Post: #1
Title: التقويم القمرى -- أسئلة ولا إجابات
Author: أبوذر بابكر
Date: 10-11-2007, 09:57 PM
من البداية
بداية قعاد الناس فى الواطا
عملوالشمس والقمر مواقيت وأدوات، لو جازت التسمية، لى قياس ومعرفة الزمن
وبعد ما الموضوع تطور زيادة، مع تطور الناس، ونظمو زمن الأرض فى فترات محسبوة وبدل رمشة أو طرفة العين بقت الثانية والدقيقة والساعة والقرن الخ
المسلمون أو العرب تحديدا عملو تقويمهم الخاص بداية من الهجرة النبوية، والمقياس المعتمد كان هو القمر
طيب
القمر وحركتة ونسبيتها مع الشمس والأرض ولى نفسه، أكيد وحتما مضبوطة بدقة متناهية حتى فى تغيراتها، لكين الغير مضبوط وغير دقيق بالمرة هو طريقة أو معرفة حساب أهل التقويم الهجرى للشى الإعتمدوهو
كب سنة والناس فى داليما غريبة جدا، رمضان هنا اليوم، ورمضان هناك بكره وفى غيره بعد بكره
صحيح فى إختلاف فى مواعيد وصول القمر، أو بداية ظهور أول منحنى منه "الهلال" فى كل منطقة
لكن ما بتصل لمستوى فرق يوم أو يومين كاملات لو حسبنا وقت بداية ظهوره فى أقصى نقطتين متباعدتين شرقا وغربا
طيب شنو مثلا البخليهو اليوم "الليلة دى" يظهر فى الكويت والأمارات والسعودية، وما يظهر فى سلطنة عمان مع إنه المناطق دى كلها فى نفس خطوط الطول
يعنى بكره العيد فى السعودية مثلا وفى مصر لسه رمضان شغال
معناه إنه وثبوت الرؤية ما بكون معتمد إلا بى شوف العين، مع إنه ممكن الهلال يكون ظهر وواقف قدامك لكين إنت ما تقدر تشوفه لأى سبب بعيد أو قريب، طبيعى أو غير طبيعى
لا بد من ضبط التقويم القمرى أو بالأصح ضبط طريقة تعامل أهله معاه
وإلا يكونو ماشين عكس الطبيعة نفسها
ولا شنو بالله ؟
|
Post: #2
Title: Re: التقويم القمرى -- أسئلة ولا إجابات
Author: osama elkhawad
Date: 10-12-2007, 04:11 AM
Parent: #1
Quote: لا بد من ضبط التقويم القمرى أو بالأصح ضبط طريقة تعامل أهله معاه
وإلا يكونو ماشين عكس الطبيعة نفسها |
|
Post: #3
Title: Re: التقويم القمرى -- أسئلة ولا إجابات
Author: أبوذر بابكر
Date: 10-13-2007, 07:24 AM
Parent: #2
مش كده بالله يا مشاء
وعشان كده برضو حيظلو خارج سياق ونسق التاريخ
تمامة عدد ساى
|
Post: #4
Title: Re: التقويم القمرى -- أسئلة ولا إجابات
Author: jini
Date: 10-13-2007, 01:27 PM
Parent: #3
Quote: لا بد من ضبط التقويم القمرى أو بالأصح ضبط طريقة تعامل أهله معاه
وإلا يكونو ماشين عكس الطبيعة نفسها |
يا أبوذر
الهلال بثبتو رؤيته اثنين بدو بالكاد يغسلون سراويلهم كل عيد وينالون على اثبات الرؤية 10 آلاف اضافة لكسوة العيد للبجى أول!
تخيل رحلات الطيارات بالتقويم الهجرى وشوف الهرجلة والتصادم!
تخيل الميزانيات بالتقويم الهجرى وشوف الفروقات الناتجة عن يوم واحد والبهدلة!
تخيل مواسم الزراعة بالهجرة والباقى لى خيالك!
شوف المفارقة الخواجات بى تقويمهم الجريجورى الشمسى بعرفونا حنصلى صلاة خسوف القمر متين لمدة قرون ومتى سنفرغ من الصلاة والدعاء اى متى ينتهى الخسوف!
السؤال هل تعتقد ان العالم سيتبنى يوما التقويم القمرى!
جنى
|
Post: #5
Title: Re: التقويم القمرى -- أسئلة ولا إجابات
Author: أبوذر بابكر
Date: 10-13-2007, 10:47 PM
Parent: #4
أهلا يا جنى
تعرف
أنا نفسى والله أعرف شى واحد
الناس ديل ليه مصرين، ومصرين جدا
إنهم يخاصمو العقل وكل يوم يزيدو ويعمقو القطيعة معاه؟
العقل هو الشى الوحيد المفترض يدير كل الأشياء التانية فى ضهر هذا الكوكب المبتلى العجيب
سيبك من الكلام الثيوريكال ده كله
فى القرآن الكريم كتير جدا من الآيات بتختم بى "لعلهم يبصرون"،"لعلعم يتفكرون"
وقطعا هنا الموضوع أو الطلب ما مجرد أمنية من الإله
والله يا جنى الأمر فى غاية البساطة، مجرد كالكيوليشن وشوية أجهزة متوفرة لأى هاو، ناهيك عن المتخصصين، والشغل كله يتم بى دقة متناهية زى ما ذكرت إنت مع ناس الجريجوريان
لكين تقول شنو
ما تستبعد يكون الموضوع هو
تغييب متعمد للعقل
ممكن يكون كده
الناس ديل بعملوها
|
|