاص الغايه .. والخوف ... والوهن
لونك يخصل وبالصريح
بتولد النار الرماد
ذات العماد
زى غمضة العين فى السهاد
يا نوبه تتقســم صدى
زى طار وما حلّق بعيد
قايلة نهار
حاق المدى
|
Post: #38
Title: Re: شــــكراً لأنـك خرجــت الآن ...
Author: mustafa egaimi
Date: 10-23-2007, 11:26 AM
Parent: #1
أكانت بعد الحديث أم قبله أم أثناء هد حنينك للتي وهبتك ما في وسعها من فاجع الذوبان في لاشئ غامضة نهاية طيفها بالإحتراق ... ولا أود الخوض أكثر إكتفيت الآن من تحديد قلبي بالنبات الموسمي والفتيات الفتات ... أعليك أن تهتم أكثر لعينيك وهي تزجيك البكاء مساء لا تهذبه العبارة أم تكتفي بالسير تناوشك الأغاني وهي تخدع حسك البدهي بالأشياء ( لو كنت ناكر للهوي زيك ) هل كل البنات أمونه ... يا أمونه والموت الدسيس في ضحكة الكلمات تبع لون الصباح في رسمه ... وبينما أكلمك كنت أستحضرها وهي بغيمها المسيح تتنزل آخر الأزمنه.. تحاورني الملجمه شاده سرج الليل علي ساسقا ووقدت نار سؤاله الباب جوابه متاكا بي وبالعلي من الظروف العاقا والظن السمح والشين وهاك يا مقاقا لا عند الدغيش ما انفك من خناقا...أرأيت تسلك ذات الطريق او تختصره والنتيجه واحده
بينماالحالة تأخذك اكثر مماأتوقع وما تهديه لك أقل من المتوقع أكتفي بهذا التوقيع
يا صبري المر سلوان
الي حين إشعار آخر
|
Post: #44
Title: Re: شــــكراً لأنـك خرجــت الآن ...
Author: عبدالله داش
Date: 10-24-2007, 03:28 PM
Parent: #38
ثمــة حــدود فاصله بين هذا وذاك
وفى المنتصف تحددت المعالم بالوضوح . وعلا الصــراخ
لا أعرف أين ..؟ وكيف ...؟ ومتى..؟ ولكنه الإنحياز لخصوصية ما يخص الأمر
زعمى أنه الآن يصارع الضجيج من أجل العوده إلي القلب
إلي فاجعة الحدث الفجائيه
كيفما كان مقدراً له ... فليكن بسلام وليخــرج الآن .
حينها جاش الحنين
إلي التى علمتنى من السِــفر
أقرأ أفراحها ...
التي زودتني ...
(خلينى أبدأ الهرجله
وعلي كل حــال )
أنا إحـْـتكمت على إحتمالات ما يكون
حاصل نتاج حزنى القديم
كل الإناث بارود سريع الإشتعال
( وأمونه ما كل البنات )
والليل ضفيره من الســواد
وإبتهالات المساء لها
لها الله وهى كالطيف فى اللون
فى الرسم فى غاية الإكتمال
( بتحضرنى المسافات المشيتا براى
مع ضلاً مخالف الضلله
لاهو وراى وكت تبقى الشمش فى وشي
ولا قدامى ...
وكت تبقى الشمش فى قفاى
يغالط فى ظواهر الضو
خسوف وكسوف
طويل شقيش يبين فارع
حفيف رحراح
أخاف الريح تشيلو ويغير الشارع
الشاعره أميره الترك ...
( الله يا أميره الأميره )
أميره الترك ...
عالم من الكلمه المترفه بالجمال والتفرد
وهى تحاور الروح القزاز
تعال لنكتب عنها شيئا
فى بوست منفصل
ســأتفرغ لذلك إنشاء الله
عجيمى الوريف ..
فالنفتح مسارات التعجب
إلى لحظة الإشـعار
|
Post: #46
Title: Re: شــــكراً لأنـك خرجــت الآن ...
Author: bushra suleiman
Date: 10-24-2007, 10:43 PM
Parent: #1
داش ..
لماذا تستفرد بوحشة الليل ياصديق ..
اشتّم هنا رائحة أغان ٍ حزينة ،
تخشى عليها إيقاظ الفتنة النائمة في القلب.
أو سهرة منسية فى عيونٍ أتلفها الشوق ..
بالله عليك قل لى:
من لديه القدرة على تقليم أظافر تحفر الجرح لتكتب !!
|
Post: #47
Title: Re: شــــكراً لأنـك خرجــت الآن ...
Author: عبدالله داش
Date: 10-27-2007, 08:58 PM
يا بشـــرى
يا ســـليمان
فارقتك
فى متاهت الاشـواق دلفت الى الذى
فى القلب ...
كنت اقرب من مسافة ضوء
كان لى ان انسى نفسى فيه
لو لا الحلكة الدامسه ...
ياصديق
هاهى الوجهة الان نحوك
تبشرنى بالفرح
فكن الملاذ
|
Post: #48
Title: Re: شــــكراً لأنـك خرجــت الآن ...
Author: فيصل عباس
Date: 10-28-2007, 11:26 AM
Parent: #1
النص ده
حـــــــــــــــلومــــر
عديلـ كده ياخي
وللمذاقين شكرا
ياداش
|
Post: #50
Title: Re: شــــكراً لأنـك خرجــت الآن ...
Author: عبدالله داش
Date: 10-29-2007, 02:57 PM
Parent: #48
فيصل عباس
العزيز
أشم عبيرك المعرفه من لدنك
أمنتحنى ما تعرف
عن الطعم المــر
لنعالج أمر
وأنا من الفرحيين
سأضمك لقائمة صديقى محمد خليل
لك الود
|
Post: #51
Title: Re: شــــكراً لأنـك خرجــت الآن ...
Author: humida
Date: 10-29-2007, 03:05 PM
Parent: #50
داش ..
عليك القصيدة بتاعتك الكلها ( فليق ) ديك ..!
|
Post: #52
Title: Re: شــــكراً لأنـك خرجــت الآن ...
Author: عبدالله داش
Date: 10-30-2007, 10:46 AM
Parent: #51
حميده
ياتا دى ...
عليك الله
إتذكر لى مقطع او كلمه منها
أجيبها ليك بــ حجارا
راجيك ..
|
Post: #53
Title: Re: شــــكراً لأنـك خرجــت الآن ...
Author: salma subhi
Date: 10-30-2007, 12:15 PM
Parent: #52
| Quote: شــــكراً لأنـك خرجــت الآن ... |
أخ عبدالله ..اولاً حمدالله على السلامة أن خرج الحزن من الأنفاق....
احترت عن أي مقطع اتحدث لكن اعجتني قمة الاحساس لكاتب مميز فاخترت هذه.
Quote: فالأحزان كهف الإحتراق
الصيف راحلة الفصول
الصوت يسبقنى
إلى هول المعارك إســتباق
|
|
Post: #56
Title: Re: شــــكراً لأنـك خرجــت الآن ...
Author: عبدالله داش
Date: 10-31-2007, 03:04 PM
Parent: #53
سملى صبحى
العزيزه
شكراً لمرورك العذب
فرحى بك كزخات تبشر بالهمى
لك الإحترام
|
Post: #54
Title: شكراً مشاوير ما بتتم
Author: حجة امنة
Date: 10-30-2007, 01:06 PM
Parent: #48
Quote:
النص ده
حـــــــــــــــلومــــر
عديلـ كده ياخي
وللمذاقين شكرا
ياداش |
زى سيندوتشى الجبنه بالمربي
شكرا داش
|
Post: #55
Title: Re: شكراً مشاوير ما بتتم
Author: Osman Musa
Date: 10-30-2007, 02:22 PM
Parent: #54
يا ناس ____
داش _
داش يشتت تيراب الشعر
هناك
الربع الخالى يمتلى بالورد
الف شكر يا داش .
|
Post: #58
Title: Re: شكراً مشاوير ما بتتم
Author: عبدالله داش
Date: 10-31-2007, 03:33 PM
Parent: #55
يا عمثان
يا آيه السر
بذرة فى رحم الأرض
خانتها المياه ..
فضل سبيلها للموت
إتكأت على كتفك ( فكانت )
فى خضم العطش
خضراء يانعه
تسر الناظرين
( إنى أجاب فى المدى الواقف
حدا النظر الهناك
أقراك وأمرق للمطر
حامد رقاريق البلل )
|
Post: #57
Title: Re: شكراً مشاوير ما بتتم
Author: عبدالله داش
Date: 10-31-2007, 03:12 PM
Parent: #54
حجـه آمـنه
إتصبـرى
وعارفه الوجع
فى الجوف كتير
إتصبرى
إتصبرى
لحضورك مذاق الشهد
لك الموده والغيم
|
|