Post: #1
Title: السودان في عيون زائر خليجي
Author: ALazhary2
Date: 10-10-2007, 09:06 AM
Parent: #0
هذا إنطباع زائر سعودي للسودان أضعه دون تعليق
السلام عليكم
اليوم بعطيكم فكره سريعه عن الخرطوم بحكم اني ذهبت اليها طبعا عمل
الخرطوم كسياحه اعطيه وبدون مبالغه .0% مع احترامي للأخوه السودانيين البلد ياناس واقسم بالله كنت ناوي اجلس شغل 10 ايام والله ما قدرت اكمل اليوم الرابع بلد ما فيها اي شي فيها ثلاث فنادق هي هلتون وفيه حق جمعه الجمعه وفيه مرديان وهو افضلهم طبعا انتم تسمعون اسماء الفنادق وتحسبون انها صدقيه يعني فخمه والله وانا قلتلكم مرديان افضلهم عارفين فندق عليا هاوس هذا عنده 10 نجوم المهم ما تمنيت اني اقول هذا الكلام لاكن نحن هنا لكي ننقل الواقع مع عدم التجريح ان شالله المهم الاكل ابيفتح كودو عنهم عن قريب وفيه مطعم مؤمن المعروف في مصر وبعض الدول والاسواق ما عندهم الى سوق واحد واسمه سوق عفراء يعني سوق يمشي الحال الشعله قبل 30 سنه **
المهم الي يبي يسكن في شقه هناك اذكر بعض الشباب ساكنين في شقه في حي اسمه اركويت يعني تمشي الحال طبعا السودان تحتاج فيزا لاتنسون
والله هذا الي انا اذكره واي استفسار انا تحت خدمتكم والله يكتب الي فيه الخير
وشكرا
والسلام عليكم ورحمة الله وبرك
والموضوع تجدونه هنا كاملاً
شاهد الموضوع بالضغط هنا
** (الشعلة) سوق مجمع تجاري في الرياض قديم أصبح الان من الدرجة العاشرة .
وكلام الأخ الزائر دا ذكرني دكتور سعودي مشى السودان ندوة ورجع سألتو قلتا ليه السودان كيف؟ قل لي مااستفدت منه شئ غير ان بدلتي خربت قطعها كرسي التاكسي القديم 
|
Post: #2
Title: Re: السودان في عيون زائر خليجي
Author: حسن الجيلى سعيد
Date: 10-10-2007, 09:11 AM
Parent: #1
زول وقال رايو نحترم الرأى والرأى الأخر.....
|
Post: #3
Title: Re: السودان في عيون زائر خليجي
Author: ALazhary2
Date: 10-10-2007, 04:52 PM
Parent: #1
ما قلنا شئ يا أخ حسن أنا نقلت الموضوع وبس دون أي تعليق
وكل سنة وأنت طيب
|
Post: #4
Title: Re: السودان في عيون زائر خليجي
Author: ابوحراز
Date: 10-10-2007, 10:24 PM
Parent: #3
مع احترامنا لرأيه
ولكن هناك دبلوماسية أوربية زارت السودان وعملت فيه مع زوجها
كتبت رسالة طويلة بعنوان { الذين لايصدأوون }
كتبت عن هذا البلد الطيب وأهله
ياليت لو يقرا هذا الخليجي هذه الرسالة مرة أخرى
كما نتمنى أن يخلع نظارته ليقرأ السودان مرة أخرى
صحيح اننا نحتاج للكثير من المقومات السياحية
ولكن ليس السودان بهذا المستوى
وليس بهذه القراءة الركيكة
|
Post: #5
Title: Re: السودان في عيون زائر خليجي
Author: ALazhary2
Date: 10-11-2007, 02:38 PM
Parent: #1
اخونا الكريم أبو حراز كل سنة وأنت طيب وتقبل الله صيامك وطاعاتك
أتفق معك في سطحية هذا الزائر الخليجي ونظرته القاصرة لبلادنا لكن ياحبيبنا ديل ناس كل ياكمي قبل فمي حقت شيخنا ود تكتوك .
|
Post: #6
Title: Re: السودان في عيون زائر خليجي
Author: هضيبي علي سعيد
Date: 10-11-2007, 02:51 PM
Parent: #1
ان كان الاخ السعودي يبحث عن اللوكزري و الرفاهية بتأكيد لن يجد منها الكثير اما إن كان يبحث عن
الدف و الجمال فلا اظن أنه يجد ما يضاهيه في غير السودان فلينظر و هو في سيارته الفارهه إلى شط النيل مياه النيل و تلك الخضرة و البها لا اظن انه سيشاهد مثل ملتقى النيلين في في واحة العامرية أو ودي الخرج أو حنيفة..............
|
Post: #7
Title: Re: السودان في عيون زائر خليجي
Author: محمد سنى دفع الله
Date: 10-11-2007, 04:13 PM
Parent: #6
لكم محبتي
ولكل شخص رؤيتو وفهمو
الشخص ده ما شاف في السودان
غير 3 فنادق ؟؟
طيب انا اقول ليكم كلام تاني
اول حاجة الشخص ده كذاب مش لو بقى سعودي
لوبقى اهلوا مدفونينن مع القديسيبن!كذاب
اول حاجة الهيلتون ماتبع الجمعة داك فندق الصداقة
والأتنين تم صيانتهم وبطلوا على النيل ما شاف النيل
وارد الصحارى
تاني قال شاف عفراء
لوتاوق كان شاف روتانا والحداثة
وده كلو ما مهم
ده ماشاف الناس
الناس الزيها مافي لافي بلاد العرب ولا العجم ولا الأفارقة
الناس الخلوا العرب الأوئل لمن دخلوا ما طلعوا من السودان لي الليلة
والناس الجات مع قوات الإحتلال لي الليلة ما مرقو!
جه شغل مع منو ولي شنو
عايز اتكلم عن الحداثة وده في وده مافي
انا ما بصادر كلامو لكن بقول ليه
من كان يرسل غذاء الفقراء وكسوة الكعبة
قبل ما تعرفوا اهل السند والهند ياجهلول
لنا سوداننا بجماله وطبيعته وإنسانه
ولكم شوفكم ياجهاليل يالجدك ابوجهل
|
Post: #8
Title: Re: السودان في عيون زائر خليجي
Author: Rakoba
Date: 10-11-2007, 05:02 PM
موضوع الفنادق في السودان قصة والله، لكن مع ظهور فندق السلام روتانا يمكن الحال يتبدل بعض الشيء.
الفنادق القديمة ذات الأسماء اللامعة وجدتها شخصياً مجرد أسماء لا أكثر، أسعار مبالغ فيها خدمة سيئة لا تليق بأي سائح من أي مكان في العالم.
|
Post: #10
Title: Re: السودان في عيون زائر خليجي
Author: ALazhary2
Date: 10-12-2007, 06:59 AM
أستاذنا محمد السني كل سنة وإنت طيب وربنا يتقبل أعمالك
وأولاً بالتبادي الشكر للمهندس بكري الجمعنا مع أفاضل من أعلام الفن في السودان مثل جنابكم الكريم .
هذا الأخ السعودي أنا متاكد ماعاجباهو بلدنا ولا عاجبنو ناس بلدنا الغبش .
أنا بعرف الناس ديل كويس بعجبوهم ناس لبنان والمغرب وكل مأإبيض لونه.
المضحك في الموضوع إنو الناس الردو عليه في موضوعه مستنكرين ومستهجنين كيف إنو السودان يطلب فيزا لي زيارته!! شفت المحن دي كيف ؟
يعني المفروض السودانيين يبوسوا ايدينهم وش وضهر إنو إحنا إتنازلنا وجينا بلدهم المافيها حاجة دي كمان يطلبوا ممنا فيزا؟
إنتا ما سمعت أغنيتهم البغنوها للسودانين ؟
ياسوداني ريحك جاني ؟
ياسوداني ريحك جاني واعدم خشمي ياعصماني
شعرك وادي من العشباني ترعى به شلة خرفاني
خشمي = أنفي الانف يسمى خشم في تلك البلاد
أكتب ياسوداني ريحك جاني في قوقول وبتطلع ليك الاغنية بالصوت .
مرة تانية كلو سنة وإنت طيب وشكراً لتشريفك.
|
Post: #9
Title: Re: السودان في عيون زائر خليجي
Author: ALazhary2
Date: 10-11-2007, 09:35 PM
Parent: #1
أخونا الكريم هضيبي
كل سنة وانت طيب وتقبل الله أعمالك
السودان مابشوفه جميل الا زول روحه جميلة ونقية .
الناس ديل بس دايرين يشوفوا حاجات على وزن
مطاعم امريكية او بيضاء لبنانية أو حسناء مغربية  وبس لكن حاجة غير كدا مابشوفوها
زي مانور الله مابتشاف الا بتوفيق من الفرد الصمد
معادلة صعبة وثقة في السودان وأهله لا حدود لها
لو أبصر الشيطان طلعة نوره/ في وجه آدم كان اول من سجد
أو رأى النمرود نور جماله/ عبد الجليل مع الخليل ولا عند
لكن نور الله جل فلا يرى/ إلا بتوفيق من الفرد الصمد
ربنا يصلح حال بلادنا ويرفع حالها بقدر عظمة وجمال إنسان السودان
كل سنة وإنت طيب مرة تانية
|
|