Post: #1 Title: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 09:54 AM Parent: #0
فرحت مصر كلها .. وقرعت الأجراس وانطلقت اصوات منبهات السيارات وردد (الأهلويه) بفرحة كبيره (أهلى .. أهلى) .. فرحين بهزيمة الهلال المشرفة وخروجه من دورى الأربعه!! فهل هناك عظمة أكثر من أن يخشى ناد مثل الأهلى، ملاقاة الزعيم .. وسيد البلد؟؟ لا اظن من شاهد شكل (البعيوات) حينما احرز الهلال هدفه الوحيد بعد تقدم (النجم) بهدفين واصبح الهلال قاب قوسين أو ادنى من التأهل، يستطيع مقارنته بشكل (الأهلاويه) والصمت الذى الجم السنتهم .. فاذا كان الخروج بهذا الحال فى الكاس الأفريقيه الأولى التى تحدد الزعامه فالف مرحب بالخروج فى كل مرة!!
حتى يستمتع (الوصفاء) منذ أن خلقوا بمثل هذه الأحساس عليهم أن ينزعوا عنهم هذه (الوصافه) التى ضربت عليهم .. وأن يحصلوا على كاس الدورى الممتاز المحلى اولا حتى يضعوا انفسهم مع (الكبار) فى القارة الأفريقيه، والا ظلوا الى الأبد (وصفاء) وفى أحسن الأحوال (زعيم) الوصفاء .. وهل يتساوى (زعيم) الخفراء مع (الملوك) ؟؟ سيد الناس .. وفوق الناس الزعامه دهب وماها نحاس وضعنا الساس هلالنا الغالى فوق الراس *** يا العالى فى علاك ومتوهط سماك ربى يرعاك وسيد الناس براك
سقوط (البعيو) مسالة زمن !! مهما تم شرء اللاعبين والحكام وبأى ثمن .. فالسقوط فى المحفلين مسالة وقت وهل يتساوى سقوط (طالب الطب) فى نهائى المرحله مع (سقوط) طالب كلية الصحه ؟؟ بل هل يتساوى (نجاح) طالب (كلية الصحه) مع (سقوط) طالب الطب فى المرحله الأخيره؟؟
بعد هذه (الشوشه) .. و(سهر الجداد ولا نومو) .. والمشكله نومو من (ضهر) نواصل فى تشخيص اسباب (سقوط) البعيو المتوقع من حائط هار لا يزيد طوله عن مترين، فقدرنا التثقيف والتنوير مع استباق ذلك (بضرب) غير مبرح خشية على (قوارير) الملكة فكتوريا.. ولأن (الضرب ينفعهم والعلم يرفعهم)!!
Post: #2 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: عمر عبد الخالق سعيد Date: 10-07-2007, 09:56 AM Parent: #1
Post: #3 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: إدريس البدري Date: 10-07-2007, 09:58 AM Parent: #2
حالتك تحنن الكافر
Post: #4 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: سامى عبد الوهاب مكى Date: 10-07-2007, 10:07 AM Parent: #1
طائر الدورات!!
Post: #5 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: امير مصطفى احمد Date: 10-07-2007, 10:17 AM Parent: #1
اللهم اشف مرضانا ومرض المسلمين .
اللهم لا تجعل في جمعنا هذا مريضا إلا شفيته ، ولا مبتلا إلا عافيته .
Post: #6 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: نادر محمد الراضي Date: 10-07-2007, 10:32 AM Parent: #5
رجع يلهوس تاااااااني ...
الله يجازيك يا الشرميطي ...
Post: #7 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 10:40 AM Parent: #1
الزعيم فى هذه اللحظه هو الثالث على عموم الأندية الأفريقيه!!
وبعد لحظات وبانتهاء مباراة اليوم بأى نتيجة كانت فلا مكان بعدها (للحووصات).
لا مكان لكاش بقلل النقاش .. أو لرشاوى أو بيع ذمم !!
_________________
الأتحاد العربى لئيم و(قرعنه) فيها تزوير ولا فرصة لشراء (القرعه) بالمال!
والسيده/ رجاء (المغربيه) .. صاحبة (الكوفير) فى انتظار (القاروره) فكتوريا
ولا عزاء للسيدات!!
اما السيد (الصفاقسى) فهذا امره .. (عجب) !!
واليوم آخر مباراة (للعجب) !!
فقد انتهى زمن (باااااااااااااع) !!
Post: #8 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: محمد الامين احمد Date: 10-07-2007, 10:49 AM Parent: #1
Quote: فرحت مصر كلها .. وقرعت الأجراس وانطلقت اصوات منبهات السيارات وردد (الأهلويه) بفرحة كبيره (أهلى .. أهلى) .. فرحين بهزيمة الهلال المشرفة وخروجه من دورى الأربعه!!
كضاااااااب و فى آخر رمضان ده كضاب ، المصريين كانو بشجعوا الهلال و كانو مستحلفين
ليكم، و بعد النتيجة قالوا ما مشكلة مصير الحى يتلاقى، و ساعتها يحلكم الحلا بله !
Quote: ومتوهط سماك
هاك التوهط ده
ديل مش ياهم المصريين الرقصوكم عشكرة بلدى، نمره تلاته من اليمين ده شكلو خبرة
فى شوارع محمد على و الدليل ألولو
و بعدين الهلال (كما هو متوقع) اتغلب، الدخل المريخ فيكم شنو، ولا الفى بطنو حرقص
انا المزعلنى انو صفحة الانجازات فى الموقع الرسمى لنادى الهلال سوف تظل تحت الانشاء!
Post: #9 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 10:53 AM Parent: #1
بانتهاء اليوم .. انتهى المسمل (الرمضانى):- باااااااااااااااااااااع
Post: #10 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: haroon diyab Date: 10-07-2007, 11:17 AM Parent: #9
تاج السر
Quote: بانتهاء اليوم .. انتهى المسمل (الرمضانى):- باااااااااااااااااااااع
يااخوي انت لسه حي .... مازمان قلنا ليكم الفاتحة ابيتوا تقبلوها مننا ... يعتي كان في داعي للمشاوير دي .... وحليله قال ناوي السفر ياحليله.
Post: #11 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: نادر محمد الراضي Date: 10-07-2007, 11:27 AM Parent: #10
Quote: بانتهاء اليوم .. انتهى المسمل (الرمضانى):- باااااااااااااااااااااع
خليييييييييهو يا عديلة ...
النومة دي بتريييحو ..
Post: #12 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 11:27 AM Parent: #1
من أجل الفائده العامه وبعد الضرب:- لا يمكن أن يقدم ناد سودانى افضل مما قدم الزعيم!! فاللاعب السودانى يفتقد لثقافة تحقيق البطولات .. لا يغرنكم فوز البعيوات ببطولة (الوصفاء) فى عام 89 .. رغم انها بطولة (وصفاء) لا (زعماء) يعنى لا قيمة لها الا فى اذهان اعلام الضلال .. فقد كانت بين الفريق النيجيرى ضد (بريمه) لوحده .. وكان مشوار البطوله مسنود بالقطب المريخابى الذى كان يشترى الحكام بمساعدة (حووصه).. كما اعترف بنفسه وامام عدد من الصحفيين !!
Post: #13 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: نادر محمد الراضي Date: 10-07-2007, 12:12 PM Parent: #12
78 سنة من الفشل الذريع ...
78 سنة من الوصافة الدائمة ...
78 سنة من المحلية المدقعة ...
بركااااااااااتك يا (بن فرج) ...
Post: #14 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: وليد محمد المبارك Date: 10-07-2007, 12:15 PM
حتى لو خرج المريخ سيخرج بميدالية التواني يا عمنا
وشتان بين الخروج والخروج بميدالية
يظل المريخ هو اخر فريق سوداني يعزف لاجله النشيد الوطني
Post: #15 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: eyes of liberty Date: 10-07-2007, 12:17 PM Parent: #1
Quote: لا يغرنكم فوز البعيوات ببطولة (الوصفاء) فى عام 89 .. رغم انها بطولة (وصفاء) لا (زعماء) يعنى لا قيمة لها الا فى اذهان اعلام الضلال
البطولة دي انتا حفيت وراها 78 سنه عجاف لا سيكافا لا كونفي لا ابطال....الكديسة ( الاديسة بالمصري ) صعب عليها الوصول للحمة ...قالت كعبة !!!
Quote: خروج المريخ مسالة زمن .. وهل يتساوى سقوط .. مع سقوط
اصحا يا بريش المريخ في النهائ ما حا يحرج يعني ...انتا ناييم لسه ما فقت من مباراة الاسماعيلي و لا كييف !!! دي اظنها حمي الشرميطي برشا برشا
Quote: اولا حتى يضعوا انفسهم مع (الكبار) فى القارة الأفريقيه،
السوبر حايكون حرب نجوم ااااحمااااااار ...حتي نجيلتو حمراء كلون الدم.... الكبار للكبار و الصغار كفاكم سهر.روحوا ناموا بدري لانو برنامج السوبر للابطال فقط ...... والعرجة لي مراحا وننشد شعر الغزل للشاعر مزمل قاسم الضهر قلام الحجج اذ يقول:
Post: #20 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: MXB6N Date: 10-07-2007, 02:16 PM Parent: #1
رشاشة رشاشة الضبح دا كييييف؟
Post: #21 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 04:25 PM Parent: #1
الخروج مسالة زمن .. السيد الصفاقسى .. فى الأنتظار .. والسيده/ رجاء فى الكوفير!! يا اخى الأتحاد العربى ده ليئم بشكل!!!!!!!!
Post: #22 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: ثابت محمد Date: 10-07-2007, 06:27 PM Parent: #1
Quote: وهل يتساوى سقوط .. مع سقوط ؟
تاج السر رمضان كريم غريبة الليلة إعترفت في عنوان بوستك بسقوط الهلال هل فعلاً سقط الهلال ؟؟ إن كنت تقصد بالسقوط الخروج بدون بطولة فهذه معلومة قديمة الهلال ساقط سبعة وسبعين سنة الغريبة تهللوا وتتبجحوا أنكم وصلتو دور الأربعة تصدق يا تاج السر ده تدهور الهلال 1987 وصل النهائي بدون كلتشات ولا داريوكشافات ولا هوت هوت والهلال الفين وسبعة بمحترفيها ح يكون التالت او الرابع والله مذنب هالي بس .. يغتس ستة وتمانين سنة
بعدين سقوط الهلال حدث بالفعل أول البارح اما المريخ لم يسقط وبإذن الله لن يسقط .. قد تاهل اليوم للنهائي تأهل رغم انف الحكم الذي قام برعاية دولفين واهداه ضربتي جزاء تأهل رغم إيعازات من يجعلون الفرق تلعب في رابعة النهار بالخرطوم
المحمولات جواً دي يا تاج السر اخوي غير المريخ مافي تيم بقدر عليها
بالله هسي الهلال خلاص خلاص ؟؟ مباراتكم الجاية مع منو ؟؟ هلال الرنك ولا السهم القضارف ؟؟ لا أفريقياً ولا عربياً .. المحلي رجع عطبرة ؟؟ الله يكون في عون جماهير الهلال
تحياتي
Post: #23 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-07-2007, 06:34 PM Parent: #1
المساله مساله وقت وتعود العرجاء لى مراحا !!
Post: #25 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: الزبير صالح الزبير Date: 10-07-2007, 07:32 PM Parent: #23
Quote: فقد كانت بين الفريق النيجيرى ضد (بريمه) لوحده ..
انت يا تاج السر بريمة كان بيلعب الوقت داك في المجد السوري ولا شنو ما كان لاعب في المريخ وهو واحد من الجابو الكاس وبالمناسبة سوريا ضعيفة وما فيها كورة بدليل انو الاتحاد السوداني لكرة القدم رفض اقامة معسكر للمريخ هناك بدعوة انو ما فيها فائدة بتعود للفريق بالاحتكاك مع حمام ميت وبالمناسبة مرة تانية بعد صعود المريخ الليلة للنهائي برضو مسالة وقت والله تبت وعقلك رجع لمراحو
Post: #33 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Elmosley Date: 10-10-2007, 00:17 AM Parent: #23
Quote: المساله مساله وقت وتعود العرجاء لى مراحا !!
Just for documentation and archiving.
Post: #24 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: MOHAMED EL-BEELI Date: 10-07-2007, 07:27 PM Parent: #1
استاذنا تاج السر .. ياخى والله انت بتظلم الهلال لمن تقارن خروج البطل من دورى الأربعة فى رابطة الأبطال مع تأهل الوصيف فى الكونفدرالية ..!! كدة انت بتساوى بين التمر والكرموش.
Post: #26 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Dr. Ahmed Amin Date: 10-07-2007, 07:34 PM Parent: #1
يا جماعة ما تأخذو أخونا تاج السر
الراجل المغصة شقته ...
خلوه يتفشى شوية عشان ما تجيه سكته ولا جلطة
الله يحميه لشبابه ....قال بعيوات قال ..
طيب ورينا العملاق منو غير المريخ في كل السودان
وما جاوره
وهاك الهدية الرمضانية ده ... لزوم مسكن وكده ..
Post: #27 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Talb Tyeer Date: 10-07-2007, 10:38 PM Parent: #26
الاخ تاج السر،
يجب ان تكون منطقيا فى تناولك للموضوع.
شخصيا زعلت كثيرا لخروج الهلال من الوصول للنهائى بتلك السهولة وبطريقة توحى بان الهلال ليس فريق بطولات وليس له طموح اكثر من ان يلعب مع فرق كبيرة وهذا حسب حديثك ولكن المشاركات من اجل الفوز بالبطولة دائما يجب ان تكون هى الهدف وليس ان يكون الفريق كمبارسا يبعد الفرق القوية ويخرج على ايادى فرق ضعيفة ليهدى بذلك البطولة لفرق لا تستحق.
فالهلال مثلا قد اقصى اسيك ساحل العاج وهو البطل الحقيقى لهذا البطولة ان لم يقصيه الهلال فى حين ابقى على فريق ضعيف هو النجم الساحلى ليقدم البطولة فى طبق من ذهب للاهلى القاهرى.
فالبطولة حقيقة كانت يجب ان تكون اما لاسك العاجى واما للهلال ان تخطى النجم الساحلى ولعب النهائى مع الاهلى القاهرى الفريق المحظوظ.
تبقى يا اخى تاج السر المشكلة فى الهلال لانه يريد بطولة بالقفذ فوق الحواجز وهذا سيكون صعب المنال وسيظل الهلال كذلك ما لم تتغير عقليته بالبداية الصحيحة بان يكون فريق بطولات يبداها بكاس المجاعة فى شرق ووسط افريقيا وكاس الاتحادى الافريقى ومن ثم كاس رابطة الابطال وهو المنطق السليم، والا ستظل هذه الاسطوانه الهلالية المشروخةتتكرر فى كل مرة وهذا ما لا نريده لفريق كبير مثل الهلال.
فان عجز الهلال فى الحصول على بطولة من الحمام الميت كما يقول مريدية فهو بالتاكيد سوف لن يحصل على بطولة من الحمام الحى!!!!
مع تحياتى،
طالب تية..
Post: #28 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Khalid Osman Jaafar Date: 10-08-2007, 04:06 AM Parent: #1
الله يهديك يا تاج السر ...
Post: #29 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Khalid Osman Jaafar Date: 10-08-2007, 04:09 AM Parent: #1
لا تعليق ...
Post: #30 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: النسر Date: 10-08-2007, 04:38 AM Parent: #29
تاج السر احترامى الشديد واسفى الكبير لخروج الهلال من بطولة افريقيا كنا سوف نسعد لو واصل الهلال انتصاراتة وساهم اكثر فى نهضة الكرة السودانية ولكن فى النهاية الكرة غالب ومغلوب ولكن ايضا ما نرفضة تطاولك على المريخ برغم انتصاراتة وبرغم انة اثبت جدارة فائقة فى كل المنافسات التى خاضها حتى الان سوف يظل المريخ مريخ والهلال هلال ولكن لن تكون ابدا كاتب وعاشق الهلال الاول ان لم تتراجع عن كل اوهامك وخيلاتك الغير موفقة نحترم الهلال كمؤسسة رياضية ولا يعنينا من يتطاولون بالسنتهم باسم الهلال نحترم الصحافة الرياضية المبدعة والملتزمة باخلاق الرياضة لا الصحفين الذين يرسخون للكراهية بين الرياضين نحترم كل قلم صحفى يتناول الاحداث الرياضية بموضوعية ومنهجية بعيدا عن التعصب الاعمى اين انت من كل ذلك لا افترى عليك ولكن فقط تعال لنؤسس صحافة رياضية محترمة قوامها حب الرياضة وحب الوطن ونشر الوعى والابتعاد عن ثقافة التطبيل احترامى الشديد
Post: #31 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: ترهاقا Date: 10-08-2007, 05:47 AM Parent: #30
الاخ تاج السر
كنت أتمنى أنو الهلال يجينا بالكاس والآن اصبح املنا فى المريخ والفريق القومى
وإنشاءالله سيفرح الشعب السوادانى بأحد الكاسين
تعرف كيف يكون هزيمة فريق سودانى لمغترب مثلا فى السعودية ، ده يمكن ما يمشى المكتب بالرغم من إنو يمكن الفريق المهزوم ما فريقه فى السودان لكن أى فريق بيطلع يمثل السودان فحتما بيمثل السودانيين كلهم وكمان لمن ينهزم بيقوا مضحكة قدام الجنسيات المعاهم لانهم بيعرفوا إنو المغلوب ده فريق سودانى وبس
أنا هلالابى على السكين زى ما بيقولوا ولكن دعنا ندعو الله أن يفوز المريخ بالكاس عشان نرفع راسنا ونمشى قدام الاجانب
Post: #32 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: KOSTA Date: 10-09-2007, 11:24 PM Parent: #31
Quote: أنا هلالابى على السكين زى ما بيقولوا ولكن دعنا ندعو الله أن يفوز المريخ بالكاس عشان نرفع راسنا ونمشى قدام الاجانب
ترهاقا
اسمعت اذ اسمعت مناديا و لكن لا حياة لمن تنادى الهالة سأأأأبة !!!!! HOPELESS CASE
Post: #34 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-10-2007, 00:39 AM Parent: #1
ان الذين يرددون الهلال .. هلال .. والمريخ .. مريخ .. والبطيخ .. بطيخ . لا يعنيتى كلامهم كثيرا .. لابد من تحديد واضح من هو (الزعيم) ومن هم (الرعيه)!! !!
الحل هو الأعتراف (صاغرين) ولا كتر خيركم لأنه ده اعتراف من الأتحاد الأفريقى وحق مكتسب بالعرق .. بان الزعيم هو الزعيم .. وسيد البلد هو سيد البلد بالحق لا (بالدلاقين) .. والرشاوى وشراء ذمم الحكام واللاعبين المتمردين على انديتهم .. رغم ذلك فانهم وحتى اللحظه وأفضل ما يمكن أن يحققوه هو (زعامة الوصفاء) !! ولن يحققونها .. فقد انتهت مرحلة (البيع والشراء) .. وفريق مهزوم من (حمام ميت) بفضيحه عليه أن يحترم نفسه ويعرف حجمه الطبيعى! فمن يقنعنا أن (البعيو) يشارك فى بطولة (الزعماء) فعليه بالدليل لا (الجعجعه)!! (بعيو) 35 سنه لم يصل الى دور الثمانيه فى بطولة (الزعماء) وعايز يكون (زعيم) !! دى ما فى ليها طريقه (بالكاش) !! طريقها انك تكون زعيم على اندية السودان اولا مش داخل بيت الطاعه 5 سنه .. ثم تلعب ضد (الزعماء) .. زمالك .. اهلى .. اسيك .. ترجى ... الخ مش (حمام ميت) .. وقطن .. وشلف .. وشباب تنزانيا !!
مخارجه:- اخلاق (الزعماء) والملوك لا تسمح لهم بشراء المباريات وذمم الحكام .. ولولا أن الكبير كبير لأشترى الزعيم مباراة (الترجى) ولوصل للنهائى بهذا الطريق (القذر) الذى لا نرضاه لأنفسنا (كهلالاب والحمد لله) !!
Post: #36 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: KOSTA Date: 10-10-2007, 00:56 AM Parent: #34
الصقر كان وقع كترت " البتابت " عيب !!!!! اى و الله عييييييييييييييييييييب !!!! هالة سأأأأأأأأأأأأأأأأأبة
Post: #35 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: Sosan Abdullah Date: 10-10-2007, 00:51 AM Parent: #1
اكتب مشئت فلا تخجل فقد سقط الهلال وتأهل المريخ للنهائى وىظل الوصىف. وصيف وصيفا وللعلم لو لعب الهلال فى بطولة لوحده سوف يحل الثانى سليمان محمد
Post: #37 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 10-10-2007, 01:02 AM Parent: #1
كتيت سوسن :-
Quote: اكتب مشئت فلا تخجل فقد سقط الهلال وتأهل المريخ للنهائى ويظل الوصيف. وصيف وصيفا وللعلم لو لعب الهلال فى بطولة لوحده سوف يحل الثانى
الهلال .. فى هذه اللحظه هو الثالث بين (الزعماء) ناس (بوش ، وشيراك) .. والذى منه .. والثمانيه الكبار، و(الوصيف) فى الدورى السودانى يحول أن يكون (زعيما) للوصفاء !! دى هسه (شكره) ولا (نبذه) ؟؟ _____________
نلعب ولا ندرس ؟؟؟؟؟؟؟
Post: #38 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 11-24-2007, 08:19 PM Parent: #1
هل تذكرون ؟؟؟
__________
كتبنا من قبل:-
Quote: سقوط (البعيو) مسالة زمن !! مهما تم شرء اللاعبين والحكام وبأى ثمن .. فالسقوط فى المحفلين مسالة وقت وهل يتساوى سقوط (طالب الطب) فى نهائى المرحله مع (سقوط) طالب كلية الصحه ؟؟ بل هل يتساوى (نجاح) طالب (كلية الصحه) مع (سقوط) طالب الطب فى المرحله الأخيره؟؟
- اول مرة أشوف لى (طالب) فرحان لأنه رسب (بنقطه) واحده !!
- تانى مرة البعيوات يفرحوا للهزيمه .. اتوقع أن يقابلوا بالدفوف والدلالايك!!
Post: #39 Title: Re: العرجاء لى مراحا .. خروج المريخ مسالة زمن .. وهل يتساوى سقوط .. مع سقوط ؟ Author: تاج السر حسن Date: 11-25-2007, 05:58 PM Parent: #1
