Post: #1
Title: الأخ جني... الرجاء الاعتذار عن هذه الإساءة وسحبها
Author: Ashraf el-Halabi
Date: 10-14-2007, 07:40 PM
Parent: #0
سلام للجميع وكل عام وأنتم بخير
في بوست أسعد الريفي مفاجأة والي الخرطوم: مستثمر نيجيري اسمو قربه للبصات بدلاً عن الهولنديين
تعليقاً على المحاصصة (60% لقربة و40% للعاصمة) كتب جني: Quote: وال 60% مناصفة بين المتعافى وقربتو!
وسوف تدفع حومة السودان والقطاع الخاص (محسوبى المتعافن) ال 40% من مبلغ التمويل والذى هو الدفعة الاولى (المقدم) والعمولات وجزء من الباقى سوف يحجز لدفع الاقساط الاجلة للتمويه وبعد كم سنة ستباع الخردة كما بيعت بصات ابورجيلة المارسيدس وهى ايضا من البرازيل افسد دول العالم بعد ان باع لهم ابورجيلة الترام وباعوا للشعب السودانى مقابر احمد شرفى! |
ثم تساءل: | Quote: انتوا مجلس الشعب ابن الكلب دا قاعد يسوى فى شنو! |
ـــــــــــــــــــــــــ
يا جني ياخي الكلب عمل ليك شنو عشان تنسب ليه أبوّة المجلس العاق دا!؟
يا سيدي على الأقل الكلب لو جاء حرامي بهوهو!!
|
Post: #2
Title: Re: الأخ جني... الرجاء الاعتذار عن هذه الإساءة وسحبها
Author: Ahmed musa
Date: 10-14-2007, 08:50 PM
Parent: #1
Quote: ـــــــــــــــــــــــــ
يا جني ياخي الكلب عمل ليك شنو عشان تنسب ليه أبوّة المجلس العاق دا!؟
يا سيدي على الأقل الكلب لو جاء حرامي بهوهو!! |
أبوالشوش كل عام وأنت بخير
والله رديت لي نص رويحتي
الله يتم الباقي ... سالتك بالله ما تغيب
|
Post: #3
Title: Re: الأخ جني... الرجاء الاعتذار عن هذه الإساءة وسحبها
Author: jini
Date: 10-14-2007, 09:05 PM
Parent: #2
Quote: يا جني ياخي الكلب عمل ليك شنو عشان تنسب ليه أبوّة المجلس العاق دا!؟
يا سيدي على الأقل الكلب لو جاء حرامي بهوهو!! |
تعرف يا اشرف لو واحد قال لي يا ابن الكلب!
ما حازعل حامشى اجيب ليهو ابوى!اعزل لى كلب امه بت ابوهو واجيبو ليهو بعد اصومو يومين (الكلب) عشان تانى يشتم ابوى!
تعرف الانقاذ 75% حرامية وال 25% الباقى قاعد فى كنبة الاحتياطى!
زى ما بقول القول المأثور
اذا لم يجد اللص فرصة للسرقة ظن نفسه شريفا!
هسة البجعجعوا ديل ناس كنبة الاحتياططى!
وبعد يسرقوا اقصد يلعبوا تعال شوف المبررات نوع اى بلد فيها هامش فساد مسموح بيهو والاسلاميين فتنتهم السلطة وما عارف شنو كدة!
جنى
|
Post: #4
Title: Re: الأخ جني... الرجاء الاعتذار عن هذه الإساءة وسحبها
Author: Ashraf el-Halabi
Date: 10-15-2007, 03:44 PM
Parent: #1
أحمد موسى سلامات
يا من لاحظ غيابي
كتر خيرك وكل سنة إنت وأسرتك بألف خير
|
Post: #5
Title: Re: الأخ جني... الرجاء الاعتذار عن هذه الإساءة وسحبها
Author: Ashraf el-Halabi
Date: 10-15-2007, 03:58 PM
Parent: #1
| Quote: تعرف الانقاذ 75% حرامية وال 25% الباقى قاعد فى كنبة الاحتياطى! |
ما دا ذاتو المجنن (بوبي) المفترى عليه
الخواجات الكفار ديل عشان عارفين ضعف النفس البشرية ختوا الفوانين
الغريبة يا جني بعد دا تلقى الواحد فيهم (جماعتنا) عقب كل صلاة يدعو ضمن ما يدعو بـ "اللهم انصرنا على الكفار"
ياخي!! 
|
|