( مــاما دومه ) يــــا ( بكري أبوبكـــــر ) .

بما انها (أكيش) ( واعســل ) مستخــدم للبورد ..
فهذا يعني انها كل مرة .. ح تضيع الباص وورد بتاعه ..
ودي ما اول مرة ..
عليــه:
ساهم معنا يا بكري بعودة باص وورد ماما دومه .. هناك العديد من البوستات في انتظار عودة ماما دومــه .. لحسم الكثير من الأمور العالقة بها..
..
.
في انتظار عودتك يا ست الحبايب ..
وفي انتظار عودت رفيقتك دكتورة بيان ..

فوق

( ماما ) يا كبير .. !!

فوووووو

Humaida
I think the whole issue is pure misunderstanding, I 'm the one who coined this name Mama Doma so if you are criticizing this I'm the one who should be addressed and not tmbs. Clearly it is my fault and not his therefore I declare from now on am" Yumma Doma" if it makes you comfortable

Quote: I 'm the one who coined this name Mama Doma so if you are criticizing this I'm the one who should be addressed and not tmbs

يا ماما دومــه ما عليك ..
انا من عرفتك في المكان دا عرفتك بالاسم دا .. المسالة ما ليها علاقة بي الاسم الاخترتيهو إنت لي نفسك بحكم احساسك بي أنو كل الهنا ديل اولادك .. بالرغم من وجود من هو اكبر منك بمليون مرة
لكن المسالة كانت ماشه في شكل كويس ودخلت فيها حاجات ما مفترض تدخل ولا دا مكانه
فما في داعي للمبررات ولا الشرح .. وإنت تقولي العايزه تقوليهو .. ودائما على عينا وراسنا وجــوه قلوبنا كلنا والله يخليك لينا يا ماما دومــه ولي اي زول بيحبك ..
انسي المسالة دي .. وما تشتغلي بيها شديد.. مافي زول هنا بيمشينا على حسب هواهو .. ويقولنا بي مزاجو. لو بقى واقع من السماء مية مرة.

ومعكم من اجل عودة الخالة العزيزة دوما

تم حذف المداخله اكراما للزملاء

سلام للخالة دوما ..



فوووق لغاية رجوعها ..

الأعــزاء ..
وليد
ساطور
مايا
معتصم
..
.
اشكر مروركم .. ومعا لعودة ماما دومة الآن ..

يا خاله ,

عليك الله الباص وورد بتاعك دا أكتبيهو بفحمة فى الحيطة مابتجيهو عوجة.

منتظرين

Quote: ماما

مامي

الزولة دي عسل ودمها خفيف

يا اهل الخير دومة اعرفها قبل ان يظهر النت في بداية التسعينات وهي اصغر مني بكثير يا تمبس!! يعني يادوبك ممكن طمطم تقول ليها "مامي " وةالا انا حاكون "جدو"
دة كلام ...

يا دومة

زي ما قال ليكي حسن الجيلي ..

أو أكتبيه على باب التلاجة

اختى دومه

احس انها خلاصة كل ما هو جميل فى

الزمن الذى اختلت فيه الموازيين

لك التحية تمبس انت ودومه وكل اصحاب

النفوس الجميلة



حواء

الحبيبه حواء يا عطر الوطن الجميل
ربنا يحفظكم ويرد عافيه الوطن الجريح
. سلمتي يا اصيله

Quote: يا اهل الخير دومة اعرفها قبل ان يظهر النت في بداية التسعينات وهي اصغر مني بكثير يا تمبس!! يعني يادوبك ممكن طمطم تقول ليها "مامي " وةالا انا حاكون "جدو" دة كلام ...

والله يا أبوبكر هى المضيعانا ومكبرة فى نفسها وطبعآ الجماعة عاجباهم السغرة .

يا دومة ضيعتى باسويردك هسة يقولوا خرفت وبقت حبوبة ونحنا يودونا المقابر

يا زولة يا جميلة أمسكى قوى ناس تراجى ديل ما يتفسحوا فينا

Quote: والله يا أبوبكر هى المضيعانا ومكبرة فى نفسها وطبعآ الجماعة عاجباهم السغرة .

اها باكر تلقي البوست كلو ينادييك يا "جدو" ...انا غايتو ما عندي مانع ..

Quote: اها باكر تلقي البوست كلو ينادييك يا "جدو" ...انا غايتو ما عندي مانع ..

لا لا قبلك وقبالك أنا خلينى فى عمو ما بطالة ولزيزة . نحن ما عندنا دنائة الكيزان البختو عينم فى بت قدر بناتم . لكن جدو دى إتبرعت ليك بيها

Quote: يا دومة زي ما قال ليكي حسن الجيلي .. أو أكتبيه على باب التلاجة

مرحب يا ايا جهينه كل عام وانتم بخير وكل الاسره الكريمه
سمح تاني ببقي عشره بكتبه في محلات كتيره , وفي واحد من الوليدات قال لي كل يوم ردديه تلات مرات غايتو شبه حفظتوا الان في راسي

Quote: لا يعني ولادتك في منطقة ما في غرب السودان تدعي ( التهميش )

منطقة ..!!
غرب ( السودان ) ..!!
ووووووووووووب علينا ..
دا كلو عشان تقول ( ماما ) ..
يا حليلك يا ( خور ابو عنجة ) ..
أموت انا في ( اب كدوك ) .. واتقشقش بـ( حي الضباط ) ..
..
..
والله يا ( مفتح ) مرات بتكون عندك ( دقسات ) كدا .. انا زاتي ما بستوعبا ..
البوست دا جاني طاير بـ( الماسنجر ) ..
قالوا لي شوف صاحبك ( بيتجلع ) كيف ..!!

تم حذف المداخله اكراما للزملاء

Quote: يا اهل الخير دومة اعرفها قبل ان يظهر النت في بداية التسعينات وهي اصغر مني بكثير يا تمبس!! يعني يادوبك ممكن طمطم تقول ليها "مامي " وةالا انا حاكون "جدو" دة كلام ...

..
سلامات يا باشمهندس ..
ماما دومه اعرفها ايضا منذ سنوات عديده .. عرفتها من خلال هذه المساحة .. واعرف انها في نضارة شبابها كما أعلم جيدا روحك الجميلة التي تستمدها من عمرك الجميل .. الذي تحاول ان تصبغه بالشيخوخه .. المبكرة
ما ما دومه تعودت أن اقرن اسمها .. فهي بالنسبة لي وما وجدته منها جعلني اتوجها في مقام الوالدة . فقلبها الكبير جدا الذي يحوي كل هذا العالم .. روحها السباقة للخير - عطفها .. حنيتها .. كل ما لمسته فيها من خلال فترات وتجارب مختلفة .. يجعلني لا استطيع إلا وأن اضعها في مكان الأم .. وهذا ايضا احسه القليل في حقها ..

Quote: يجعلني لا استطيع إلا وأن اضعها في مكان الأم

تسلم وفييت وكفيت .. ا
وينك يا "ماما دومة" حتي التلفون اليوم ما بتردي عليهو دة كمان الباسورد بتاعو ضاع ...؟؟

Quote: وينك يا "ماما دومة" حتي التلفون اليوم ما بتردي عليهو دة كمان الباسورد بتاعو ضاع ...؟

الاخ العزيز ابو بكر
شكرا علي الاتصال رغم اني لم احظ به لاني غادرت الشقه حردانه من روحي الودرت الباسويرد

فوق
ما تكتبيهو في باب التلاجة
يا حبيبة سيفيهو في الموبايل

Quote: جعلني اتوجها في مقام الوالدة

يعني هسع بتقول للـ( والدة ) يا ( ماما ) .. !!
..
..
عليك الله بطل ( الهظار ) .. !!

up

Quote: قالوا لي شوف صاحبك ( بيتجلع ) كيف

هاهاهاهاهاهاهاهاااااااااااااااااااااااااااااااااااااي


والله يا مغتربين الزمن عندكم بالكوم


ويا حميده انت امسخ من الترمس

هاهاهاهاهاهاهاهاااااااااااااااااااااااا

تم حذف المداخله اكراما للزملاء

Quote: احس انها ((( خلاصة))) كل ما هو جميل فى الزمن الذى اختلت فيه الموازيين

ده الكلام الاستاذة حواء ... واكثر بكثير


لكن يا تمبس الحمد لله ما معاي اي زول في المكتب

تعرف ضحكت من كلامك مع حميده وكان جاء زول داخل

كان وداني المستشفى عديل.. الليلة الظاهر

اليوم عندكم يا ناس الرياض مرطب عشان كده شغالين

منجرة ومبسوطيين ... ربنا يديم عليكم الانبساطة

الشيخ إبراهيم
والله ممكن كان تمشي المسالة اكتر من كدا .. وكان تستمتع اكتر من كدا.. وتضحك ضحك السنين
لكن للاسف المسالة تعدت مرحلة المزحة اللطيفة .. البقدر عليها كل زول
لي مرحلة قلة الأدب ..

الاعزاء حسن الجيلي سعيد
تماضر الخنساء حمزة ( مامي دي زاته اعسل عندك )
الريس أبوجهينة
حواء سليمان ابراهيم ( لك كل التحايا يا عظيمة والمحبة )
رافت ميلاد
لنا مهدي
مصطفى محمود..
كل الشكر لكم .. وفي انتظار عودة مـاما دومه..

Quote: تقدم بما تريده في بوست منفصل .. ولك ما تتمناهـ وكن جاهز ايضا لما يقابله من اسئلة تتعلق بذكرياتك الاولى .. والمناطق التي قمت بالتجوال فيها

انت زعلت يا ( دكتور ) ..
ومالها زكرياتي ( الاولى ) ..
ذي الكنت حايم ( أم فكو ) .. في جبال ( النوبة ) ..
ولا كنت شايل لي ( زير عرقي ) .. في مستنقعات ( السافنا ) ..
الايحاءات دي ما بتحلك ..
..
..
وليه بوست منفصل ..
انا تعليقي علي ( البوست ) دا ..
زول كبير كدا .. وتجي تقول لي ( ماما ) ..
يعني معقولة بس امشيها ليك كدا ..
والله دي بتتباع بـ( قروش ) عديل ..!!
..
..
يا حليلك يا ( الموردة ) ..!!
..
..
يا جماعة ما في زول حافظ لينا اغنية ( انا امدرمان ) ..

Quote: ويا حميده انت امسخ من الترمس

يا وليد ( الشفت ) ..
ما ( مساخة ) والله .. بس في حاجات ما ( بتتبلع ) ياخي ..
سياسة ( كسير التلج ) .. اتعدت الحدود ( القانونية ) بتاعتها ..
وبقى فيها نوع من ( الاستفزاز ) ..
يعني لمن ( تمبس ) يجي يقول لينا ( ماما ) .. مفروض طوالي نرحل ( العمارات ) ..
ونوزع منشور ( اخلاء ام درمان ) .. !!

تم حذف المداخله اكراما للزملاء

Quote: يا حبيبة سيفيهو في الموبايل

لنا يا حبيبتي مامتك ops sorry امك دومه " عشان حميده دا ما يقول لي مامه دومه " ياكبيره لوووووووول " عندها موبايل كمان ؟؟؟!!! انا التلفون الثابت لو ما فيه سلك ما بكيفني
النوريكم سبب الروحه بتاعت الباسويرد .
لاقتني بيان قالت لي هاك اقري دا من سودانات قلت ليها ما بقد ر ما بتفتح معاي خالص
قالت لي امسحي الكوكزلكين باسويرداتك احفظيها
اها عندي دفتر كدي قلبتو لقيت باسويرد مكتوب عليها بورد بكري .
طوالي مسحت الكوكز اها اتاريها باسويرد قديمه ولا قدرت ادخلت سودانيات لا قدرت ارجع بيتي
اها كلفت تمبس عن طريق بيان يكتب البوست دا ورسلت لبكري لو ما الزمن كان متاخر كان لحقته بالتلفون عشان المديده ما تبرد .
وشايفه الجماعه متجدعين واخر فسح اها عشان دمي ما يحرق قفلت الكومبيوتر ومرقت علي الجيران وبعدت من مكان الكومبيوتر خالص المساء جيت قلبت الدفتر لقيت باسويرد تانيه جربتها اشتغلت دخلت .
بعد انتهيت من العشاء والشواهي والقهاوي والرياضيات وشنو وجيت بكتب لتراجي في الرد يقوم بكري من النوم لقي الرساله رسل لي باص جديد لقيت روحي تاني برا البيت.
اها حاولت افتح الرساله المسنجر قال لي ابقي مره وافتحيها.
اها عفشي مربط في السهله بكري قفلني برا المفتاح في المحفضه والمحفضه راحت.
اها كمان قوه راس مني قلت لو اصبح الواطه الا يفتح المسنجر والقي المفتاح وادخل عفشي وفعلا قنبرته لي الساعه 3 ونص صباحا اظن لما فتح المسنجر ورسلت ردي .
طبعا لاني كيشه الرد حفظته في ويرد باد لكني لقيت شكله معكوس وقلت لو ما قدرت اصمد اكتر من كدا بقفل واجي الصباح وربما استعين بخبرات تمبس
يا تمبس انت لازم تضيفني في المسنجر يا ولدي لانك من فارقتني كياشتي زادت

Quote: قالت لي امسحي الكوكز

والله إنتو احلى فردتين في الدنيا .. هي مش الحمد لله ما قالت ليك خليني اجي ( افرمط ) ليك الجهاز والله كان لحقتو ليك ( الفزعو للنبق )..

Quote: يا تمبس انت لازم تضيفني في المسنجر يا ولدي لانك من فارقتني كياشتي زادت

كدي فتشي الماسينجر بتاعك دا كويس .. غايتو آخــر مرة قبل كم شهر بتذكر اني اضفتك .. لكن بس عشان ما قاعد ادخل عشان كدا ما بنتلاقى ..
سلمي لي علي دكتورة بيان ..

فوق

Quote: ما تكتبيهو في باب التلاجة يا حبيبة سيفيهو في الموبايل

واذا الموبايل ضاع او اتسرق نعمل نحن شنو ....؟
هارون دياب

واعســل ) مستخــدم للبورد

باركوها يا جماعة

وخلونا في الخالة دوما

وبيناتكم التلفون

Quote: باركوها يا جماعة وخلونا في الخالة دوما وبيناتكم التلفون

لووول ابني الحبيب الشفت عليكم الله قولوا لي مامه دومه يا ولدي انا اي زول من هشام شيخ الدين وانت ماشي بكون امه يعني تمبس دا والله انا مامته ونص بالمناسبه الكلمه دي عندي وقعها اجمل من خاله بعدين لو في حنكشه انا الحنكوشه
حميده دا الا دافنها لي تمبس ساهي المهم لو سمعوا كلامي يمسحو الكتبوه دا الاتننين ويتقابلو يتفالعو ويتصالحو

Quote: اعمل حاسبك يا حميده وما تستعمل معاي جمل بالطريقة دي تاني

اعمل حسابي ..!!
انت الكلمة دي ( حرقتك ) ولا شنو ..
شوف يا ( حبة ) .. انت عارف المغزى من ( المداخلات) بتاعتي دي ..
ما تعمل لي فيها ( ثورة ) نفسية ..
وانت عارف ( قصدي ) كويس ..
كان ( حرقك ) .. براك الجبتو لنفسك ..
..
..
وتاني .. ( ماما يا كبير ) ..!!

تشكر يا خالد العبيد ..
ويا وليد
ومعا لعودة ما ما دومه ..

Quote: وخلونا في الخالة دوما

انت عارف يا ( وليد ) ..
مشكلة ( تمبس ) دا .. انه ( مكنته ) خفيفة ..
بتقوم بـ( نقرة ) ..
داير طوالي يكون ( ماطي ) ليك الناس .. بـ( العربي الفصيح ) ..
و يا مان .. ( نحن الخرمنا التعريفة ) .. وكان علي ( الشفتنة ) انسى بس ..!!
وبعد دا كلو .. بتاعين ( ايسكريم ) .. وبنعرف نلعب ( اتاري ) .. وبنقول يا ( ماما ) ..
..
..
عليك الله انا هسع وحسب ( مخي الصغير ) دا .. استوعب ( المتناقضات ) دي كيف ..
ويجي يقول ليك .. أعمل حسابك ..
..
..
هرشتني يا ود ( ماما ) ..!!

تم حذف المداخله اكراما للزملاء

تم حذف المداخله اكراما للزملاء .. مع كامل الاحترام

الحبيبة دوما..

عساك بخير..
طبعا لو كنتي جلابية حريفة كان يكون عندك باسوورد ريزيرف تدخلي تكملي بيهو كلامك العايزاهو. وما بيهم الباسوورد يكون بتاع راجل ولا مرا. المهم تكوني متواجدة زي الجماعة الحرفه ..

وبالمناسبة دي أهديك نكتة حلوووة:
قالو بتاعين الجوازات المزورة في نيجيريا قااعدين في المطار. الجماعة البيكونو مرحلنهم من السعودية أول ما ينزلو من الطيارة، جري على أصحابنا ديل وهاك يا مقالعة في الباسبورتات. وما عليهم إلا يختو صورهم بس.
أها صاحبنا جا لقى الباسبورتات كلها كملت. فضل وااحد بإسم "فاطمة" قام إتوكل على الخالق واشتراهو. وختا صورته ورجع للسعودية .
ناس الجوازات في السعودية قعدو ينادو في صاحبة الإسم (فاطمة ...). بعد كم مناداة صاحبنا إتذكر جوازو.. مشى قال ليهم أنا فاطمة. الضابط إتخلع. قام طوالي رد عليهو: أصلنا إحنا 11 ولد. وابوي كان نفسه في بت يسميها على أمه. قمت جيت أنا. فقام سماني فاطمة ..

يا ريت باسووردي ينفع. لكن إنتي محتاجة لباسوورد راجل ويفضل يكون جلابي بيكتب مرة مرة مش طالع للربا والتلاف زينا.. ودي الحرفنة

تمبو.. لقيتك عرفت الفولة..

ودي..

حميده وتمبس

بالمناسبة الاتنين طلعتوا صغار



راجعوا ما كتبتموه لبعضكم في هذا البوست ،

ما تغرقوا اكتر من كده
وعيب انك تثبت شخصيتك على حساب فردتك



فتكم عافية

تم حذف المداخله اكراما للزملاء .. مع كامل الاحترام

Quote: انك مولود في منطقة ما في دارفور

ابدا ما قلت ليك كلام ذي دا ..
و ما اظن ( محل ) الميلاد ليهو اي علاقة بهذا ( البوست ) ..
..
..
المهم .. وعشان تكون عندك ( المعلومة ) ..
انا مولود في ( امدرمان ) .. في مستشفى ( الدايات ) ..
يوم ( جمعة ) .. سبعة اكتوبر .. وكان في ( سنترليق ) شغال في دار الرياضة ..
طبعا ما حأقول ليك ( سنة ) كم .. عشان ما اضطرا اقول ليك يا ( ماما تمبس ) ..!!

تم حذف المداخله اكراما للزملاء .. مع كامل الاحترام

Quote: ( اربيك ) بيها .. لو هنا ولو بره المكان دا ..

تربيني يا ( تمبس ) ..
ما شاء الله ..
يا زول ( لقدام ) .. ونشوف نوع ( التربية ) بتاعتك دي ..
واذا كان كلمة ( تتجلع ) شفتها كبيرة .. واتحسست منها ..
برضو حكاية انك ( تربيني ) دي كبيرة ..
..
كونك انك تجي تقول ( تربيني ) .. تكون كدا اتجاوزت ( حدك ) بكتير ..
واديت ( انفعالك ) اكتر مما يستحق .. كالعادة يا ( طرزان ) ..
بس و للاسف .. انت ما الزول المؤهل انك ( تربيني ) ..
وهنا المشكلة يا ( حبوب ) ..
انت ممكن تفكها في ناس ( المنبر ) هنا .. وتعمل فيها عندك ( قشعريرة ) وتدق ليهم ( كاروشة ) كل شوية ..
بس نحن عايشين الواقع ( سوا ) .. وعارفين كويس .. لا ( بطولات ) ولا كاسات ( محمولة جوا ) ..
وذي ما قلنا قبل كدا مليون مرة .. اسهل حاجة انك تعمل فيها ( قريندايزر ) وتتشكل وتطلع لينا في شكل ( فولترون ) ..
..
..
لحدي هنا .. كفاية ..
وكان حرقك يا ( حبوب ) .. تعال قول ( حرقني ) ..
بس ما ( تدقس ) تاني ..
..
..

تم حذف المداخله اكراما للزملاء .. مع كامل الاحترام

تم حذف المداخله اكراما للزملاء .. مع كامل الاحترام

الأعزاء حميدة وتمبس..

يا جماعة الدنيا قبايل عيد..
والبوست مفتوح على شرف الحبيبة دوما..
والبيجمع بينكم أكبر من البيفرًق..
أنعلو الشيطان واستهدو بالله

أتمنى ألا تردو على بعض وأدو نفوسكم فرصة تهدأ..

وعيدكم سعيد..

Quote: الأعزاء حميدة وتمبس.. يا جماعة الدنيا قبايل عيد.. والبوست مفتوح على شرف الحبيبة دوما.. والبيجمع بينكم أكبر من البيفرًق.. أنعلو الشيطان واستهدو بالله أتمنى ألا تردو على بعض وأدو نفوسكم فرصة تهدأ.. وعيدكم سعيد..

. العزيزة رجــاء
كلامك على العين والراس .. وما كان في داعي لي كل ده من اساسو .. لكن الظاهر لي بعد كدا الواحد لازم يتعود مجبور على اي حاجة ما كان متعود عليها ..
تشكري يا رجاء وكل سنة وإنت بالف خير ..

تمبا سلامات..

تسلم يا باشا..
شكلك كده خلاص الجوعة حصلت..
طبعا وأنا بكتب ليك جاية من برة الشباك ريحة ما حصلت بتاعت تحمير..
الله يسامحهم ..

خلاااس فضلوا (سويعات) والعيد يجي.. تصدق أنا من أمبارح بفتش لي في فتوى عشان أفطر بيها بكرة عشان (على سفرا) لاحظ سفرا دي .. طلع وبما إنو سفري بعد الفطور مافي اي طريقة. خاصة وان السفرية زمنها ساعة وخمسة دقايق..
عقبال عندك ماشة اعيًد مع حجوج في مصر..

وكل عام والجميع بخير

وألف حمد لله على رجوع دوما..

Quote: تسلم يا باشا.. شكلك كده خلاص الجوعة حصلت.. طبعا وأنا بكتب ليك جاية من برة الشباك ريحة ما حصلت بتاعت تحمير.. الله يسامحهم

العزيزة رجــاء ..
كيفك مع العضة
تعرفي انا بقيت من الساعة اتنين تجي ما بشوف قدامي غير صحن الشية بالجمر بتاعت السودان وجمبو الشطة الحمراء بالليمون .. وجمبهم صحن بتاع ( صيـــر ) .. دي فكرة بتسيطر علي دائما من عشرين رمضان ولي جاي .. احيانا بتتطور المسالة.. وبتجيب ليها كمان .. ( شممان ) يعني كل الحاجات دي بتتحول من الذاكرة البصرية .. لي الحواس الخمسة ـ علشان كدا كلنا في الشم سوا ..

Quote: خلاااس فضلوا (سويعات) والعيد يجي.. تصدق أنا من أمبارح بفتش لي في فتوى عشان أفطر بيها بكرة عشان (على سفرا) لاحظ سفرا دي .. طلع وبما إنو سفري بعد الفطور مافي اي طريقة. خاصة وان السفرية زمنها ساعة وخمسة دقايق.. عقبال عندك ماشة اعيًد مع حجوج في مصر..

.. تعرفي يا رجــاء مرة كنت مسافر جوه السودان .. ومعاي ود خالتي ضابط شرطة والسفرية كان متعبة جدا .. والمسافة لحدي الان ما متأكد منها بتخلينا نجلد واللا ما نجلد .. المهم ـ قمت قلت ليهو كيف البرنامج ..؟ ما رد لي .. تاني كررتها ليهو .. برضو ما اشتغل بي كتير .. مشينا مسافة ساعة .. اشوف ليك صاحبي طلع الساندوتش بتاعو وقعد بعضي ـ وانا لحدي الوكت داك ماسك اعصابي .. واخلاقي .. زهجت من شكل الساندوتش .. وزهجت من انو الزول دا بتاع مغارز يعني كان يكلمني اعمل حسابي .. قلت ليهو إنت مش ادوكم قوة التحمل والواحد فيكم ممكن ما ياكل يومين وما يشرب والحاجات دي ..؟
قام اختصرني .. قال لي كان عايز تفطر اشتري فول مدمس من تحت .. لكن كان مته قدامي هنا الساندوتش دا ما بتضوقو .. وحات خوتك زعله ساكت انا ماكل لي قريب شوال بتاع فول مدمس
شوفي للضمان كدا .. شيلي معاك فول مدمس ..

تحياتي لحجوج .. وكل المعاكم .. والسلام امانة
وكل سنة وإنت بالف خير .. ومرحب بعودة ما ما دومــه ..

Quote: طيب ديل علاقتهم شنو ( بهذا البوست ) ..

علاقتهم يا ( طرزان ) ..
لمن كان الامر من باب ( الهظار ) ..
انك ( ود ام درمان ) .. الشخصية بعيدة من ناس ( ماما ) ..
..
..
تصورت جموع ( ابوعنجة ) و ( ابو كدوك ) ..
عندما يعلموا ان ( تمبس ) بقى يقول ( ماما ) ..
..
..
شفت الموضوع بسيط كيف يا ( طرزان ) ..!!

تم حذف المداخله اكراما للزملاء .. مع كامل الاحترام

Quote: منك تطول لسانك علي وتجي تقنعني انو دا هظــار

اقنعك ..!!
اقنعك ليه ..
ما عندي مشكلة انا في الحتة دي .. ممكن اجي اسمعك فارغة كدا لمن تقول ( شكرا ) ..
بس انت عارف المغزى شنو من ( المداخلة ) دي .. وما تقعد تلف وتدور وتدق لي ( زار ) هنا ..
..
..
داير تعمل فيها ( بطولات ) .. ما مشكلة برضو ..
استمتع يا عمك .. !!
بس بدون ( فلسفة ) عليك الله ..

Quote: فقام سماني فاطمة

.. فاطمه بالغ لكن يا رجــاء

Quote: يا ريت باسووردي ينفع. لكن إنتي محتاجة لباسوورد راجل ويفضل يكون جلابي بيكتب مرة مرة مش طالع للربا والتلاف زينا.. ودي الحرفنة

رمضان دخل العضم يا ابو الروور واللا شنــو شايفك بقيتي تفكي في البخرات شمال يمين


مشتاقين يا عالم عبروونا الدنيا قبايل عيد

Quote: والبيجمع بينكم أكبر من البيفرًق..

رجاء يا رجاء ..
ازيك ..
وكل سنة وانتي طيبة ياخي ..
..
..
معليش اخونا ( تمبس ) خاشي في التشكيل بتاع ( فولترون ) ..
ولزام عليه .. ان يحارب ( الاعداء والخونة ) .. ويربيهم .. ( علي حد زعمه ) ..
..
..
انسي بس يا زولة ..
مدام الناس ( اخوان ) .. حقو كل واحد يدي التاني مساحة كافية للـ( استعراض ) ..
..
..

سلام يا حميدة..

(الإستعراض) ما بناباهو لو ما في النهاية إتقلب لخربشة .

عيدك سعيد..

بالمناسبة أنا زاتي اليومين دي داخلة في دور ختييير. أهم سماته إني ما أتكلم مع الغاشي والماشي. بعد ما جاني طن عتاب من ناس زوًار للمنبر ما أعضاء من نزولي لمستوى سخيف للرد إعتذرت عنه لمن يهمهم الأمر.. ووعدت بعدم الإنزلاق مرة أخرى
وقد كان..

شفتا الوداعة دي ..


يا جماعة دوما رجعت ولا لسة..؟

Quote: بالمناسبة أنا زاتي اليومين دي داخلة في دور ختييير

الشخصية ( المنبرية ) ..
شخصية اخونا ( تمبس ) هنا في المنبر .. لابسة ( درقة ) وشايلة ( قناية ) ..
..
..
وعلينا نحن ( المتفرجين ) .. اننا نتأدب في حضرة هذا ( الكيان ) ..
..
..
والله انا زاتي ببالغ .. في زول بهظر مع ( طرزان ) ..!!

تم حذف المداخله اكراما للزملاء .. مع كامل الاحترام

Quote: وتوقف تكتب عني وتوجه كلامك بعدما وقفوني منك وإنت عارف

يا زول ما تقيف ..
وانا الداخل معاك في النقاش .. بقول ليك نهائي ما تقيف ..
وحكاية كلموني وقالوا لي وفلان ضرب لي دي .. ما بتقسم معاي يا معلم ..
واصل في البتعمل فيهو .. انا مستمتع جدا ..
..
..
شوف يا سيد علاء الدين ..
انت شخص عندك ( وهم ) نفسي .. وخاتي في رأسك انك ( مستهدف ) .. واي كلمة بتسئ ليك .. ومستعد تعمل فيها ( مجنون ) لأقل واتفه سبب .. وانا ما حأكرر ليك الكلام مرة تانية .. وليك مطلق ( الحرية ) انك تمارس ( بطولاتك ) وتعمل فيها ( طرزان ) .. بس ما علي يا ( حبة ) .. ما بستوعب ( الدراما ) دي .. ( غيرت فلمي يا حسين يا فهمي ) ..! مشكلتك معاي انه انا بعرفك كويس .. يعني ( الهضربة ) دي .. ما بتأكلك ( عيش ) معاي ..
ولحدي هنا خلاص .. ما عشان الناس ( الضربو ) ليك كـ( العادة ) ..
لكن الموضوع بقى ( سخيف ) .. واتعولقنا ذيادة عن اللزوم ..

تم حذف المداخله اكراما للزملاء .. مع كامل الاحترام

جميل يا ( طرزان )
قبل ما نشرب ( الموية ) .. انا معاك ..
كلها ربع ساعة واكون عندك ..!

Quote: بالمناسبة أنا زاتي اليومين دي داخلة في دور ختييير. أهم سماته إني ما أتكلم مع الغاشي والماشي. بعد ما جاني طن عتاب من ناس زوًار للمنبر ما أعضاء من نزولي لمستوى سخيف للرد إعتذرت عنه لمن يهمهم الأمر.. ووعدت بعدم الإنزلاق مرة أخرى وقد كان..

ايوه خليكي كده..مالك انتي ومال الجوطات؟

Quote: طبعا لو كنتي جلابية حريفة كان يكون عندك باسوورد ريزيرف تدخلي تكملي بيهو كلامك العايزاهو. وما بيهم الباسوورد يكون بتاع راجل ولا مرا. المهم تكوني متواجدة زي الجماعة الحرفه

رجويه العسل عمرك شفتي جلابي حريف ؟؟؟ ما براك شايفه الجماعه يدقونا ويخرتوا البلي but nevertheless they whine and wimp
النكته حلوه شديد
عيدكم سعيد يا لطيفه والاماني الطيبه للجميع

تمبس يا جميل;
كل سنة وإنت طيب.
إنت عارفنى طبعا من جماعة المهمشين ودارفورى برضو, لكن معزتى ل(ماما)دوما لا تحده حدود, وهى التى عاتبتنى أمى فيها.
وعلى الرغم من جغماتها وقرصاتها الإبرية أحيانا ل(لمجموعتى)فلا أرضى فيها كلو كلو!!.

فلتعد لنا بعافية وصحة طيبة.

عديها على صحبك ولا تبتئس يا صاحى!!.

Quote: يا دومة ضيعتى باسويردك هسة يقولوا خرفت وبقت حبوبة ونحنا يودونا المقابر

هوووووي اعملوا حسابكم كان عندكم تفكير زي ده

دومه.. عندي مفحضة البيلبسوها حبوباتنا زمان..أنا طوالي لابساها..ممكن اديك واحده تكتبي
فيها الباس وورد بتاعتك علشان ماتضيع

كل سنه وانتو طيبين..

منتظرين باس وردك يا دوما

وعارفه مره كلمه قالها لي دينق
قالي عارفه البيطنبروا لبيان دي كلهم مبسوطين من كلام بيان لينا
ولانهم ما بقدروا يقولوه....بيعملوا فيها مفتقدين بيان شديد.
وباين ده كلام صاح.



اليوم ضياع باس وردك كشف لينا كل الجبهات الخفيه
والعاملين دبلوماسين وبيرفضوا الشكل و الشتيمه
وهم لابدين ومتابعين تيمك انت وجني ومنير ايام عاملين فيها الثلاثي الطروب.




اها يا شباب
دوما دي ليها قرابة الاربعه اشهر ما كتبت ليها كلام مفيد
كله شتميه في اقلام دارفور و الباحثه عن الاسباب الحقيقيه للحروب.
ووصلت مرحله بقت مصادرها محمد حامد جمعه!!
اتاريها شايله وش القباحه عنكم....كثر خيرك يا دوما الشجاعه باقي الناس دي
عاملين ظرفاء وهم كلهم جهوين....وهم نفسهم يقولوا كلام زي كلامك وما قادرين.


اها بركه الراح الباس ورد عشان نعرف الناس دي على حقيقيتها.

يلا يا بكري رجع ليها الباس ورد كفايه الانكشف.....


تمبس....طبعا فاقدك شديد ما بيلعب معاك في نفس التيم.


ويا رجاء العباسي الهضربه عليك شنو؟؟؟؟
ثاني اتشوبري!!
وقلت لي المطاعنات حقت منو؟؟؟؟؟
كدي فتشي روحك......قال الكلمه ما قادره استحضرها
اها الكلمه الماقدرتي تسحضريها دي بقول لك انت قاعده تمثلي فيها هنا بحركات دي.

Quote: تمبس....طبعا فاقدك شديد ما بيلعب معاك في نفس التيم.

عارفه يا مهمشــة ..
ماما دومه دي من اللحظات النادرة جدا اني اشوفه فتحت ليها بوست .. وبعدما بقت تفتح بوستات .. عرفت انو طفح بيها الكيل زي كتيرين هنا ..
أما مسالة اني اللعب معاها .. والله أنا لو بقيت في مستوى تفكيره دا وعندي لسان حجه وفهم زيها كدا .. كان عملت لي مركز دراســات براي الله ورقبتي .. ما زي بتاع صاحبك المشبقاتي داك ..
لكن انا من ضمن الحيران بتاعين ماما دومه وبتعجبني لعبته الحلوة دائما ..
وبتعجبني كيف بتقعد الوهم في علبهم بالذات العاملين فيها بتاعين اي حاجة ديل ..
حسع الله بسالك .. رجــاء دي هبشتك ..؟
يعني إلا تستعدي الناس حتين تعملي فيها مقاتلة ..
والمشكلة كان جو ادوك في راسك الكبير دا .. تقوم تسبي .. وتدقي جرسك بتاع الحلبه دا .. وهبشوني وعملو لي واللحقني يا الأميــر الكوشي ..

Quote: وعارفه مره كلمه قال لي دينق قالي عارفه البيطنبورا لبيان دي كلهم مبسوطين من كلام بين لينا ولانهم ما بقدروا يقولوه....بيعملوا فيها مفتقدين بيان شديد. وباين ده كلام صاح. اليوم ضياع باس وردك كش لينا كل البجبهات الخفيه والعاملين دبولماسين وبيرفضوا الشكل و الشتيمه وهم لابدين ومتابعين تيمك انت وجني ومنير ايام عاملين فيها الثلاثي الطروب. اها يا شباب دوما دي ليها قاربة الاربعه اشهر ما كتبت ليها كلام مفيد كله شتميه في اقلام درافور و الباحثه عن الاسباب الحقيقيه للحروب. ووصلت مرحله بقت مصادرها محمد حامد جمعه!! اتاريها شايله وش القباحه عنكم....كثر خيرك يا دوما الشجاعه باقي الناس دي عاملين ظرفاء وهم كلهم جهوين....وهم نفسهم يقولوا كلام زي كلامك وما قادرين.

تعالي يا اختي انت بتجيبوا حبوب قوه العين دي من وين ؟؟؟ : o
غايتو انا عارفه اسم الشركه المصنعه الاصليه لكنها تصنع ادويه فاسده لا نتعاطاها
وحياه الخوه والموده البينا اي مرايه معمشه عندك عايني فيها وخليك ولو مره عندك كريدابلتي وقولي لينا الكلام دا بنطبق علي منو ؟؟؟

Quote: اها بركه الراح الباس ورد عشان نعرف الناس دي على حقيقيتها. يلا يا بكري رجع ليها الباس ورد كفايه الانكشف.....

عايتو دي يا زميله بالغت فيها
تقصدي انه الناس كان تجي وتقول بر كه الودرت ياسويردها واتربست برا ؟؟؟!!
ولا تقاطع البوست ما تجئ عشان يكون استفتاء لجماعتكم انه دومه معزوله ؟؟؟؟!!
وتقشري انت وجماعتك بهدوم العيد وتقسموا الكعك والحلوي
النبي ترسلي لي فهامه كنديه

Quote: هسة يقولوا خرفت وبقت حبوبة

Quote: هوووووي اعملوا حسابكم كان عندكم تفكير زي ده

والله يا منى تعليقك دا بالغتي فيهو ..
غايتو ما باقي ليك إلا تضيعي الباص وورد حقك

Quote: هوووووي اعملوا حسابكم كان عندكم تفكير زي ده دومه.. عندي مفحضة البيلبسوها حبوباتنا زمان..أنا طوالي لابساها..ممكن اديك واحده تكتبي فيها الباس وورد بتاعتك علشان ماتضيع

لووووول يعني انت مفكره بس يا مني الروح
انا بعملها في اليوم 20 مره انا زوله chaotic خلقت كدا . لما دخلت المدرسه ضيعت جزمه الباتا تلاته مرات في تلات ايام متتاليه اليوم التالت امي ساقتني قدامها حفيانه للمدرسه وجلدت هناك شر جلده لكين برضو ما تبت .
كدي غايتو رسلي 5 محافض لزو م روحتن هن زاتن . والمؤسف جدا اني اورثت اتنين من اولادي هذه الصفه المتعبه جارتانا قالت لي يوم ولدك دا بروح في عضم رقبتو .

Quote: وهى التى عاتبتنى أمى فيها.

Quote: فلا أرضى فيها كلو كلو!!.

صديقي العزيز وأخوي ابو القاســم ..
لحدي الان بتذكر البوست الشهير .. للسيدة الوالده .. وقرصت ما ما دومه ليك في اضانك .. من اجمل البوستات القريتها في البورد هنا واكثرها انسانية .. بتذكر اليوم داك يا ابو القاسم مشيت اتصلت علي الحاجة بي مية ريال طبعا الكلام دا ما قلتو ليك .. لكن اكون طالبك مية ريال بالجنيه القديم

Quote: فلتعد لنا بعافية وصحة طيبة. عديها على صحبك ولا تبتئس يا صاحى!!.

.. مافي مشكلة يا صاحب .. كلو بيعدي ..
ما ما دومــه شرفت وشايفه جدعت ليها كلمتين واتخارجت .. اها خلي المجموعة تشد حيله الايامات دي .. ماما دومه لياقته فــل ..

دوما خصم عنيد جدا إمرأة واعية ومتفتحة ومثقفة وواثقة من نفسها
ومتمكنة من اللغة الإنجليزية ولا تعرف الفجور في الخصومة
بس لولا مطاعناتها باللهجة الشمالية المتمكنة منها علي طريقة جني

يا بكري أخر باسووردها عشان نتجدع شوية...

Quote: دوما خصم عنيد جدا إمرأة واعية ومتفتحة ومثقفة وواثقة من نفسها ومتمكنة من اللغة الإنجليزية ولا تعرف الفجور في الخصومة بس لولا مطاعناتها باللهجة الشمالية المتمكنة منها علي طريقة جني

.. كويس يا ادروب مونك تقول كلام زي دا .. فإنت ماشي في الخط السليم .. ومعناته جرعات ما ما دومه نفعت معاك ..
حمد الله على السلامة رجعت ماما دومه .. وابقى مارق بس .. علشان تاخد على راسك.

Quote: يا بكري أخر باسووردها عشان نتجدع شوية...

لوووووول ادروب عسل والله ضحكت شديد لما شفت تعليقك دا
يا تجدعه ما تمتش

Quote: يا بكري أخر باسووردها عشان نتجدع شوية...

ولا المديدة تبرد كمان!!.

خفت أقول كدا تمبس يخلى الشكلة ديكا ويمسك بخناقى.
سلام دكتور أدروب

Quote: ولا المديدة تبرد كمان!!.

لوووووول عبدو ابني الحبيب ويا "مديده ما برتدش"
جماعتك فكو البيرق المديده حاره شد يد
ما قالوا نوبه

Quote: ولا المديدة تبرد كمان!!. خفت أقول كدا تمبس يخلى الشكلة ديكا ويمسك بخناقى.

..تبرد وين يا ابو القاسم ..
يادوبك كدا نزلناها من النــار .. .. يازول قول العايز تقولو ما عندك اي عطله .. لو عندك شكلة او عندك اي زول زهجان منو .. بس اشر لي واطلع منها أخوك رقبتو سداده

اولا حاجة
فوق وUp وعم خال وجد لحدي باسورد الخالة دوما يرجع
عارفين مرة جيت المنبر دا وسمعت تحت تحت كدا قالوا في سرقة باسوردات حمانا الله
اها قمت سويت لي باسورد وكربتو بي سلبة من النوع ابو كديس
باسورد صعب صعب
مرات انساه الى اشرب لي كباية شاي واحك راسي
بعدين اتذكروا
هسه انا خايف تبقى علي البقت علي خالتي دوما
يجي يوم زي دا وترمس شاي ما تجيبوا
يا بكري عليك الله زي باسوردي دا شفت زيو


الاحباب
حميدة روق
تامبا طول بالك

Quote: عارفين مرة جيت المنبر دا وسمعت تحت تحت كدا قالوا في سرقة باسوردات حمانا الله اها قمت سويت لي باسورد وكربتو بي سلبة من النوع ابو كديس

لوول يا الامين ولدي انت عارف دا برضو
one of these scare alerts that made me to change my password quite often.

Quote: الاحباب حميدة روق تامبا طول بالك

.. يا ابو الأمين .. ربنا يدينا طول البــال .. كلما الواحد يمسك نفسو .. بيلقى نفسو غلط .. وكلما تتجاوز، غصبا عنك تقع في فخ المستنقع ..
شكرا يا الامين وعلى العين والراس ..

العزيز تمبس
رمضان كريم

Quote: ( مــاما دومه ) يــــا ( بكري أبوبكـــــر ) .

انا قايل إسمها نزل فى كشف الترقيات,اتاريهو كشف المعاشات

------------
العودة السريعه لدومه وباسرع ما يمكن ,ده لو الصين فيها حصبن

شكرا من الاعماق لكل الاحبه وجاياكم فردا فردا ولووول ا اولكم ادروب لاننا نولي اهل الهامش جل اهتمامنا ونؤثرهم علي انفسنا لو كانوا يعلمون .
بس النسوي القهوه للراجل واجيكم .

شفته يا دوما الواسطات كيف؟؟
بالله كلها ساعات وباس ورد دومه يرجع!!وجع شغل نضيف وناس مركز وناس هامش

بالله مره في حراميه سرقوا كمبيوتر الكاشف اخوي (محمد سليمان)
فضلنا نطالب شهرين بكري عمل فيها اضان الحامل طرشاء.



وابو عسل الاديب الاريب برضوا قلنا باس ورده يا بكري
وبكري مطنش اظنه لليوم الكلام ده ليه 6 شهور!!
وكلام يا عوض دكام

وتجي دوما تقول لك كلنا مهمشين
اها يا دوما هديتي لك مقال رهيب للباقر العفيف تابعيه معاي عن انواع التهميش واشكاله
وكيفيته(يعني باختصار قال لكم التهميش خشم بيوت)

Quote: دوما خصم عنيد جدا إمرأة واعية ومتفتحة ومثقفة وواثقة من نفسها ومتمكنة من اللغة الإنجليزية ولا تعرف الفجور في الخصومة بس لولا مطاعناتها باللهجة الشمالية المتمكنة منها علي طريقة جني

اها كان للتمكن كمان قالوا متمكنه من الالمانيه ايضا
عارف يا ادروب تكون مشتركه ليها في كم منبر الماني منشفه لك ريقهم بهناك برضو

وكونها مثقفه نعم
ومتفتحه نعم
الا راسها عترس في موضوع شايقيه وجعلين دي وبقت تنضم نضمي ما بيشبه وعيها
ومصره ان هنالك من يتربص بهم عرقيا,ويازول ده كلام كثير بنكمله بهناك في بوستات النزال.




دوما انسانه
وطيبه
وعلمانيه اصيليه
وجندريه درجه اولى.


الا شايقيه اولا وآخير.
وهويتها العرقيه تمكنت منها
وبقت مجهجه خطابها كله.انصحها ان تنتبه لكتاباتها الاخيره.
فلم تعد هي دوما التي عرفتها المنابر سابقا.
والله العظيم يا دوما هذه ليست شهادتي بل شهادت آخرين
يقرأون لك هنا ولا يعلقون رغم امتلاكم لعضويه بهذا المنبر.

كلام تراجي ده ما يفوت ساي:

Quote: وكونها مثقفه نعم ومتفتحه نعم الا راسها عترس في موضوع شايقيه وجعلين دي وبقت تنضم نضمي ما بيشبه وعيها ومصره ان هنالك من يتربص بهم عرقيا,ويازول ده كلام كثير بنكمله بهناك في بوستات النزال. دوما انسانه وطيبه وعلمانيه اصيليه وجندريه درجه اولى. الا شايقيه اولا وآخير. وهويتها العرقيه تمكنت منها وبقت مجهجه خطابها كله.انصحها ان تنتبه لكتاباتها الاخيره. فلم تعد هي دوما التي عرفتها المنابر سابقا. والله العظيم يا دوما هذه ليست شهادتي بل شهادت آخرين يقرون لك هنا ولا يعلقون رغم امتلاكم لعضويه بهذا المنبر

عسل بس!

مرحبا بعودة الناطقة الرسمية لجلابة المنبر ... دوما

Quote: مرحبا بعودة الناطقة الرسمية لجلابة المنبر ... دوما

تانى جاب سيرة البحر

Quote: مرحبا بعودة الناطقة الرسمية لجلابة المنبر ... دوما

شكرا يا صديقي اللدود
انا ناطقه باسم مهمشي الجلابه مثلما انت ناطق باسم مهمشي دارفور وما فيش حد احسن من حد

Quote: مرحبا بعودة الناطقة الرسمية لجلابة المنبر ... دوما

يا استيف ..:
كويس انك بقيت تجي جاري جري ورى الجلابة .. وتفتش ليهم ..
غايتو من هنا لي عيد الضحية البشوفك اتشلخته درب الطير ما كضب ..
وتقول لي برضو كنت في الأمن ..؟
والله تتابعنا نطير ليك الأمن دا من راسك ..
يا بتاع الموطر ..

Quote: كلام تراجي ده ما يفوت ساي: Quote: وكونها مثقفه نعم ومتفتحه نعم الا راسها عترس في موضوع شايقيه وجعلين دي وبقت تنضم نضمي ما بيشبه وعيها ومصره ان هنالك من يتربص بهم عرقيا,ويازول ده كلام كثير بنكمله بهناك في بوستات النزال. دوما انسانه وطيبه وعلمانيه اصيليه وجندريه درجه اولى. الا شايقيه اولا وآخير. وهويتها العرقيه تمكنت منها وبقت مجهجه خطابها كله.انصحها ان تنتبه لكتاباتها الاخيره. فلم تعد هي دوما التي عرفتها المنابر سابقا. والله العظيم يا دوما هذه ليست شهادتي بل شهادت آخرين يقرون لك هنا ولا يعلقون رغم امتلاكم لعضويه بهذا المنبر عسل بس!

شكرا خالد علي الزياره و اكيد كلام تراجي ما ح يمر ساكت لانه فيه كلام كتتتتتير لازم اعلق عليه واقوم بتوضيح ما التبس عليها وعلي الناس .
اولا الثقافه بالشرق انا بالغرب دا اول شئ . هو انا لو بقيت مثقفه كان فيكم زول كتب معاي في البورد دا تاني
احمدوا ربكم اني الزول الوحيد الما مثقف هنا ..
اما الشئ الوحيد البتميز بيهو هو القراءه الصحيحه وفهم الكلام في بطن سيدو .
كتابات عبد المنعم سليمان شبق نساء الجلابه وبحثهالسكواتشكلي whatever that might be عن قبيلتي الجعليين والشوايقه كتابات عنصريه محطه لانسانيتنا وليست كتابات تاريخيه او بحث علمي كما يدعي صاحبها رجا ءخاص ما عايزه اي كلام وتبريرات عاطفيه يا تراجي عبد المنعم طرح كتاباته في اطار ثوره اهل دارفور وهكذا نحاسبها وهو باحث في معهد الدراسات السود انيه المعاصر كما يقول اي انه يكتب كتابات ستكون مراجع لمن يبحث في تارخ السودان يكتب لاجيال دارفور علي وجه الخصوص . اي انه منظر من طراز ادولف هتلر .
عارف يا تراجي انا قلت ليك انت ما امينه والانسان مما يكون عنده دبل ا ستاندرد الانتقرتي بتاعتو بتكون ذرتها الرياح بابح يعني من الغرائب كتب عبد المنعم في دراسته الاخيره السكواتشكلي ما يلي

Quote: ومن اكسوم الحبشية التي ينتهي إليها قومية البجا يعتقد أن طبقة منبوذة ضمن تراتيبية المجتمع الاكسومي طردت قريبا إلى نهر النيل شمال ملتقى الأنهر ومنها أوائل أعراق الجعلية والشاقية والفلاشا وتعرف الأخيرة أيضا باليهود السود والرواية التي تقول إنها هاجرت من هضاب جالا ترويها ثقافة هذه العراق . والثلاثة الأخيرة أبناء عم بالرغم من سمات عربية وتأصيل عربي لبعضها وتعرف بأنها بطون يهودية ضلت في إفريقيا غير أن اليهودي بعلاقة هؤلاء ليست ذات أدلة قطعية حتى فيما يتعلق بالفلاشا .كون أن الأعراق السودانية شمال ملتقى الأنهر ضمن الطبقات المنبوذة في المجتمع الاكسومي تدل شكل تكوينها غرابة أخلاقها غير السوي لكن لا دليل على كونها يهودية ضلت . وسكن الاثنان جعلية والشياقية ضفاف النهر وخالطت أعراق سودانية أصلية كالدينكا والنوبة والفور. وأخرى مهاجرة عربية. وساهمت مملكة الفور في السودان الغربي إدخالها الإسلام ونشر قيم الإنسانية وسطها ودرجتها إلى مستوى حضاري راقي.

ولم تنبث المناضله تراجي ببنت شفه كما يقولون . لوووووووول طبعا صديقك شبقبق يا تراجي بعد ان افتي في امر غرابه اخلاقنا غير السويه جر واطي ونفي انتماءنا لليهود . لول ما قلتو نوبه .
ثم يستطرد البحاثه وهو ينقض ما غزله في المقال اعلاه عن قبيلتي الجعليين والشوايقه ويتحفنا ببحث جديد عن اصلهم

Quote: من خلف الصبي يجب ان لا يفهم ان ثمة صلة بين السكان السودانيين موضع الدراسة في الشرق والشماليين النيليين اشار اليه المركز ، فالبجا قوم اهل حضارة ونظام اجتماعي عريق ، ولهم من الكتاب الموثوقين الذين وضعوا بين ايدينا كتب قيمة عن نشؤ وتطور حضارة البجا . كما انه ليس كثير المصادر التي بين ايدينا ما يثبت الادعاء بنزوح سكان النيل الشماليين من هضبة الحبشة عبر التاريخ ، وفي اول القرن التاسع عشر حين هرب نمر الفار في حادثة (متمة) السودان مع الترك المتمصريين ذكر انهم ارادوا العودة الى (متمة) الحبشة حيث نزح اجدادهم الاؤائل( نعود من حيث اتي اجدادنا). الجلابة الحاليين هم خليط بقايا من تجار الرقيق المرسلين من مصر ليكونوا الجالية نخاسية في السودان ويفتقرون الى حضارة واى نظام اجتماعى، و هناك من المؤكدات ان فئة الجلابة الشمالين نتاج تناسلي غير مشروع للوجود التركى فى السودان كونهم من سلالات جنود الترك ابان الغزو التركى المصرى الاول.وفي حقيقة الامر اننا نواجة مشقات ليست صغيرة حول تحديت هوية الجلابة وماضيهم في بلادنا ، وهي مسالة مؤرقة بالنسبة لنا بلا شك واغلب الظن ان (اللقط )فيهم هى جزور الهوية الاساسية لهذه الفئة. لكن هذه النقطة بتعريف عرقيتي (الشيقي والجعليين) . تضحى اكثر ايضاحا من الخلط غير المتعمد وغير المحقق منه الذي كثرت الاحاديث فيها بينهم وبين نوبة البربر في الشمال الاقصى 180 قرية في السودان من اصل 260 قرية موزعة بين السودان ومصر .

ويتواصل صمت ثوار دارفور ازاء ترهات منظرهم الخطير

فجأه تطل المناضله تراجي وتلفت نظر المنظر الخطير

Quote: لاخ عبد المنعم تحياتي Quote: قبيلة الخاسا البجاوية يتكلم أفرادها التقرية وهم بعكس الرعاة البدو الآخرين قوم أهل فلاحة . عندما نقول..يا صديقي كلمة دراسات لا يكف يالجديه و النيه وانما لا بد من ذكر مصادر جمع المعلومات وطرق جمعها. ساعود بمداخله واضحه متى ما تسنى لي الوقت. لكن تصحيح على الطائر كده لا توجد قبيله اسمها (الخاسا) هو اسم لتقليل من شأن قبيلة النني عامر و الحباب يعني شتيمه فهل تمارس انت الشتم تجاه اخوتك المهمشين من قبائل البني عامر و الحباب؟؟؟

لمجرد ان منعم استعمل كلمه تعتبرinsensitive لقبيله البني عامر والحباب اما ما يكتبه عن االلقطاء لا يهم منعم مفكر وجرئ . ثم يطبز شبقبق مره اخري .

Quote: : استنادا على الدراسة التي أعدها مركز دراسات السودان المعاصر حول التكوين السكواتشكلي (الثقافي الاجتماعي للسودان) في مقدمة دراسة له عن احتمالية ( أربعة مستقبلات سودانية ) فان الإقليم الشرقي يتكون من خمس قطاعات اجتماعية رئيسية ويبلغ تعدادهم . والقضارفة 87% .والبجا 6 % .والعربان البدو 4 % . والحلفاوينون 2 % .وجاليات شرقية 1% . ويمثل الغرابة منهم القضارفة المهاجرين عبر التاريخ من أقاليم غرب السودان غالبية سكان الإقليم الشرقي . وهم خليط من بقارة غرابة وسكان مهاجرة من غرب إفريقيا يسكنون حول مديرية القضارف بشكل رئيسي وهكذا جاء الاسم .وكذالك بالمديريات الأخرى وحلفا الصغيرة . لكنهم ينتشرون في كل المدن والمديريات الأخرى بالإقليم . ما هذا الإفتراء والإدعاء الفطير يا منعم؟؟!!! هل تريد أن تحرق أوراقك ولم تنهي بعد معركتك في دارفور؟! أم ذاد كرمنا وهونا عليك وظننتنا بهذه السهولة؟!!!!!! أنتظر إجابتك!

فتم لفت نظره من ابن الشرق البار ادروب .
ونحن اهل الشمال الشايقيه والجعليين اللقطاء ما علينا الا السمع والا نطمام .
ممكن تورونا ميزانكم دا شكلو كيف ؟؟؟ وعدلكم دا نوعو شنو يا ستي تراجي ؟؟؟
ومنعمك هذا لم يترك معاشرتنا للدواب ولا انحدارنا من يهوذا بن الشيطان ولا عنه رجالنا ولا شبق نساءنا وانتم صامتون لا تنهونه عن سوء فعله ولو همسا . هل صادف في انفسكم هوي يا تراجي فطفقتم تهللون له وتشدون من ازره ؟؟؟
حكايه هويتي العرقيه تمكنت مني دي حكايه تضحك الغنمايه والله . اهلي بقولوا الما عندو لسان فقري وفلسان
يا ست تراجي الناس الشهدوا ديل الا شهود زور .
كانت دومه قبلك يا تراجي بهذا المنبر ومنبر مجاور سودان نت سيبك من الناس البعرفوا دومه في ارض الواقع . هل عرف عني التحدث باسم قبيلتي قبل ظهورك يا البهرني نورك ؟؟وظهور شلتك العنصريه الجهويه من امثال محمد سليمان وعبد المنعم سليمان ومن لف لفهم ؟؟؟
؟ هل كانت القبليه مشروعنا ام الجهويه مشروعنا يا ست تراجي ؟
؟ لا وترليون لا انا مشروعي وحلمي وايماني هو انسان السودان في المقام الاول مجرد كدا من غير لون من غير عرق من غير لغه من غير جهه من غير دين .
وثانيا الانسان المظلوم وحقه مهضوم لو في فلسطين لو في بوسنيا لو في ميانمار لو في فاس الما وراها ناس .
الانسان يا تراجي عربي يهودي افريقي انجلو ساكسوني اسيوي .
دحين شوفوا جاي يا ثوار دارفور والحاضر يكلم الغائب ا ادونا رايكم في كلام زولكم دا ولا قولوا لينا انه مختل العقل وليس علي المريض من حرج.
. تراجي انا بكتب بلوحه مفاتيح انجليزيه وقديمه و وتعبانه وما بعرف اكتب وبطبع بي اصبع واحد واسه نعست وروحي قربت تمرق بجيك باكر ان الله مد في العمر وان كمان مت فلا تبهتوني واذكروا محاسن موتاكم .

Quote: كلام تراجي ده ما يفوت ساي:

ليه ما يفوت ساي يا حرامي النت ..؟
تراجي دي سياسية واللا خريجة ..؟
واللا يعني عشان قاعد تغتغت ليك لما تسرق ..؟
يا تراجي .. الحرامي دا قال كلامك ما يمر ساكت .. عندك تعليق واللا نودي ليك ولدك دا الماسورة ..؟

Quote: بالله مره في حراميه سرقوا كمبيوتر الكاشف اخوي (محمد سليمان) فضلنا نطالب شهرين بكري عمل فيها اضان الحامل طرشاء.

دا حرامي مستجد يسرق ليهو كومبيوتر كله افكار عنصريه جهويه هدامه .
دا كومبيوتر جريمه يا ست تراجي حقوا تتخلصوا منه ومن الكاشف

Quote: وتجي دوما تقول لك كلنا مهمشين اها يا دوما هديتي لك مقال رهيب للباقر العفيف تابعيه معاي عن انواع التهميش واشكاله وكيفيته(يعني باختصار قال لكم التهميش خشم بيوت)

يا اختي الفي البر عوام والجمره بتحرق الواطيها والعندو العيش بضر ي
ادوني تهميشكم دا وهاكم جلابيتي

Quote: نا قايل إسمها نزل فى كشف الترقيات,اتاريهو كشف المعاشات

العزيز محمد مكي محمد
عارف انا كنت جاياك في موضوع كوش بهناك لكن سرعه الاحدجاث لم تمهلني ولكن تكثفت الجهود واستجاب الريس في سابقه غير مشهوده باعاده سيادتنا مع كافه التعويضات والمخصصات مما اثار حسد الاعدقاء دي لقطتها من سودانفور اول وتم اعاده سيادتنا ونطمئن جميع المواطنيين الاحرار بان الحرب علي اوباش ( اموت واعرف معني كلمه اوباش دي ) العنصريين بقياده تراجي واخيها الكاشف ستستمر وثوره حتي النصر لسودان العدل والمساواه وفصل الدين عن الدوله .
لا للجهويه لا للعنصريه لا للدوله الدينيه .

Quote: الاعدقاء

Quote: انا قايل إسمها نزل فى كشف الترقيات,اتاريهو كشف المعاشات ------------ العودة السريعه لدومه وباسرع ما يمكن ,ده لو الصين فيها حصبن

العزيز محمد مكي ..
والله لو ترقيات بكري دي شغاله .. ماما دومه دي حقو يدوهــا صول عديل كدا

دومه العزيزة...

مرحب بعودتك الحميدة.. وكل سنة وأنت وكل المتداخلين في هذا البوست العسل بخير وألف صحة وعافية...

والسنة الجاية إن شاء الله نتقابل في بحري..(يا ربي بحري من مدن المركز أم الهامش؟؟)

حباب عقاب الزينيين
حباب كمال كرار
وناس بحري الجميله أتمني لقياكم والله
نازله البلد قريب ممكن ننسق

دوما حمد الله علي السلامة..
قلت لي يا تراجي بكري شهرين صاني أدانه
لا حول ولا قوة!
وبعد ده يقولوا ليك ما في تهميش

Quote: اها كان للتمكن كمان قالوا متمكنه من الالمانيه ايضا

بالله حتي الألمانية?
ما شاء الله..
أنا أقول من وين معلوماتها التفصيلية عن هتلر وكتابه "Mein Kampf"
الخوف تخطط بطريقة هتلر لهيمنة الشايقية كما يفعل منعم

Quote: ولا المديدة تبرد كمان!!.

الحبيب أبوالقاسم شفت مرات مواقف رفقاء السلاح بتعمل شنو والله بتدخل الواحد في إحباطات ما عادية لكن ما عليك نحن إكتسبنا مناعة وصاحين للون كويس وما بنخلط الكيمان ومنطلقاتنا ثابتة

خالد الطيب ومحمد سليمان وصلوا
يتاوقوا ساااكت من قبيل

وتراجى إتحزمت ..

أها يا حبوبة دومة الجماعة بكونوا نزلوا الرزيرف كلو
أشربى ليك زاااتك كباية قهوة

حاجزين بلكونة

يا رييت تتلفتوا كلكم كويس وتسيبوا ضل الفيل ...

مودة حيرانة

Quote: خالد الطيب ومحمد سليمان وصلوا يتاوقوا ساااكت من قبيل وتراجى إتحزمت .. أها يا حبوبة دومة الجماعة بكونوا نزلوا الرزيرف كلو أشربى ليك زاااتك كباية قهوة

LOL Bro Raafat

I'm waiting for the Dream Team . Sister Tragie has already spearheaded the attack
by making vague comments and false allegations against me . I won't let her off the hook unless she presents a substantiated case that am a tribalist

[سوري

Quote: نا أقول من وين معلوماتها التفصيلية عن هتلر وكتابه "Mein Kampf" الخوف تخطط بطريقة هتلر لهيمنة الشايقية كما يفعل منعم

ادروب البركه يا ولدي في الاعتراف الضمني دا انه منعم يخطط بطريقه هتلر .

Quote: الحبيب أبوالقاسم شفت مرات مواقف رفقاء السلاح بتعمل شنو والله بتدخل الواحد في إحباطات ما عادية

شفت يا ادروب الاحباط السببه ليك رفيق السلاح ارفعه للقوه مليون ويكون كميه الاحباط الذي اصابنا جراء الخطاب الجهوي العنصري لشلتكم

حمدا لله علي سلامة دومة
لكن يافرد يبدو انه
الصيام دخل العظم
وغلب الهلال البي الكوم ده كمان
ضيق اخلاقكم

الله يدي العافية بس !!!!!!

Quote: لكن يافرد يبدو انه الصيام دخل العظم

. يا ابو الطــا
والله من ناحية الصيام دخل العضم دي ما اظنها ... غايتو رمضان دا كان مطوهو شهرين كدا .. بنجيهو ليك .. بس لازم يكون في مزه في النص
المشكلة ما في غلب الهلال يا فرده .. المسالة وما فيها انها جابت ليها حركات جديدة .. برنامج جديد كدا ما عارفنو شنو لحدي الآن ..

Quote: وعارفه مره كلمه قال لي دينق قالي عارفه البيطنبورا لبيان دي كلهم مبسوطين من كلام بين لينا ولانهم ما بقدروا يقولوه....بيعملوا فيها مفتقدين بيان شديد. وباين ده كلام صاح.

تراجي
والله أنا زعيم طمبارة د بيان
لكن كلامك دا ما فهمتوا
ما عارف هل فيهوا غلط كتابي
ولاعقلي ما قادر يستوعبو
ولا شان بجاوي العربي صعب علي شوية
ولا جعان
ولا شنوا ما عارف
ألحقيني وأنجديني يا تراجي

شكرا بكري

ومرحب بدومة

شكرا تمبسنا

Quote: شكرا بكري ومرحب بدومة شكرا تمبسنا

تشكر يا استاذنا حيدر ..
وشكرا لبكري .. ولما مام دومه على وجوده بيناتنا ..

Quote: تراجي والله أنا زعيم طمبارة د بيان لكن كلامك دا ما فهمتوا ما عارف هل فيهوا غلط كتابي ولاعقلي ما قادر يستوعبو ولا شان بجاوي العربي صعب علي شوية ولا جعان ولا شنوا ما عارف ألحقيني وأنجديني يا تراجي

مرحب بزعيم طمباره بيان
يا صديق الصديقه بيان
الغلط في استنتاجات الصديقه تراجي
> ذات العقل والبصر والسمع الجهوي العنصري .
My dear Friend

This kind of vague accusations, flimsy expressions are exactly meant that you ask yourself these questions , to demoralize you to intimidate you so that you go on the defensive or keep shut up in both cases your attacker is the winner, so be careful and watch out for such traps

الأخ الفاضل
Ahmed musa

الشبك دي كلها ما بقدر عليها وتقديرنا للجميع
بس عايز أترجم ليك ممكن ..... حتى نستمتع بمداخلاتك

Quote: وعارفه مره كلمه قال لي دينق قالي عارفه البيطنبورا لبيان دي كلهم مبسوطين من كلام بين لينا ولانهم ما بقدروا يقولوه....بيعملوا فيها مفتقدين بيان شديد. وباين ده كلام صاح.

هل تدرين، بأنه ذات مرة من المرات هنالك كلمة قد قالها لي دينق.
فقد قال لي: هل تدرين أن الذين يمدحون بيان هذه شعراً، كلهم مبتهجون من حديث بيان إلينا
ولأنهم لا يستطيعون أن يقولون مثل حديثها .... يدعون فيها إفتقادهم لبيان بشدة.
ويبدو أن هذا الرأي عنهم هو السديد.
==================================

تمبس يا مقنع قفاي حقك علي

احبك بتضحك و احبك عبوس

وفي عزه جبالك بترك الشموس

أنا جيت في الوقت الضايع ولا شنو؟
وهو كان إيه الحصل؟
هو في إيه يا جدعان

والله ماما دومة (الركبها ليك تمبس دي)
زولة لطيفة وزي العسل بس
وبحبها لله في لله
مبسوطة أن حضرت
محبتي

غادة

مرحب يا دوما
والجاتك فى باسووردك سامحتك

دة اجمل بوست يمر على سودانيز اونلاين في التلتين سنة الاخيرة
فروت كوكتيل
فيهو سياسة وتاريخ وادب وعنصرية وسلوك واجتماعيات (دة كوم)
وتعليقات احمد موسى ورأفت ميلاد (كوم تاني)
وكل اللطافة الفيهو دي (رغم النقاش الجرى بين تمبس وحميدة) اظنها
مستمدة من روح المحتفى بعودة باصووردها العزيزة دومه

حمدا لله ع السلامة العزيزة دوما
وتمبس دوماً هكذا ما شاء الله

الحببه ابنتي شيماء
اسعدني جدا مرورك
وتسلم روحك الحلوه يا ظريفه

Quote: حمدا لله ع السلامة العزيزة دوما وتمبس دوماً هكذا ما شاء الله

العزيزة جدا شيما ..
كيفك ..؟
شكرا على الاطراء دا .. وفعلا البوست جميل بالناس الفيهو .. وما ما دومه تستاهل كل خير بي روحه الخفيفه ولسانه الطاعم ..
طبعا فكرتي الاساسية كانت عرض البوست بي طريقة جاذبة لي كل الناس .. ولي بكري ابوبكر شخصيا ..
حمد الله الف على السلامة لعودة ماما دومه
وتعيش ما ما دومه الجابتك مع الناس الحلوين ديل ..

Quote: والله ماما دومة (الركبها ليك تمبس دي) زولة لطيفة وزي العسل بس وبحبها لله في لله مبسوطة أن حضرت

القلوب شواهد يا حبيبه مامه دوما

Quote: أنا جيت في الوقت الضايع ولا شنو؟ وهو كان إيه الحصل؟ هو في إيه يا جدعان

... وين يا غــاده ؟
والله اتاخرتي حبتين .. لكن الخير راقد ..
وما ما دومه ما بتقصر معاك بتلقي الفيها النصيب
ابقي داخله وكتري من ساندوتشات الطعمية بتاعت المرة الفاتت

Quote: تمبس يا مقنع قفاي حقك علي احبك بتضحك و احبك عبوس وفي عزه جبالك بترك الشموس

.. ما ما دومه .. ما عندك عطله .. اي ضرر امسحيهو لي ولدك في وشو دا ..
حمد الله على السلامة وبركة الجيتي ..

مرحبا بعودة دومة.


حميدة وتمبس.

شايفكم حتيتو وفتيتوا كلوا.

لكن يا تمبس بيني وبينك. كلمة "ماما" دي ما خايلة فيك. أسمع كلام صديقك حميدة, الزول ده داير مصلحتك.


دينق.

Quote: مرحبا بعودة دومة.

شنو يعني يا دينق ابني العزيز جدا قاطعوا معاي ناشف كدا
ناس معزتنا راحو خلونا .
صابحني دايما مبتسم
يكفي التجهم في السماء
(وش حزين كدا )ا

Quote: حميدة وتمبس. شايفكم حتيتو وفتيتوا كلوا. لكن يا تمبس بيني وبينك. كلمة "ماما" دي ما خايلة فيك. أسمع كلام صديقك حميدة, الزول ده داير مصلحتك. دينق.

..
يا الامباشي الأمريكي ..
طبعا قلة الادب دي بتنفع معاك .. ووقعت ليك في جرح .. اطمن دي آخر مرة تشوفني اسقط في الشرك دا .. اصلو دي دقسه .. يعني تاني انتظره رمضان الجي في نفس المواعيد دي ..
أما فيما يتعلق بي سيرة السكر يا بوليص فأحب اطمنك أنو كلمة ماما دي لما كنت مرطب زمان كدا .. وكان السكر بالشوال في بيتنا .. فكانت حاجة عاديه عندنا ..
حسع قاعد اعيد في امجاد سابقة ..
رايك شنو تعيد لينا الامجاد بتاعتك يا الرقشة ..
طعمه لينا معاك عليك الله ..


اسمع .. اجيب ليك شريط .. واللا كدا كويس ..
يا بتاع الأشرطة ..

الف حمد لله علي السلامه يادوما وكل عام والجميع بخير

حبان قسايا بناتي وابنائي
سلمي صبحي
غاده
مايا
تماضر الخنساء حمزه
_________________
الشيخ ابراهيم الشيخ
حسن الجيلي
معتصم دفع الله
عبدو احمد النصيح
علي محمد علي
طارق
حيدر حسن
نادر ابو كدوك
محمد علي
اسماعيل وراق
شاكره حضوركن/حضوركم
البهي وكل سنه وانتو طيبين وتامين ولامين ومبسوطين

تمبس ومامتو دومه ...

معليش يظهر إني لقيت البوست ده بعد ما لقيتو المفتاح الضايع.

Quote: النوريكم سبب الروحه بتاعت الباسويرد

والله يا دومه سبب الروحه ده أكعب من الروحة ذاتها.

المهم .... حمد الله على السلامة، وما تسمعي البيقولوا ليك أكتبيه بالفحم والا في التلاّجة. ورقة صغيييرة تختيها في (المفحضة) بتدي الغرض وتضمن الحماية من الهاكرز.

ماما دومه ما تسمعي كلام الناس ديل قولي الباسوورد تلاته مرات في اليوم وإنشاء الله ما تجيهو اي عوجه

تمبس و حميده والله بالغتوا عديل كده وخجلتونا

انعلوا الشيطان

ودابكدوك

Quote: انعلوا الشيطان ودابكدوك

العزيز نادر
ولا يهمك .. امسحه في وشي ..
للاسف الشديد لا البوست دا ولا الكلام الاتكتب مكانو هنا .. الحاجات دي بتتحسم بي بره ما ها دا .. واوعدك انها تتحسم بره .. والخاص بي المساحة دي ارجو انو تلقو لي العذر وح اعمل علي مسح كل المداخلات واتمنى انو ما تتكرر .
الف شكر ليك ولي كل من تازى بالحوار الغير موضوعي دا ..

Quote: والله يا دومه سبب الروحه ده أكعب من الروحة ذاتها

اي والله تاني يا محمد ابو العزائم ولدي الكوكيز كا ن عتت ما بجدعها

Quote: تمبس ومامتو دومه ... معليش يظهر إني لقيت البوست ده بعد ما لقيتو المفتاح الضايع.

ابو العزائم
كيفك ..؟
والله جيتك دي بالدنيا .. البوست شكلو ما مفتاح رايح واتلقى .. كدي ادخل لي جوه .. دا فيهو شغل نضيف جدا ..
والانضف منو أنو دي آخر فرصة لي ماما دومه .. تاني كان ضيعت الباص وورد دا يا مسحت الكوكيز والله غلا تعمل ليها بورد براها وتكوجنو

حمدا على سلامة باسووردك يا دوما

وشكرا يا تمبس لتعبك عشان اختي (الصغنونة) دوما.

Quote: وشكرا يا تمبس لتعبك عشان اختي (الصغنونة) دوما.

العزيز زول واحد ..
الف شكر ليك في حضور ماما دومــه .. وطاملا هي أختك ( الصغنونه ) معناته بعد كدا ح نسميك ( خــالو ) زول واحد .. ابتداء من يوم الليلة
تشكر يا خـــالو .. وكل سنة وأنت طيب ..

السلام عليكم
طبعاً يا ماما دومة
شلت الهم
طبعاً انا عامل فيها في رمضان اعتكاف عن كل ما هو سياسي
أي
نذرت للرحمن صوماً فلن أكلم في البورد سياسياً
والتزمت بهذا النذر بمشقة بالغة وبمساعدة

Quote: تيمك انت وجني ومنير

الذين كفوني مشقة الرد في أغلب الأحيان
أها
لما ضيعت باسووردك
ومنير الغائب طوالي اليومين ديل
وجني الما مضمون ده
قلت خلاص
باقي رمضان ده راح فيها
غايتو حمد لله على سلامة باسووردك
عليك الله يا ماما دومة
سخني لينا بالناس ديل ( البالي بالك )
خليهم ينتظروا مواعيد فك النذر بتاعنا
.............
تراجي كتبت

Quote: شفته يا دوما الواسطات كيف؟؟ بالله كلها ساعات وباس ورد دومه يرجع!!وجع شغل نضيف وناس مركز وناس هامش

جنس حسادتن عليك
عارفة يا تراجي
زمان في الكلية كان معانا واحد فكت منو بعد ما شاف فيلم مخيف كده في التلفزيون
وجنو كان ظريف .. كان بيفتكر أنو أي زول جايي داخل الشقة
جايي عشان يتآمر على حياتو
وسيطرت عليهو نظرية المؤامرة المسيطرة على بعض البورداب الايام دي
عارفه طبعا الجماعة الباعة المتجولين الفي مصر البجو ينادو بالشارع
قوطة يا تفاح ....... جرجير يا ورور.....الخ
كان هؤلاء أعدى أعداء زولنا الفكت منو ده
وكلهم في نظرو ..جواسيس بيخططوا عشان يختطفوه

اللهم اني صائم


.............................
وما الناس إلا هالك وأبن هالك *** وذو نسب في الهالكين عريق

Quote: نذرت للرحمن صوماً فلن أكلم في البورد سياسياً

لوووول انا غايتو قطعت عهدا الا ارحم عنصريا او جهويا
الكوره في ملعب تراجي اسه طبعا تعمل فيها زغبير وعندها اجتماعات مكتب سياسي ومظاهرات في واشنطن دي سي ودبيت في الكونقرس الامريكي

حمدا الله علي السلامه
العزيزه دومه من الأسماء التي نتاوق لها قبل القراءه أحيانا كثيره أدامها الله ذخرا لنا و ووضاءه للبورد

تمبس وينك يا سيد أن شاء الله رمضان ماشي معاك تمام التمام و كل ناس أم درمان بخير

تحياتي
محمد علي

معليش جينا متأخرين تمبس

حمدا الله علي السلامه للأستاذه دوما

المنبر كالعائله الواحدة لا نحب ان يفارقه أحد


فياريت ما في زول يغيب....


تقديري

ماما دوما ـ حمدآ لله علي السلامة .. وبركة الجيتي لقيتينا طيبين ..

أنا برضو اليومين ديل مدبرس عشان العصابة تآمروا علي وعلي الاخ سماعين (اسماعيل عبد الله محمد) وحرشوا بكري نقل البوست بتاعي مستقبل عرب دارفور وجنوب كردفان .. لمكتبة منير !!! .. وخايف كمان يكون أوقف القلم القوي سماعين ..

.. ويا تمبس وحميدة إنتو ادوكم عين واللا شنو؟؟.. شنو حاجة بسيطة كده ما بتستاهل عاملين لينا بيها شمطة؟؟ .. يا شباب بطلوا حماقات وما تشمتوا الاعداء فيكم ..

حقو الواحد يجيب سوط ويدي كل واحد فيكم عشرة جلدات !!!.. ايدك فوق..

.. وللعصابة الختوني في تيم دومة وجني ديل .. يا هوي أنا ما عندي تيم هنا .. ودومة دي أنا ما من شلتها وهي زاتها ما شايف ان عندها شلة هنا، شلتها الحق والحقيقة بس !!!.. أما جني فلا بعرفه ولا بيعرفني ولا من تيمه ولا عندي معاه شغلة ولا مفاهمة .. دربه براهو ودربي براي ..

.. الزوول .. بالله في اعتكافك ده ادعو لينا معاك ..
حكاية أني في تيم دومة وجني دي أنا قريتها من مداخلتك إنت وعرفت منها أن أسمي مكتوب في البوست وقمت فتشت ألقاها ليك الزولة الشريرة ديك هي الجابت سيرتي ..

زمان كنت مفتكرها قلبها أسود بس ألقي ليها العذر أقول لكين نيتها بيضاء !! .. أو أقول نيتها سوداء لكين قلبها ابيض !! .. لكني هسه اقتنعت أن نيتها سوداء وقلبها زي الفحم !! ..
أعوذ بالله .. محمد معانا ماتغشانا .. بالله عليك أمان الله كمية من الشر ما تشوفه إلا في الاساطير و الافلام والمسلسلات !!! ..

دوما
عوداً حميداً مستطاب

Quote: أنا جيت في الوقت الضايع ولا شنو؟ وهو كان إيه الحصل؟ هو في إيه يا جدعان والله ماما دومة (الركبها ليك تمبس دي) زولة لطيفة وزي العسل بس وبحبها لله في لله مبسوطة أن حضرت محبتي

واضيف واقول انو دومتنا دى البهار الحادق هنا، وعيا ورؤية وانفتاح على العالم


* اهل يادومة مابتقدرى تقولى لى زى ماقلتى لشيماء يابتى!! {اتساوت الكتوف بس لايمكن ان يقل بينا المعروف

بركة الجيتى..

ماما دوما

خالة الكل

كل سنة وإنت طيبة وربنا يديكي الصحة والعافية

حمد الله على السلامة

يا ابني العزيز و ولياب امنياتي الطيبه ليك والاسره

دكتوره اشراقه البت الرافعه راسنا دايما تسلمي فرحانه بيك كتير يا مشرقه

Quote: وللعصابة الختوني في تيم دومة وجني ديل .. يا هوي أنا ما عندي تيم هنا .. !

شكرا منير ودومة دي أنا ما من شلتها وهي زاتها ما شايف ان عندها شلة هنا، شلتها الحق والحقيقة بس !! هكذا تكون شهاده الشرفاء يا ست تراجي مش جماعتك القلتي والله قالوا ليك كتاباتها بقت متمركزه حول قيبلتها وشنو ما بعرف ! .
والسبب ليس كتاباتي لكين الفهمات المركبنها هم

وشكر خاص جدا لاخينا زول واحد

يا ناس الرياض

يا جماعة تمبس وحميدة ديل الحقوهم يمكن واحدكتل التاني..
وبعدين تقعوا في لقيط الدية وتسفير الجثمان وتسديد ديون الكريد كاردس وبتاع البقالة والمكوجي.

دوما بركة الرجعتي
شفتي بي سبب باسوردك راحت رقبة.
من هنا وغادي أكتبيهو في حيطة الحوش من جوا.

غايتو يا شماسي يا ولدي الله يستر الا حميده خاتي وقاطع الدرب
انااسمي ماما دومه واي زول يناديني بماما دومه
اها تاني قولوا حاجه دومه وكت جابت ليه كتل

Quote: يا ناس الرياض يا جماعة تمبس وحميدة ديل الحقوهم يمكن واحدكتل التاني.. وبعدين تقعوا في لقيط الدية وتسفير الجثمان وتسديد ديون الكريد كاردس وبتاع البقالة والمكوجي.

.. يا شمس
كيفك ..؟
والله تعرف نحن مع السخانة بتاعت نا دي ..؟ الواحد ما بيموت بالساهل إلا حاجة كدا من الله ساكت
بلاي عليك الله حسع العندو قروش لي الديه منو في الايامات دي عشان يمشي يكتل ليهو واحد ..؟
غايتو لو مصر .. انا بديك رغم الحساب بتاعي ..
بس إنت قول لي حولت ليك ..

Quote: حقو الواحد يجيب سوط ويدي كل واحد فيكم عشرة جلدات !!!.. ايدك فوق..

يا منيــر ..
كيفك ..؟
والله تعرف مع السخانة بتاعت الرياض اليومين دي .. الواحد ممكن يدخل مع ضلو في حتة ضيقه ..
لكن مافي عوجه يا موطن .. سمعنا ( سوطك ) .. ويدينا فوق.. علشان عايزين نتمرن زاتو .. مش احتمل لي قدام تجيب ليها بنادق ..
مع ناس استيف ديل ..؟
كل سنة وانت طيب

Quote: معليش جينا متأخرين تمبس

العزيزة سلمى صبحي ..
جيتك بتعني الكتير
وفعلا المنبر اصبح من فترة طويلة .. يعني لنا الكثير ويحتل مساحة واسعة في حياتنا .. لو غاب فرد واحد يتاثر الجميع بيهو ..
ما ما دومــه من الشخصيات المؤثرة جدا في المكان دا وبتخلق توازن جيد جدا ومجرد وجوده بيننا.. بيعني الكثير جدا ..
تشكري يا سلمى

Quote: تمبس وينك يا سيد أن شاء الله رمضان ماشي معاك تمام التمام و كل ناس أم درمان بخير

..العزيز محمد البشير ..
كل سنة وانت طيب والقابله على امانيك ..
انا قاعد في البورد دا بس إنت القاطع الاخبار .. واريت الامور تكون طيبة معاك ...؟
كنت متوقع اتصالك من هناك .. لكن يظهر الزمن كان ممحوق ..
تحياتي لما ما دومــه .. الجمعت لينا في البوست دا كل الحبايب ..

رمضان كريم

قلنا نمر نستحمدلك سلامة الكوشر (ضم الكاف ) الجمع

بس سوعال
الجهوية شنو والعنصرية شنو ؟
وبتلايقوا سوا؟
بعني مثلا شايقي مولود ومتربي في كردفان
اذا اشتغل مع ناس تمييز كردفان الولاية يكون جهوي واذا دافع عن الشايقية بكون عنصري ؟
يعني اتنين في واحد
او اشتري واحد وخد الثاني مجان

وربنا يعينك
ويتقبل منك طاعات شهر رمضان
وكل عام وانت وناسك بخير وعافيه

Quote: غايتو يا شماسي يا ولدي الله يستر الا حميده خاتي وقاطع الدرب

مش خاتي وبس.
دا عامل فيها الواد شفته ومكمل الصعلقة.
أي زول ناطي ليهو في حلقو.
والناس لأنها ما دايرة تنزل لمستواهو بيفتكر إنو خلاس خوف العالمين كلها.
خليهو.
إن شاء الله تمبس يلاقيهو في الربع الخالي ويخنقو بي كرفتتو القاشر بيها ديك. وجنازتو ياكلنها صقور السعودية.

Quote: الأخ الفاضل Ahmed musa الشبك دي كلها ما بقدر عليها وتقديرنا للجميع بس عايز أترجم ليك ممكن ..... حتى نستمتع بمداخلاتك

Quote: هل تدرين، بأنه ذات مرة من المرات هنالك كلمة قد قالها لي دينق. فقد قال لي: هل تدرين أن الذين يمدحون بيان هذه شعراً، كلهم مبتهجون من حديث بيان إلينا ولأنهم لا يستطيعون أن يقولون مثل حديثها .... يدعون فيها إفتقادهم لبيان بشدة. ويبدو أن هذا الرأي عنهم هو السديد.

othman mohmmadien

شكراُ للإضافة لكن والله كلامك ده إنما لايقتوا مع ترجمةدوما التحت دي كان تاني برجع ليك في الشرح
ياخ أقول ليك عندي مشكلة في العربي تجيبوا مسلسل مكسيكي ؟؟؟

Quote: My dear Friend This kind of vague accusations, flimsy expressions are exactly meant that you ask yourself these questions , to demoralize you to intimidate you so that you go on the defensive or keep shut up in both cases your attacker is the winner, so be careful and watch out for such traps

شكراً يا دوما لتبسيط الفهم والله بسبب بيان دي مرة دينق الكان مفروض يبقي صاحبي شجّم بي خشم الحركة الشعبية كلها منحلفا لي نمولي ومن ديك بقيت أتحاشى دروبوا برغم إعجابي الشديد بيهوا {وجه طالع من كسير تلج}
tmbis
رمضان كريم ... وعيد مبارك ... معليش إنتهزت جوطة الشكلة وركبت وقلت أنزل من سكات لكن المسألة كلفت معاي تراجم عربي / إنجليزي فكان لازم نظهر ونبان وعلينا الأمان ... داحس والغبراء داير لي فيها دخلة ودحين humida ده مريخابي ولا هلالابي عشان نحدد موقعنا من الحرب

الخالة العزيزة دوما ..
الف حمدأ علي سلامة عودة الباسورد ..

------

العزيز تمبس ..شكرأ علي النداءالعاجل و الاستجابة السريعة من بكري ..

الابن العزيز جدا
محمدين محمد اسحاق
شاكره حضورك البهي

Quote: رمضان كريم ... وعيد مبارك ... معليش إنتهزت جوطة الشكلة وركبت وقلت أنزل من سكات لكن المسألة كلفت معاي تراجم عربي / إنجليزي فكان لازم نظهر ونبان وعلينا الأمان ... داحس والغبراء داير لي فيها دخلة ودحين humida ده مريخابي ولا هلالابي عشان نحدد موقعنا من الحرب

العزيز أحمد موسى ..
ربنا يجعلك من عتقاء الشهر الكريم .. وكل سنة وإنت طيب وتتحقق امانيك ..
والله مرات كدا يا أحمد موسى تكون شغال ليك في بوست كويس وبي مزاج عالي .. فجاة اصحابك الامريكان ديل الواحد يفقد المنطق يقوم يكب ليك لغة غريبة جدا .. والغريبة انو قبليها بي شوية تلقاهو كتب عربي .. يا يعمل ليك نصها عربي ونصها ( أفرنجــه ) .. ويجهجهوك طبعا في مسالة مكابسة الدكشنري دي .. وبعدين في نوعية كما قادة ( اسبيلينغ ) يعني يجهجهك في التفتيش وفي الفهم ..
اها ماما دومه دي يا بوحميد .. بتختها ليك واضحة كان بالعربي كان بالافرنجــه
يازول داحس والغبراء دي خليك مها بعيد .. قالو السخانة عندكم الف ... تقوم تفقد لينا سوائل ساكت هنا دا .. ونبقي في الزول دا غطــو .. والزول دا هببو ..
تعرف المشكلة الكبيرة اننا الاتنين لــــون .. وفي جماعة متلقيين حجج كدا قالو ( قام بينا الرش ) الأخير بتاع النجم الساحلي دا ..
بلاي عليك الله شوف ليك زي ديل ..

Quote: إن شاء الله تمبس يلاقيهو في الربع الخالي ويخنقو بي كرفتتو القاشر بيها ديك. وجنازتو ياكلنها صقور السعودية.

والله يا شماشى جنس دعوات ليك فى رمضان دا.

هسة لو أجيبت دعاءك وحميدة راح فيها ما تفتقدو??.

إن كان ميتا ولابد, فاليمت في يومه وعلى غير يدى تمبس الطاهرة!!.

الخالة المحترمة دومة حمدالله على السلامة

وشكراً تمبس ...

شكرا ابني الغالي / مجاهد عبد الله
وكل عام وانتم بخير

حمد الله بالسلامة يا خالة