Post: #1
Title: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 10-09-2007, 08:04 AM
مش الوطني وبس
وإنما حتى ما يتشدقون به عن (الوطنية)
.
.
حتى وقت قريب
كنت وما زلت أدعو إلى فرز الكيمان
أدعو إلى عدم التعامل بالمثل
أدعو إلى إعلاء قيم الوطن والوطنية داخل نفوسنا
ولكن..
.
.
لكني اليوم أعلنها داوية هنا
وعبر هذا المنتدى
أنني ومنذ اليوم
وحتى إعلان آخر
أعلن تخليي تماماً عن (الوطني)
وأعلن عمالتي
(للصفاقسي )
|
Post: #2
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 10-09-2007, 08:11 AM
Parent: #1
الشماتة التي رأيتها في عيون المريخاب على خروج الهلال
والشماتة التي قرأتها هنا وهناك من كتاب المريخ على خروج الهلال
كل ذلك يدعوني أن أدعو الله ليل نهار
أن يريني يوماً أسوداً في مريخ (العرضة)
وأن يخرج من مباراة الصفاقسي بفضيحة بجلاجل
حتى لا (يقدنا) أمثال (مزمل) بإنجاز نعلم أنه ابن حرام
فكلنا شاهدون على مهزلة (الإسماعيلية) هنا في أم درمان
برا وطنية برا زندية
|
Post: #3
Title: Re: مبرووووك عليّ: فارقت (الوطني) مفارقة الطريفي لي جملو
Author: أبو عبيدة البصاص
Date: 10-09-2007, 09:13 AM
Parent: #1
الساقطون لايسقطون
الى الام ياجماهير القلعة الحمراء
البصاص
|
Post: #4
Title: Re: مبرووووك عليّ: فارقت (الوطني) مفارقة الطريفي لي جملو
Author: طلحة عبدالله
Date: 10-09-2007, 09:15 AM
Parent: #1
عز الدين بيلو
سلامات وكل سنة وانت بخير
يكون لعلمك أنه ...
لا كسب الصفاقسي ولا خسر الوطني ..
الود
|
Post: #5
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 10-09-2007, 10:31 AM
Parent: #1
الحبيبان
طلحة
والبصاص
===============
إليكم أمثال هذا الذي يجعلنا نكره المريخ
حتى لو لاعب إسرائيل
==============
* سكة حديد جيبوتي.. شيرازين جزر القمر.. شباب رفح الفلسطيني.. موريتل الموريتاني والهلال السوداني غادرت دوري أبطال العرب من الدور الأول!
* غداً نتوقع أن نقرأ مقالاً بعنوان: الهلال طار.. مع الكبار!
* رجاء رافع نجم المجد يطلب أغنية (الشريف مبسوط مني) ويهديها للمطربة ناهد جبرة.. بديل ترباس!
* المجد سجل الأهداف الثلاثة.. ويوسف محمد يوسف يصيح (كلتشي.. كلتشي).. وكلتشي ما سجلشي!
* ناس يغلبوا بالرديف.. وناس يتغلبوا بالشريف!
* السوري قلب الهوبة.. وجات الطوبة.. في المعطوبة!
* أكيد.. أكيد.. ريكاردو عزا الهوبة.. لسوء الأرضية!
* الهلال يطير.. من سوريا إلى تونس!
* آخر خبر: الآي آر تي ناوية تعيد كورة الهلال والمجد في قناة الأطفال.. بدل مسلسل كابتن ماجد!
* السورية أقلعت.. والتونسية في المدرج.. مو هيك يا زلمي؟
* قسم.. قسم.. الهوبا كيف؟
* عائس.. عائس.. طيش العرب كيف؟
* عرض خاص: السحور بمطعم (البهلوان) السوري.. سعر الوجبة 2 جنيه فقط!
* الخندقة ما حبابا.. ريكاردو.. ريكاردو.. الأرضية كيف؟
* عجبي.. الهلال سقط عربي!
* العالمي.. لحق موريتل الموريتاني!
* في حمام يا أخوانا (أميت) من كدة؟
* شو آخر أخبار دار الوثائق.. يا زلمي؟
* مباراة الأمس أكدت أن الهلال والمجد.. على طرفي نقيض!
* شكوى مضمونة: الحكم المصري.. طلع بتسواني!
* مباراة أمس استحقت اسم: (شقلبان في رمضان)!
* غاندي يطلب فتوى سريعة من إسماعيل حسن: الهوبا قبل الجدعة.. حلال أم بدعة؟
=========================
صفاقسي نعم
برا وطنية
برا كلوزيوم
|
Post: #6
Title: Re: مبرووووك عليّ: فارقت (الوطني) مفارقة الطريفي لي جملو
Author: محمد البشرى الخضر
Date: 10-09-2007, 11:47 AM
Parent: #1
تمام يا عمك
أخير ليك (الشعبي)
لك مطلق الحرية في إختيار الجانب المناسب لتقف معه
لكن حبيت افكرك أن مزمل و شيبا و من لف لفهم ليسوا هم المريخ ولا يمثلون إلا انفسهم
وزي ما قريت ليهم ما اساءك و احنقك على المريخ اكيد حتكون قريت حروف جميلة للموصلي و شتات و كوستا و دكتور شهاب حزنوا لخروج الزعيم كحزن عشاقه و أكثر
و ما تنسى أن الموضوع في النهاية كورة و مناكفات لا أكثر
تحياتي
|
Post: #7
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 10-09-2007, 12:06 PM
Parent: #1
| Quote: لكن حبيت افكرك أن مزمل و شيبا و من لف لفهم ليسوا هم المريخ ولا يمثلون إلا انفسهم |
ليت هؤلاء فقط
إذن لعذرت
واعتذرت
ولكن زملاء العمل.. والأصحاب في البورد.. وغيرهم
كلهم شامتون
لذلك أرجو أن تكون شمتتي فيهم جامدة عقب مباراة الصفاقسي
|
Post: #8
Title: Re: مبرووووك عليّ: فارقت (الوطني) مفارقة الطريفي لي جملو
Author: abuguta
Date: 10-09-2007, 12:20 PM
Parent: #7
اقسم بالله يا عز الدين
دخلت بوستك دا 10 مرات
كنت قايلك زول خارج يادوب من السودان
ومما زاد الطين بل,,صورة البروفى فايل,,
كنت قايلك مريخابى زى شيبا وحسن يوسف
مش زى طلحة وسامى ومحمد على بشير,,,
وبقية الشباب الحلوةالحمراء
يازول ما تزعل كتير,,بس لوووك الصبر
المسالة مسالة وقت وبس,,,
لكن بسعالك وانت العارف,,الصفاقص ياهو صاحب الشعار المخطط دا
يازول دا اخير منو النجم الساحلى
هون على نفسك وشجع هلالك
لو ما خرج الهلال...كان كل المريخاب اصابهم سكرى وضغط
اسى الهلع الذى سببه لهم لم يخرج منهم حتى اللحظة..
تعرف ياصديقى مع صفارة الحكم خرجت القاهرة
عن بكرة ابيها,,وهم يصيحون,,اهلى..اهلى..اهلى
شفت كيييييييييييييف
عيد سعيد
|
Post: #9
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 10-09-2007, 01:12 PM
Parent: #1
الحبيب أبو قوتة
المريخاب طبعاً بتمسكنوا وبعملوا فيها بتاعين وطنية
لكنهم والله حاقدون على الهلال أكثر من حبهم للمريخ
أنا لاحظت كتابات أحدهم قبل مباراة الهلال والنجم وفيها تشفي وأمنيات بخروج الهلال أكثر من اهتمامهم بمباراة دولفين
وطبعاً بعد نهاية صافرة مباراة النجم
كادوا يخرجون مظاهرات
لكنهم لم يفعلوا
لأنهم (أقلية) تخشى غضب (الأكثرية)
لكني سأفعلها
إن خرج المريخ بفضيحة
لأخرجن بمسيرة.. وأهتف لوحدي
صفاقس.. صفاقس
|
Post: #10
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-03-2007, 12:32 PM
Parent: #1
نسأل الله أن يحق الحق
ويبطل بطل الذين رشوا الحكام
|
Post: #11
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-03-2007, 07:10 PM
Parent: #1
ولا يهمك يا صفاقصي
بإذن الله منتصرون
النتيجة الآن 3/1
|
Post: #12
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-03-2007, 07:18 PM
Parent: #1
وجاء الهدف الرابع
وبإذن الله منتصرون
|
Post: #13
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-03-2007, 07:36 PM
Parent: #1
برضو ما مهم
الحكم يدي المريخ ضربة جزاء
ولكن ولا همانا
|
Post: #14
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-03-2007, 07:53 PM
Parent: #1
مبرووك فالصفاقسي لم يخيب ظننا
وبإذن الله الفضيحة الكبرى هنااااك
نتمنى أن تكون بجلاجل
عشان تاني ناس مزمل إلا يبقوا بتاعين تسالي
|
Post: #15
Title: Re: مبرووووك عليّ: فارقت (الوطني) مفارقة الطريفي لي جملو
Author: عز الدين بيلو
Date: 11-22-2007, 04:01 PM
Parent: #1
طبعاً بعد بكرة
(فاضح البلد)
حيلعب مع الصفاقسي
.
.
دعوتنا للفريق التونسي
أن يكون رحيماً برصفائنا
فبيينا وبينهم موقعة يوم 29 الجاي
وحقيقة دايرنهم يجونا بمعنويات كويسة
يعني يا صفاقسي
ما تزيد عن 5/ صفر
وبإذن سوف نتم الباقي هنا
|
|