Post: #1
Title: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 09:20 AM
Parent: #0
عشان ما تخمّونا ساي وتطلعوا الإشاعة وتصدّقوها وتفكّوها فينا ..
طالعين لينا بي فن جديد في وسائل الإعلام والصحافة والمنتديات بي وهمة جديدة إنو المريخ يمتلك بدائل جاهزة وأفضل من الأساسيين بعكس فريق الهلال المتهالك والذي يعتمد على 11 لاعب فقط في تشكيلته و و و و و و و..
طيب تعالوا ورونا بدائلكم الجاهزة دي وينا؟؟
وما تكتبوا لينا أسماء فالهلال به الأسماء ولكن نتحدث عن البديل الحقيقي ...
يلا تعالوا نقارن ونشوف بدائلكم الجاهزة دي وين!!!
من هو بديل بهاء الدين الجاهز ؟؟؟
من هو بديل أبالو الجاهز ؟؟؟؟
من هو بديل موسى الزومة الجاهز ؟؟؟
من هو بديل مجاهد الجاهز ؟؟؟
من هو بديل قلق الجاهز ؟؟؟
من هو بديل العجب الجاهز ؟؟؟
أها يا جماعة ديل ستة لاعبين في المريخ لا يملك المريخ بديل جاهز لهم وأتحدى أن يكون بديلهم في مستواهم أو يقدم مردود يخدم ويفيد المريخ في تبديلاته !!!
نعم المريخ لديه بدائل ناجحة وجاهزة وتخمة في خانات معينة فنور الدين عنتر لاعب جاهز ولكنه في الشق الهجومي وعبد الحميد السعودي لاعب جاهز وهو في الشق الهجومي و جيمي ناتالي لاعب جاهز وهو في الشق الهجومي وصلاح الأمير لاعب جاهز وهو في الشق الهجومي ..
وبهذه المقاييس فالهلال أيضاً لديه التخمة واللاعبين الجاهزين ولكنهم في خط الوسط ..
فمهند الطاهر لاعب جاهز وعبد المنعم يوسف لاعب جاهز وسيف مساوي لاعب جاهز وصالح عبد الله لاعب جاهز !! هي نفس المعادلة فلا المريخ صنع فريق ثاني ولا الهلال لديه فريق ثاني وكل الحكاية مجموعة لاعبين متكدسين في خانات بعينها ولاعبين أخرين ليس لديهم أي بديل ويمكن أن يضمن مقعده في التشكيلة إلى أن يفارق الحياة أو يعتزل الكرة ..
المريخ لم يشعر بهذه المشكلة لأنه وحتى الان لم يتغيب لديه أحد هؤلاء اللاعبين الأساسيين فلا أمير دامر قدر المسئولية ولا سعيد السعودي أثبت نجاح أما موسى الزومة فلا بديل له تماماً
|
Post: #2
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: نادر محمد الراضي
Date: 10-09-2007, 09:30 AM
Parent: #1
ماااااااااا عندنا بدائل ...
لكن برضو صعدنا للفاينال ... 
|
Post: #3
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: سامى عبد الوهاب مكى
Date: 10-09-2007, 09:30 AM
Parent: #1
أخطات يا هذا
كل المذكورين لهم بديل إلا موسى الزومة بما فيهم العجب!!
المريخ يملك أكثر من فريق!!
الهلال لا يملك لا لاعب جاهز لا بديل!!
الطاش استقال!!
الارباب حردان!!
هيثم المعاش
ريتشارد إدشدش حتة حتة!!
جوليت درسني في الابتدائي!
مهند سلبي جداً
مساوى الله لا جاب اليوم اليحرمنا من وجودو في الهلال!!
زرياب سمعنا أنو سجل في (دار فلاح!!)
عبد المنعم (فوق الصفقة الخاسرة)
علاء الدين(فيرنا) ريكاردو صرح وفعل!!
المعز (جابت ليها طلاق تاني!)
ولدنا قرررررررررررررب
علاء جوز (ثلاث نسوان)
قودوين (شتات)
كلبشي الله يزيد ويبارك!
ابوبكر لايمنو ليه زول ولدو في الجامعة شابكننا كعب وما بنط ينط كيف الراجل ملان مسئولية.
خلي الهضربة...
سبع سنين عجاف يتبعهن سبعً اخريات بإذن واحد أحد.
المجد المجد المجد المجد للمريـــــــــــخ
المجد للمريـــــــــــــــــخ.
عاوزنك إعارة عشان تعلم الصفوة اساليب جديدة...الطقيع مثلاً!!
زول يجي الاجازة يتبرع بتمن تابوت!!
شغال في حسن الخاتمة إنتا يلا...
|
Post: #5
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 09:42 AM
Parent: #3
ماشاء الله بهاء الدين بدايلو عشرة !!
الغريبة بهاء الدين فيييييي روحو هو بديل بس أساسيهو مافيش ويقال إنو في الهلال ..
بهاء الدين تصح فيه أغنية الموسيقار جمال فرفور..
تصبح بديل بدل البديل ..ويا قلبي خلّي الجوجوة ..
أبالو كان بديلو أمير دامر فريتشارد بديلو عمار مرق..
سفاري كان بديلو هناي (هناي ده بيكون منو لأنو ماف)..
قلق جبتو ليهو بديل من وييييييين يا اللخو ؟
العجب بيني وبينك كده ممكن نكون عنتر يغطي ليهو ..
مااااااااااااااا شبحييييييييييينا وإتلاقينا ..
موسى جلطة ما عندو بديل هو فووووق رويحتو دي كعب الكعب ..
يعني يا سامي المريخ عندو فن جديد طالع فيهو ..
اللاعب كعب وكمان ما عندو بديل !!
والله دي ما سبقكم عليها زول ..
طيب ياخ إذا زول زي موسى ده ما عندو بديل بديلو اللي مسجّلينو ده كورتو عاملة كيف ؟؟
ياخ ده بيكون زول تحفة عديل كده ..
أسة عليك الله مرق ده كان شطبناهو ما بتجسلوهو ؟
كرونقو كان شطبناهو ما بتسجلوهو ؟؟
عمر بخيت كان شطبناهو ما بتسجلوهو ؟؟
قودوين كان شطبناهو ما بتسجلوهو ؟؟
مهند الطاهر التقيييييييل ده قبل شهرين كان إسمو ولدكم..
مساوي ده اسأل منو غاندي بيوريك ..
تخريمة :
قلت لي قلق بديلو منو ؟
|
Post: #4
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: حمزاوي
Date: 10-09-2007, 09:40 AM
Parent: #1
يا عمر اخوي
الموجودين دول فيهم الخير والبركة ووصلونا الفاينال ذي ما قال ود الراضي
شن قولك انت حسع
بس انت نسيت واحد مهم جداً
اوريك ليه
الحرف الاول من اسمه طمبل
نعطيك خيارات
1 ـ هيثم طمبل
2 ـ عمر بخيت ( ما تقول لي بيلعب في الهلال لانه جاي للزعيم عشان يضووق كاس محمول )
3 ـ سيد معوض ( ابو مليون دولار الغالي بغالتو يضوقك حلاتو )
|
Post: #8
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: نادر محمد الراضي
Date: 10-09-2007, 09:50 AM
Parent: #4
أنا حااااسي .. غنو شهر 12 ...
حتندموا فيهو على 3 لاعبين ...
وصدقني ساعتها إلا تشوفو بلد تانية ...
لإن حنكون بقينا زي ناس الأهلي ...
مكاوشين على اللاعبين والكأسات المطروحة ...
|
Post: #6
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 09:45 AM
Parent: #1
يا نادر :
الله يسألك مباراة سيمي فاينال يا كافي البلا لا إستديو تحليلي لا دعايات بين الشوطين ؟
إن شاء الله يجيبو دعاية بسكويت ماجد ولّا خزانات تيقا ..
|
Post: #7
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 09:47 AM
Parent: #1
عمنا حمزاوي :
أول شي وعشان تقيمنا صاح فعمر بخيت إنتو دافعين فيهو أكتر من سيد معوض !!
إنتو حا تدو عمر بخيت أكثر من 2 مليار جنيه سوداني !!!!
أما سيد معوض فقال طموحي أكبر من المريخ ..
تخريمة :
بالمناسبة المريخ بصدد تسجيل حارس مرمى الزمالك المصري ..
ويا (بهيّة) وشباب الزمن جنيّة .. وكورة مااااااااافي..
|
Post: #9
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: نادر محمد الراضي
Date: 10-09-2007, 09:56 AM
Parent: #7
Quote: الله يسألك مباراة سيمي فاينال يا كافي البلا لا إستديو تحليلي لا دعايات بين الشوطين ؟
إن شاء الله يجيبو دعاية بسكويت ماجد ولّا خزانات تيقا .. |
دي حاجات هامشية والكلام دا ..
الرشاشات الزيك هم بس البهتمو بيهو ...
نحنا هدفنا أكبر وأسمى والكلام على الكأس ...
الدور والباقي عليكم يا المرقتو من الباب السغييير ...
لا حد سمع بيكم ولا جاب ليكم خبر ....
دي قشور ساااااكت وأمور بنهتم بيها بعد ما نشيل الكاس ...
إن شاء الله وكتها الدعايات والشركات والإعلانات هي الحتجينا ..
ما نحنا اللي حنمشي ليها .. يا اسيااااااد اللبن ...
|
Post: #10
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: abuguta
Date: 10-09-2007, 09:58 AM
Parent: #7
ياود الفاروق
اناما بعرف قصة البدائل دى,,
لكن فى مباراة الدولفين شاهت جون ناتالى
ساكى ليه كيس,,,مش كورة
مبروك للمريخ للصعود للسيمى فاينال,,هى مش فاينال
لنها مافيها اول وثانى,,
لكن مسالة خروجة من المنافسة مسالة وقت,,ليس الا
الحجز جاهز على التونسية,,,
|
Post: #11
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 10:04 AM
Parent: #1
يا ابقوتة :
بتسوانا في .. كاس في..
بتسوانا ماف .. كاس ماف..
|
Post: #12
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: الصادق صديق سلمان
Date: 10-09-2007, 10:13 AM
Parent: #1
الأخ الأستاذ نادر المرضي
لك سلامي
Quote: الدور والباقي عليكم يا المرقتو من الباب السغييير ...
لا حد سمع بيكم ولا جاب ليكم خبر .... |
الكلام الفوق دا عيب تقولوا!!!!
ياخي العالم كلو شفت العالم كلو بيعرف هلال الملايين
بعرف هلال السودان ومن خلاله تمت المعرفة بالمريخ السوداني
وهذا لزوم الإشارة إلى المنافسة الداخلية فقط.
نحن عاوزين كاس خارجية دا كلام مظبوط وما عندنا ولا كاس
دا كلام ما فيهو حاجة --- ولكن الآن أصبح السودان وكرة قدم
السودان تعرف بالهلال السوداني فقط وماقدمه لكم الهلال
يجب أن تشكروه عليه سنين طويلة لي قدام
أبوفتحية
|
Post: #14
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: نادر محمد الراضي
Date: 10-09-2007, 10:18 AM
Parent: #12
Quote: بعرف هلال السودان ومن خلاله تمت المعرفة بالمريخ السوداني
وهذا لزوم الإشارة إلى المنافسة الداخلية فقط. |
يا أبو فتحية ...
العالم كللو بيعرف الفرق بإنجاوتها على مر التاريخ
بالكؤوووس البتحصدها .. مش بالفرق البتغلبها لإنو لو
نمتوا على دي تبقوا تعبتوا معانا .. لكن زي ما قلتا
ليك ... حسي في ذمتك لامن أي معلق يتكلم عن المريخ أو الهلال
بيقووول شنو .. بيقول عن المريخ إنو هو فريق بطولات
وحقق كؤووس كتيرة والفريق الوحيد المسجل لدى الفيفا
إنو فاز بالدوري بدووون هزيمة أو تعادل .. لكن تعال
أسمع بيقول عنكم شنو ... بيقول فريق محلي لم يحرز
أي بطووولة خارجية ومحتكر مركز الوصيف من زمااااان ...
|
Post: #13
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: سامى عبد الوهاب مكى
Date: 10-09-2007, 10:13 AM
Parent: #1
|
Post: #15
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: معتصم دفع الله
Date: 10-09-2007, 10:39 AM
Parent: #1
عارف يا عمر مرات المغصة بتكتلني لما أقرأ كلام عن الكورة مكتوب هنا ..
المشكلة إنهم موهومين وما عايزين يعترفوا بكلامك الكاتبه دا رغم إنها الحقيقة ..
نرجع للهلال الفريق فيهو بدائل كتيرة جاهزة لكن ريكاردو الله يسامحوا خاف يغامر بيهم ولو أنه جهز بدائله في منافسة الدوري الممتاز وكأس السودان لما واجهته مثل هذه المشاكل ..
والحاجة البتغيظ أكتر وريحته فائحة تسجيل لاعبي الهلال لناديهم والباقي يهددوننا بشرائهم من أندية خارجية ..
نقول لهم الهلال نادي عظيم ومدرسة خرجت الأجيال مثلما خرجت جكسا والدحيش وقاقرين والنقر وطارق أحمد آدم ووليد طاشين هاهي اليوم تأتي بهيثم مصطفى وعمر بخيت وريتشارد والمعز محجوب ولن تتوقف مدرسته عند محطة واحدة ..
كفى رمي سهامكم الصدئة على الهلال فحتماً سترتد عليكم ..
|
Post: #16
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 10:45 AM
Parent: #1
المعتصم ود دفع الله ..
| Quote: نقول لهم الهلال نادي عظيم ومدرسة خرجت الأجيال مثلما خرجت جكسا والدحيش وقاقرين والنقر وطارق أحمد آدم ووليد طاشين هاهي اليوم تأتي بهيثم مصطفى وعمر بخيت وريتشارد والمعز محجوب ولن تتوقف مدرسته عند محطة واحدة .. |
ده كلام كبير على الناس ديل..
مشكلة المريخ بقت مش في تدعيم ناديه بلاعبين بقدر ما يهمهم تفكيك فريق الهلال وإضعاف قوته ..
عايزين معز وعمر بخيت ما مشكلة ..
بيجي عمر ومعز تاني..
عايزين مهند ما مشكلة ..
المشكلة إنو ناس الهلال ما شغالين بيهم الشغلة وما بيطلقوا تصريحات لزعزعة نادي المريخ فقط يعلمون في صمت ..
الغريبة وتحت تحت كده الهلال حا يسجل بهاء الدين !!!
عوووووووووووووووووع
|
Post: #17
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عز الدين بيلو
Date: 10-09-2007, 10:49 AM
Parent: #1
نسأل الله أن يورينا فيهم الصفاقسي.. والرجاء يوماً كيوم الجبل الأخضر
آمين يا رب العالمين
|
Post: #18
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: عمر الفاروق
Date: 10-09-2007, 10:51 AM
Parent: #1
يا نادر:
Quote: العالم كللو بيعرف الفرق بإنجاوتها على مر التاريخ
بالكؤوووس البتحصدها .. |
طيب ده كلام حلو خالص..
يعني أسة انا لو قابلت لي إيطالي وسألتو عن نادي المريخ حا يقول لي يا سلاااااااااام ياخ المريخ بعرفو يا عمر ده مش اللي شال كاس دبي!!!!؟
طيب لو لاقيت بلجيكي وسألتو عن المريخ يقوم يقول لي كيف يا ابو عمير ياخ المريخ ده شال بطولة الشارقة في تكريم لاعب ؟؟!!
طيب نقول قابلت لي واحد فنزويلي وسالتو عن المريخ يقوم يقول لي يا عموري ده كلام ده ؟ المريخ ده مش شال كاس سيكافا ؟
لكن صدقني يا نادر سنة 89 ممكن يكون الناس عرفت المريخ لأنو شال كأس الكؤوس ويومها عرفته أفريقيا بس وليس العالم ..
إنتو قايلين العالم ده فاضي ليكم ؟
|
Post: #19
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: سامى عبد الوهاب مكى
Date: 10-09-2007, 11:04 AM
Parent: #1
عمر الفاروق قلت لي بلجيكا وهولندا!!
سمعت بالشايله موسا تطهر!!
ليه ماشي بعيد ما تقول نلاقي سوري مثلاً مثلاً وشغال في الخليج مثلاً وبتاع شاورما او حلواني ونسألو (سوريا دي مافي الخريطة؟؟) يقوم يقلب هوبا نخش نحن في اضفرينا!!
او نسأل تونسي شو خيوا عام تعرف عن الكورا السودانييي ؟؟ يقوم يجيب سيرة مش حلوه برشا برشا!! لو قديمة اوجديدة...
ياعمر عليكم دينكم وايمانكم خليكم في محليكم ومحلبيتكم دي والله يخلي ليكم سبت لبرادو!!
تجيبو سيرة الكاسات طوالي نحن جننا يقلب هوبا!!
|
Post: #20
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: نادر محمد الراضي
Date: 10-09-2007, 11:54 AM
Parent: #19
| Quote: إنتو قايلين العالم ده فاضي ليكم ؟ |
عاااااااد .. ما فاااضي ليكم إنتوا
|
Post: #21
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: ابو عثمان
Date: 10-09-2007, 01:01 PM
Parent: #1
ودالفاروق الرائع
تحياتي
انا متابعك وعندي احساس انك اقرب للمريخ من الهناي - انك تحمل الكثير من جينات الصفوة- ياخي تعال وما تتردد-مالك ومال الهم والغم
تحياتي
كان صرحا" من خيال فهوي
كان بدرا" في السماء فانطوي
علي الصمود الهلال ما قوي
بحميم المجد والنجم ارتوي
|
Post: #22
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: جلال ناصر
Date: 10-09-2007, 04:34 PM
Parent: #1
طيب ده كلام حلو خالص..
يعني أسة انا لو قابلت لي إيطالي وسألتو عن نادي المريخ حا يقول لي يا سلاااااااااام ياخ المريخ بعرفو يا عمر ده مش اللي شال كاس دبي!!!!؟
طيب لو لاقيت بلجيكي وسألتو عن المريخ يقوم يقول لي كيف يا ابو عمير ياخ المريخ ده شال بطولة الشارقة في تكريم لاعب ؟؟!!
طيب نقول قابلت لي واحد فنزويلي وسالتو عن المريخ يقوم يقول لي يا عموري ده كلام ده ؟ المريخ ده مش شال كاس سيكافا ؟
لكن صدقني يا نادر سنة 89 ممكن يكون الناس عرفت المريخ لأنو شال كأس الكؤوس ويومها عرفته أفريقيا بس وليس العالم ..
إنتو قايلين العالم ده فاضي ليك
عمر الفاروق
الله ينصر دينك
وبعدين الكاسات بتاعت اللوترى دى مالها ماساعدت المريخ فى الترتيب عالميا ومازال رغم كل الكاسات السكرانين بيها الجماعه ترتيبه متاخر عن الهلال واخر مره المريخ شارك ولا وصل نهائى دورى ابطال افريقيا متين.
وهى وهمه بس عايشين بيها الشباب
شكرا عمر كتير
|
Post: #23
Title: Re: الأكذوبة الكبرى.. المريخ لديه فريقين والبدائل جاهزة وأفضل من الأساسيين!!
Author: الملك
Date: 10-09-2007, 05:11 PM
Parent: #1
عمر "المر"
...
هاردلك للهلال...زى ما قال ليك عبد المنعم
دى وصية بس يا عمر
|
|