Post: #1
Title: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-17-2007, 05:02 PM
Parent: #0
بحلول الـ 18 من أكتوبر تكون الرياضية إف إم قد أكملت عامها الأول عبر مسيرةٍ حافلةٍ تزامنت معها وبها نهضة الكرة السودانية من تقدم الهلال إلى مربع الذهب في دوري الأبطال ووصول المريخ إلى نهائي الكونفدرالية ولأول مرة بعد 30 عاماً منتخبنا الوطني في نهائيات أمم افريقيا. وكذلك ظل منشط ألعاب القوى يحصد الألقاب في شتى البطولات عبر نوال الجاك ومنى جابر وجميلة ألداما ونجم الدين على بابكر وابوبكر كاكي وغيرهم.
لامست الرياضية أحلام الرياضيين كصوت يعبر باسمهم في وطن ما زال يتوكأ على عصا "شختك بختك" في كل مناحي الحياة. إعتبرها الهلالاب مريخية وإعتبرها المريخاب هلالية وبين هؤلاء وأولئك لم تسلم من غضب بعض ذوي الشأن آخرهم مجلس الهلال الذي منع أعضاءه من التحدث لها.
عام مضى يحمل الكثير من ومن نرجو من كل المتداخلين التقييم الموضوعي لمسيرة إذاعة تعد الثانية على مستوى الدول العربية بعد الشباب والرياضية المصرية، والأولى في السودان.
العجيل
|
Post: #2
Title: Re: الإذاعة الرياضية تكمل عامها الاول ... تقييمكم الموضوعي
Author: gamal elsadig
Date: 10-18-2007, 11:37 AM
Parent: #1
...
الاخ /عبد الباري
كل عام وانت بخير في موسم الاعياد وكل التهاني الجميلة
عبرك للاخوة العاملين في الاذاعة الرياضية FM104 بمناسبة
عيد الفطر المبارك ومرور عام على بداية الاذاعة .
لاشك ان الرياضة بمختلف انشطتها تاخذ الحيز الاكبر من اهتمامات
الشعب السوداني وخاصة كرة القدم ..وفي إعتقادي ان قيام إذاعة متخصصة
تعنى بالشأن الرياضي هو انجاز كبير جداً وذو اهمية كبرى لدورها
الاعلامي المؤثر ...وقد اكتملت بها الحلقة الاعلامية المهمة بتواصل
الجماهير وطرح اراء مفيدة جداً ....
وحقيقة كان لهذه الاذاعة دور كبير في التعبئة الجماهيرية لمناصرة
الفريق القومى و المريخ و الهلال من خلال المشوار العربي و الافريقي
...وبالطبع لكل بداية عثراتها ولاي ممارسة جديدة اخطاء يمكن تجاوزها
بمرور الزمن بالاستفاده منها والعمل على التجويد ...وهذا ماارى
ان الاذاعة الرياضية ستسير عليه ...من واقع متابعتي لهايومياً
ويكفي الاشادة التي تجدها من كل المتواصلين معها عبر الهاتف
اتمنى ان يغطي بث هذه الاذاعة كل السودان قريباً بل اتمنى ان يمتد لكل
العالم ...وان تتطور على كافة المستويات بالتدريج دون استعجال
التحية و الاحترام لكل العاملين بهذه الاذاعة واتمنى لهم التوفيق
جمال حسين
..
|
Post: #3
Title: Re: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-18-2007, 04:30 PM
Parent: #1
عيد سعيد عليك يا جمال يا صادق
Quote: وكل التهاني الجميلة
عبرك للاخوة العاملين في الاذاعة الرياضية FM104 بمناسبة
عيد الفطر المبارك ومرور عام على بداية الاذاعة . |
توصل تحاياك بإذن الله
Quote: وبالطبع لكل بداية عثراتها ولاي ممارسة جديدة اخطاء يمكن تجاوزها
بمرور الزمن بالاستفاده منها والعمل على التجويد ...وهذا ماارى
ان الاذاعة الرياضية ستسير عليه ...من واقع متابعتي لهايومياً |
تأكد إنو ده عزانا يا جمال
|
Post: #4
Title: Re: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-19-2007, 06:27 PM
Parent: #1
الاستاذ يوسف السماني رئيس مجلس الإدارة يتحدث لسودانيز أون لاين
|
Post: #5
Title: Re: الإذاعة الرياضية تكمل عامها الاول ... تقييمكم الموضوعي
Author: فيصل محمد رشوان
Date: 10-20-2007, 02:18 PM
Parent: #4
الأخ عبد الباري العجيل
تجية طيبة ونهنئ الإذاعة الرياضية في عيدها الاول وعقبال 1.000.000 شمعه
والله الإذاعة الرياضية أصبحت الملاذ لكل المستمعين وتعتبر فال حسن لتزامن أنطلاقتها مع إنتصارات الهلال والمريخ والمنتخب وأنا من أشد المتابعين لها حتى عبر الإنترنت في موقعها .
ولكن ..........
بالدارجي كده
حقيقة مديرها العام يوسف السماني عملها ظاهرة عديل كده الزول ده مستلم البرامج كلها مع أنه صوته ما بنفع عديل كده يكون مذيع وبالإضافة الي أنه كل ما يكون في خبر مهم او إتصال مع شخصية كبيرة يصر أنه يذيع الخبر بنفسه وهنالك أحد المراسلين يدعى يوسف المغربي ده حيرنا مرة في أحد بيوت العزاء لأاحد كبار الفنانين طلب من احد المعزين أن يقوم بغناء أحد أغنيات الفنان الراحل فأستغرب الفنان ورفض الطلب؟؟؟؟؟
وغير كده والله ماعندكم عوجه .
وننصح الأستاذ يوسف السماني بأن يتجه للمجال الإداري ويترك الخبز للخبازين ؟؟؟
وآسفين شديد على الصراحةالشديدة في أيام عيدكم وكده
ولكم التحيةخاصة المبدع فراس طنون وبقية العقد الفريد ....
|
Post: #6
Title: Re: الإذاعة الرياضية تكمل عامها الاول ... تقييمكم الموضوعي
Author: محمد عادل
Date: 10-20-2007, 05:33 PM
Parent: #5
الاستاذ عبدالبارى
فى البدء اهنئكم على هذا الصرح الاذاعى الجميل
ولا اخبى عنك
طيلة فترة اجازتى فى السودان التى امتدت شهرين كنت اواصل الاستماع واداوم على الرياضيه104 وطيلة شهر رمضان
لبرامجها الجميله
ولكن هناك كلام كتير لن يرضيك ولايرضى استاذ يوسف السمانى سوف اتحدث فيه عن انحياز الرياضيه الواضح للمريخ وحملتها القويه ضد الهلال حتى ايام النفره
كانت واضحه جدا انحيازها للمريخ فى كافة المحافل وحتى تهانى العيد
|
Post: #7
Title: Re: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-22-2007, 10:57 AM
Parent: #1
عزيزي فيصل محمد رشوان:
التحية ليك كل سنة وإنت طيب و
من حقك يا سيدي ومن حقنا عليك إنو نسمعك
ما بتوافقني يا فيصل إنو أستاذ يوسف ده صاحب مبادرات حقيقي؟
| Quote: وآسفين شديد على الصراحةالشديدة في أيام عيدكم وكده |
لا تأسف يا سيدي فالصراحة مطلوبة عشان نمشي قدام
|
Post: #8
Title: Re: الإذاعة الرياضية تكمل عامها الاول ... تقييمكم الموضوعي
Author: فيصل محمد رشوان
Date: 10-22-2007, 02:17 PM
Parent: #7
الراقي جداً عبد الباري العجيل
أحيك على روحك الطيبة وردك المهذب
أتفق معك في أنه الأستاذ يوسف السماني صاحب مبادرات وله
أيضاً دور في النهضة الكروية من خلال تعبئة الجماهير
ودور ملموس في لجنة دعم المنتخب الوطني
ولكن (تااااني)
أنا وجهة نظري كانت في كثرة الإطلالة والهيمنة على البرامج والاخبار المهمة
في وجود مذيعين متميزين ومقتدرين
واكرر الإشادة بالإذاعة الفأل الحسن (وما بتجيها عوجة طالما فيها ناس زيكم كده)
ولك العتبى
|
Post: #9
Title: Re: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-22-2007, 02:28 PM
Parent: #1
الجميل محمد عادل:
شكراً على التهنئة. ومتابعتك لينا حاجة أكيد نتشرف بيها.
| Quote: لكن هناك كلام كتير لن يرضيك ولايرضى استاذ يوسف السمانى سوف اتحدث فيه عن انحياز الرياضيه الواضح للمريخ وحملتها القويه ضد الهلال حتى ايام النفره |
ما مهم يرضيني ولا لأ لكن المهم إنو دي وجهة نظر ولازم نحترمه. بعدين يا عادل إنت عارف إنو من الصعب إرضاء الجميع. هي محاولة مضنية من الرياضية للسير في وسط لا يعرف للحياد معنى للأسف، وسط عُرف بالتعصب والنعرات الضيقة.
إتهامنا بالإنحياز عبارة عن ضريبة لازم ندفعه إلى أن تبين للناس الحقيقة.
إتمنى تواصلك معانا.
|
Post: #10
Title: Re: الإذاعة الرياضية تكمل عامها الاول ... تقييمكم الموضوعي
Author: عبدالبارى العجيل
Date: 10-22-2007, 05:47 PM
Parent: #1
كدي يا فيصل يا رائع بعيد عن قصة أستاذنا يوسف رايك شنو في برامجنا؟
العاجبك شنو والما عاجبك ياتو؟
وذاتو في ظل الواقع المكعكع ده المطلوب شنو من إذاعة رياضية؟
ولي ياتو درجة ممكن تغير إذاعة عمرها سنة واقع تكرس عبر عشرات السنوات؟
وهل تقدر الرياضية تغيير المفاهيم اللي كتَّفت رياضتنا وحمتها تمشي قدام؟
وهل ذاتو الحصل ده من صحوة عندو ما يضمن إستمرارو؟
ولا القصة فورة لبن ويتدفق في الواطة؟
الأسئلة كتيرة
والأجوبة معلقة
يا ريت يا فيصل نلقى مرسى!
ونلقى مرفأ لى سفنا التايهة ترسى
وكل يوم في بكرة بكرة
ليه ما يكون الآن وهسَّ؟
..
.
|
|