|
الأخ سعدالدين عبدالرحمن مرحبا بك في اليابان
|
نتشرف هذه الأيام في طوكيو بوجود البوردابي العزيز الأخ سعدالدين عبدالرحمن والذي جاء في زيارة تفقدية للأهل والأصدقاء. حقا سعدنا بالتعرف عليه من قرب بعد أن عرفناه من خلال البورد ولم تخب توقعاتنا ولكن خابت توقعاته. مرحب بيك أخونا سعد ومنتظرين نشوفك في التمرين. بس ما تكون كنت بتلعب في فريق النمسا بالكلاكلة؟؟؟
أخوك/جعفر سومي
|
|
|
|
|
|
|
|
Re: الأخ سعدالدين عبدالرحمن مرحبا بك في اليابان (Re: جعفر سومي)
|
أخي الحبيب/ جعفر سومي
سعدت بلقائك و الاسرة الكريمة ليلة أمس.
Quote: ولكن خابت توقعاته. |
فعلا خابت التوقعات (إيجابيا)..أول مرة اصاب بهكذا خيبة بصراحة شوقتونا بالحديث عن برامجكم الرياضية و إن شاء الله جاهزين للمشاركة و ما تكون بت اللذينا فكت و ننفضح بس .. و فريق النمسا كان أحد الفرق التى طلبت تسجيل أخوك الا أن الاكاديميات كانت أولي
تشرفت كتير والله مودتي
| |
|
|
|
|
|
|
Re: الأخ سعدالدين عبدالرحمن مرحبا بك في اليابان (Re: جعفر سومي)
|
ابو السعووووووووووووود ごきげんいかが ياخي انحنا منتظرنك بي جاي تمرق لي من نيوزلاندة الى اليابان ماسك لي طرف الكرة الشرقي ياخي انت جناح رايت تعال لي هنا وجيب لي معاك كيبورد ياباني عشان اشبكهم ليك هيراغانا وكاتاكانا ひらがな وカタカナ اليفهم يفهم المايفهم الله معاه نضال سامورائي
عم جعفر اسماعيل وجعفر سومي سلام
| |
|
|
|
|
|
|
Re: الأخ سعدالدين عبدالرحمن مرحبا بك في اليابان (Re: الأمين عثمان صديق محمد)
|
اللميـــن الكسلاوي الحنيــن
رغم تباريح البعد الجغرافي.. نيوزلندة و اليابان فيهم جـمال و طبيعة كدا تخليك تسبح بس! خضرة و ماء ووجه حسن شذبتها يد الإنسان و التقدم أنا ما عارف لو جابوا واحد من ناس الحقيبة في النواحي دي حيعمل شنو! الناس ديل في خلانا داك قالوا - شوف ربيع الوادي و جمالو شوف نخيلو.. صيدو و رمالو ..شوف فريع الشاو يندي مالو وشوف فريع البان مين امالو وشوف يمينو وعاين شمالو البدر خجلان من كمالو و الصباح لاح بهل الوشاح
و الوادي دا يادوبك يكون شدرتين شاو و تلاتة بان و الباقي كتر سااااي! محباتي يا أصيل
| |
|
|
|
|
|
|
Re: الأخ سعدالدين عبدالرحمن مرحبا بك في اليابان (Re: جعفر سومي)
|
جعفر سومي والعم جعفر اسماعيل وابو السعود كل سنة وانتوا طيبين
Quote: أصبر شويه لمن الابري يتبلا وبعدين نديك ليهو ولا أقول ليك حاجه ماتجي وتتلم علينا بالمرة عشان الفرحة تكون فرحتين |
يا جعفر شوقنا لي ابو السعود ما برجا الابري لحدي ما يتبله لكن ان الله مد في الايام بجيهو واجيكم
Quote: اليابان فيهم جـمال و طبيعة كدا تخليك تسبح بس! خضرة و ماء ووجه حسن شذبتها يد الإنسان و التقدم |
ابو السعود شوف بالله برسيمنا دا كيف
برسيم كما اللافندر وشوف الموز خلف اللافندر والجبل ديكور طبيعي والنخل زايد في عرضو وفي علاهو والدوم كما التفاح ياخي تقول لي خضرة الخضرة طالعة مننا وماشة ليهم
سلام مليت ليكم بوستكم دا
| |
|
|
|
|
|
|
Re: الأخ سعدالدين عبدالرحمن مرحبا بك في اليابان (Re: Muna Khugali)
|
الله يسلـمـك يا خالتي منى هييييه! كنا فين و بئينا فين
العز أهل يا خالتو نظرة في عيون الغالين و قبلة على جبينهم كفيلة بإشعال جذوة القلب من جديد.. الله يحفظ ليـك البتحبيهم و بيحبوك و أنا منهم
معزتي التي تعلمين ---- بس ما تقولي لي معزة منو بس.. أصلو مقالبك دي ما بتسيبيها
| |
|
|
|
|
|
|
|