لما يملكونه من معلومات ثرة تثرى وتضيف الكثير الى معلموات الجمبع عن الاغنية السودانية والكلاسيكية تحديدا وهى رسالة الى القائمين على هذا الصرح العظيم ان يقبلو عضويتهم وان نخصص يوست يسمى ليالى زمان والنتيح المجال للاخوان لنرى كيف يستطيع بعضهم بناء مراجع من هذا البوست
ولثقتى فيهم اطلب ان يكون البوست مشترك بين ثلاثتهم
مع فائق احترامى ارجو مساعدة كل من يقرا هذه المقدمة بالاتصال بالاخوة المعنيين واخبارهم بالنداء
مع شكرى وامتنانى للجميع
Post: #2 Title: Re: مطلوب القبض عليهم احياء Author: abubakr Date: 10-02-2007, 05:49 AM Parent: #1
Quote: الدكتور احمد القرشى
فردتنا سلام
صدفة البارحة كنت عايز ارسل لدكتورنا دة رسالة من بوست ممكونة لكن قت اهدي ليهو غنية لفردتنا وانتظرت البارحة واها كنتم مدقسيين فقت الليلة نشوف .. الدكتور لديه مخزون وافر من المعرفة في هذا المجال و توقعت ان يداوم في بوست ممكونة بالراي والتصحيح والتعليق والاضافة لكن ربما ظروف عمله لا تسمح بمساحة وقت اطول ... عموما ارجو ان ياتي وكذلك الاخويين يعقوب وهاشم - رغم اني ما بعرفم - وهما اكيد مرجعيين مهميين في هذا المجال طالما انت كاحد ابناء سدنة الغناءوالشعر الغنائي في السودان رايت ذلك ( اها شفت الرطانة ديمقراطيين كيف ؟ ما في هرشة ولا حاجة ).. مودتي ابوبكر
Post: #3 Title: Re: مطلوب القبض عليهم احياء Author: الطيب شيقوق Date: 10-02-2007, 06:05 AM Parent: #2
يعني شنو يا عاصم تقصد بوست دكاكيني؟ ولا ممكن لو لقينا فرقة نتاوق بالصريف ونسمع بكل احترام .
Post: #4 Title: Re: مطلوب القبض عليهم احياء Author: ALGARADABI Date: 10-02-2007, 06:37 AM Parent: #3
Quote: والاستاذ هاشم حبيب الله
موسوعة و مرجع في علم ( الحقيبة) و موثق لها وفنان وعازف عود وفوق هذا وذلك قريبي يعني بكري لو ما أداهو الPASS WORD خلال يومين عندنا كلام تاني
الباقين ما عرفتهم لكن البجي من طرفك يا لمعي حبابو
Post: #5 Title: Re: مطلوب القبض عليهم احياء Author: abubakr Date: 10-02-2007, 06:41 AM Parent: #1
Quote: يعني شنو يا عاصم تقصد بوست دكاكيني؟ ولا ممكن لو لقينا فرقة نتاوق بالصريف ونسمع بكل احترام .
اللخبطة في شنو ؟؟ هو ما قال عايز ناس متاوقة سااااي وبدوي مزيف زييك ما بعرف دوبيت (واسال الملكة) قال التلات دييل بالاسم لانهم بيعرفو مغني وشعر ( مش زي بتاع الحت بتاعك ) ؟؟ انت تقرا بس ولو عايز تسوي خير اتصل الدكتور ود الفرشي وهو معاكم هناك وكمان بيعقوب وهاشم لو بتعرفم وبطل ملاوعة؟؟؟
Post: #6 Title: Re: مطلوب القبض عليهم احياء Author: الطيب شيقوق Date: 10-02-2007, 08:59 AM Parent: #5
Quote: هو ما قال عايز ناس متاوقة سااااي وبدوي مزيف زييك ما بعرف دوبيت (واسال الملكة)
يا الرطاني ما تلخبط الزول ده مش زينا الزل هجين من كل الثقافات في الدنيا . والله لو عايز جاز يغنى ليك قول دقر يا عين بس .
Post: #7 Title: Re: مطلوب القبض عليهم احياء Author: عماد شمت Date: 10-02-2007, 11:59 AM Parent: #6
وانا كمان اثني واشدد عليهم الثلاثه
موسوعة و مرجع في علم ( الحقيبة) و موثق لها وفنان وعازف عود وفوق هذا وذلك قريبي يعني بكري لو ما أداهو الPASS WORD خلال يومين عندنا كلام تاني
القردابي اكان قلت كده ياني مشارك معاك في الكلام التاني ده
اي حاجه منكم ما فيها كلام ...يابكري ياباشمهندس الحقنا
بالباسورد
لكم حبي وودادي
Post: #8 Title: Re: مطلوب القبض عليهم احياء Author: الطيب شيقوق Date: 10-02-2007, 09:23 PM Parent: #7
تمشى وين انت يا ود القبائل فاكي ليك بوست وفايت منو - ات ما عارف البوست زى الناقة لازم سيدو يكلفه ويبراهو يمين وشمال .
Post: #9 Title: Re: مطلوب القبض عليهم احياء Author: abubakr Date: 10-02-2007, 09:29 PM Parent: #1
Quote: تمشى وين انت يا ود القبائل فاكي ليك بوست وفايت منو - ات ما عارف البوست زى الناقة لازم سيدو يكلفه ويبراهو يمين وشمال .
هو بيجي هنا بعد الساعة واحدة صباحا حسب ساعة سيارتو ...دة من ناس الليل معاشا ..روح نوم عندك بورصة الصباح دقش اصلو بورصتكم نايمة اليوميين دييل
Post: #10 Title: Re: مطلوب القبض عليهم احياء Author: خالد علي محجوب المنسي Date: 10-02-2007, 09:45 PM Parent: #9
يا ود البيوت المن بعيد معنية حبيبنا عاصم البنا تحية وسلام هاشم كان له باع طويل في هذا المجال لكن الاغتراب ابعده عن محبي ضرب تفنيت الكلم كل منانا ان نرى ميلاد ذلك البوست حتى تعم الفائدة والمنبر في حاجة لذلك لك تحياتي عاصم اهنئك على الفكرة الجميلة
دمت ومتعك الله بالصحة والعافية
Post: #11 Title: Re: مطلوب القبض عليهم احياء Author: ASIM AL BANNA Date: 10-03-2007, 02:58 AM Parent: #1
احبتى .... وجدت لكم الموافقة من دكتور يعقوب عبدالماجد وهو هنا بالسودان نبذه عنه فهو من اكبر استشارى الاخصاب واطفال الانابيب وله تقريبا اكبر مركز فى السودان لما ذكر وكذلك هو من اكبر مراكز حفظ الاغانى الكلاسيكية اذا جاز التعبير وهو من محبى الغناء السودانى شأنه شأن اخى وصديقى احمد القرشى واخى الاكبر هاشم حبيب الله وثلاثتهم ينزوى بعيدا عن الاضواء تعطفا بنا اخى الطيب شيقوق الكز احمد القرشى ...
اولاد شندى ظهرو بى هلالهم كمان ... حررررم حبابكم قدور عين الشمش ابوبكر والله انت ارقى رطانى مش تقليد .... الطيب بتاع الصريف ده من عنديينا خليهو ده بورصتو معانا وجاى ....
هاشم حبيب الله ده من ابناء ام درمان عمل فى الفنون والاعلام فترة عازف عود هاوى مجيد لايقبل بهواه مبادل فيما عشق وعفا او مات شهيد ... (بى ضوبانتها) ويا خالد وحياتك كان معانا هنا فى السودان من فترة واتلمو معانا هو ودكتور يعقوب واخرين طلعونا كلام ساى ...ويالطيب انحنا نوقنا بنجمعهن بالليل ماسمعتة(اهجم بالليل واصبح مربعن ناكر؟)..
الباسورد بينى وبينكم ويعلم الحق عز وجل عمركم ما حاتندمو على هذا البوست فقط رجائى ان يسمى ليالى زمان كما كانت تسمية ديوان سيد وعبيد المشترك بينهم .
انا سعيد جا بى كل ما قرات منكم واتمنى ان يرى النور هذا البوست بوجودكم ...
اما عن هاشم حبيب الله هو بالامارات العربية بابوظى ولا استبعد ان اتصل به قريبا ولكن ان كان هناك اقرب منى فاليخبره
مودتى الحقونا بالباسورد على مسؤواليتى بالعشرة بفتح الشين
Post: #12 Title: Re: مطلوب القبض عليهم احياء Author: الطيب شيقوق Date: 10-03-2007, 06:50 AM Parent: #11
Quote: تعطفا بنا اخى الطيب شيقوق الكز احمد القرشى ...
ده مقنطر يا عاصم اخوى اصلا ما بتلفت بوراهو عشان يشاور ليهو ...... ( الجماعة بجوا بنطوا لى في حلقى احسن تكون كده )
الرطاني وين يا جماعة
Post: #13 Title: Re: مطلوب القبض عليهم احياء Author: Ishraga Haimoura Date: 10-03-2007, 07:09 AM Parent: #1
الأستاذ عاصم تحياتي وكل سنة وانت طيب وأحب أن أضيف لثلاثتهم الدكتور أحمد طراوة فهو أيضاً موسوعة في الحقيبة أما الأخوة تمبس ومعاوية محمد وأخونا الصحافة 30 فهولاء سيكونوا على الجانب الفني للمساعدة في تنزيل نماذج من الأغاني...... (رجاء مراجعة المسنجر)
Post: #14 Title: Re: مطلوب القبض عليهم احياء Author: ASIM AL BANNA Date: 10-04-2007, 01:52 AM Parent: #1
اوافقك الراى تماما اختى اشراقة دون ادنى شك د. احمد طراوى قدمت معه ليالى عتعددة عن الحقيبة واغانى مابعد الحقيبة فى النادى السودانى بمسقط وهو اخ اكبر وودحلتنا بيناتنا ثلاثة منازل فقط وهم ناس النور وناس نقد الله وناس كركساوى فقط ... اما التيم العامل خلف الكواليس .. ناس الزول وتمبس المغنتس (اليومين ديل غاتس بقلع ليهو فى نصيبة يكون )
صدقونى لا ادرى ماذا افعل ولكنه نداء للجميع لكل من يستطيع ان يقدم شىء ليجمع بين الاخوة المذكورين فى ليالى زمان اترجاهو ان يقدم ولن نندم (ولومونى عليها )
مودتى
Post: #15 Title: Re: مطلوب القبض عليهم احياء Author: هشام هباني Date: 10-04-2007, 02:21 AM Parent: #14
حبيبنا عاصم البنا
سلامات ورمضان كريم
بالله بلغ تحياتي الخاصة والخالصة للعم ادريس البنا وقول ليهو هشام هباني بسلم عليك شديد وبيناتنا معرفة قديمة ولكل ال البنا كمان. اما بخصوص هذا الثالوث الفني الذي اقترحته فهو امنية ينبغي ان تتحقق وعلي ما اعتقد ان دكتور يعقوب عبد الماجد هو شقيق عضو البورد حبيبنا العمدة دكتور عبد الماجد عبد الماجد المقيم بفلوريدا. محبتي واحتراماتي
Post: #16 Title: Re: مطلوب القبض عليهم احياء Author: ASIM AL BANNA Date: 10-05-2007, 02:30 AM Parent: #1
تبلغ التحية مداها من الى القلب الى القلب اخى الكريم ابن الاكارم هشام هبانى ... شكرا لى مداخلتك اللطيفة وحبابك بيناتنا قدر عين الشمش ...
رجاء الى كل من يراقب المسااااااعدة فى تنفيذ هذا البوست ..
مودتى
Post: #17 Title: Re: مطلوب القبض عليهم احياء Author: محمد المرتضى حامد Date: 10-05-2007, 09:18 AM Parent: #16
Quote: صدقونى لا ادرى ماذا افعل ولكنه نداء للجميع لكل من يستطيع ان يقدم شىء ليجمع بين الاخوة المذكورين فى ليالى زمان اترجاهو ان يقدم ولن نندم (ولومونى عليها )
يا عاصم كان أحمدالقرشي بمعيتي مساء الأمس وسلمته (الإعلان) باليد باعتباري محضرا والرجل الجميل هاشم حبيب الله اتصلت به عن طريق (القياده العامه) كما نسميها نحن أو ما يشار إليه في الخليج ب (وزارة الداخليه) حيث أن هاشما لا يحمل أي هاتف خليوي ولايحب تلك الأجهزة، عموما تحادثنا لمدة طويله ووعدني بالمشاركه ويبلغ التحايا لكم جميعا وجاب لي خبر القردابي الهلالابي . أما طراوه فهو من المتابعين وأكمل افتتاح فرع النقرزان بنواحي كاليفورنيا، سلام يا طراوه نحن بنقول ليك إطمئن على الوضع هنا. خارج النص يا أبا رنيم: قلت لي (عكوها)؟
Post: #18 Title: Re: مطلوب القبض عليهم احياء Author: ASIM AL BANNA Date: 10-06-2007, 02:02 AM Parent: #1
والله ياجماعة عنىى اطفال الحمد لله .... لمن اجى افتح المحلة دى كل يوم بتذكر السؤال التقليدى فى مستشى الولادة (ولدت .. يرد زول برااااحة ... لا لسة ) والغريبة يا مرتضى الماس كلهم موافقين التاخير سسببو شنو ؟؟؟؟ يعقوب متابع المحلة دى بس ماقادر يعلق عشان الباس ورد ماعندو (الاشتراك) ... واحمد القرشى (العرضوحالجى) مشى ليهو وهاشم كلموهو عن طريق وزير الداخلية شخصيا له التحية لو متابع .... وطراوه ودحلتنا واقرب الاقربين ..
امكن اما كاجيها ؟؟؟؟؟
عكوها للطيش داخل وخارج النص بس ما تتعشى نجيلة ماكويس
Post: #19 Title: Re: مطلوب القبض عليهم احياء Author: نهال الطيب Date: 10-06-2007, 10:35 PM Parent: #18
أثنى فكرة التوثيق للفن السوداني من خلال هذه المقدرات الجليلة بإضافة دكتور أحمد طرواة الذي بادر بورقة خلابة
شكرا عاصم على المبادرة
مودتي
Post: #20 Title: Re: مطلوب القبض عليهم احياء Author: خالد علي محجوب المنسي Date: 10-06-2007, 10:43 PM Parent: #19
عوووووك يا بكري يا سيد الحوش
الدنيا قبائل عيـــد أعاده الله علينا أجمعين بالخير واليمن والبركات والسودان عالي بين الأمم.
والله صدقني هولاء الثلاثة هم مكسب وأضافة كبيرة .... وتكتمل اركان البيت الجميل بالجميل طراوة.
بكري لا ترد عاصم وحقق له المنية والله ما حانندم بل تعم الفائدة
عاصم هل هناك أحد اتصل بالأخ هاشم حبيب الله
تحياتي عاصم
خالد
Post: #21 Title: Re: مطلوب القبض عليهم احياء Author: رأفت ميلاد Date: 10-06-2007, 11:07 PM Parent: #20
ود البنا
صوتنا معاك
وفوق للإبداع
ودى
Post: #22 Title: Re: مطلوب القبض عليهم احياء Author: ASIM AL BANNA Date: 10-07-2007, 05:26 AM Parent: #1
خالد كيفك وكيف خواجاتك ... على فكرة هاشم متابعنا وبقرانا كل يوم حسب افادات محمد المرتضى وجاهز ولايمكن يخزلنى عمرى ما خزلتو بس نلقى الباسورد وندور (ليالى زمان)
مرتضى ... كلمو لى ابوبكر ... العيد قرب والطيب شيقوق فى السودان كان ضحك على هسة (العدادات ) كان ما دورتا البوست ده قبل العيد الرماد كال حماد ...
مالو المحل ده عامل زى الهلال كده ؟؟؟؟
مودتى
Post: #23 Title: Re: مطلوب القبض عليهم احياء Author: خالد علي محجوب المنسي Date: 10-07-2007, 04:53 PM Parent: #22
خالد كيفك وكيف خواجاتك ... على فكرة هاشم متابعنا وبقرانا كل يوم حسب افادات محمد المرتضى وجاهز ولايمكن يخزلنى عمرى ما خزلتو بس نلقى الباسورد وندور (ليالى زمان)
خير أن شاءالله خير يا عاصم ونحن في انتظار بكري لباسوورد حن يا بكري والدنيا قبائل عيد
ولك شكرنا
خالد
Post: #24 Title: Re: مطلوب القبض عليهم احياء Author: mamkouna Date: 10-08-2007, 00:17 AM Parent: #1
Quote: الدكتور احمد القرشى
والدكتور يعقوب عبد الماجد
والاستاذ هاشم حبيب الله
الدكتور أحمد القرشي..غنيٌ عن التعريف..و هو رجل موسوعة فيما يتعلق بالفن السوداني ..قديمه و حديثه. الدكتور يعقوب عبد الماجد...هو حديث المدينة في السودان...أعاد - بفضل الله و عونه - البسمة و الأمل لآلاف الأمهات ...كان دهشتي كبيرة لما شاهدته في (( لجنة الحَكَم )) في سهرة (( فونوغراف )) على قناة النيل الأزرق...و عرفت إنو متذوق جيد للفن و الغناء و موسوعة في هذا الشأن. الأستاذ هاشم حبيب الله...تكفيه كلمات عاصم البنا...لنتشوٌق للإستزادة من علمه و معرفته..
العلاقة شنو يا خوانا بين الطب و الفن؟؟!!! دكتور معز عمر بخيت.. دكتور أحمد طراوة.. دكتور أحمد القرشي.. دكتور يعقوب عبد الماجد.. دكتور عمر محمود خالد... و القائمة تطول...
كلنا شوق لإكتمال العقد الفريد..و أكيد ح يكون بوست الموسم و المواسم القادمة.
لكم جميعاً.. عزة عبد العزيز محمد داؤود في أغنية (( يا حليلهم دوام بطراهم )) و التى يظهر فيها الدكتور يعقوب عبد الماجد...في الصف الأمامي.. مع فائق ودي و تقديري .
Post: #25 Title: Re: مطلوب القبض عليهم احياء Author: ASIM AL BANNA Date: 10-08-2007, 02:08 AM Parent: #1
احبتى ها نحن يطوينا رمضان طى الكسرة فى يد البائعة ويودعنا ومادمنا فى انتظار البترول كل تلك السنين نستطيع انتظارك ايها الباسورد ولو نجيب صينى وماليزى ..
والله اقدر جهودكم بدون فرز .
مودتى
Post: #26 Title: Re: مطلوب القبض عليهم احياء Author: الزوول Date: 10-08-2007, 03:42 AM Parent: #1
السلام عليكم
غايتو نحن يا فردتنا جاهزين بما عندنا وما عند جيرانا وما عند حلتنا وما عند أبوبكر سيداحمد وتمبس ومرحباً بأساتذتنا مافي طريقة للسر قعور يا عصام ؟ ............................. وما الناس إلا هالك وأبن هالك *** وذو نسب في الهالكين عريق
Post: #27 Title: Re: مطلوب القبض عليهم احياء Author: abubakr Date: 10-08-2007, 04:19 AM Parent: #1
Quote: وما عند أبوبكر سيداحمد وتمبس
اها نجيب العدة ونجي واللا لسسسسسسسة ؟
Post: #28 Title: Re: مطلوب القبض عليهم احياء Author: محمد المرتضى حامد Date: 10-08-2007, 11:18 AM Parent: #27
العلينا سويناهو يا عاصم والباقي على بكري أبوبكر
Post: #29 Title: Re: مطلوب القبض عليهم احياء Author: abubakr Date: 10-08-2007, 08:59 PM Parent: #1
يا فردتنا .. ود القرشي بفتش عليك :
Quote: تزوج الشاعر عمر البنا عام 1920 بحسناء من فريق الخنادقه بأم درمان وهو لم يكمل عامه العشرين ويقال إن أفراحه استمرت ستة أشهر بدأت في رجب وانتهت في ذي الحجة وكان كل يوم فيها طربا وغناء وجمالا .. وبعد رحيل زوجته ظل لعدة سنوات رهين الأسى والوحدة إلى أن تزوج للمرة الثانية عام 1934 وكان الزواج برفاعه وشاركه أصدقائه من الفنانين في زواجه حيث سافر معه كرومه والفاضل احمد وسيد حجازي وعثمان الحاج ولقد استمرت أيام هذا الزواج هذه المرة أربعين يوما ولقد كان أشهر وأروع عرس في مرابعها حتى إن بعض أصدقائه قالوا عنه ( ده عرس شيخ الدين ما ضاقه ) .. مبارك المغربي رواد شعراء الأغنية السودانية ص150... أدعو صديقي عاصم البنا للإضافة وتسليط بعض الضوء على حياة هذا الشاعر والفنان العملاق..نواصل الحزن فى الاغنية السودانية -الجزء الاول - الدموع التى ت...يبة وتطفئ نار العشاق
Post: #30 Title: Re: مطلوب القبض عليهم احياء Author: الطيب شيقوق Date: 10-08-2007, 10:04 PM Parent: #29
Quote: مرتضى ... كلمو لى ابوبكر ... العيد قرب والطيب شيقوق فى السودان كان ضحك على هسة (العدادات ) كان ما دورتا البوست ده قبل العيد الرماد كال حماد ...
يا ود شيخ عاصم
انا الان هلا هلا مجدع في امدرمان يمين وشمال وباكر متوجه عولي طااااااااااب لكن متابع شماراتكم كلها وايمين انت خربت علينا طاب علمت الرطاني الكلام .
Post: #31 Title: Re: مطلوب القبض عليهم احياء Author: خالد علي محجوب المنسي Date: 10-08-2007, 10:41 PM Parent: #30
آآآ جماعة سوات بكري إقولو فيها شنو دا درونا جا ونطالب وهو مو جايب خبرنا
والله إن بقى مو سيد الحوش كان عندنا معاهو كلامن كُتر
بكري قول شي الدنيا قبائل عيد
خالد
Post: #34 Title: Re: مطلوب القبض عليهم احياء Author: abubakr Date: 10-11-2007, 06:00 AM Parent: #30
Quote: خربت علينا طاب علمت الرطاني الكلام
اها في ذمتك في رطان بيعلموه الكلام .. ما انتو العرريب العندكم حصص لغة عربية واعراب ومبتدء وخبر نحن طلعنا طوالي نواصل ولليوم ولا متنبي وتطابط شرا كلنا نضم واحد ...
Post: #32 Title: Re: مطلوب القبض عليهم احياء Author: ASIM AL BANNA Date: 10-09-2007, 03:16 AM Parent: #1
الراجل ودوهو المحكمة مشتكنو قال لى زول ياعبد ... القاضى سالو قلت للزول ده انت عبد الراجل قالو يامولانا كلامنا خلو ات رايك شنو ؟؟؟ظ
هسة دحين اخونا بكرى قلنا رايك شنو تنشاء الله ندور بى نص مكنة .....
عليك النبى عز النبى تجامل تجى
الزول .... دايما حاضر ولما تتاخر بنشفق عليك والله والله ومرات بتشفقنا على روحنا بى ابداعاتك ...
ابوبكر ... وحاتك موش لو كتبها مبارك المغرب لو جات تنطط .... عمر البنا اتزوج مرة واحد بس من اهلك العوضية فى رفاعة وبقية الصة نتمها عند اخونا دكتور احمد القرشى ..
Post: #35 Title: Re: مطلوب القبض عليهم احياء Author: abubakr Date: 10-11-2007, 06:01 AM Parent: #32
Quote: ابوبكر ... وحاتك موش لو كتبها مبارك المغرب لو جات تنطط .... عمر البنا اتزوج مرة واحد بس من اهلك العوضية فى رفاعة وبقية الصة نتمها عند اخونا دكتور احمد القرشى ..
اها مع كلو اغنية جديدة بيفتكرو كمان حب جديد ..
Post: #33 Title: Re: مطلوب القبض عليهم احياء Author: ASIM AL BANNA Date: 10-10-2007, 11:58 PM Parent: #1
شكلنا بقى باااااااايخ والله
Post: #36 Title: Re: مطلوب القبض عليهم احياء Author: abubakr Date: 10-11-2007, 06:03 AM Parent: #1
Quote: شكلنا بقى باااااااايخ والله
يا بكري دة فردتنا وضروري ضروري تسلمو باسويردات لاصحابو دييل بشان نحن كمان نتعلم عربي ..
Post: #37 Title: Re: مطلوب القبض عليهم احياء Author: ASIM AL BANNA Date: 10-12-2007, 04:33 AM Parent: #1
يا حبايب
كلو سنة وانتو طيبيييين زى مانتو دايما وربنا يحقق امنيات الجميع
