Post: #1
Title: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:01 PM
Parent: #0
جيت أشوف الحاصل شنو في الدنيا ..
لقيت ليك عشرمية بوست مشاكل ..
ناس مشوا الخلا يتشاكلوا ..
وناس بتوصف بعض بالخنازير ..
وناس بتوصف بعض بالكلاب ..
وناس بتهدد ناس بعمليات إرهابية وتصفيات .. شي القسام وشي حماس وشئ حزب الله ..
وناس رافعة قضايا وموكلة محامين .. والحكاية واصلة الـ CIA و الـ FBI ..
وناس بتتكلم عن إمكانية تهكير سودانيز أون لاين .. وبورده كمان ..
الحاصل شنو يا أهل الله ..
والله يا اخوانا الحكاية ما واقعة لي خالص ,,
ممكن إبن حلال يطوع يقول الحاصل شنو في البلد دي ..؟
|
Post: #2
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: عبد المنعم سليمان
Date: 10-09-2007, 11:04 PM
Parent: #1
انت يامحمد ما بتقرا جرايد وللا شنو ؟
الشياطـــين اتفكت ياااخ
|
Post: #8
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:20 PM
Parent: #2
Quote: انت يامحمد ما بتقرا جرايد وللا شنو ؟
الشياطـــين اتفكت ياااخ |
مش ملاحظ معاي المره دي فكوها بدري شوية يا منعم ؟
نقوم نراجع أحاديث الربيط ولا شنو؟
|
Post: #3
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: Muna Khugali
Date: 10-09-2007, 11:06 PM
Parent: #1
العشر الأوخر في المنبر نظامها كده
لكن بيني وبينك في ناس كده سنتهم كلها
اسه بتشوف..اسه دي يجي حجر طاير بي جاي
..
كل سنه وانت طيب..
|
Post: #9
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:29 PM
Parent: #3
| Quote: العشر الأوخر في المنبر نظامها كده |
طيب ما كان تكلمونا بدري يا جماعة .. كنا شفنا لينا مسجد اعتكفنا فيه في البلد الما فيها مساجد دي.
| Quote: لكن بيني وبينك في ناس كده سنتهم كلها |
وديل حنعمل معاهم شنو يا ربي .. نقعد على أعصابنا كده يعني ؟
| Quote: اسه بتشوف..اسه دي يجي حجر طاير بي جاي |
الحجر مقدور عليه .. كعب دواس الحريم ..
أبقي مارقة بره يا منى .. ما وش دواس إنت.
كل سنة وإنت طيبة .
|
Post: #4
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: jini
Date: 10-09-2007, 11:08 PM
Parent: #1
| Quote: ممكن إبن حلال يطوع يقول الحاصل شنو في البلد دي ..؟ |
البوستات دى استيكة الصيام!
جنى
|
Post: #5
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: Tragie Mustafa
Date: 10-09-2007, 11:13 PM
Parent: #4
يا محمد نور انت ناسي انك في السودان
هذا جزء من وطن يتفتت .....فشل ابنائه في المحافظه عليه
يا تشيل الفاتحه.....يا تشيل سيفك وتدخل للمعارك.
|
Post: #11
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:41 PM
Parent: #5
Quote:
يا محمد نور انت ناسي انك في السودان
هذا جزء من وطن يتفتت .....فشل ابنائه في المحافظه عليه |
والله تراجي لا السودان الأنا بعرفه كدي .. ولا السودانيين الأنا عاشرتهم كدي ..
يا ربي بيكونوا السودانيين الأنا بعرفهم ديل معزلين!!!!??? ...
والله الناس دي إلا لو الغربة قاعد يغيرها ..
وما ظنيت الشايفه ده كله بسبب ر مضان .. الحكاية أعمق من كده.
| Quote: يا تشيل الفاتحه.....يا تشيل سيفك وتدخل للمعارك. |
حكاية أشيل الفاتحة دي حتدخلني في عجز القادر عن التمام ..
وأنا ما ميال بالحيل كدي لحكاية أأضعف الإيمان دي ..
لكن المصيبة أنو الحاصل هنا ده زي صراع السادة على ومعاوية ..
تحتار تقيف مع منو ؟؟
°°°°°°°°°°°°°°°°°°°
ما يجي واحد ناطي لي في قصة علي ومعاوية .. حأخلي ليه البوست وأمشي
|
Post: #10
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:31 PM
Parent: #4
| Quote: البوستات دى استيكة الصيام! |
باقي ليك يا جني يا اخوي الناس ديل عارفين الكلام ده ؟؟؟
يلاك عليهم يا اخوي .. الله بسألنا منهم يوم القيامة ..
|
Post: #6
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: عبد المنعم سليمان
Date: 10-09-2007, 11:15 PM
Parent: #1
| Quote: يا تشيل الفاتحه.....يا تشيل سيفك وتدخل للمعارك. |
مافي خيارات تانية يا زعيمة
|
Post: #7
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: خالد الطيب أحمد
Date: 10-09-2007, 11:20 PM
Parent: #6
يجروننا للمعارك جرا في حرمة الشهر الكريم..
والدنيا قبائل عيد..
كل عام وإنتو بخير..
|
Post: #13
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:50 PM
Parent: #7
Quote: يجروننا للمعارك جرا في حرمة الشهر الكريم..
والدنيا قبائل عيد.. |
وانت وقت عارفا قبائل عيد بتشاكل مالك يا خالد.؟؟
مع الأسف إنت طرف من أطراف الصراعات الدائرة في المنبر يا خالد ..
استفزاز الناس ليك ما مبرر قوي لإستفزاز مضاد ..
ما لاقتك "إن سبه أحد أو شاتمه فليقل إني صائم".
أرجع بوستاتك أعفي للناس البتتشاكل معاهم وامسح أي كلام ما بشبه المنبر قلتو في ساعة غضب .
أنا عارف كلامي ده صعب وبقسى عليك فيه ..
لكن عشان أناصحك لازم أعمل كده..
وربنا بسألني كان ما قلت ليك النصيحة دي ..
المفروض أمشي ليك في بوستاتك أقوليك الكلام ده ..
أها إنت جيت لحدي عندي .. باقي ليك كان ما قلتها ليك ربنا بيخليني ..
كل سنة وإنت طيب يا خالد
|
Post: #12
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: عبد المنعم سليمان
Date: 10-09-2007, 11:45 PM
Parent: #1
| Quote: ما يجي واحد ناطي لي في قصة علي ومعاوية .. حأخلي ليه البوست وأمشي |
والآن تبدا قصة علي ومعاوية
|
Post: #14
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-09-2007, 11:54 PM
Parent: #12
| Quote: والآن تبدا قصة علي ومعاوية |
أها قول يا منعم سامعك ..
إنت باقي لي اليومين بتفطر مع أبو زيد .. متوقع منك أي حاجة
|
Post: #15
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: Tragie Mustafa
Date: 10-09-2007, 11:58 PM
Parent: #12
انت يا محمد نور ما عارف حاجه
والناس البتحرض بالماسنجرات نحن عارفنهم خلينا من الكلام المغطغط
عاملين فيها حرائر وما بداوسه
وهم في اليوم مسانجراتهم كلها قنابل
Quote:
أبقي مارقة بره يا منى .. ما وش دواس إنت.
كل سنة وإنت طيبة . |
انت شن عرفك والله لو دي معرفتك حليله.
ومن حسه انبهك حيجيك مسانجر كلام ناعم وشكر
واعرف مليون زي ده في اليوم.
خلينا بلا وهم.
|
Post: #16
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-10-2007, 00:22 AM
Parent: #15
تراجي .. دي بداية مشكلة مش؟
Quote: والناس البتحرض بالماسنجرات نحن عارفنهم خلينا من الكلام المغطغط
عاملين فيها حرائر وما بداوسه
وهم في اليوم مسانجراتهم كلها قنابل |
كان في حاجة زي دي قاعدة تحصل أنا ما عندي بيها خبر..
الشئ البعرفه أنو كلو واحد / واحده عندو باسويرد .. ما يقول الدايرو براهو ..
يا ربي في ناس هنا جايين عشان يدافعوا عن ناس ..
ده كلام غريب يا تراجي ..
حتى لو كان حاصل شن عرفك بيه ..
يعني ما سنجرات الناس حاجة خاصة بيهم وبيدخلوها بإجراءات ..
إنت مفترضة كده .. والإفتراض ده خاطئ لامن نلقى واحذة كتبت لواحد عشان يمشي يداوس..
Quote: انت شن عرفك والله لو دي معرفتك حليله.
ومن حسه انبهك حيجيك مسانجر كلام ناعم وشكر
واعرف مليون زي ده في اليوم.
خلينا بلا وهم. |
منى دي ما بعرفها إلا من خلال المنبر .. ومن كم يوم
وما حصل ودينا وجبنا مع بعض في بوست ..
أول مره تتداخل في بوست لي قبل يومين في بوست بيان وبوست المصالحة التشادية..
عبارة أمرقي إنت ما شبه دواس القلتها ليها دي من باب إضفاء جو كوميدي على الكلام ..
وتربيتي المتخلفة بتقول أنه المرا ما مفروض تشاكل زي الشكل الشايفه بغادي ده.
منى مصلحتها شنو يا تراجي تشغل الناس يديروا ليها حرب بالوكالة ..
ما هو لو في كلام ما ياهو اتقال بيكون مس ناس كتار في المنبر .. إشمعنى هي..
تراجي كلامك ده ما راكب عدله ... لو دايرا ليك مشكلة مع زول أمشي محل المشاكل
|
Post: #17
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: tmbis
Date: 10-10-2007, 00:22 AM
Parent: #15
Quote: يجروننا للمعارك جرا في حرمة الشهر الكريم..
والدنيا قبائل عيد..
كل عام وإنتو بخير.. |
كيفك يا محمد نور ...؟
إنت لو بتعرف عيد ورمضان كان كتبت بوست الصباح وقليت فيهو ادبك ..؟
البوست شافتو الناس كلها ..
وتجي تقول حرمة الشهر الكريم ..؟
بلاي شوفو المنافق دا ..؟
|
Post: #20
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-10-2007, 00:40 AM
Parent: #17
تمبس .. والله كان تشاكلني ولا تخليني ..
Quote: إنت لو بتعرف عيد ورمضان كان كتبت بوست الصباح وقليت فيهو ادبك ..؟
البوست شافتو الناس كلها ..
وتجي تقول حرمة الشهر الكريم ..؟
بلاي شوفو المنافق دا ..؟ |
إنت ظااااااتك باقي لي خالد ده في رويحته ..
أنا ما بعرف البيناتكم شنو ؟ لكن البتسوي فيه مع خالد ده ما بيشبهك ..
أنا شخصيا عرفتك قبلما أجي المنبر من كتاباتك الجميلة في الفن والكورة وبوستات الونسات السمحة..
وليوم الليلة بباريك في بوستات الإجتماعيات الجميلة الكلها ونسة سمحة..
عندي قناعة إنه أكتر زول بيعرف يقعد الكلام السوداني في المنبر إنت ده ..
بس مع الأسف يا تمبس بتوظف الموهبة دي في الشكل .. وبالدات مع خالد ودينق ..
أنا ما عارف مدى صحة موضوع سرقة الباسويرد ده
لكن أيا كان ..عليك الله خالد ده طالما ما سرق باسويردك إنت ..
والناس المسروقين ساكتين .. تلب من حياة الزول ده ..
لمن يقع في خطك سوي فيه الدايرو .. وبرضو بالحسنى ..
إنت زول جميل يا تمبس .. وأنا متأكد قر اء المنبر الما عندهم أكسس في المنبر كلهم متكيفين منك..
رجاء حافظ على جمال شخصيتك في أدهان الناس..
|
Post: #18
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: عبد المنعم سليمان
Date: 10-10-2007, 00:24 AM
Parent: #1
يا محمد ما قلت لي
عملت لي شنو في قصة علي ومعاوية ؟ ياااخ
_____
انشاء الله صحبك طاهر ساتي يجي
|
Post: #19
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: محمد نور أحمد
Date: 10-10-2007, 00:30 AM
Parent: #18
| Quote: عملت لي شنو في قصة علي ومعاوية ؟ ياااخ |
أصبر لي يا منعم .. عندي الأغاني لأبي فرج الأصفهاني أشوفه وأجيك صادي..
| Quote: انشاء الله صحبك طاهر ساتي يجي |
قول ليه يعمل ساتر قبلما يجي خاشي .. ينولك ثواب
|
Post: #21
Title: Re: الحاصل شنو في المنبر يا ناس !!!!!!!!؟؟؟؟؟؟؟؟؟
Author: Dania Elmaki
Date: 10-10-2007, 05:21 AM
Parent: #1
محمد نور أنت اظنك ما سمعت بالمثل البيقول الحجاز ادوه عكاز؟؟؟
|
|