Post: #1
Title: اعذريني الدمعه
Author: ايهاب نميري
Date: 10-08-2007, 02:49 AM
Parent: #0
http://3aza.com/uploader/uploads/Seaf-Azorini-Shandawe.wma
*$( اعـــــــــذريني )$*
أعذريني الدمعة ديّه...حتبقى آخر دمعة ليّه
تاني لو قربت منك.....يبقى ليك الحق عليّ
أعذريني محال أعاود....تاني ريدتك وأمشي ليها
ولا أرحل في عيونك....والطفولة الضاجّة فيها
كيفك أريدك وانتي أصلك....ريدتي ما حسيتي بيها
بالبعاد ما تعذبيني......أعذريني وأعذريني
ما قدرت مرة واحدة......بالغلط أغلط عليك
وانتي عمرك كلو ظالمة.....والدليل غفراني ليك
عارفو قلبك ما معاي.....برضي شاغل قلبي بيك
بالحنان ما تعشميني......أعذريني وأعذريني
من زمان وأنا راجي منك....كلمة بيها تفرحيني
وانتي ما فرحت قلبي......كنت ديمة تجرحيني
قسمة الزول ما بتفوتو....والبجيني معاك بجيني
لو بكت منك عيوني......سامحيها وأعذريني
|
Post: #2
Title: Re: اعذريني الدمعه
Author: salma subhi
Date: 10-08-2007, 08:21 AM
Parent: #1
الأخ ايهاب نميري
لا أدري كيف تاه عنا هذا البوست
كل الجمال
تقديري
|
Post: #3
Title: Re: اعذريني الدمعه
Author: ايهاب نميري
Date: 10-08-2007, 05:35 PM
Parent: #2
تسلم يا غاليه وكل سنة وانتي طيبه وربنا يحقق الاماني
|
Post: #4
Title: Re: اعذريني الدمعه
Author: salma subhi
Date: 10-09-2007, 07:10 AM
حاول أخ ايهاب انك تنزل الأغغنية مباشرة في البوست وليس عن طريق الرابط...سيستمتع من يفتح البوست بعذوبة أنغامها
تقديري
|
|