أنا تشكيلى

Post: #1
Title: أنا تشكيلى
Author: يازولyazoalيازول
Date: 10-06-2007, 10:19 AM

أنا تشكيلى
ما قاعد أرسم
بس تشكيلى
مره أشوف الناس بالأبيض
ومره بشوفهم بالألوان
مره بشوف الحتة ضُلمة
ومره بشوف الكون أنوار
أقعد أعاين للبنى آدم
وأنحت فيهم زى ما داير
وأمشى البحر أتسلى شوية
أُمنى النفس أشوف حورية
ولاّ غروب الشمس الحية
أو يا ربى أشوف دلافين
ناس فى مركب وسخانين
وأمشى السوق أقعد أتحاوم
أشوف الرصّة الفى الدكان
ولاّ الزول الفى الدكان
وأقعد ساى
أشوف ست شاى
وأشوف البت المن حلتنا
وأقعد أرسم فى راسى
نا س قاعدين فى كراسى
مش من أول أنا قُت ليكم
برسم ليكم
وبشوف ليكم
وبحكّيكم
عشان الوهم العاش فى راسى
أنى بقيت فنان تشكيلى
من غير ريشة
من غير خبرة
من غير فكرة
هل يا ناس معقول أبقى
ما بين يوم والليلة السابقة
زول فنان برسم فى الناس
وكل ما يجيش فيهو الإحساس
يقعد يكلم كل العالم
بالشخبيط البيعمل فيهو
بس لكن ذاك الشخبيط
هو الفن وهو التزبيط
وهم قايلين زولن ده عبيط
وما عارفين سر الشخبيط
وكل ما إتختّ تحتو شريط
حلات يا ناس ألوان الزيت
وكل فنان بيرسم ويعيد
وكل ما يصابح يوم العيد
أقول يا رب تبقينى
زول فنان
على شرط تشكيلى
قولو معاى يا حلوين
يا رب آمين
يارب أمين

لووووووووووووووووووووووووووووووووول

http://www.sudanartistunion.com/vb/showthread.php?p=6967#post6967

Post: #2
Title: Re: أنا تشكيلى
Author: احمد العربي
Date: 10-06-2007, 10:49 AM
Parent: #1

لك التحيه
واجمل الالوان
نضمي سمح

Post: #3
Title: Re: أنا تشكيلى
Author: يازولyazoalيازول
Date: 10-06-2007, 10:55 AM
Parent: #2

شكرا جزيلا أحمد العربى فحبى للفن التشكيلى والتشكيليين أوهمنى أننى أنا تشكيلى

Post: #4
Title: Re: أنا تشكيلى
Author: إدريس البدري
Date: 10-06-2007, 11:05 AM
Parent: #3

Quote: أنا تشكيلى

وأنا أشكيلك

سلام يا زول ...وينك ؟

تحياتي

Post: #6
Title: Re: أنا تشكيلى
Author: يازولyazoalيازول
Date: 10-06-2007, 11:12 AM
Parent: #4

الجميل إدريس البدرى

نشكيل لى بعض

تحياتى

Post: #8
Title: Re: أنا تشكيلى
Author: haroon diyab
Date: 10-06-2007, 11:27 AM
Parent: #4

ادريس البدري
تحياتي
Quote: أنا تشكيلى

وأنا أشكيلك

سلام يا زول ...وينك ؟

والله العظيم ختفتها من خشمي .... يااخوي انت كنت قاعد مع الجماعة ولا شنو .....؟

يازول يارائع
كلام ذي الدكوة ....يديك العافية .
هارون دياب

Post: #10
Title: Re: أنا تشكيلى
Author: يازولyazoalيازول
Date: 10-06-2007, 12:47 PM
Parent: #8

هارون دياب

تسلم يا راقى

Post: #5
Title: Re: أنا تشكيلى
Author: doma
Date: 10-06-2007, 11:05 AM
Parent: #3

يا ه هشام ولدي تشكيلي الف الف مبروك وتستاهل اكتر من كدا
ورمضان كريم وكل سنه وانت والاسره بخير
انا غايتو طلعت شكلتوه
وفي شئ طالع جديد من مركز الدراسات المعاصره اسمه السكواتشكلي السكواتشكلي /B]

Post: #7
Title: Re: أنا تشكيلى
Author: يازولyazoalيازول
Date: 10-06-2007, 11:15 AM
Parent: #5

الرائعة جداً الحاجة دومة

تحياتى يا حاجة ، وكل سنة وإنتى بألف خير

السواتشكلى

يعنى زى الزول السوى حاجة وجا يشتكيلك

تحياتى يا أعظم دومة فى المنابر السودانية

Post: #9
Title: Re: أنا تشكيلى
Author: bushra suleiman
Date: 10-06-2007, 11:34 AM
Parent: #1

يازول ..ياجميل

بشكيليكم يا مطاليق الهوى اصلى مرسوم مرّتين

Post: #13
Title: Re: أنا تشكيلى
Author: يازولyazoalيازول
Date: 10-07-2007, 10:26 AM
Parent: #9

لووووووووووووووووول يا بشرى سليمان

بعدين ذكرتنى أغنية كده ، محمد ميرغنى ولا شنو؟

لووووووووووووووووووووووووول

تحياتى

Post: #11
Title: Re: أنا تشكيلى
Author: يوسف محمد يوسف
Date: 10-06-2007, 05:48 PM
Parent: #1

هشام ...
انت ما فنان تشكيلى ..
انت اعظم لوحة تشكيلية حبنا بها الله سبحانه وتعالى ..
روحك ..
نفسك..
كلماتك ..
ذوقك ..
حبك للناس ..
انت ملحمة انسانية .. تجسدت فى لوحة تشكيلية .. تمازجت خطوطها و الوانها
بيد الله الخالق القدير ..
دمت لنا
يوسف

Post: #15
Title: Re: أنا تشكيلى
Author: يازولyazoalيازول
Date: 10-07-2007, 11:15 AM
Parent: #11

يا سعادتك لكن ده كتير خالص علينا

يا سعادتك لو أنا اللوحة فأنت إطارها

ما بنفك منك

تسلم سعادتك

Post: #12
Title: Re: أنا تشكيلى
Author: Abdlaziz Eisa
Date: 10-06-2007, 06:02 PM
Parent: #1

سلام يا زول يا رقيق إحساس
يا سمح ألوان يا سيد الناس..
أنت تشكيلي خلاص
وأحسن مننا نحن الكسالى
انا عندي حاجاتك دي لكن مسجونة مع وقف التنفيذ..
التنظير الكثير صار لينا شغل..
وكلامك ده حلو وزي القرصة في الأضان..
خلاص من بكرة نطلق سراح الفرشاة لتعبث بالألوان
وشكرا لأنك صحيتنا
لك التحية

عبدالعزيز

Post: #16
Title: Re: أنا تشكيلى
Author: يازولyazoalيازول
Date: 10-07-2007, 11:42 AM
Parent: #12

الأستاذ الفنان عبدالعزيز عيسى

لازم تمسك الريشة يا أستاذ وتدينا أفضل ما عندك يا أستاذ لأننا لا نستغنى عن ريشة التشكيلى أبدا أبدا

تحياتى يا أستاذ وتشكر على المشاركة الجميلة

Post: #14
Title: Re: أنا تشكيلى
Author: عمر عبد الخالق سعيد
Date: 10-07-2007, 10:43 AM
Parent: #1

Quote: ومره بشوفهم بالألوان
مره بشوف الحتة ضُلمة
ومره بشوف الكون أنوار

تشكيلي و لا مسطووووول

تحياتي يا راااااااااااااايق

Post: #17
Title: Re: أنا تشكيلى
Author: يازولyazoalيازول
Date: 10-07-2007, 11:45 AM
Parent: #14

يا عمر ، ياخ دى الصورة البشوفها التشكيلى فى مخيلتو ، وبعدين يا عمر أى تشكيلى يرسم ما يراه فى مخيلتو بيكون فعلا مسطول لأنو بشوف حاجات الناس التانين ما بشوفوها و:

لوووووووووووووووووووووووووووووووووووووووووووووووووووول

Post: #18
Title: Re: أنا تشكيلى
Author: Abureesh
Date: 10-07-2007, 02:20 PM
Parent: #17

الأخ هشـام،

قالوا كلو إنسـان تشكيلى، وشقى الحال يقـع فى (الزيت)!

Post: #19
Title: Re: أنا تشكيلى
Author: سلمى الشيخ سلامة
Date: 10-07-2007, 02:45 PM
Parent: #18

يا هشام بى (لوحتك اوفى الميعاد)
ارسم ياخ ارسم يعنى تبارك براهو يرسم ؟
تحياتى وكل سنه وانت تشكيلى وانا اشكيلك
زمان فى المدرسة كنا بنقول (شكوى على مكوة ) لمن كبرت برضو ماعرفت المعنى شنو ؟
هل الشكوى حارة ؟ ام الشكوى لغير الناظرة مذلة
ما تشتكى ياخ
(الشكوة)طبعا فى بربر معناها ال(مفحضة )
عندى خالتى كانت مدرسة فى بربر فى الخمسينات
قالت البنات يجن (يشتكن )
ـ الست، البت دى سالت شكوتى
وكانت تستغرب من الشكوى ، فسالت المدرسات معها فاجابوها ان الشكوة هى المفحضة
شفت الشكاوى دى كيف ؟
مودتى

Post: #21
Title: Re: أنا تشكيلى
Author: يازولyazoalيازول
Date: 10-08-2007, 09:27 AM
Parent: #19

الأديبة الراقية سلمى الشيخ سلامة

مشاركتك جميلة ولطيفة ، وأنتى تعرجين على أهلنا فى بربر ، أحييهم فى هذا الشهر المبارك وأبارك لهمك العيد فقد عشنا فى رحاب بربر تسعة سنوات كاملة ، تعرفنا فيها على الشكوى والقلشوب والساسوى فالقلشوب يعدل الفحم عند غيرهم والساسوى يعدل القزاز عند الآخرين والشكوى المفحضة ، (لوووووووول)

الفن التشكيلى كما قالت لى إحداهن: (زى الهم فى القلب) فهل يعتقد التشكيليين ذلك؟ وإذا كان هو هما فكيف صار فنا؟

تسلمى يا ستى على المشاركة الرقيقة

Post: #20
Title: Re: أنا تشكيلى
Author: يازولyazoalيازول
Date: 10-08-2007, 09:22 AM
Parent: #18

أبوالريش

يعنى التشكيل من شقاوة الحال ، أم هو الوقوع فى الزيت؟

لووووووووووووووول

تسلم ياخى

Post: #22
Title: Re: أنا تشكيلى
Author: عمر عبد الخالق سعيد
Date: 10-15-2007, 06:48 AM
Parent: #1

يا زووووول
آيييي

وينك؟؟؟

Post: #23
Title: Re: أنا تشكيلى
Author: Nader Abu Kadouk
Date: 10-15-2007, 06:54 AM
Parent: #22

الشكيه لي اب إيدن قويه
هشام كل عام إنت والاسره الكريمه بخير
ودابكدوك