Post: #1
Title: موت وطن ؟؟!!
Author: ابراهيم الكرسنى
Date: 10-04-2007, 03:14 AM
بمناسبة الذكرى الثالثة و الأربعين لثورة أكتوبر المجيدة
موت وطن ؟؟!!
خواطر و أسئلة حائرة من الشعب السوداني "الفضل"
مهداة إلى روح المرحوم على عبد القيوم و الى الأساتذة هاشم صديق ، محمد المكي إبراهيم و فضل الله محمد – فرسان الكلمة في تلك الحقبة الزاهية من تاريخ الشعب السوداني
فوق كيمان من الأحزان
ديك أبيى
وديك دارفور
وديك كجبار
وهناك أمري
وديك كسلا
يمين "اتفطس" السودان
....
هو عاد معقول
بلدا فيهو نهر النيل
و الإنسان يموت عطشان؟!
....
هو عاد معقول
بلدا فيهو موية النيل
مطنبجى مالى للحيضان
خيرو كتير
قمحو كتير
مريقو كتير
وتمرو كتير
والإنسان يموت جيعان؟!
....
بلاد كانت فرح وسرور
وعليها الدنيا متكبى
كل زول دار يجيها يزور
هي عاد ما كانت الجني
وبحلف بى جدودي الجد
حليفة مو حليفة زور
هي كانت جنة الرضوان
....
بعد أمطارنا سايلى سيول
وبعد مويتنا راويى حقول
وبعد خدرتنا كاسي سهول
نشفت تب.. منو المسئول؟!
....
منو المسئول؟!
شعب يصيح منو المسئول؟
وكيف سودانا يتعمر
بعد كل زول صبح مفصول؟!
....
هو عاد معقول
محل ما تمشى تلقى الزول
خات بصماتو في كل شي
وعمرو لي بلاد الله
عمارن ما بدور برهان
....
داكا طبيب
وداك جراح
وداك أستاذ
علمو للخلق من جم
وداوو المرضى و السقمان
وبعد ها الحال
كيف الزول يموت مرضان؟!
....
وعاد لمان تشوف الناس
بتسأل بس سؤال ضهبان
مهما صار وايش ما كان
بس معقول
عاد يا ناس
ده بس معقول
الشايفنو ده السودان؟!
....
يجيها الرد من طفلا سميح و صبوح
يقولها صاح... بعد ما جاهو طوفان نوح
داكا يتيم
غالبو النوم
وديك مرضاني ديمه تنوح
وطفل لقيط
ديمه يصيح بصوت مبحوح
وينا أمي
داير أبوي
دار أعرف منو المسئول؟
ولامن جاهو زول مسئول
ريحة النعمه منو تفوح
قالو تعال
برميل "كوشة" والله تروح!!
....
أروح وين؟
أقبل وين؟
أمش لي مين؟
بعد ما كنا مطامنين
وعايشين في بيوت الطين
ناكل من ضراع و جبين
ويمين فى الدنيا مو سائلين
والله الجميع مرتاح
لا في شكيى لا في أنين
وحتى ضيوفنا مرتاحين
وقاعدين في ولاد العين
....
لامن جانا يوم الغول
سال لي سيفو و السكين
قال داير يقيم الدين
قلنالو الخلاوى كتار
مو ديرالا سل سكين
وديل فقرانا سهرانين
يرتلو ديمه في القرآن
سورة طه، الرحمن وكمان يسن
....
قال لآلا
هو دينو كتر
دينو حضاري
وما بيشبه لهذا الدين
وتباعو اسمهن "إخوان"
وبعد ده الدنيا متقسمى... فسطاطين
هناك كفار...وهناك إخوان وتجار دين
....
و تانى يقول
بعد ده الزول
أمامو خيار
إما تكون مع الأخيار
وإما تكون مع الكفار
....
وعندي نصيحة للحبان
اختارو الخيار الزين
البيسكنك دورين
بعد ما كتا في بيت طين
البيركبك ليموزين
بعد ماك ماشى كداري
لاجزمات ولا نعلين
اليبشبعك ديمه
بعد ما كت مع الجايعين
البيسفرك لندن
وتشوف "الفقرا" كيف عايشين!!"
....
وترجع من هناك تخمان
وطول ليلك تصيح وتقول
يا ناس ياها دى الأديان
يمين بالله دى الأديان
لا في دقون ولا كيزان
....
بلاد مهمومة بالإنسان
عشان كدي كل زول شبعان
عشان كدي ما في زول عطشان
عشان كدي ما في زول مرضان
....
وتقيف وسط الأهل وتصيح
يمين بالله ده الإيمان
وتقيف وسط البلد وتصيح
ملعون عاد أبو "....زان"
....
وآخر القصة عندي سؤال:
للدكتور
والمرشد
ومعاهو إمام
جانا في آخر الأزمان:
ياها دى دولة الإيمان؟!
.....
ونصيحة بقولا يا إخوان
بقولا بكل فم مليان
تديين السياسة حرام
تديين السياسة إجرام
تديين السياسة جهل
تديين السياسة فقر
وكمان بيفطس الأوطان
....
ابراهيم الكرسنى
أكتوبر 2007
|
Post: #2
Title: Re: موت وطن ؟؟!!
Author: Omer Abdalla
Date: 10-04-2007, 04:11 AM
Parent: #1
Quote: هو عاد معقول
بلدا فيهو موية النيل
مطنبجى مالى للحيضان
خيرو كتير
قمحو كتير
مريقو كتير
وتمرو كتير
والإنسان يموت جيعان؟! |
أستاذي الجليل ابراهيم الكرسني
عاطر التحايا
شكرا على عصارة القلب
السودان فيه ما يكفي حاجتنا ولكن ليس فيه ما يكفي أطماعنا
زد الى ذلك سوء التخطيط وفساد الذمم في ظل هذا النظام الرزء
عمر
|
Post: #3
Title: Re: موت وطن ؟؟!!
Author: Muna Khugali
Date: 10-04-2007, 04:25 AM
Parent: #2
يوما ما..
ستنبت الأرض قاده مثلما تنبت قمحا..
يكون مشروعهم الوطن والأنسان..
تحياتي..
|
Post: #4
Title: Re: موت وطن ؟؟!!
Author: احمد العربي
Date: 10-04-2007, 04:39 AM
Parent: #3
Quote: منو المسئول؟!
شعب يصيح منو المسئول؟
وكيف سودانا يتعمر
بعد كل زول صبح مفصول؟ |
الزول السماوي
الاستاذ الجليل
ابراهيم كرسني
مليون سلام
|
Post: #5
Title: Re: موت وطن ؟؟!!
Author: ابراهيم الكرسنى
Date: 10-04-2007, 04:41 AM
Parent: #1
أزمة القيادة وفساد الذمم يا عمر
أزمة القيادة
أزمة القيادة
أشكر لك المساهمة عزيزى عمر و كل عام و أنت و أفراد الأسرة الكريمة بالف خير.
ابرهيم
|
Post: #6
Title: Re: موت وطن ؟؟!!
Author: abubakr
Date: 10-04-2007, 04:42 AM
Parent: #1
Quote: قال لآلا
هو دينو كتر
دينو حضاري
وما بيشبه لهذا الدين
وتباعو اسمهن "إخوان"
وبعد ده الدنيا متقسمى... فسطاطين
هناك كفار...وهناك إخوان وتجار دين |
....
عزيزي ابراهيم ...رمضان كريم .. وفيت وكفيت ... وبين حروفك قصة وطن مات كلنيكيا بضربة شومة وسط الراس ببعض من اولاده...
|
Post: #26
Title: Re: موت وطن ؟؟!!
Author: Mustafa Mahmoud
Date: 12-17-2007, 05:13 PM
Parent: #6
....
أروح وين؟
أقبل وين؟
أمش لي مين؟
بعد ما كنا مطامنين
وعايشين في بيوت الطين
ناكل من ضراع و جبين
ويمين فى الدنيا مو سائلين
والله الجميع مرتاح
لا في شكيى لا في أنين
وحتى ضيوفنا مرتاحين
وقاعدين في ولاد العين
|
Post: #7
Title: Re: موت وطن ؟؟!!
Author: اسعد الريفى
Date: 10-04-2007, 08:13 AM
Parent: #1
السودان فيه ما يكفي حاجتنا ولكن ليس فيه ما يكفي أطماعنا
|
Post: #8
Title: Re: موت وطن ؟؟!!
Author: ابراهيم الكرسنى
Date: 10-10-2007, 09:11 AM
Parent: #1
الإخوة و الأخوات الأعزاء
بعد ساعة واحدة فقط من نشرى هذه الخواطر تلقيت نبأ وفاة شقيقى الأكبر محمد، صباح نفس اليوم فى السودان- الخميس 4/10/2007 . ذهبت الى السودان فى نفس اليوم لتقبل العزاء. حضرت فجر اليوم. أرجو من الله أن يتقبله قبولا حسنا و يغفر له من ذنبه ما تقدم و ما تأخر ويجعل الجنة مثواه.
أشكر لكم المرور و كل عام و أنتم بخير.
ابراهيم
|
Post: #9
Title: Re: موت وطن ؟؟!!
Author: احمد العربي
Date: 10-10-2007, 09:19 AM
Parent: #8
احسن الله عزأكم وتقبله
بواسع رحمته
|
Post: #10
Title: Re: موت وطن ؟؟!!
Author: ابراهيم الكرسنى
Date: 10-15-2007, 04:52 AM
Parent: #1
أشكرك يا أحمد و لا اراكم الله مكروها فى عزيز ليكم.
ابراهيم
|
Post: #11
Title: Re: موت وطن ؟؟!!
Author: طارق جبريل
Date: 10-15-2007, 10:21 AM
Parent: #1
د. ابراهيم
احسن الله العزاء
وتقبله الله قبولا حسنا
للاسف فقد مفكرتي منذ اسبوع الرجاء مدي بهاتفكم على إيميلي:
[email protected]
|
Post: #12
Title: Re: موت وطن ؟؟!!
Author: Ahmed Yousif Abu Harira
Date: 10-15-2007, 11:23 AM
Parent: #11
البركة فيكم يا دكتور واحسن الله عزاكم
|
Post: #13
Title: Re: موت وطن ؟؟!!
Author: ابراهيم الكرسنى
Date: 10-16-2007, 04:22 AM
Parent: #1
أشكرك أخى أحمد أبو حريرة
ابراهيم
|
Post: #14
Title: Re: موت وطن ؟؟!!
Author: حسن طه محمد
Date: 10-17-2007, 07:45 AM
Parent: #13
أخي الدكتور ابراهيم
للفقيد الغالي الرحمة ولكم وللأسرة الكريمة حسن العزاء.
انا لله وانا اليه راجعون.
أخوكم/ حسن طه
|
Post: #15
Title: Re: موت وطن ؟؟!!
Author: jini
Date: 10-17-2007, 08:22 AM
Parent: #14
Quote: ونصيحة بقولا يا إخوان
بقولا بكل فم مليان
تديين السياسة حرام
تديين السياسة إجرام
تديين السياسة جهل
تديين السياسة فقر
وكمان بيفطس الأوطان
....
|
|
Post: #16
Title: Re: موت وطن ؟؟!!
Author: اسعد الريفى
Date: 10-17-2007, 08:26 AM
Parent: #1
أخي الدكتور ابراهيم
للفقيد الغالي الرحمة ولكم وللأسرة الكريمة حسن العزاء.
انا لله وانا اليه راجعون.
|
Post: #17
Title: Re: موت وطن ؟؟!!
Author: ابراهيم الكرسنى
Date: 10-17-2007, 09:38 AM
Parent: #1
الإخوة الأفاضل حسن طه و أسعد الريفى
اشكركم و أسأل الله الكريم أن لا يريكم مكروها فى عزيز لديكم.
الأخ جنى
أشكرك على المرور.
ابراهيم
|
Post: #18
Title: Re: موت وطن ؟؟!!
Author: حسن طه محمد
Date: 10-17-2007, 10:14 AM
Parent: #17
الأخ دكتور كرسني
التحايا الطيبات
أكاد لا أصدق أن مرت كل هذه السنين الطوال ولم نتقابل فيها وأنا ما زلت أذكر جلساتنا الجميلة بقهوة النشاط التي تم اغتيالها عن عمد وسابق ترصد بفعل فاعل .
عزانا الوحيد هو في متابعة قلمكم الرصين وكتاباباتكم المبدعة النبيلة وأنتم تحملون هموم الوطن الغالي في حدقات العيون كعهدنا بكم .
مع خالص الود .
أخوكم / حسن طه
|
Post: #19
Title: Re: موت وطن ؟؟!!
Author: tayseer alnworani
Date: 10-17-2007, 11:15 AM
Parent: #1
Quote: وعاد لمان تشوف الناس
بتسأل بس سؤال ضهبان
مهما صار وايش ما كان
بس معقول
عاد يا ناس
ده بس معقول
الشايفنو ده السودان |
د.ابراهيم
كل سنة وانت طيب
احسن الله عزاكم فى الفقيد و الهمكم الصبر و السلوان .
صدق يا استاذى انحنا القاعدين جوه السودان بنسأل نفس السؤال ( الشايفنو ده السودان؟؟؟؟؟؟؟؟؟؟؟؟؟؟) .
ولكن مؤمنون بان اجمل الايام لم تاتى بعد
|
Post: #20
Title: Re: موت وطن ؟؟!!
Author: ابراهيم الكرسنى
Date: 10-18-2007, 05:35 AM
Parent: #1
الأخ العزيز حسن طه
لك خالص الشكر للكلمات الجميلة و المشجعة التى قلتها فى حقى. ياخى والله ذكرتنا أجمل سنوات العمر و أبهاها حيث كنا نعتقد جازمين بأن تغيير العالم كله، و ليس السودان وحده ، نحو الأفضل هو فرض عين على كل واحد منا، حتى جاء الغول، فإنحصرت أحلامنا فى وجود السودان نفسه كدولة ديمقراطية موحدة... فتأمل عزيزى حسن!!
الأستاذة تيسير
أشكر لك التعازى. بعد سويعات قليلة من كتابة هذه الخواطر وجدت نفس السؤال مجسدا، فى صمت، فى عيون معظم من التقيتهم فى الخرطوم خلال أيام عزاء الفقيد العزيز: "الشايفنو ده السودان ؟!".
لك التحايا وكل عام وانت بألف خير.
ابراهيم
|
Post: #22
Title: Re: موت وطن ؟؟!!
Author: ابراهيم الكرسنى
Date: 10-21-2007, 09:53 AM
Parent: #1
الإخوة و الأخوات الأعزاء
يصادف اليوم الأحد أكتوبر 21، الذكرى الثالثة و الأربعين لتلك الإنتفاضة المجيدة. آمل أن يكون رحم الشعب السودانى يبشر بمخاض مشابه لها يخرجنا من هذه الأزمة الطاحنة، ويتولد عنه وطن ديمقراطى حر يسع الجميع، وكل عام و أنتم بألف خير.
ابراهيم
|
Post: #23
Title: Re: موت وطن ؟؟!!
Author: ابراهيم الكرسنى
Date: 10-22-2007, 08:56 AM
Parent: #1
هذه التهنئة الرقيقة وردتنى من الأستاذ محمد المكى ابراهيم- أحد فرسان الكلمة فى تلك الأيام المجيدة- على بريدى الخاص ، وقد وددت نشرها لأنها تهنئة للجميع، وكل أكتوبر وأنتم بالف خير.
كل اكتوبروانت وكل انصار الثورة السودانية بألف خير
باحتفالية العام الحالي تتجدد في صدورنا الأمال ونعود الى خيمتنا الاخيرة فنجدها كالعهد بها حصنا منيعا مليئا بمحبي الوطن من اهل البأس والمراس أمثالك وامثال من احتفلوا بشعرك الفخيم في اكثر من مكان.
اهنئك على فصيدة ممتازة واشكرك ان جعلت لي فيها نصيبا والله اسال ان يجعل لوطننا فرجا بعد صيق فقد ضاقت الروح بكل هذا الهذر والهراء ونريد قسمة اخرى كما قال المجذوب :
لابد من قسمة اخرى بميزان من النقمة.
|
Post: #24
Title: Re: موت وطن ؟؟!!
Author: Mustafa Mahmoud
Date: 10-22-2007, 09:04 AM
Parent: #23
[url=http://www.sudaneseonline.com/] [/url
to both of you
ابراهيم الكرسنى
محمد المكى ابراهيم
|
Post: #25
Title: Re: موت وطن ؟؟!!
Author: Mustafa Mahmoud
Date: 12-16-2007, 08:59 PM
Parent: #24
*
|
|
[/url
[/url