حقق المريخ انجاز لم يحدث من قبل فى ميادين كرة القدم .. ويجب أن يسجل فى موسوعة جنز .. لم بهدف المريخ خلال 100 دقيقه فى مرمى الدولفين الذى انتصر عليه من قبل ب 6 أهداف .. ولا مرة واحده !!
نحن من يصنع التاريخ .. حقائقا وواقعا ملموس وفرحة كبري وكؤوس تمشى على الارض تؤدة وبالسماوات تجوس هو المريخ نجم السعد هدى للناس ورحمة للنفوس الا من ابى .. سادرا فى غيه وراكبا .. برجة المنحوس نسمو اليوم رفعة وعلى الفاشلين الجلوس
..............
هون عليك يا تاج السر عقبالكم كدة تشرفوا الشعب السودانى زينا ومين زينا ؟..
نتوقع عصر فى غانا أشد مما واجه (البعيو) .. فماذا يقدم مازدا للاعبيه؟؟ هل دور المدرب أن يتحول الى (بلطجى) ؟؟ أم يوجه لاعبيه بعدم اعاقة الخصم داخل خط 18 ؟؟ الم يخطء (قلق) الصحاف .. حينما عطل الخصم داخل خط 18 ؟؟ فلماذا افتعل مازدا مشكلة؟؟ هل يريد أن يغطى على عدم كفاءته كمدرب ؟؟
ليه .. انا مغلوب 3/ صفر ؟؟ ليه .. انا لاعب مباراة من 100 دقيقه ما اهدف ولا تهديفه؟؟ هى حلاوة كرة القدم فى شنو ؟؟ اجيب لى كاس والعب مع شفع الروضه واقول انا شلت كاس وأنت ما شلت كأس؟؟ فعلا البعيو .. بعيو !!
أطالب يتنحية مازدا عن المنتخب .. فما حدث اليوم فضيحه بكل المقاييس!! واطالب بابعاد بهاء فهو ليس افضل من ابو بكر الشريف فى شئ .. وصلته 5 تهديفات 3 داخل الشباك و2 صداهن (مقشرات) لم يجدن من يستثمر!!
زي ما قالوا ليك إنت زعلان لتأهل المريخ أكثر من زعلك لخروج الهلال .. و دا إسمو .. م ر ض ..
غايتو لو تابعت مريخنا دا شكلك قريب كدا ح.. تطقع .. و ما بعيد الواحد يلقاك طالع في صينية .. الله يصبرك .. و يجيرك في محنك ..
Post: #30 Title: Re: تأكيدا للفضائح والرشاوى .. الكرور يتأهل بفضيحه جديده .. وها مازدا مؤهل لتدريب المنتخب؟ Author: عبد اللطيف بكري أحمد Date: 10-08-2007, 11:33 AM Parent: #1
بدون إي إنفعالات يامريخاب ، وخاصة أنت ياإبني العزيز محمد حسن حيدر ، وطبعا بعد نبارك ليكم بالتأهل،، == بالله عليكم مقولكم في هذه البطولة؟؟ فريق يفوز ستة في ربع النهائي وينهزم 3 في نصف النهائ؟؟ معقولة بس تكون دي بطولة يفرح حاملها بكأس (جوا أو أرضا)؟
المريخ دا حلو حلا ماتذوقوهاالا السعيدين الزعيم دا يخلي ناس كده مجانين سيد البلد دا مقصة للحاقدين يا تاج السر خمو و صرو نحن للكاس جايبين انت ما جبت فائدة راجي يجيبها ليك دولفين زعلان من ركوب التونسية عاوز يخففوا عليك النيجيريين ح يجيك ضغط و سكري لو باريت ناس العجب و بهاء الدين ح تكون مصدع طوالي لا ينفعك بندول لا أسبرين تقبل تحيات مريخابي ما حاقد يقول ان شاء الله السنة الجاية زينا فائزين
الاخ العزيز تاج السر اولا حظ اوفر للهلال الذي كنا نتمنى له الفوز وشجعناه بكل ما اوتينا من قوة ولكن الحظ وبعض الاشياء انت ادرى بها اخرجت الهلال عن النهائي الشيء الثاني يا اخي تاج اعتقد انك ما شاهدت مباراة المريخ امس لانو الاهداف الثلاثة او على الاقل ضربتي الجزاء لا وجود لهما يعني النتيجة الاساسية مفروض تكون واحد اما عن انو المريخ لم يصل إلى مرمى دولفين ده برضو راجع للحكم عديم الضمير ،، تخيل يا تاج السر رمية التماس بيحسبها تسلل !! في ظلم اكتر من كدا
بكل هدوء الكونفدرالية حقت شفع الروضة على حد قولك شارك فيها فريقك قبل كم سنه كدا ورجعتوا بدون اي حاجة كون المريخ يصل للنهائي ده في حد زاتو انجاز،، ارجو ان ترى الاشياء بعين العقل كما عهدناك دائما
الزول ده بتكتلوه بوستات تاج السر دي بكتبه بدل يبلع حبوب الضغط عشان بتريحه . تبقوا عليه إنتو ومزمل أبو القاسم والعجب والمريخ والشرميطي الزول ده فارش صيوان لي الإسماعيلي إلى الآن .. زعلان أكتر من طه بصري وزعلان لي دولفين أكتر من رئيس النادي زاتو. وممغوص لي كوارا أكتر من حاكم (كوارا)
الزول ده بعد يومين ح يجيكم يغني
(الشريف مبسوط مني) مع الإعتذار لي (هنادي شكلوته)
بعدين الزول ده مازدا ما عاجبو.. خلوهو يدرب الفريق القومي هو
يا معتز كلامك كلام عقل. المباراة شفتها كلها ضربتى الجزاء صحيحتين 100% ارجع وعيد المباراة بأعصاب هادئه، الحصل بالضبط ما ظللت احذر منه لاعبى الهلال .. وقلت الفرق السودانيه لا تملك ثقافة البطولات .. والأنتصار فى الملاعب الخارجيه. ضربة الجزاء الأولى .. المهاجم النيجيرى داخل خط 18 حاول يستلم الكرة فاعاقه لاعب المريخ ولو تركه، الكرة كانت ذاهبة لأحد مدافيعكم أو حتى لو استلمها فهناك أكثر من احتمال اما أن يهجم عليه مدافع ويقطع الكرة أو يصوب فتخرج للأوت .. أو يستلمها الحارس التعبان بهاء الدين .. للأسف نحن بدلا من أن نصلح اخطاء اللاعبين ندافع عنهم بكلام لا قيمة له ولا وزن .. وربما الحكم لا يحتسب كرة خارج ارضك لكنه يحتسبها لك فى ارضك!! فهل هناك ظلم أكثر من عدم احتساب ضربة جزاء لصالح كرنقو وارتدت الكرة وأحرز منها النجم الساحلى هدفه فى السودان؟؟
بالنسبة لضربة الجزاء الثانيه .. نفس الشئ .. مدافع المريخ مفروض يحكم عقله ويقرر بين هل من الأفضل أن يعترض اللاعب أو يدعه يمر .. وهل يعترضه خارج خط 18 او داخل الخط، (قلق) ترك اللاعب مر منه وتقدم، فدخل عليه بعنف من الخلف!! ضربتى جزاء صحيحتين 100 % والحكم لو عايز بغلبك ما صعب عليهو يغلبك 5 بفريق كان جنائز! ثم كتبت:-
Quote: الكونفدرالية حقت شفع الروضة على حد قولك شارك فيها فريقك قبل كم سنه كدا ورجعتوا بدون اي حاجة كون المريخ يصل للنهائي ده في حد زاتو انجاز،
لا داعى أن اكرر مسالة لكل مقام مقال التى كررتها لآكثر من مرة .. الهلال وصل نهائى البطولة الأولى مرتين وقبل ظهور الكونفدراليه .. يبقى الطموح بعد كده البطولة الأولى لاشئ اقل منها لأنه اى شئ اقل منها لا قيمة له .. ووضحت فى أكثر من مرة انه المورده لم تحصل على كاس الدورى منذ أكثر من 10 سنوات .. ممكن تشارك فى الكونفدراليه وتحصل على الكأس، فايهما اصعب الدورى المحلى أو الكونفدراليه؟؟ يا معز انت المطالب بأن تجيب لماذا 35 سنه لم تصل الى دور الثمانيه فى البطولة الأولى؟ مش ليه ما شلت الكاس .. وهب انك شلت الكاس معقول ده كاس يفتخر بيهو زول ؟؟ كلو فرق حمام ميت وبيع وشراء؟؟ المهم انك اعترفت الوصول لنهائى الكونفدراليه (انجاز) طيب تسمى الوصول لنهائى اندية افريقيا شنو ؟؟
it is really so shameful but this man is incredible !!. and what is funny is that he - and others - thought he is a real sport writer This actually reflects the poor and ignorant sport media we have in Sudan