النقر يمضي العيد مع أسرته وديونه سددت للمحكمة

عيدية قومية ورياضية كبيرة
النقر يمضي العيد مع أسرته وديونه سددت للمحكمة
الخرطوم : «الوطن»
بلغت جهود اطلاق سراح لاعب الهلال والسودان الدولى مصطفى النقر مراحلها الأخيرة أمس، وبات في حكم المؤكد بإذن الله أن «يُعيّد» النجم الكبير مع أسرته، بعد أن أمضى بسجن أمدرمان بضعة أشهر..!.
فقد تم أمس إيداع نحو 340 مليون جنيه بخزينة محكمة الخرطوم شمال وفاءً لحقوق الدائنين الذين تنازلوا مشكورين عن 50% من مديونيّتهم، وحددت المحكمة يوم غد الأربعاء لتسليم المبالغ لأصحابها ومن ثم إخلاء سبيل ـ النقر ـ الذي يأمل الجميع أن يستفيد هو من هذا الابتلاء الذي تعرّض له نتيجة أخطاء وممارسات تجارية لا تليق بنجم كبير في مستواه.
هذا وقد قاد هذا العمل الإنساني والخيري والوطني الكبير إلى جانب صحيفة «الوطن» السيّد الوزير كمال عبد اللطيف جزاه الله وجزى كافة المساهمين في هذا العمل خيراً ببركة هذا الشهر الفضيل، والتعويض للدائنين الذين تنازلوا عن بعض حقوقهم.

رجوع

هجو الاقرع سلام
إن شاءالله من المعتوقين في الشهر الكريم
تقبل الله منا ومنكم

النقر مايستاهل لكن العترة بتصلح المشّيا

ألف حمداً لله أن يقضي هذه المناسبة الكريمة بين اهله واحبابه

لك التحية يا السباق لقول الخير

خالد

شيخ العرب ود العم كل عام وانت والاسرة الكريمة بخير ، امين اخى الفاضل جعلنا الله واياكم من الفائزين فى هذا الشهر الفضيل ، فعلا النقر ما يستاهل وحمدلله على سلامتو.

الأخ هجو
كل عام وانتا والاسرة الكريمة بخير
ونشكرك علي الأخبار الحلوة

حمدلله علي سلامة النقر الأزرق الجميل..وبالتوفيق باذن الله..

القرضابى ابو محمد ، سلام النقر يستاهل كل خير ، كيف الاسرة والاحباب المعاك والبعاد ، عيدكم ميارك.

نقول النقـــر جاء وللا شنو



____
كل عام انت والاسرة والوطن ب1000 خير يا هجو ...

وصدقني دعيت ليك في ال10 الاواخر ربنا يهديك للسراط المستقيم وتفارق الظلمة ...



مودتي.

منعم

خشمك فيهو اللبن
النقر استاهل كل خير
وكان مفروض من الأول
اهل الهلال اسددوا المبلغ
هدية للنقر الذي ابهج السودان كلو
كل عام وكل من ساهم في عودة النقر
بخير وعافية
وتمتد الأفراح
وعيدكم مبارك

يا هجو
النقر ده جعلي وهلالابي ولا شنو؟؟؟

Quote: فقد تم أمس إيداع نحو 340 مليون جنيه بخزينة محكمة الخرطوم شمال وفاءً لحقوق الدائنين الذين تنازلوا مشكورين عن 50% من مديونيّتهم، وحددت المحكمة يوم غد الأربعاء لتسليم المبالغ لأصحابها ومن ثم إخلاء سبيل ـ النقر ـ الذي يأمل الجميع أن يستفيد هو من هذا الابتلاء الذي تعرّض له نتيجة أخطاء وممارسات تجارية لا تليق بنجم كبير في مستواه. هذا وقد قاد هذا العمل الإنساني والخيري والوطني الكبير إلى جانب صحيفة «الوطن» السيّد الوزير كمال عبد اللطيف جزاه الله

ولا هلالابي بس

الاستاذه منى شكرا على المرور الكريم ، كل عام واسرتك بخير .

يا سلام عليك يا منعم عيدك مبارك ،تحياتى لك ولك الاحباب واسرتك ومن يعز عليك ، الله يخليك كتر لى اخوك من الدعاء.

السنى والموصلى ، عيدكم مبارك واسركم ، مروركم مع بعض اسعدنى ، السنى مطلوب زيارة لى دخان.

الف تهنئة

شكرا أخي هجو على الأخبار المفرحة دي
وللكابتن مصطفى النقر كابتن الهلال والفريق القومي سابقا
الاف الحمد لله لأنجلاء مصابه وجعلها الله أخر المحن ولأسرته الكريمة التهاني بالسلامة والأعياد السعيدة

الاخ محمد الجزولى جعل الله ايامك كلها افراحا، وعيد مبارك.

Quote: عيدية قومية ورياضية كبيرة النقر يمضي العيد مع أسرته وديونه سددت للمحكمة الخرطوم : «الوطن» بلغت جهود اطلاق سراح لاعب الهلال والسودان الدولى مصطفى النقر مراحلها الأخيرة أمس، وبات في حكم المؤكد بإذن الله أن «يُعيّد» النجم الكبير مع أسرته، بعد أن أمضى بسجن أمدرمان بضعة أشهر..!. فقد تم أمس إيداع نحو 340 مليون جنيه بخزينة محكمة الخرطوم شمال وفاءً لحقوق الدائنين الذين تنازلوا مشكورين عن 50% من مديونيّتهم، وحددت المحكمة يوم غد الأربعاء لتسليم المبالغ لأصحابها ومن ثم إخلاء سبيل ـ النقر ـ الذي يأمل الجميع أن يستفيد هو من هذا الابتلاء الذي تعرّض له نتيجة أخطاء وممارسات تجارية لا تليق بنجم كبير في مستواه. هذا وقد قاد هذا العمل الإنساني والخيري والوطني الكبير إلى جانب صحيفة «الوطن» السيّد الوزير كمال عبد اللطيف جزاه الله وجزى كافة المساهمين في هذا العمل خيراً ببركة هذا الشهر الفضيل، والتعويض للدائنين الذين تنازلوا عن بعض حقوقهم. رجوع

الاخ الفاضل هجو.

ده والله خبر جميل أن في هنالك شخص طلع من السجن وسوف يقضي العيد مع أفراد أسرته.

لكن بس لفت نظري الكلام التحتوا خط ده. فابالنسبة لبعض الناس "أبتلاء" ولي ناس زي تراجي ودينق ديل لصوص ومختلسين ولا شنوا؟

الشئ المحزن يا هجوا هو أن السجون مليانة مظاليم في السودان خصوصا من النساء وفي جرائم لا تعتبر جرائم حقيقية أصلا.

كل سنة وأنت والاسرة الكريمة بألف خير.


دينق.

الأخ ود الأقرع
سلامات

والف حمدلله على السلامة ربنا يسعدو ويسعد بيهو
هل تعرف وغيرك منو الفى الصورة دى مع بتو الحلوة دى؟ ليكم جائزة قيمة

لطفى

عيدكم جميععا زملائي مبارك
وتحياتي الاقرع
اهو الخبر دا ازال بعض احتقاننا على بعد خروج الزعيم ولكن عودة النقر اعادت الابتسامة
حمد لله يا كابتن

حمدلله على سلامة الكابتن مصطفى النقر
ونتمنى له اعياد سعيدة بين اسرته
وربنا يساعد ويهون ويخرج جميع المظلومين والغارمين من السجون
واعاد الله العيد علينا وعليكم باليمن والخير والبركات .

اخى ابو الطيب ، عيدك مبارك ، الشبه باين ولله شنو؟

الاخ العزيز ، دينق كيف وعساك مرتاح فى البلد البعيده ، ما تحته خط من المصدر ، بعدين يا اخى تراجى (ام حازم ) ما عارف اعمل ليها شنو .... لولا الوجوه الباسمة التى وضعتها كنت خلت ام محمد اتصلت عليها عشان تلخبط غزلها ... معقول فى زول ما عارف النقر جنسو شنو ولا حتى زوجته الاعلاميه !

حمد لله على السلامة..

تمام والله .. حمداً على السلامة ...

والله ما رضيانها ليهو .. لاعب بقامة النقر ...

المفروض إنو الناس تقيف جنبو والحمد لله حصل ...

الف مبروك

هجو الاقرع

حمد لله على سلامة كابتن النقر

وكل سنةوانت واسرتك بخير

Quote: فقد تم أمس إيداع نحو 340 مليون جنيه بخزينة محكمة الخرطوم شمال وفاءً لحقوق الدائنين الذين تنازلوا مشكورين عن 50% من مديونيّتهم، وحددت المحكمة يوم غد الأربعاء لتسليم المبالغ لأصحابها ومن ثم إخلاء سبيل ـ النقر ـ الذي يأمل الجميع أن يستفيد هو من هذا الابتلاء الذي تعرّض له نتيجة أخطاء وممارسات تجارية لا تليق بنجم كبير في مستواه.

وهذا ما توقعته ان مصطفى ممثل درامى بارع كبراعته فى المراوغة وبحسبة بسيطة نعرف ان مصطفى الفهلوى الذى قضى 9 اشهر فى السجن قد تقاضى مرتبا شهريا يعادل 340 مليون مقسومة على 9 وهو ما يعادل حوالى ال 37 مليون شهريا!!!
قلت فى البوست السابق ان مصطفى سيتحايل حتى يتم اعفائه من نصف المديونيو وانه لن يبيع ارض ولن يفعل شيئا وانه سيبتز الهلال !!
واهم من يظن ان مصطفى سيتغير اللهم الا اذا احسن استغلال الــ 340 مليون!
جنى

هذا خبر جميل

Quote: يا هجو النقر ده جعلي وهلالابي ولا شنو؟؟؟

النقر دا شخصية قومية.. لكن لو جينا للقبائل رباطابي.

ألف حمدا لله على سلامة الكابتن مصطفى النقر

حمدلله على السلامة
أرجو ان تكون هذه هى المرة الاخيرة للنقر لانه .....
ليس فى كل مرة تسلم الجرة

ام حازم ، طلحة عبد الله ، ابو حريرة ، اميرال ، اسماعيل وراق ، جنى ،ابوعثمان ، فتية المريخ نادر وسامى شكرا لكم جميعا على المرور وكل عام وانتم بخير واسركم الكريمة .

مبروك للكابتن وأسرته .. اللهم فك أسر ملايين المعسرين القابعين في سجون عبادك الصالحين على عثمان والبشير وياسين عمر الإمام ... من كان منهم محبوسا في الخاص أو في حق الموتمر الوطني وفي الحالتين أنت تعلم يالله بأنهم مظلموين لا مجرمين لا حيلة لهم في أمرهم ..
ود الباوقة لو في واحد والدته أو أخته زوجته مريضة أو طفله يعاني من آفة أو مرض عضال يستوجب توفير مليون دينار بس بالقديم وهو لا يملك هذا المليون كيف يتصرف لتوفير هذا المليون قبل حدوث مصيبة لا ينفع بعدها الندم ولن تعوضها ملايين مضاعفة ؟؟؟ أكيد بكتب شيك بدون رصيد سند قبض سمسرة إحتيال ... ده الوضع الجديد في السوق السوداني بعد دخول الإسلاميين لعالم المال والتجارة بعد أن عوضهم الله سنوات فقرهم وجوعهم وحرمانهم ذهبا أسودا (بترول) وجبايات تنساب من كل حدب وصوب ...
اللهم فك أسرهم فردا فردا يالله ..
الشفيع

الدول والانظمة المحترمة تحتفي وتحترم مبدعيها
النقر احد المبدعين السودانيين
واسم كبير ساهمت حكومة المجرمين افي ان يكون في هذا الموقف
حزنت جدا لما حدث للنقر
واحمد الله ان المشكلة انتهت
لك التحية يا نقر
والتحية لاسرتك الكريمة
ودمت بخير

خالد
سيدني / استراليا

الحمد لله الذي يسر الأمر وسخر الخلق ...

ونقول له كل عام وانت كل الخير ...

وأسأل الله أن يقضي الدين عن كل مسلم ...

وأن يجمع شمل الأسر في هذا العيد السعيد



شكرا كثيرا أخي هجو لهذه البشارة ...

ونقول للنقر : لكل جواد كبوة .. ولا يهمك يا كابتن .