Post: #1
Title: بعد فشل تُكُلنا الرمضاني :بوست الخبيز و كحك العيد يناديكم
Author: lana mahdi
Date: 10-06-2007, 02:15 PM
Parent: #0
الله يكسبك يا شيماء
تكلنا عليكي العصايد و الملحات أخوانك ما فطرو غير بالشوربة و القطايف الفي أول يوم في رمضان ديكي و بالتالي التكل حقنا حق رمضان فشل و قفلوهو
و لا أعفي نفسي من المسئولية لمن حردت و قلت ماشة
أها قلتا نتستر معاهم في بوست كحك العيد
بسم الله نبدأ
أحلى حاجة في السودان ريحة الخبيز و كعك العيد في الحلة و صوا
|
Post: #2
Title: Re: بعد فشل تُكُلنا الرمضاني :بوست الخبيز و كحك العيد يناديكم
Author: د.محمد حسن
Date: 10-06-2007, 02:24 PM
Parent: #1
Quote: أحلى حاجة في السودان ريحة الخبيز و كعك العيد في الحلة و صوا
|
والشفع يجوا شايلين الصواني في راسهم من طابونة السوق الجديد
ونحن قاعدين في العتبة
البنلقاه مسكر بنشيل منو
شي حناسة
وشي حمرة عين
|
Post: #3
Title: Re: بعد فشل تُكُلنا الرمضاني :بوست الخبيز و كحك العيد يناديكم
Author: Raja
Date: 10-06-2007, 02:27 PM
Parent: #1
لنًو يا حبيبة..
كل عام وانتو بخير..
بندحرج السلام لغاية بعدين..
* نفسي في كعك يكون مخًزن في صفيحة، والعجب البيكون تحت.. وااااااو ..
|
Post: #4
Title: Re: بعد فشل تُكُلنا الرمضاني :بوست الخبيز و كحك العيد يناديكم
Author: Shayma
Date: 10-06-2007, 06:16 PM
بت حلال يا لنا
تصدقي فكرتا اعمل بوست للخبايز
بعنوان (اها يا لنا ركن الخبايز كيف)
لكن زي ما قلتي
لما لقيتك حردانة انا ذاتي حردت البوست
وكنت حأحرد خبيز العيد ذاتو في بيتي
الا بركة اللحقتيني
المهم يا ستي عندي وصفة كعك جميلة جدا وساهلة
تعمليهو بسرعععععععععة زي الكيكة
وهاك قولي واحد
كعك شوشو
2 كوب كبير سمن (او واحد سمن وواحد زيت للما بيحبوا السمن)
1 كوب حليب (سائل)
ملعقة كبيرة مسطحة خميرة
ملعقة كبيرة كافور مطحون (دة مهم شديد وموجود في العطارات للناس الفي الخليج)
ملعقة كبيرة مسطحة باكنج باودر
ذرة ملح
ملعقتين سمسم (دة طبعا حسب الرغبة لكن الكعك الذ بيهو)
السمن والحليب مع بعض بعدين نضيف كل الباقي
بعدين الدقيق شوية شوية لغاية ما تكون عجينة معقولة للقطع
وما تكون قوية شديد
تقطع وتدخل الفرن ليستوي من اسفل بالاول وبعدين الشعلة الفوق دقايق للون فقط
عاد يا لنا شدي حيلك ما معقول نطلع فاشلين في رمضان والعيد الاتنين
|
Post: #5
Title: Re: بعد فشل تُكُلنا الرمضاني :بوست الخبيز و كحك العيد يناديكم
Author: Shayma
Date: 10-07-2007, 10:32 AM
Parent: #4
وين الناس؟
|
|