Post: #1
Title: ابي عبد الوهاب .... مبروك الدامة
Author: bukhary el amin
Date: 10-02-2007, 07:27 AM
Parent: #0
قلت لعوض صاحبنا أبي عبد الوهاب
جابو له بنت ... قال مبروك لكن
مالكم ما كنتو مدورين ( بليهات ) ...
انت وبعدك معز وصديق فاروق وفارس السر
صاحبكم دا كسر حظكم ولا شنو .....
قلت له يا زول البجئ كله كويس ،، جعلها
الله من المستورات الحافظات لفروجهن ....
الف مبروك ابي وتتربي في عزكم
|
Post: #2
Title: Re: ابي عبد الوهاب .... مبروك الدامة
Author: Motaz Ahmed
Date: 10-02-2007, 09:45 AM
نور أبي عبد الوهاب
تاريخياً
كل البنات الإسمهم نور بطلعوا سمحات
وده بديها حظ أكتر في الحياة
وبلقى على والدها مهام أكثر جسامة فيما يتعلق ب
مبروك أبي وهديل
وحمد الله على السلامة
عزيزي بخاري
Quote: صاحبكم دا كسر حظكم ولا شنو .....
قلت له يا زول البجئ كله كويس |
أعمل حسابك
ألا تسمع الجندريات بهذا البوست
غايتو إلا ترحل
شكراً للمبادرة
|
Post: #3
Title: Re: ابي عبد الوهاب .... مبروك الدامة
Author: Imad El amin
Date: 10-02-2007, 09:53 AM
الف مبروك ابي
|
Post: #4
Title: Re: ابي عبد الوهاب .... مبروك الدامة
Author: Elwaleed Ibrahim
Date: 10-03-2007, 10:06 AM
Parent: #3
نور ابى عبد الوهاب خليفة خوجلى
كلام اصل وفصل يا يمة مبروكه والله يجعلها من مستورات عموم( هلفرسم) ونواحى ( الرد لاين دسترك)
تكبر كده تفرح ابوها وتسد دينو الما زى دين مكاشفى وعبد الله الخطيب
وعلى العموم يا معتز ما تقلق نور يا طلعت سمحه على عادة كل النورات او تمينها ظرافه وحلاوة روح
او حلاوة منقة وما تشتهون .....
حمدالله على السلامة العزيزة هديل بخارى
عمر صالح ذاتو جابو ليهو ولد سماهو ( امين )
.......
والله انت يا ابوعبيدة
|
Post: #5
Title: Re: ابي عبد الوهاب .... مبروك الدامة
Author: معتز جعفر الحسن
Date: 10-03-2007, 09:25 PM
ابى يعنى انا وصاحبك عباس الجعلى منتظرين تلفون ناس السودان يعرفوا قبالنا .
ياسيدى الف مبروك وحمد لله على سلامة المدام وانشاء الله تتربى فى عزكم .
اها السماية متين عشان نجى والله برضو ننتظر ناس السودان عشان يدونا خبر .
شكرا بخارى .
|
Post: #6
Title: Re: ابي عبد الوهاب .... مبروك الدامة
Author: Elwaleed Ibrahim
Date: 10-04-2007, 09:21 AM
Parent: #5
الخرطوم :وكالات
وصلنى عبر الايميل وبدون تصرف :-
شكرا يا شباب
و الله يا بخاري أخوكم متكيف جنس كيف
و يا دوب عرفتك كسرت البوكس ليه يوم جابو ليك بت
ياخ ده إحساس جميل جدا
المهام حتكون فعلا جسيمه يا معتز شم
مش بس عشان سماحة نور
لكن برضه عشان الدنيا دي فيها ناس الواحد إسمه (شم)(وجه غامز)
شفت أوربا بتعمل فينا شنو يا عماد
إتخيل إنه البت ذات الجينات الإستوائيه و حفيدة عروس الرمال دي مشينا إشترينا ليها فيتامين (د) من الاجزخانه
شكرا يا عز على التهنئه الراقيه
وما تخاف على ديون عبدالله و مكاشفي
مكاشفي ديونه مقسمه على إتنين و عبد الله ديونه بتكون آلريدي قاعد تتسدد
مبروك أمين يا عمر محمد صالح
معتز جعفر
ختيت كم رساله لعباس الجعلي لكن إتضح إنه بيكر غرق الموبايل
أخير أظهر بسرعه..
قبل ما الماتش بتاع النجم يبوظ لينا فرحتنا
و بالمناسبه..نور عندها فكره تجي تسمع محجوب شريف في أترخت.
شكرا تاني يا فرد
أبي
|
Post: #7
Title: Re: ابي عبد الوهاب .... مبروك الدامة
Author: Elwaleed Ibrahim
Date: 11-19-2007, 07:45 PM
Parent: #6
الدامة فى زمن البليهات
انشاله تكون فحصت الموية زي ما قلت ليك يا ابي يمكن فيها شي
عموما البت في الاول سمحة لكن(والكلام علي سئولية جدي الله يرحمو)
الخازوق تنطبق
ولا عزاء لي ناس بخاري
|
|