Post: #1
Title: أبطال الهلال يتحدون الصعاب وسيقهرون النجم وكل النجوم
Author: محمد عادل
Date: 10-06-2007, 03:00 PM
Parent: #0
اليوم فى تمام الساعه العاشره يخوض ابناء الهلال
اخوان هيثم ام المعارك فى تونس اليوم ويواجهون النجم الساحلى التونسى
ولقد تعاهد ابناء الهلال وقررو ان يعيدوة سيناريو 87
واكمل الجهاز الفنى كامل استعدادته لهذه المباراة
وقرر الخوض بتشكيله 4/5/1
ابوبكر شريف حامى العرين
رباعى دفاع داريوكان وخالد جوليت و علاء جبريل ويوسف محمد
خماسى وسط حمودة بشير وعلاء يوسف و سيف ميساوى وعمر بخيت وهيثم مصطفى
والقاطره قودوين
كل الامنيات لهلال السودان
اسمك هدر تاريخ ندر اسم الهلال
جمهور فى التشكيله بان فى كل حوباء انتصار
حيو الهلال العالمى حيو الهلال رمز الفخار
|
Post: #2
Title: Re: أبطال الهلال يتحدون الصعاب وسيقهرون النجم وكل النجوم
Author: Mohamed Abdelmotalib Hassan
Date: 10-07-2007, 04:54 AM
Parent: #1
يا جنا
عنوانك ده كان ماشي كويييييس لحدي ما وصلت لي عبارة كل (النجوم)!!
دحين انشاء الله تكون قهرتو كويس؟؟
قهرتك بالنبي : هلال (المليين) بتاعك ده نقيت فيهو لمن نجهتو وصلتو الأخره , وركبتو التونسية , وقبل كده سيد مبارك نقيت فيهو ونجهتو لحقتو كوبر بي صمة خشمو!! دحين : عليك سيد مبارك : نجمتنا دي خليها لينا وأبعد منها اليومين ديل.
عالم كج بشكل!!!
بالله حاول تصلح علاقتك مع النجمه بعد كده , عشان اليوم الشين الزي ده لمن يجي تلقانا معاك عاصرين الفراش!!
هاك اتجوغر :
|
Post: #3
Title: Re: أبطال الهلال يتحدون الصعاب وسيقهرون النجم وكل النجوم
Author: almulaomar
Date: 10-07-2007, 07:08 AM
Parent: #1
أخي محمد عادل
هاردلك
وما نيل المطالب بالتمني
الهلال ركب التونسية زي ما بيقولو وأحسن برضو من Egyptair
مشكلتنا بقينا نجمة نجمه الليل نعدو
والسنين يا حلينا عدو
وإنت ما عارف دفاعنا لمن يسرح وين بيودو
|
|