كم هي جمــيلة الحـياة بكم ..

كتب يوسف حمد النيل أبو وجيدة معتصم دفع الله إلى القاهرة هذه المرة ليست كالسابق يا يوسف لا أدري إن كنت سأعرف دروبها أم تستعصي علي وأتوه فيها ، وكتب علاء تمبس معتصـم ( البتقع ) من السماء .. بتتلقاها ( إنت ). الكان جاييني كلو مشى لي المساكين ديل يا علاء والجايه من السماء نتحمله بصبر ودعاء الطيبين ..
في المرض زكاة وصبر للإنسان وكنت أعتقد نفسي قوياً بما يكفي لتحمل الصدمات والألم ولكن اكتشفت أنني لا أقوى على ذلك ..
وبفضل اتصالاتكم ودعواتكم ووقفتكم كنا أقوياء بكم ، هذه هي سودانيز أون لاين كل يوم تمنحنا شيئاً جميلاً ومواقف أجمل تعطينا دروس في معنى التواصل والتراحم من أعضائها الذين صاروا إخوة وأحباب رغم اختلاف الأفكار والتوجهات والتي لا تفسد للود قضية ..
كنت أستقبل تليفوناتكم على مدار اليوم ولسان حالكم يدعون الله ويسألونه الشفاء وتجاوز المرض ، هذه والله من نعم الله علينا أن نجد أخوة وأخوات أعزاء جمعنا بهم وطن إفتراضي عشناه معاً فصاروا أوفياء له التحية للريس بكري ولكل أعضاء الموقع ..
شكراً لا تكفي وهي قليله في حقكم وأجد نفسي عاجز عن قول كلمة الشكر ..
ربنا يبعد عنكم الشرور ويجنبكم المرض ومن تحبون ونسأله أن يجمعنا بكم في ساعة خير ..
شكر خاص لكل من إتصل مطمئناً أو كتب في البوستين السابقين ولأخوتي بورداب الرياض وعذراً لعدم ذكر الأسماء أخاف أن يسقط منها أحد وأقع في خطأ النسيان شكراً شكراً جميلاً ..
العزاء لكل من فقد عزيز لديه لهم الرحمة جميعاً ولكم الصبر وحسن العزاء ..
وتهانينا لكل من دخلته فرحة أو مناسبة سعيدة ربنا يجمل أيامكم ويسعدكم دوماً ..

كل الحب والتقدير ..

Quote: الكان جاييني كلو مشى لي المساكين ديل يا علاء والجايه من السماء نتحمله بصبر ودعاء الطيبين ..

دة الكلام

دمتم

يديك العافية يا ريس ..
اتصالكم المتواصل ودعواتكم خففت كثيراً ..
تقبل تحيات الأخوان وشكرهم العميق ..

ربنا ما يحرمنا منكم ..

معتصم الربيع
ألف حمدلله على سلامتك
وسلامتك أحبابك إخوتك
وكل سنة وأنت طيب

الوجيه معتصم دفع الله حمداً لله علي سلامتك يا غالي وحمداً علي سلامة اخوك والمنبر منور بيك .

حمدلله علي سلامتك عصومي..
رمضان كريم..

الله يسلمك يا منى ..
تصومي وتفطري على خير ..
شكراً بقدر المحنة الفيكم ..

محبتي ..

البركة في الشوفة يا هاشم ..
عاجزين عن الشكر والله ..
ربنا يحفظكم وجميع من تحب ..

محبتي ..

كيفك يا نهال ..
الله يسلمك ويخليك ..
ليكم وحشة شديدة يعلم الله ..
ربنا ما يحرمنا منكم ..

تحياتي ومحبتي ..

الأخ معتصم

ألف حمدلله على السلامة ورمضان كريم وتقبل الله الصيام والقيام
نحمد الله على العودة بعد أن من الله على أخينا بكري بالشفاء
ومتع الله أفرد أسرتك بالصحة ووأفر الصحة أن شاء الله عودآ حميدآ
أخى الفاضل معتصم

تسلم يا أحمد ..
تقبل الله منا ومنكم الصيام والقيام ..
شكراً لهذه المشاعر الجميلة ربنا يقدرنا على جزاكم ..

محبتي وتقديري ..

والحياة آجمل بالمودة والكلمة الحلوة استاذ معتصم ..

ألف حمد لله على سلامتكم .. ورمضان كريم ..

كل عام وأنتم بخير وصحة وسعادة ..

تسلمي يا هند ..
تصومي وتفطري على خير ..
الحياة جميلة بالناس الجميلين ..
وتدوم بالمودة والمحنة بين الناس ..

وأنتِ بألف خير وصحة يا رب ..

الحبيب معتصم

حمدالله على سلامة وصولك
و سلامة أخوانك .

مو يا غالي..

حمد لله على سلامة أخوانك وسلامة طلًتك..

عرفت من راوية وما كنت مستقرة لأتمكن من الإتصال..

وكم جميل المنبر بعودتكـ ..

كل عام وأنت بخير

معتصم..
عودا حميدا مستطاب..
حمدأ لله على سلامة اخوتك..
ليك وحشة.. سمعنا صوتك..

الله يسلمك يا حليمة ..
وانتو كمان ليكم وحشة شديدة ..
تسلمي يا غالية ..

رجوية يا غالية ..
المنبر جميل بيكم وليكم وحشة يعلم الله ..
من الحاجات الجميلة لقاء الغالية راوية وكم سعدت بذلك ..
كل عام وأنتِ أجمل ..

محبتي ..

كيفك يا مصدق ..
والله ليك وحشة شديدة ..
تعرف فقدتك اليومين الفاتو ..
قلت الزول دا خلي بالك الصيام تعبه
تسلم يا حبيب ..
ربنا ما يحرمنا منكم ..

ألف حمداً لله على السلامة أخي العزيز معتصم
ورمضان كريم ، تقبل الله طاعاتكم
وكم هي جمــيلة الحـياة وأنت معنا

الله يسلمك أخي الحبيب عاطف ..
تقبل الله صيامكم وقيامكم ..
نحن ما إلا أنتم وبكم تبقى الحياة أجمل ..
ربنا ما يحرمنا منكم ..

محبتي ..

الاخ معتصم..

الف حمد لله بالسلامة و رمضان كريم
و سلامة اخوتك وجميع اهلك و احبابك..

الف حمدلله على السلامة
اسعدنا خبر شفاء اخينا بكرى
سلام كتير أخى العزيز معتصم

تسلم أخي الحبيب عثمان موسى ..
إفتقدناكم كثيراً وشكراً جميلاً على تفقدكم ..
الله يسعدك ويهنيك يا رب ..

محبتي ..

الحبيب معتصم

أسعدني سماع صوتك هذا الصباح

ألف حمد لله على سلامتكم وسلامة الأخ

واللهم أجعل أيامكم كلها أفراح

ودوام الصحة والعافية لكم جميعا

وكل سنة وأنت طيب 000




مع مودتي 000

وأنا كمان سعدت بسماع صوتك يا عثمان ..
ربنا يحفظكم ويسلم الجميع من كل شر ..

تسلم يا حبيب ..

تحياتي وسلامي أخي محمد عثمان ..
الله يسلمك ويخليك وتصوم وتفطر على خير ..
ربنا يحفظك وجميع من تحب ..

ودي ..

حمدا لله على السلامة ورمضانكم مبارك
وكل عام وانتم بالف صحة وخير
مع تحياتى

الأخ العزيز
معتصم

جميل أن نراك مرة أخرى بيننا
شفا الله أخاك وعافاه يا رب العالمين

خالص الود
غادة

الأجمل هو وجودنا بينكم أختي غادة ..
شكراً لسؤالكم وتفقدكم ..
ربنا ما يحرمنا منكم ويسلم الجميع من كل شر ..

محبتي وتقديري ..

الله يسلمك ويخليك يا سمندلاوي ..
شكراً لتفقدكم وكل سنة وأنت بألف خير يا رب ..

محبتي وتقديري ..

كيفك يا حاج

وكيف الجماعة كلهم

أول شى قبل أخبارك إنت
طمنا على بكرى وإن شاء الله كل شى تمام التمام

وحاليا إنت وين، رجعت للبلد العجيبة ديك ولا لسه هناك

لو رجعت بكره حأتصل عليك

ولو لسه هناك يا ريت ترسل لى أرقامكم فى القاهرة

ومستنيك

كيفك يا مطر ..
والشوق مطر ..
بكري كويس الحمد لله وهو الآن في البيت ومتابع مع الطبيب ..
وصلت الرياض قبل يومين ونزلت في الدوامة العجيبة ديك ..
سمعنا صوتك الكلام كتير في إنتظارك ..

تسلم يا الحبيب ..

الاخ العزيز معتصم الف حمدلله علي السلامة

وان شاءالله الاخ بلغ الصحة والعافية

وكل عام وانتم بالف بخير

وان شاءالله دائما في سعادة وحياة جميلة

الأخ العزيز معتصم دفع الله

كم أسعدتني عودتك بالسلامة وأيقاع الحياة المتسارع يوقع لنا كل يوم حدث

وحديث وبالأمس القريب كنت أهاتف أخي هاشم وكانت السيرة أنت وحضورك متين ياسيدي

واليوم أصابح الموقع وأشتم رائحتك التي أمتلأ المكان بعبيروها والتحية لك مجددا ونطمأن

علي صحة أخوتك ومنور ياجميل .

،،،،أبوقصي،،،،

كم هي جميلة الحياة بكم يا أبوقصي ..
عاجزة الكلمات عن الشكر فقد كنتم خير معين لنا ..
ربنا ما يحرمنا منكم ويبعد عنكم كل شر ..
سعيد أنا بكم وبخوتكم ..

محبتي وتقديري ..

الغالي حسام يوسف كيفك يا صاحب ..
ربنا يسعدك ويهنيك ويبعد عن الشرور ..
شكراً لهذه المشاعر الطيبة ..
وربنا ما يحرمنا منكم ..

شكرا معتصم
رغم انشغالك بأخيك ، فقد منحتنا لحظات جميله كنا فى حاجة اليها.

سعدت جداً بوجودي معكم يا تاج السر ..
فقد منحتوني أوقاتاً جميلة كنت في حاجة لها ..
ووقفتكم معنا كان لها أثر طيب في نفوسنا ..
تسلم يا حبيب وربنا يجمعنا بكم في ساعة خير ..

محبتي ..

ألأخ/معتصم

الحمد لله على السلامة

معليش كلمات عطشانة وجعانة

لما نتلاقى بأذن الله نبل الشوق بالرؤيا

شوقنا ليك طال

أشوفك بخير

إسماعيل محمد احمد عباس.....

صديقنا مووو
تحياتي واحترامي
ورمضان كريم
وربنا يحفظك
شوو الحكاية؟؟ما عرفت قبل هذا ...
اتصلت ع تلفون المملكة وما رد
ماعرفنا انك مصيف في القاهرة
تحياتي وسلامتك

تحياتي سودانية ..
وسلااام شديييد تصومي وتفطري على خير ..
أهي جات كده ولله الحمد كلنا بخير الآن ..

تسلمي يا غالية ..

ونحن كمان مشتاقين ليك يا إسماعيل ..
أبقى طيب وبألف خير ..

اليوم نتقابل إن شاء الله ..

الشاب الخلوق معتصم

الف حمد لله على السلامة
وان شاء الله ما تشوفو شر

وكل عام وانتَ ومن تحب بخير

السمندل الحبيب ..
كل عام وأنت أجمل ..
ورمضان كريم يعيده عليك بالخير والبركات ..
ربنا يسلمك من كل شر ..

محبتي وتقديري ..

الجميل / معتصم
حمد الله الف على السلامة ..
وسلامة شقيقك واجر وعافية ان شاء الله ..











وبرجوعك أكيد البورد نور ..

ابو الدفاع ..
نورت الرياض .. والبورد
عودا حميدا مستطاب ..

الأخ العزيز مووووو...

يطرشني ..ويعمي جيراني.... من الكلام دا كلو...!

انا جيت من السودان قبل اسبوعين...واموري كلها جايطة..

وما اتصلت بأي زول من الرياض...

اها عاد يا ود امي اقبلها مني..مع انها متأخرة شديدة..كفارة

لأخوانك وحمدالله علي سلامتك..وتمبس كرامتك..

وبكرة الخميس دا ما بلاقيكم في الفطور لأنو جايننا ضيوف ..

غايتو لمن نلاقيك بالدرب..رمضان كريم..ويارب ما تشوف

شر في حبيب ولا قريب ليك..

الأخ معتصم
ألف ألف حمداً لله على سلامة الوصول وحمداً مثنى وثلاث ورباع يتواصل
ما دامت الحياة بنعم الله تبارك وتعالى بسلامة شفاء الأخ بكري ،
وعوداً حميداً مستطاب للمنبر وسط زملائك وأحبائك ...

الف حمد لله على يا معتصم

وان شاء الله الجماعة بخير

ياخى والله مشتاقين ليك عديل كدا







والباقى لمن نتقابل



أحمد العمار

يديك العافية يا أبوحميد ..
والشوق كميات يعلم الله ..
ونحن في إنتظار لحظات اللقاء دي ..

تسلم ..

الله يسلمك ويخليك يا عادل ..
كم نحن في شوقٍ إليكم ..
ربنا يديم المحبة بيننا ..

تقديري ..

تسلمي يا رشا ..
وألف حمدلله على السلامة برضو ..
ما بتقصري والله وعارفنك زولة واجب ..
أها منتظرين نقابلكم اليوم ..
وتمبس دا إن شاء الله ما نعدمه ..

محبتي

تامبا يا صديق ..
كم أنت رائع وجميل الدواخل ..
ربنا ما يرحمنا منك ..

الحبيب ودالمايقوما ..
المنبر منور بوجودكم ..
كل سنة وأنت طيب يا صديق ..
تسلم من كل شر يا رب ..

محبتي ..

ألـف حمد لله على السلامة يا معتصم ..
عسى أن يكون شقيقك قد بلغ تمام الصحة و العافية ..

أجر و عافية ان شاء الله ..


رمضان كريم

اخي معتصم
التحية والمودة والمحبة
وتصوم وتفطر على خير
اول مرة اعرف بهذه الوعكة والتي اتمنى ان تكون خفيفة عليك وعلينا
امنياتي لك بالشفاء العاجل وتعود لينا اعتى واجمل
وطمنا عليك التلفون ضاع من شريحتي وطلعت بدل فاقد رسل رسالةفيها التلفون
معذرة لي تعبك
عافية

ألف حمدالله على السلامة يا أخ معتصم

هذا المنبر كالعائلة الواحدة لا نحب أن يغيب عنه أحد...


كل التقدير

الله يسلمك ويخليك يا سلمى ..
كل سنة وأنت بألف خير ورمضان كريم ..
حقيقي المنبر دا أصبح وطن لنا وإن غبنا عنه لحظات نشتاق له ولأعضائه ..
كوني بألف خير ..

محبتي ..

حباب محمد السني ود أبوي ..
والله ليك وحشة شديدة وعارف إنك كنت في السودان ..
تصوم وتفطر على خير يا رب ..
توقع إتصال مني إن شاء الله ..

محبتي وتقديري ..

معتصم
جميل انك عدت
فالناس تحتاجك هنا
نسيت اتصل عليك
لان صغيرتى تعانى ايضا
ربنا يديم العافية

سوف نلتقى فى العيد

الأخ / معتصم
رمضان كريم وتصوم وتفطر على خير
الحمد لله على السلامة
والحمد لله على سلامة أخوانك
وإن شاء الله اجر وعافية
أبو كريم

يديك العافية أخي الفاتح ويحفظ ليك أولادك يا رب ..
شكراً لسؤالكم ودعواتكم ربنا ما يحرمنا منكم ..

كن بألف خير ..

أبوقوتة يا جميل ..
الشوق كميات ورمضان كريم ..
ربنا يشفي صغيرتك ويبعد عنكم الشرور ..
تحياتي وسلامي إلى الملتقى ..

محبتي ..

تحياتي وسلامي أخي الصحافة ..
وكل سنة وأنت بألف خير ..
الحمد لله هو الأن تمام ويتماثل للشفاء بإذن الله ..
شكراً لتفقدكم وسؤالكم ..

محبتي وتقديري ..

عودةً حميداً مستطاب

وأنت بألف خير يا خنساء ..
رمضان كريم وكل سنة وأنتِ طيبة ..

تقديري ..

السلام عليكم
الرجل الجميل معتصم
رمضان كريم

Quote: كم هي جمــيلة الحـياة بكم ..

تعرف والله أنا قريت عنوان البوست بتاعك كالآتي
كم هي جمــيلة الحـياة بدونكم ..
وقلت معتصم ده بقى جناين الشاطي والا شنو
أظنوا خلاص رمضان كمل العضم ذاتو
لكن العبارة برضو فيها منطق .. أحياناً تكون جمال الحياة في الإبتعاد عن المنبر
.....................
ياخي كفارة لبكري
وهنيئاً لك توفيق الله لك خدمة أهلك
وهنيئاً لك محبة أصدقائك
وهنيئاً لك ( تمبس)
.............................
وما الناس إلا هالك وأبن هالك *** وذو نسب في الهالكين عريق

الشفيف معتصم ..

حمدا لله على سلامة اخوانك .. والحمد لله على سلامتك وانت تعود الينا اكثـــر حركة ونشاطا ( ما شاء الله )

تمبس حمدا لله على سلامتو وبركة الجاك طيب ...



ود الباوقة

معتصم

رمضان كريم وكل سنة وانت طيب
والف الف حمدلله على السلامة

وان شاء الله ماتشوفش وحش فى حبيب او قريب

وأنت بألف خير يا أسمهان ..
تصومي وتفطري على خير ..

محبتي وتقديري ..

الله يسلمك يا ريس ودالباوقة ..
أنا سعيد بي شوفتكم والله ..
ربنا ما يحرمنا منكم ..

كن بألف خير ..

عارف يا زوول ..
نحن لا لامين في جناين الشاطي ولا قصور الروم
لكن بيني وبينك رمضان المره دي قارص شوية وعامل عمائله فينا ..
يديك العافية يا حبيب ..
تسلم ويسلم كل الأحباب ..

تقديري ..

يا اخي قول جاي

خلينا نكلم بلدية الرياض وناس زيد الحسين يظبطوا الشوارع

ابهجت الرياض بقدومك يا حنيِّن

الف حمد الله على السلامة

تخيل يا دكتور ما عملت حساب الحاجة دي ..
يديك العافية يا حبيب ..
ربنا ما يحرمنا منكم ..

تحياتي وتقديري ..

التحية لك يا معتصم
وحمد الله على السلامة وسلامة الاخوان
وأمنيات بالسعادة والنجاح في حياتك دائماً وأبداً
وأن يديم الله عليك طيبتك وجمال روحك

كيفك يا بشرى ..
سلام وشوق شديد يعلم الله ومفتقدنك كمان ..
ربنا يديك العافية وما تشوف شر ..

شكراً جميلاً يا صديق ..

الزول الجميل
معتصم
رمضان كريم
وحمد لله علي سلامة الوصول
وسلامة اخوانك
ودمت

سارة ازيك ..
كيفك يا صديقة ..
كل سنة وأنتِ طيبة ورمضان كريم ..
مفتقدنك كتير وليك وحشة شديدة ..

محبتي ..

ولدنا الشفيف معتصم

الف حمد الله علي السلامة

والله يطرشني علا نضمك دا

ومتلوم تب....... اعزرني عليك الرسول

الله يسلمك ويخليك يا سي جي ..
عاذرنك والله وعارفنك ما بتقصر ..
كل سنة وأنت طيب ورمضان كريم ..

كن بألف خير ..

معتصـم

أخلف الله عليكم بالعافية والخير يا صديق الأيام


لك التحيـة وبارك الله في مجهوداتك


أحمـد الشايقي

ربنا ما يحرمنا منكم يا أحمد الشايقي ..
إتصالاتكم وسؤالكم الدائم كان له أثر كبير في نفوسنا ..
تسلم كتير وإن شاء الله ما تشوف شر ومن تحب ..

محبتي وتقديري ..

حمدلله على سلامة إخوتك أخي معتصم..

أتمنى أن تكون قد إطمئننت لهم..

ومنور البورد ..

خالص الود..

المنبر منور بوجودك يا مجاهد ..
رمضان كريم تصوم وتفطر على خير ..
شكراً لإتصالك وسؤالك الدائم عنا ..
لك منا كل الحب والتقدير ..

محبتي .

اخونا معتصم .. الحمدلله على عودتك وشفاء اخاك .. نسأل الله بفضل هذا الشهر ان يواليه بالعافية والشفاء.

الله يسلمك أخي محمد البيلي ..
وكل سنة وأنت بألف خير ..
شكراً لهذه المشاعر الطيبة وربنا ما يحرمنا منكم ..

محبتي وتقديري ..

معتصم يا معتصم

أطيب التحايا ، وألف حمداً لله على سلامة الشقيق والشقيقة


وبي عودتك " رياضنا " نوّرت ..


والحياة جميلة بأمثالك وأمثالهم أؤلئك الكرِام ..


امنياتي القلبية بدوام الصحة والعافية للأشقاء وللجميع ..


و كل الود ..

الله يسلمك يا محمد أبوجودة ..
ليك وحشة شديدة والله كيفك والأولاد ..
شكراً لإتصالكم وسؤالكم الدائم عنا ..
ربنا ما يحرمنا منكم ..
سعادتنا تكتمل بوجودنا معكم ..
فالحياة بكم أجمل ..

محبتي ..

الزول السمح معتصم دفع الله

الف حمد الله على السلامة وكل حسان البورد كرامتك

وان شاء الله ما تشوف شر

ونسال الله ان يديم عليكم وايانا نعمة الصحة والعافية

وراحة البال

امين

أسعد الله أيامك أخي عجب الفيا ..
وليك وحشة شديدة يعلم الله ..
وشكراً للكلام السمح وجميل ..
ربنا ما يحرمنا منكم ويبعد عنكم كل شر ..

محبتي وتقديري ..

Quote: كنت أستقبل تليفوناتكم على مدار اليوم ولسان حالكم يدعون الله ويسألونه الشفاء وتجاوز المرض ، هذه والله من نعم الله علينا أن نجد أخوة وأخوات أعزاء جمعنا بهم وطن إفتراضي عشناه معاً فصاروا أوفياء له التحية للريس بكري ولكل أعضاء الموقع ..

أخي الحبيب معتصم ألف حمد الله على سلامة الأهل و يا رب لا تشوف شر لا هم يشوفو شر
تعرف يا معتصم أصبح عندي يقين أن سودانيز ليست وطناً افتراضياً بل السودان الحقيقي
وصرت أدافع بشراسة عن هذا المعنى-القيمة
سودانيز قابلنا فيها أروع الناس و أفضل الناس المشرفين الذين يجعلوننا نحس أن الخير باق برغم الشك الذي يعترينا أحياناً في سيادة الخير
لك التقدير و الاحترام
لنا

أختي الحبيبة لنا مهدي ..
رمضان كريم وكل سنة وأنتِ بألف خير ..
تعرفي يا لنا عندما تقابلي عضو في سوادنيز أون لاين كأنك تعرفيه من زمن طويل ..
في حميمية وعلاقة غير عادية وهذا شي مميز جداً ..
لذلك نحب هذا الوطن ونحب أعضائه وكذلك صارت لنا علاقات من خارجه ..
شكراً أختى لنا ..
مع كامل محبتي وتقديري ..

اخي معتصم
مسكاقمي
الرجال مواقف
وانت بموقفك هذا اثبت انك ابن كرام
والف حمد الله علي السلامة
وما يشوفوا شر الاهل
ونتمنى لهم دوام الصحة والعافية

يديك العافية يا خال حمزاوي ..
أنتم نعم الأخوان والله ربنا يديم هذه الخوة والصحبة ..
وما تشوف شر يا رب ..

محبتي ..

الاخ الكريم معتصم ...
اعتذار شديد على التاخير وعذري الاقبح من ذنبي اني ما قريت البوست دة الا الليلة ...

الف حمد الله على سلامتكم ...وزي ما انت قلت :

Quote: هذه هي سودانيز أون لاين كل يوم تمنحنا شيئاً جميلاً ومواقف أجمل تعطينا دروس في معنى التواصل والتراحم من أعضائها الذين صاروا إخوة وأحباب رغم اختلاف الأفكار والتوجهات والتي لا تفسد للود قضية ..

تسلم ويسلم كل محبيك واهلك واصحابك ...

الغالية سناء جعفر ..
تحياتي وكل سنة وأنتِ طيبة ..
مافي مشكلة يا بنت العم عذرك معاك ..
ربنا ما يحرمنا منكم ..


لك محبتي وتقديري ..

السلام عليكم
كتب معتصم رداً على تمبس

Quote: تامبا يا صديق .. كم أنت رائع وجميل الدواخل .. ربنا ما يرحمنا منك ..

شخصياً قلت أنا يا ربي دخلت بوست خالد الطيب أو ستيف بالغلط

.............................
وما الناس إلا هالك وأبن هالك *** وذو نسب في الهالكين عريق

حمد الله على السلامه اخوى معتصم

الله يسلمك يا علي ..
شكراً لاتصالك وتفقدك ..
ربنا ما يحرمنا منكم ..

محبتي ..

Quote: شخصياً قلت أنا يا ربي دخلت بوست خالد الطيب أو ستيف بالغلط

الله يجازي محنك يا زوول ..
ياخي نحن لسه ما دخلنا الفورمه
ورمضان عامل عمايله فينا ..


أبقى طيب ..

الرجل النسمة ،،، معتصم

ألف حمد لله على العودة بالسلامة ،،،
وعلى سلامة الاخ بكرى ، والاخت رقية ،،،
أدام الله عليهم نعمة الصحة والعافية ،،،
وحفظك وإياهم من كل شر وبلاء ،،،
وإنشاء الله يردو ليك تعبك ده فى عرسك ،،،
وده اليوم الدايرنو ليك ،،،

الزول الجميل الفاتح الجنيد ..
سلام وشوق شديد ..
سعيدين بيكم وبي خوتكم الحلوة دي ..
ربنا يحفظكم وجميع من تحبون ..
أكيد اليوم دا ح يكون لكم فيه دور كبير ..

محبتي بلا حدود ..