Post: #1
Title: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 04:13 PM
بعد خروج الهلال بالامس
تضاعفت المسؤولية على ابناء المريخ وكانوا على قدرها
لذلك حققوا التأهل
وبذلك يكون المريخ عليه مسؤوليتين مسؤولية النهائي الكونفدرالي ونهائي كاس الأمم الذي يمثل اغلبه لاعبي المريخ (الا من بعض اللاعبين من الوصيف الهلال خوفا من العين وكدا...)
مبروك للسودان اولا واخيرا
ومبروك للمريخ
ابومصطفى
|
Post: #2
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 04:24 PM
Parent: #1
وبذلك تتضاعف المسؤولية على اسياد البلد
وشدوا حيلكم امامكم مشوارين كبيرين كاس الكونفدرالية ونهائي الامم والله معكم
يا اخوان العجب وبهاء الدين
ابومصطفى
|
Post: #3
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: عبدالكريم الامين احمد
Date: 10-07-2007, 04:28 PM
Parent: #2
مبروك يا ابو مصطفي
والليلة تقدل يا صحبي ...
بس اعمل حسابك من التونسية
|
Post: #4
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: شهاب الفاتح عثمان
Date: 10-07-2007, 04:37 PM
Parent: #1
مبروك
مبروك
مريخ متاهل لنهائي رغم الهزيمه بالثلاثه سبحان الله !!
معاك يا نجوم شفنا العجب !.. 
الصوره نقلا عن موقع كووره
|
Post: #5
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 04:58 PM
Parent: #4
كيكي الصهيوني هاردلكم يازول لو بعد المشاوي السورية رجعتو الخرطوم كان احسن ليكم من بدل ماتركبوا التونسية غايتو الجمهور المريخ بعيد بمزاج والهلالاب الحردانيين دائما حزانين
هاردلكم وتعالوا السنة الجايه بدري
دكتور شهاب الرائع مبروك للمريخ
والغريب في الامر ان المريخ والمريخ القومي السوداني يقودهم مدرب كفء وهو محمد عبدالله مازدا
الذي صال وجال
ابومصطفى
|
Post: #6
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: waw
Date: 10-07-2007, 05:10 PM
Parent: #5
الاخ كيجا لك التحايا ................
مليووووووووووووووووووووووووون مبروك لجماهير الرياضة السودانية ..
رغم التحكيم السيئ والضغوط ............اثبت ابناء الزعيم انهم
من ينثر الفرح ............الي الامام حتي النصر
|
Post: #7
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: KOSTA
Date: 10-07-2007, 05:31 PM
Parent: #6
الى متى يا كيقا يكون قدر المريخ المنافحة عن الكرة السودانية ؟؟؟
البطولة العربية ...
البطولة الافريقية الكونفدرالية ...
الامم الافريقية ....
المريخ و جماهيره الصفوة هى من يدفع الثمن
و لكنه ثمن حلو بطعم الوطن !
انهد حيل المريخ من الشيل الكثير
الا يخجل الاهلة ابدآ ؟؟؟
و الغريبة بعد ده بيتفاصحوا !!!!
فعلآ و كما قال الشاعر :
اذا انت لم تخشى عاقبة العدى و لم تستحى ... فأصنع ما تشاء
|
Post: #8
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 05:52 PM
Parent: #7
waw
من غيرنا يعطي لهذا البلد معنى ان يعيش وينتصر
Quote: الى متى يا كيقا يكون قدر المريخ المنافحة عن الكرة السودانية ؟؟؟
البطولة العربية ...
البطولة الافريقية الكونفدرالية ...
الامم الافريقية ....
المريخ و جماهيره الصفوة هى من يدفع الثمن
و لكنه ثمن حلو بطعم الوطن !
انهد حيل المريخ من الشيل الكثير
الا يخجل الاهلة ابدآ ؟؟؟
و الغريبة بعد ده بيتفاصحوا !!!!
|
الرائع كوستا
الا ما لانهاية طالما باقي الفرق حمام ميت يتاثرون بغياب حارس ومدافع ووواي وواي ماعاوزين
ما اظن ديل عاوزين ليهم عشرة سنين تاني حتى يساوى المريخ
ابومصطفى
|
Post: #9
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: Faisal Al Zubeir
Date: 10-07-2007, 06:06 PM
Parent: #8
ميقا : مبروك للمريخ
لكن عنوان البوست غير موفق وهذا تحديدا :
Quote: ونهائي كاس الأمم الذي يمثل اغلبه لاعبي المريخ (الا من بعض اللاعبين من الوصيف الهلال خوفا من العين وكدا...)
|
السودان لا يعلى عليه حتى لو كان المنتخب كله من المريخ او الهلال اوشمبات .
كل من يلبس شعار الوطن هو جندي !
هذه العصبية مضرة :
هل تذكر لاعب المريخ الذي برر لعبهم للنادي اكثر من المنتخب لان النادي يدفع وفي المتخب لايدفعون !
تبا لهذا التعصب والولاء ينبغي ان يكون للوطن اولا واخيرا
هل نتعلم منهم ؟
حينما تكون الغلبية من منتخب مصر من الاهلي لايقولون مثلما قلت وانما يقولون منخب مصر !
|
Post: #10
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 06:20 PM
Parent: #9
| Quote: لكن عنوان البوست غير موفق وهذا تحديدا |
لو عشان الهلالاب المثلك ولو بيدي اغيرو الان قبل بعدين
لكن خلاص راحت
التحية لك يارائع واعذرنا في الدفاع عن الزعيم
وربنا يقدرنا على الصمود امام الإساءة للزعيم
ابومصطفى
|
Post: #11
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: haider osman
Date: 10-07-2007, 06:44 PM
Parent: #1
هذا ماورد فى موقع كورة العالمى:
7 أكتوبر 2007:
كتب: مهند عمر
موقع كورة
http://kooora.com/default.aspx?showarticle=27536&obj=0
حقق المريخ السوداني انجاز كبيرا للكرة السودانية وتأهل إلى نهائي بطولة كاس الاتحاد الأفريقي رغم خسارته أمام دولفين النيجيري 3/0 في اللقاء الذي جمع الطرفين عصر اليوم في نيجيريا .
تأهل المريخ أتى بفضل النتائج المباشرة بينه وبين الفريق النيجيري حيث كان المريخ قد فاز في لقاء الذهاب 6/1 وبذلك يكون المريخ تصدر المجموعة برصيد 10 نقاط .
المريخ تعرض إلى ظلم تحكيمي فاضح حيث تحامل طاقم التحكيم الكونغولي على المريخ بصورة مستفزة واحتسب ركلتي جزاء للفريق النيجيري وظلم المريخ كثيرا طوال المباراة بجانب مساعديه وانهي المباراة في الدقيقة 101 رغم انه أعلن عن 5 دقائق فقط كوقت بدل ضائع .
المريخ بدأ اللقاء بصورة متحفظة وحاول امتصاص حماس الفريق النيجيري ألا أن التوجولي اباولو مدافع المريخ اخطأ في احد الكرات وسجل هدف في مرماه كهدف أول لدولفين ليسيطر بعدها الفريق النيجيري ويضيع عدة فرص من كرات خطيرة ويحتسب الحكم ركلة جزاء للفريق النيجيري في الدقيقة 34 يحرز منها الهدف الثاني ولم يقدم المريخ اى شئ في هذا الشوط .
في الشوط الثاني تحسن أداء المريخ قليلا بخروج فيصل العجب ودخول جيمي نتالي ألا أن الحكم كان بالمرصاد للمريخ وظلم المريخ بصورة غريبة واحتسب ركلة جزاء خيالية لدولفين ليتدخل الجهاز الفني للمريخ ويحتد بشدة مع الحكم ليحرز دلفين الهدف الثالث ويسيطر القلق على لاعبي المريخ من ضياع فرصة التأهل ويصمد الفريق أمام الهجمات النيجيرية ويحتسب الحكم 5 دقائق وقت ضائع ولكن استمرت المباراة حتى الدقيقة 101 لينهي الحكم المباراة بتأهل المريخ إلى نهائي كاس الاتحاد لمقابلة الصفاقصي التونسي .
|
Post: #12
Title: Re: بعد خروج الهلال تبقى في ساحة التنافس المريخ والمريخ القومي السوداني؟؟؟
Author: keiga2000
Date: 10-07-2007, 06:56 PM
Parent: #11
اضاف الحكم 11 دقيقة كامله
ورغم ذلك كان الله معنا ونصرنا والحمدلله
مبروك للسودان
ابومصطفى
|
|