Post: #1 Title: صـــور من الصين Author: Abureesh Date: 10-09-2007, 02:08 PM Parent: #0
موش نرك بالأول؟
Post: #2 Title: Re: صـــور من الصين Author: ابوالقاسم ابراهيم الحاج Date: 10-09-2007, 03:10 PM Parent: #1
أبوالريش. رمضان كريم وتطلعاتنا لعيد سعيد. صور رائعة بجد. أنا لمن أسافر بخاف أشوف من نافذة الطائرة, بتجينى مخاوف وهواجس مرعبة!!. مرة سافرنا عصرا من طرابلس الغرب إلى دوالا الكاميرونية مناظر إنعكاسات أشعة الشمس على السحب الكثيفة وغوص الطائرة فى بحر السحاب المتراكم وفجأة !! ظلام دامس وجاتنى الخوفة إياها!!?.
ومرة من القاهرة إلى جدة كنا نعاين لجمال جبال البحر الأحمر وفجأة!! دقداق متل دقداق اللوارى فى طريق القضارف-دوكة أو بادوبة دوكة-القلابات. سألت زميلى الأميركى جون شهيد نورالدين(الطيارة حتتقلب)?!!. قال لى)what,s that!! حينها أفقت قائلا( Never mind ).
ومن أسبوعين كنت فى لندن ضيعت تذكرة القطار(Return )وعشان غالية على تذكرة القطر أخدت طيارة لنيو كاسل, عينك ما تشوف إلا النور يوم القيامة بس خارج الطيارة , الظلام يحيط بالدنيا برة,
ترانى قادر أصور!!.
Post: #3 Title: Re: صـــور من الصين Author: doma Date: 10-09-2007, 03:12 PM Parent: #2
اسه يا ابو الريش دي كيف نعرفها صور من الصين ؟؟؟ قول صور بين طيات السحاب
Post: #4 Title: Re: صـــور من الصين Author: ابوالقاسم ابراهيم الحاج Date: 10-09-2007, 05:06 PM Parent: #1
صبرا يبل الأبرى !!ما قليكى لمن إيه!!?
Quote: موش نرك بالأول؟
Post: #5 Title: Re: صـــور من الصين Author: Abureesh Date: 10-09-2007, 06:15 PM Parent: #4
الأخت دومـة، طيب هاكى دى قبل الرككـان، تورى الأرض هى الصين العظيمـة. بالمناسبـة لما الكاشـف قال "فوق طيات السحاب، وحدنـا انتى وانا.." حبيبتو دى كانت مسـاعـد طيـار؟
Post: #6 Title: Re: صـــور من الصين Author: Abureesh Date: 10-09-2007, 06:37 PM
الأخ أبوالقاسـم، شكــرا على المرور والتعليق.. أخوك ما فضل ليه إلا يخت فى محل الإقامة فى البروفايل واحدة من الصور الفوق دى!! عشـان كدة بقت مناعـة طبيعيـة ضـد الخوف من الشباك والدقداق.. يعنى أى سفرة لازم معاهـا تكويعـة، واللا يمين واللا شمال.
Post: #7 Title: Re: صـــور من الصين Author: Nesta Date: 10-09-2007, 06:49 PM Parent: #6
لسة ما ركيت يا عمك ؟؟
Post: #8 Title: Re: صـــور من الصين Author: Nesta Date: 10-09-2007, 06:49 PM Parent: #6
صور السين بالله
Post: #9 Title: Re: صـــور من الصين Author: Abureesh Date: 10-09-2007, 06:59 PM Parent: #8
Quote: صور السين بالله
نستـا، شكـرا على المرور..
تصـدق هم زاتهم ينطقوهـا سين.. وليست صين.. ما تعرف العرب ديل جابوا الصاد من وين.
Post: #10 Title: Re: صـــور من الصين Author: Abureesh Date: 10-09-2007, 07:31 PM Parent: #9
منتزه الأطفال، مدينـة شينزين
Post: #11 Title: Re: صـــور من الصين Author: Abureesh Date: 10-09-2007, 10:21 PM Parent: #10
وما زلنـا فى شينزين، مدينـة التكنولوجيـا..
عمارة سـايقــا الشهيـرة، ٍSaiga.. ثلاثة طوابق مكونات الكترونيـة components تعرض فيهـا حوالى الفين شــركـة.. وثلاث طوابق فوقهـا للكمبيوتـر، وللموبايلات والكمرات أيضـا دكاكين تمثل الاف المصانع حول المدينة!! (الصور من الداخل فى الطريق)
Post: #12 Title: Re: صـــور من الصين Author: Abureesh Date: 10-10-2007, 03:45 AM Parent: #11
Post: #17 Title: Re: صـــور من الصين Author: فدوى الشريف Date: 10-10-2007, 09:42 AM Parent: #1
انا دايرة امشي الصين
Post: #18 Title: Re: صـــور من الصين Author: Abureesh Date: 10-10-2007, 01:21 PM Parent: #17
الأخ محمـد الأمين موسى، شكـرا على المرور وأنت الأكرم يا سيدى..
الأخ الفنان أحمـد، المرة الجايـة لازم تدينـا خبـر.. شكـرا على إثراء البوست بالصـور الجميلـة.. وست الأى بى دى ما أشتريت منهـا كرت تلفون؟
الأخت الكريمـة فدوى الشــريف، فعلا من الأهداف الغيـر معلنـة أن يقتنع بعض الناس بالمجئ للصين والتعرف على هـذه البلاد العظيمـة عن قرب.. فإنهم يعملون ويقدسـون العمل، ويجودونـه.
وهـذه صـور أخرى:
ســوق الإلكترونيات بمدينـة شينزين (سـايقـا) ليلاً
شــارع بمنطقـة سـايقـا...
Post: #19 Title: Re: صـــور من الصين Author: Abureesh Date: 10-10-2007, 07:04 PM Parent: #18
يا ضيفنـا لو زرتنـا لوجدتنـا نحن الضيوف وأنت رب المنزل. زيارة كريمـة تفضل علينـا بهـا د. ساتى الشهـر الماضى، قبل أن يعود الى مقر عمله فى الخليج.. الصـورة دى هديـة العيـد يا دكتـور.. كانت زيارة برغم قصـر الزمن (يوم واحـد) إلا أنهـا تركت أثرا كبيـرا فى النفس.. الصورة فى المكتب يشيك الإيميل بتاعـو.. الصـور الخصوصيـة والـ close-up حأرسلهـا ليك إن شـاء الله.
وقبل حضورنـا للمنزل، توقفنـا، ونحن قادمين من مطار شنغهـاى، فى مدينـة خانجـو وكانت رحلـة تذكاريـة لبحيـرة West lake، (XiHu)1، غايتو الماشاف البحيرة دى نص عمـرو ضائع..
Post: #20 Title: Re: صـــور من الصين Author: Ishraga Mustafa Date: 10-10-2007, 07:13 PM Parent: #19
مساك الله بالخير يا ابوالريش
شكرا لاشراكنا فى هذه المتعة، خضرة وماء {بس شوف لينا الوجه الحسن!!}
البحيرة فعلا خطيرة وانشاءالله اجازتنا الجاية بهناك، لكن لازم تشوف بحيرة القمر بالنمسا {دولة البحيرات} وبعدين نشوف العمر ووين بضيع، ماعندى صورة للبحيرة بس بهديك وزوارك الكرام واجهة قصر الشنبرون، القصر الذى حكمت من داخلة اوربافى ازمنة سابقة، وكل سنة وانت طيب والاسرة بالف خير
Post: #21 Title: Re: صـــور من الصين Author: Abureesh Date: 10-10-2007, 08:57 PM Parent: #20
Quote: وانشاءالله اجازتنا الجاية بهناك،
شكــرا يا إشـراقـة على المرور، وفعلا هـذا البوست الغرض منه إقناع من لم نستطـع أن نصلهـم، أن يأتوا هـم الينـا!!
ألف مرحب بكم مقدمـا، وخلونـا فى الصـورة عشـان نجهبـز البرنامج.
وهـذا جزء من نافورة ال West Lake يرحب بكم أيضـاً
Post: #22 Title: Re: صـــور من الصين Author: Rakoba Date: 10-10-2007, 09:01 PM Parent: #21
استاذنا أبو الريش والله نحن غايتوا بنحب الصينيين كفاية شعارهم النجمة الصفراء والأحمر الوهاج
Post: #23 Title: Re: صـــور من الصين Author: Abureesh Date: 10-11-2007, 04:55 PM Parent: #22
شكـرا يا راكوبـة على المرور، وانت الأفضل يا سيدى.
دكتـورة إشـراقـة، لو النمسـا فيهـا بحيــرة داخلهـا جزر داخلهـا بحيـرات!!، زى West Lake in Hangzhou ، يبقى فعلا ما فى أى نص عمـر ضـائع!! ولو النمسـا مافيهـا بحيـرة فيهـا ممـر للمشـاة ممتد من الكورنيش لداخل البحيرة، طوله كيلومتـر وعرضـه 30 متـر، محاط من الجانبين بأشجـار النخيل والورود والنجيل، وممـر المشـاة من الرخام فى كثير من أجزائه، و على طول الممـر، ولو الزول تعب هناك عربات تسيـر بالكهرباء حتى لا تزعج الزوار! لو النمسـا مافيهـا زى دا، يبقى الواحـد خايف على العمـر كلو، ما نصـه!
غايتو بنصـح، بهـذه المناسبـة، أى زول يلف (يمين واللا شمـال)! ما يجى الحتـة دى.. حيجن من أول عشـرة دقائق.