Post: #1
Title: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 07:57 PM
Parent: #0
الحمـد لله ..
أخيرا سـنرتـاح من هؤلاء !!!
وغيرهـم ..
زي أولاد البلال وأبو العزائم
وشافع سـيد أحمـد خليفة ..
ولا تنسـوا الهنـدي
وعيييييييك..
الحمـد لك يا رب ..
|
Post: #2
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: سجيمان
Date: 10-10-2007, 08:08 PM
Parent: #1
يا حسين...
نضمك دا ما وقع لي؟؟
كدي براحة اشرحو لي... واتحمل تخانة مخي...الناس القلتهم ديل حنرتاح منهم كيف؟ وليه؟ ومتين؟
|
Post: #3
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: الرفاعي عبدالعاطي حجر
Date: 10-10-2007, 08:24 PM
Parent: #2
ممكن اعيد سؤال الاخ الدكتور عادل (سجيمان)
|
Post: #4
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 08:33 PM
Parent: #3
الأعزاء ..
دكتور سجيمان ..
والأخ الرفاعـي ..
تحياتي ..
مش بكرة أجازة العيد ؟؟
ولأن صحفنا لا تعرف كيف تصنع
الحدث ..
ولأن الحكومة ح تأجز برضها
هم ومن دون صحف الدنيا ح
يأجزوا ..
بس بالبساطة دي ..
وربك رحيم بعباده في العيد ..
سنرتاح من أقلامهم القبيحة
والحمد لله ..
|
Post: #5
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: شهاب الفاتح عثمان
Date: 10-10-2007, 08:40 PM
Parent: #3
| Quote: ممكن اعيد سؤال الاخ الدكتور عادل (سجيمان) |
|
Post: #6
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: محمد اشرف
Date: 10-10-2007, 09:07 PM
Parent: #1
| Quote: سنرتاح من أقلامهم القبيحة |
يا حسن يوسف
الحتة دي برضها ما راكبة عدلها
يا ريت لو توضح
تحياتي
|
Post: #7
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 09:19 PM
Parent: #6
Quote: يا حسن يوسف
الحتة دي برضها ما راكبة عدلها
يا ريت لو توضح
تحياتي |
ما راكبة عدلها كيف ؟؟
يا ود أشرف ..
يا ريت لو توضح عشان نوضح !!!
|
Post: #8
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: محمد اشرف
Date: 10-10-2007, 09:51 PM
Parent: #1
انا اقصد وصف اقلام قبيحة
بالنسبة لبعضهم وصف غير منصف من وجهة نظري
اذا كنت قاصد تداعبهم بوصف قبيحة
دي مسالة تانية
لك ودي و تقديري
|
Post: #9
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: Nesta
Date: 10-10-2007, 09:56 PM
Parent: #8
ديل بالذات بقوا يخربو لينا عيدنا ... فقد اعتادوا على الصدور تاني يوم للعيد مباشرة ويخيل لي انهم العيد الماضي صدروا اول يوم ..
|
Post: #13
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 11:03 PM
Parent: #9
| Quote: ديل بالذات بقوا يخربو لينا عيدنا ... فقد اعتادوا على الصدور تاني يوم للعيد مباشرة ويخيل لي انهم العيد الماضي صدروا اول يوم .. |
عزيزي نيستا ..
ديل في الحقيقة تجار وليس اعلاميين
صدق أو لاتصدق :
جرايدهم ( أخبار اليوم والدار )
ما بقبلوا راجع اطلاقا في الأقاليم
يعني الموزع المسكين لو باعها أو ما باعها
يتحمل تكلفتها ..
والله هذا ما يحصل في مدني ..
|
Post: #10
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 10:23 PM
Parent: #8
Quote: انا اقصد وصف اقلام قبيحة
بالنسبة لبعضهم وصف غير منصف من وجهة نظري
اذا كنت قاصد تداعبهم بوصف قبيحة
دي مسالة تانية
لك ودي و تقديري |
لا أملك سوى أن احترم وحه نظرك ..
أما أقلام هؤلاء في رائي المتواضع
فهي أكثر قبحا ..
وأكثر رياء ..
فهـي إما أقلام كل نظام وكل حكومة ..
زي : ( حسن ساتي وأولاد البلال وأبو العزائم ، آمال عباس )
أو اقلام تنتمي لمدرسة وأيدولوجية الجبهة الاسلامية ..
زي ( حسن ساتي ، عروة ، عثمان ميرغني ،الهندي عزالدين ،
حسين خوجلي ...الخ)
أو اقلام راح ليها الدرب ، زي ناس ( زهير السراج ، والبوني ...الخ)
اقلام تم تسليط الضوء عليها وفق استراتيجية خبيثة
ليتم حجب الضوء عن الأقلام الشريفة الصادقة ..
بربك من من البسطاء يذكر اليوم أو يعرف
أولاد الغالي ( مرتضى ومؤمن ) ؟؟
أو يعرف الموسوعة فيصل محمد صالح ..
أو صاحب أعمق تحليل سياسي عبد الله رزق ؟؟
وغيرهم من شرفاء القلم والضمير ..
حبي ومودتي ..
أو اقلام
|
Post: #11
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: محمد اشرف
Date: 10-10-2007, 10:34 PM
Parent: #1
Quote: أولاد الغالي ( مرتضى ومؤمن ) ؟؟
أو يعرف الموسوعة فيصل محمد صالح ..
أو صاحب أعمق تحليل سياسي عبد الله رزق ؟؟ |
من ذكرتهم اعلاه و اخرين
لا نملك الا ان ننحني لهم اجلالاً و تقدير
فالاقلام الحرة
في زمن القمع الانقاذي
وزمن تساقط الذمم
عملة اندر من الندرة نفسها
فائق احترامي
|
Post: #12
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: نصار
Date: 10-10-2007, 10:43 PM
Parent: #1
Quote: ولأن صحفنا لا تعرف كيف تصنع
الحدث .. |
العزيز حسين
كل عام و انت بخير
و انت الصادق
العكس هو الصحيح
صحف السودان بتصنع الحدث
و الصحف في الدول الديموقراطيه بتنقله بس
و بعدين كل الدنية صحفها ما بتصدر في العطلات الرسمية
|
Post: #14
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-10-2007, 11:18 PM
Parent: #12
Quote: صحف السودان بتصنع الحدث
و الصحف في الدول الديموقراطيه بتنقله بس
و بعدين كل الدنية صحفها ما بتصدر في العطلات الرسمية |
عزيزي نصار ..
مودتي وحبي ..
قد لا أتفق معك ، فصحفنا اليوم
عاجزة تماما عن توجيه الراي العام
فهي تردد كما الببغاء كلام وأفعال
النظام الحاكم ..
أو تحكي لنا عن اشياء نحسها كلنا
ونراها ..
هي اضعف من أن تكشف بالاسم الفاسدين
والمفسدين ودايما في هذه الحالات
تصبح لغة الأحرف أو عدم ذكر اسم الفاسد
هي السائدة ..
حتى اسماء الشركات الفاسدة لا تستطيع أن تكشفها
بل تشير لها اشارة تجعلنا نشك في الكل ..
حتى البيانات اللي مؤثرة تشير لها اشارة
ولا تتجرأ على نشره ..
شكرا على تصحيح معلومة عطلة الصحف ..
مع الحب ..
|
Post: #15
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: سجيمان
Date: 10-11-2007, 00:37 AM
Parent: #1
عارف يا حسين يا اخوي....
انا لو بكانك ودا رايي ... ما بشتري جريدة ولا بقراها ان لقيتا مفتوحة قدامي.... شن جابرني؟
سوعال:-
انت " البوني " دا... المذكر بتاع بونية؟؟؟؟
|
Post: #20
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 10:12 AM
Parent: #15
عزيزنا دكتور سجيمان ..
تحياتي وتقديري ..
بدون مجاملة :
جابرني الناس اللي زيك ..
والفاتح جبرا ..
وأمل هباني ..
وأولاد الغالي ..
ورزق ..
وبعض من رحم ربي ..
والله ووالله لا اذكر متى قرأت
لأولئك !!!
مع الحب ..
|
Post: #25
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: سجيمان
Date: 10-11-2007, 10:55 AM
Parent: #20
شكرا يا حسين
وانشا الله دايما تقرا لي..... لمن سيد الوداعة يشيل وداعتو...وانا فخور بكل قرائي...وخلي بالك ما بيقرا لي علا زولن فاااااااهم ونفسو عاجباهو... منعامنها كتابتي ما كل الناس بيفهموها بي هينة.....
|
Post: #16
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: نصار
Date: 10-11-2007, 00:55 AM
Parent: #1
العزيز حسين
مافي اي اختلاف بيناتنا في الكلام الرديت بيه علي
اختلافي مع حكاية صناعة الاحداث اللهية ما من مهام الصحافة و بقية اجهزة الاعلام لان مسؤوليتها بتقيف عند حد نقل الاخبار البتخبر المتلقي عن تفاصيل الاحداث البيصنعها الناس الفاعلين في مجالاتهم المختلفة. لكن الاعلام في الانظمة القمعية بفبرك الاخبار و يدعي حدوث احداث اما انها ما حصلت او انه نقلت محرفة ومدنكلة علي مزاج السلطة اما نسبة لتواطئ او خوف او رغبة في عطايا الحكومة.
|
Post: #17
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: gamal elsadig
Date: 10-11-2007, 09:21 AM
Parent: #16
...
حسين :
وفر قروشك وسيبك من كلام الجرائد ...
واعتبر نفسك في عطلة عيد طويلة
وكل الاعوام وانت بخير ...
..
|
Post: #18
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: badr alkalika
Date: 10-11-2007, 09:39 AM
Parent: #17
التاجر احمد البلال دا بيطلع في اول يوم للعيد الدار اخبار اليوم وبالمناسبة منو بيقرا خبار اليوم ( كتل المقالات الصحفية ) لسة بتعمل بالحرس القديم والراجل ود البلال دا زول كل الحكومات وودائما هو يصفق مش
وبقينا حافظين العناوين هاكم الامثلة
في الساعات الاوى من الصباح الباكر
و.......... و...........
وبالمناسبة الصحف كتيرة وسخيفة وطالعة بموضة كمان الابراج
والولد الهندي دا عامل ليهو قنابر براهو ولسة هو متوسط صجافة بس الله قادر
البوني دا زول رفسي ساهي
وزهير السراج ماعونوا فاضي
وشوية عثمان ميرغني منطقي
اما مرتضى الغالي فهو ملح الصحافة الخاتيهو في اخر لحظة شنو مع علمنا انو ما بمشي للبدفع اكتر
كتاب الاعمدة ديل ظلموا زملائنا الصحفيين الببحتوا من الصباح خلف الاشكال الاحترافية الصحفية الاخرى المتعددة وراتب كاتب واحد يساوي كل رواتب الصحفيين في الجريدة حرام والله حرام الله يجازيكم يا ملاك الصحف وكتاب الاعمدة
صرخة من يسمع
|
Post: #23
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 10:33 AM
Parent: #18
عزيزي كلاكلة ..
مودتي ..
| Quote: اما مرتضى الغالي فهو ملح الصحافة الخاتيهو في اخر لحظة شنو مع علمنا انو ما بمشي للبدفع اكتر |
أها شفت لو ما زي ديل كان
متنا مغسة ..
ديل زي الثمرة وسط أشواك الشجرة
( أكيد فاهم وين الثمرة ووين الأشواك )؟؟
| Quote: كتاب الاعمدة ديل ظلموا زملائنا الصحفيين الببحتوا من الصباح خلف الاشكال الاحترافية الصحفية الاخرى المتعددة وراتب كاتب واحد يساوي كل رواتب الصحفيين في الجريدة حرام والله حرام الله يجازيكم يا ملاك الصحف وكتاب الاعمدة |
كتاب الأعمدة !!!
دي أم الكبائر كمان ..
ففي بلادي اصبح كل من هب ودب
يكتب عمودا !!!
اللهم أرحم مصطفى وعلي آمين ..!!
مع الحب ..
|
Post: #19
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: نزار عبد الماجد
Date: 10-11-2007, 09:43 AM
Parent: #17
أخي الغالي حسين يوسف
ارى انك تستلك سكة للغرور .. تصنف ما تشاء وفق ما تشاء لما تشاء ..ولا ادري من
منحك نلك الخاصية لنقد أي شئ ..فانت يا عزيزي ..اصبحت مدمن خرمجه...في الرياضة التي
تؤسس فيها لمفهوم الفنتة الرياضية التي اصبحت تجيدها بامتياز ..والسياسة التي لم تعد مقنعا فيها وانت تهرول خلف رغباتك السياسية الخاصة بعيدا عن الرأي والرأي الاخر..في كل الاحداث تحاول ان تنصب نفسك ملكا لخميرة العكننة ..كملاسي ومن هم على شاكلته..وهذا ما لن نسمح لك بفعله ..بنفسك
على العموم هذه كلمات كتمتها زمنا..
ملحوظه:
من يكتب هذه الكلمات هو اخوك نزار عبد الماجد ...فقط ..تذكر ذلك جيدا
|
Post: #22
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 10:26 AM
Parent: #17
صديقي جمـال :
حبي ...
Quote: حسين :
وفر قروشك وسيبك من كلام الجرائد ...
واعتبر نفسك في عطلة عيد طويلة
وكل الاعوام وانت بخير ... |
اقتراحك قيد الدراسة ..
صحافة يكتبوا فيها ناس ...
أخير عدمها والله ..
مـع الحب ..
|
Post: #21
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 10:16 AM
Parent: #16
عزيزي نصار ..
كل عام وأنت بخير ..
أشكرك على التوضيح ..
وخير دليل على ما كتبته بوست
الأخ عبد المنعم سليمان ..
نموذج لفبركة الأشياء والاساءة
لمهنة الصحافة ..
التي اصبحت للاسف مهنة من لا مهنة له ..
|
Post: #24
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 10:48 AM
Parent: #21
الأخ نـزار ..
تحياتي ..
Quote: أخي الغالي حسين يوسف
ارى انك تستلك سكة للغرور .. تصنف ما تشاء وفق ما تشاء لما تشاء ..ولا ادري من
منحك نلك الخاصية لنقد أي شئ ..فانت يا عزيزي ..اصبحت مدمن خرمجه...في الرياضة التي
تؤسس فيها لمفهوم الفنتة الرياضية التي اصبحت تجيدها بامتياز ..والسياسة التي لم تعد مقنعا فيها وانت تهرول خلف رغباتك السياسية الخاصة بعيدا عن الرأي والرأي الاخر..في كل الاحداث تحاول ان تنصب نفسك ملكا لخميرة العكننة ..كملاسي ومن هم على شاكلته..وهذا ما لن نسمح لك بفعله ..بنفسك
على العموم هذه كلمات كتمتها زمنا..
ملحوظه:
من يكتب هذه الكلمات هو اخوك نزار عبد الماجد ...فقط ..تذكر ذلك جيدا |
أولا أرى أنك سلكت سلوك آخر ..
سلوك لا علاقة له بالبوست ، واصبحت تتكلم
عن شخصي ، وتحلل شخصي ..
وأنا أعزرك لأني أعلم تماما أن الأمر يمس
اعزاء لك وبالذات هذا المأفون فتى الجبهة
المدلل عروة ورئيسك عثمان ميرغني ..
أما تقيمك لفعلي السياسي فاقول لك بكل اسف
أنت غير جدير أن تحكم عليه ، لأننا نعرف بعض
جيدا ..!!
وأعرف مواقفك من السياسة تماما !!!
وهي مواقف لا تؤهلك لأن تخوض غمارها اطلاقا
ناهيك عن أن تسمح لي بفعله أو لا تسمح ..
وحقيقة لا أعرف كيف لا تسمح لي !!
ما كان لك أن تكتم يا صديقي ..
حين خرمجت بوستاتي لم أكتم ذلك
وناشدتك ان لا تمارس ألاعيبك الطفولية
هنا ..
وحين لم تستجب رايت رد علي !!
أنصحك صديقي العزيز أن تنتبه لما كتب
وليس لمن كتب !!!
منـبر السـودان كيف !!!؟؟؟
مودتي وكل عام وأنت بخير ..
|
Post: #26
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: نزار عبد الماجد
Date: 10-11-2007, 03:07 PM
Parent: #24
العزيز حسين
وأنت تمتطي سلوك للاخافة..سنحاول جرك للمنطق ..وأنت بكل الاعيبك العقلانية تلك لاتؤسس بزهوك السياسي لشئ ..مفيد للناس
فهاانت لم تعي الرسالة واقحمت الأمر برمته بل وحشرته حشرا في زاوية الانتصار لنفسك..
فلننظر
(أما تقيمك لفعلي السياسي فاقول لك بكل اسف
أنت غير جدير أن تحكم عليه ، لأننا نعرف بعض
جيدا ..!!)...
ما هو الفعل السياسي الذي نجهله وبرعت أنت فيها
(وأعرف مواقفك من السياسة تماما !!!) ..
فجأة اصبحت ياعزيزي ملم بكل الاشياء ..وتحاول الصعود لعليائك كي لا ينتقدك احد
(وهي مواقف لا تؤهلك لأن تخوض غمارها اطلاقا ناهيك عن أن تسمح لي بفعله أو لا تسمح ..)..
فماهو غمارك الذي تحاول أن تدفن الأخرين بعيدا عنه يا حسين.
(وناشدتك ان لا تمارس ألاعيبك الطفولية هنا ..)
سيظل يا حسين الاحترام قيمة للتعامل معك مهمها حاولت النيل منا..
(وأنا أعزرك لأني أعلم تماما أن الأمر يمس اعزاء لك وبالذات هذا المأفون فتى الجبهة المدلل عروة ورئيسك عثمان ميرغني ..) ..
هل يمكن أن تعلو بالاساءة للأخرين ..الم تكن من المدافعين عن صدام رغم كل ما ارتكب من اخطاء ..هل كان هذا مقلقا لنا ..
انت تخرمج وتخرمج وتخرمج ...شئت أم أبيت ..
العيب أن تحاول تلون تخيلاتك عن الناس ..بدهان الحقيقة
والعبث أن لا تفهم أنك تسئ لاخوتك ..وهم ينصحوك ..
لو حاولت التقليل من الناس مئة عام ..ما أفادك اكثر من رغبتك في أن تتخطاهم لتنجح..ونحن نرقب منك ذلك ...
انا أعرف قدر نفسي ..وهذا يشعرني دوما بالامان ..
ولا احب الصعود لعليائي بالاساءة للاخرين
ملحوظه:
من يكتب هذه الكلمات هو اخوك نزار عبد الماجد ...فقط ..تذكر ذلك جيدا
|
Post: #27
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: jini
Date: 10-11-2007, 04:48 PM
Parent: #26
Quote:
حسين يوسف احمد
.
تاريخ التسجيل: 17-08-2005
مجموع المشاركات: 2568
أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ |
...الخ
من ...الغ!
عرفتك بطنك طمت لمن وصلت عبالدرحمن الزومة!
انت خليت ليهو الجرايد نحن خليناهو الجمل بما حمل!
السودان كله!
جنى
|
Post: #28
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 10-11-2007, 07:56 PM
Parent: #27
| Quote: عرفتك بطنك طمت لمن وصلت عبالدرحمن الزومة! |
جني ..
الله يسامحك الدنيا عيـد
يا أخي في داعي ؟؟
دا غير كوزنتو ..
بمثل الجناح السلفي المتحجر
داخل الجبهة ..
ومعاهو كم واحد مافي داعي لذكرهم
ففي ..... مقرهم ..
مع الحب ..
وكل عام وأنت بخير ..
ــــــــــــ
عزيزي نزار ..
الدنيا عيد ..
بس راحع بعد العيد
زي الجرايد كدا !!
|
Post: #31
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: Salah Waspa
Date: 11-15-2007, 12:59 PM
Parent: #24
Quote:
أعزرك
أعذرك
ذزذزذزذزذزذز
مافيناش من ذعل (زعل)
واسبه
|
Post: #29
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: waleed dawash
Date: 10-11-2007, 09:55 PM
Parent: #1
Quote: Quote: ديل بالذات بقوا يخربو لينا عيدنا ... فقد اعتادوا على الصدور تاني يوم للعيد مباشرة ويخيل لي انهم العيد الماضي صدروا اول يوم ..
عزيزي نيستا ..
ديل في الحقيقة تجار وليس اعلاميين
صدق أو لاتصدق :
جرايدهم ( أخبار اليوم والدار )
ما بقبلوا راجع اطلاقا في الأقاليم
يعني الموزع المسكين لو باعها أو ما باعها
يتحمل تكلفتها ..
والله هذا ما يحصل في مدني |
اتخيل يا اخ حسين الناس ديل .....
الدنيا قبائل عيد...قول معاي الله يعفينا منهم.
|
Post: #30
Title: Re: أخيرا سنرتاح من: عروة، حسن والطاهر ساتي، عثمان ميرغني، الهندي عزالدين، السراج ...الخ
Author: حسين يوسف احمد
Date: 11-11-2007, 02:49 PM
Parent: #29
Quote: اتخيل يا اخ حسين الناس ديل .....
الدنيا قبائل عيد...قول معاي الله يعفينا منهم. |
يا ريت يا وليد لو كان
لسع الدنيا عيد !!
كان نشوف ناس الهندي بكتبوا كلامهم
الفارغ عن المنبر دا وين ؟؟
قلناها وشنقولها :
هانت الصحافة حين تصدرها هؤلاء ..
ولكن لا حياة لمن تنادي ..
ونصبنا من بعضهم أبطالا ..
|
|