Post: #1
Title: بسم الله نبدأ
Author: Muhammad Elamin
Date: 09-29-2007, 09:02 PM
Parent: #0
أعضاء المنبر الكرام
والأخ الكريم سيد الحوش
نحيكم بأطيب تحية وأسمي دعاء في ليالي مباركات بأن ينزل الله سلامه والرحمة والبركات عليكم جميعا
ونبدأ مشوارنا معكم في المنبر العامر والذي أكرمنا الأخ بكري بمنحنا عضويته
والشكر للأخ الحبيب محمد نور سفير السودان المتجول وسط أهلنا بتشاد وسفير تشاد في الجامعات السودانية والذي قضينا معه أسعد الأوقات في السودان أيام الدراسة والجامعة
وبسم الله مجريها ومرسيها... إن ربي لغفورٌ رحيم
|
Post: #2
Title: Re: بسم الله نبدأ
Author: Raja
Date: 09-29-2007, 09:15 PM
Parent: #1
محمد الأمين.. سلام وتحية وألف مرحبا
بالمناسبة شقيقي الأصغر إسمه محمد الأمين.
|
Post: #3
Title: Re: بسم الله نبدأ
Author: سمندلاوى
Date: 09-29-2007, 09:17 PM
Parent: #1
وعليكم السلام ورحمة الله وبركاته
رمضان كريم وتصوم وتفطر على خير
مرحب بيك السيد ممد الامين والديار
منورة بقدومكم الميمون,طب مقاما هنا
ياعزيزى
|
Post: #4
Title: Re: بسم الله نبدأ
Author: محمد نور أحمد
Date: 09-29-2007, 09:22 PM
Parent: #1
أبو الشباب ..
الشفقة الليك شنو يا أخينا؟
صبرا يبل الآبري مافي؟
كنا أكرمناك ببوست ترحيب يليق بمقامك..
وضبحنا الضبايح..
وفرشنا الأرض ورود..
مرحب بيك الأخ الكريم محمد الأمين..
أتمنى أن تكون إضافة حقيقية للمنبر..
أنت رجل مثقف وسياسي محنك..
وكادر نشط ..
وطبيب بارع..
متأكد من أنك لو اتكلمت في أي شئ حتبدع..
وعشان كده كان إصراري على ترشيحك للكتابة هنا..
__________________________________
نصيحة: حيجوك الجماعة بعد شوية يسألوك شايت وين
قل ليهم مسنشفى الخرطوم التعليمي .. وقرض على كده
وأنا ما بكلم زول.. ثمح
|
Post: #6
Title: Re: بسم الله نبدأ
Author: Muhammad Elamin
Date: 09-29-2007, 09:45 PM
Parent: #4
محمد نور
جنك دا أصلك ما بتخليهو !!!
|
Post: #5
Title: Re: بسم الله نبدأ
Author: Muhammad Elamin
Date: 09-29-2007, 09:40 PM
Parent: #1
الأخت رجاء
شكراً جزيلاً علي التحيات الطيبات (بس ما تكوني نأوية تحجري علي بالعمر والإقترأن بالشقيق الأصغر)
This would possibly be classed as discrimination on the basis of age and ageism
وتحياتي لمحمد الأمين !
سمندلاوي
جزيت خيراً علي الترحيب وأكرمك الله في شهره الكريم
وربنا يحفظ (الشباب الناهض) علي قول حبوبتنا اللي منورين الصورة
|
Post: #7
Title: Re: بسم الله نبدأ
Author: Raja
Date: 09-29-2007, 09:50 PM
Parent: #5
الفاضل محمد الأمين..
سلام تاني..
Quote: شكراً جزيلاً علي التحيات الطيبات (بس ما تكوني نأوية تحجري علي بالعمر والإقترأن بالشقيق الأصغر)
This would possibly be classed as discrimination on the basis of age and ageism
وتحياتي لمحمد الأمين ! |
يشرفني ويسعدني أن تكون أخ كريم وزميل نبيل..
وأوعدك ألا أحجر عليك في منزلة الأخ الأصغر.. ولكني لن أوعدك ألا يكون عندك مكانة خاصة (للإسم) أولا وإنك من طرف الفاضل المهذب محمد نور ثانيا..
تحياتك سيصلون لمحمد الأمين في أوكرانيا..
دمت
|
Post: #8
Title: Re: بسم الله نبدأ
Author: Muhammad Elamin
Date: 09-29-2007, 09:56 PM
Parent: #7
الفاضلة رجاء
هذا من كريم خصالك وتكرمك علينا
وإن شاء الله نتواصل بكل الخير عبر هذه الساحة
وبمناسبة الأشقاء هذه
فإن شقيقي الأصغر مني إلتقاك قبل سنتين ونصف
لكن علي قول محمد نور حنقرض علي مستشفي الخرطوم التعليمي
وبث !
|
Post: #9
Title: Re: بسم الله نبدأ
Author: Raja
Date: 09-29-2007, 10:02 PM
Parent: #8
العزيز محمد الأمين..
سلام تالت.. شكلو البوست ده حيكون ون تو ..
حكاية مستشفى الخرطوم التعليمي دي ما تمسك فيها شديد.. بكرة يجيك موضوع او موقف تلاقي نفسك في سعد قشرة ..
شوقتني بحكاية لقاء شقيقك.. لو قلت لي أسمه ح اعرف وين إتلاقينا. وأتمنى أن نتلاقي تاني
ودي
|
Post: #10
Title: Re: بسم الله نبدأ
Author: Muhammad Elamin
Date: 09-29-2007, 10:17 PM
Parent: #9
سعد قشرة عديل كدا !!!
لذلك سنحاول أن نحرص علي الموضوعية والإحترام إن شاء الله
ولا كيف يا محمد نور ؟؟؟
|
Post: #11
Title: Re: بسم الله نبدأ
Author: محمد نور أحمد
Date: 09-29-2007, 11:10 PM
Parent: #10
شنو يا دكتور ..
مستلم الأستاذه ( ون تو) شابكا الساعة كم.. ؟ وشفتك وين..؟
هو إنت جيت متين يا زول؟
Quote: سعد قشرة عديل كدا !!!
لذلك سنحاول أن نحرص علي الموضوعية والإحترام إن شاء الله
ولا كيف يا محمد نور ؟؟؟ |
آي بالله .. تمسك في دي قوي .. هي أصلا خصلة فيك .. لكن الذكرى مي ضاره.
باقي لي في ناس كدي كان جوك سعد قشره الليلت رجاء بتفوتها تب.
______________________________
شكرا على الكلام السمح البشبهك يا رجاء..
شفت لمن تخلي الشكل سمحة كيفن .. رقة مبالغة..
قدر ما نقول ليكم خلو الشكل للرجال ما بتسمعوا..
|
Post: #12
Title: Re: بسم الله نبدأ
Author: طارق جبريل
Date: 09-29-2007, 11:26 PM
Parent: #1
الف الف الف الف مراحب
|
Post: #13
Title: Re: بسم الله نبدأ
Author: Muhammad Elamin
Date: 09-30-2007, 10:08 AM
Parent: #12
الأخ طارق جبريل
الشكر أجزله علي ترحيبك بنا
ولن نستغرب من أهل المغرب (أو كما يقولون عندكم)!
|
Post: #14
Title: Re: بسم الله نبدأ
Author: Safia Mohamed
Date: 09-30-2007, 07:48 PM
Parent: #1
| Quote: الف الف الف الف مراحب |
غايتو انا جدي اسمه محمد الامين اها دي برضو age discrimination
صفية
|
Post: #15
Title: Re: بسم الله نبدأ
Author: رأفت ميلاد
Date: 09-30-2007, 08:52 PM
Parent: #14
مرحب محمد الأمين
وأنا فنانى المفصل محمد الأمين
مرحب بيك
|
Post: #21
Title: Re: بسم الله نبدأ
Author: Muhammad Elamin
Date: 10-02-2007, 00:15 AM
شكراً ليك يا رأفت
بس للأسف صوتي شين شديد فغالبا نخذلك هنا
والجماعة حيزعلوا مني لو قلت ليك زمان ما كنت بستسيغ غناء أبو اللمين إلا لكن القصة إتصلحت بود مدني وعيال أب جويلي !!
|
Post: #20
Title: Re: بسم الله نبدأ
Author: Muhammad Elamin
Date: 10-02-2007, 00:12 AM
Parent: #14
الشكر الجزيل علي الترحيب الجميل يا أختي صفية
لكني لازلت شاباً صغير !!
(ينفع شعر ؟)
|
Post: #16
Title: Re: بسم الله نبدأ
Author: Raja
Date: 09-30-2007, 09:00 PM
Parent: #1
الكرام: محمد الأمين ومحمد نور..
كيف أمسيتو..؟
يا محمد نور.. وحاتك أنا أصلو ما بشاكل إلا يهبشني زول. وفي المنبر ده بعد عنك بيقابلوني المتخلفين عقليا والعندهم أمراض نفسانوية ..
الواحد يطنش مرة وتانية وتالت مرة بيكون الصبر خلاص كمل.. وأنا من المؤمنين إنو حريق بير البترول دايما بينطفى بالمتفجرات.. مش شفتا كده في التلفزيون ..
تحياتي وودي..
|
Post: #17
Title: Re: بسم الله نبدأ
Author: رأفت ميلاد
Date: 09-30-2007, 09:16 PM
Parent: #16
| Quote: وحاتك أنا أصلو ما بشاكل إلا يهبشني زول |
لقيتك شكااااااالة
|
Post: #18
Title: Re: بسم الله نبدأ
Author: محمد نور أحمد
Date: 09-30-2007, 09:29 PM
Parent: #16
رجوية .. إزيك
| Quote: يا محمد نور.. وحاتك أنا أصلو ما بشاكل إلا يهبشني زول. وفي المنبر ده بعد عنك بيقابلوني المتخلفين عقليا والعندهم أمراض نفسانوية |
أها ده الكلام الما بيشبهك ظاااااااااتو ..
إنت وكت شايفة إنهم نفسانويين لو فلقوك بالحجار حقو تسردبي وتخلي الحجار تفوت ..
عليييييييييك الله .. كان شاكلوك تاني ما تشاكلي .... ثمح؟
| Quote: وأنا من المؤمنين إنو حريق بير البترول دايما بينطفى بالمتفجرات.. مش شفتا كده في التلفزيون |
أها كمان يا رجاء دايرا تنجري ليك نظريات دفاع مدني من رأسك ساكت !!
ده ياتو تلفزيون يا رجاء؟ ... أوع يكون الفي بالي بالك؟ ... ده تلفزيون السجم والرماد
أكفري بإيمانك ده طوالي .. وهسع دي .. واسمعي كلامي ده ... الحبه ما بتجيك.
__________________________________________________________________
إنت زايغة من بوست حيدر قاسم مالك؟ أنا راجي صورة البتاعه ديك القلتيها.. أكان ما عندك ما تقولي عوك
______________________________________________
حذف مفردات تفاديا للتفسير الخاطئ
|
Post: #19
Title: Re: بسم الله نبدأ
Author: Raja
Date: 10-01-2007, 09:19 PM
Parent: #18
الأحباب صاحب البوست ومحمد نور..
(طبعا إستلمنا بوست الترحيب زي السلامو عليكم )
| Quote: إنت زايغة من بوست حيدر قاسم مالك؟ أنا راجي صورة البتاعه ديك القلتيها.. أكان ما عندك ما تقولي عوك |
والله ما زغتا. لكن مزنوقة زنقة عدوك. وفي الويك اند الفات كتبت لي بوست بتاع بكا..
(زنود الست) قاااعدة. ح اجيب ليك صورتها. لكن والله عايزاك تضوقها. تستاهلها وأحسن منها
الويك اند الجاي معاكم بصينيتين زنود ست ..
ودي الوافر
الحبيب رأفت.. كل سنة وانت طيب
عندي عرق مكابراب. لما يطلع الله لا يوريك ..
الحلو إنو ما بيطلع إلا على البيستاهلو ..
ودي ومشتاقوون
محمد الأمين مرحب بيك تالت ورابع..
|
Post: #22
Title: Re: بسم الله نبدأ
Author: Muhammad Elamin
Date: 10-02-2007, 00:21 AM
Parent: #19
| Quote: عندي عرق مكابراب. لما يطلع الله لا يوريك |
حسي يا رجاء متل الكلام دا ما يخلي الواحد يقرض علي مستشفي الخرطوم التعليمي
وللضمان كده أخير نبعد من الحوادث بالمرة !!!
|
Post: #23
Title: Re: بسم الله نبدأ
Author: hatim ibrahim
Date: 10-02-2007, 01:47 AM
Parent: #1
.
محمد الأمين .. ..ألف مرحب بيك
|
Post: #25
Title: Re: بسم الله نبدأ
Author: Muhammad Elamin
Date: 10-03-2007, 06:12 AM
Parent: #23
بورك فيك أخي حاتم إبراهيم
وإن شاء الله دائماً منصورين
(كدي كشفت روحي شايت وين مش ؟)
إلا بس حلايب ما مصرية !
|
Post: #24
Title: Re: بسم الله نبدأ
Author: الزوول
Date: 10-02-2007, 03:07 AM
Parent: #1
السلام عليكم
الأخ محمد الأمين
من بدأ باسم الله فلا خوف عليه
ومن رشحه أخونا محمد نور فلا يحزن
ومن كانت ردوده – حتى الآن – هي ما نرى فلنا أن نرجو منه الكثير
وقرّط في وصية أخوك محمد نور دي إذا سألك سائل عن اتجاهك الشايت عليه
وقل لهم
إني نذرت للرحمن صوماً ...فلن أكلم اليوم بورديا
عِلِ مسئول من الخير
اسم جدك .... خليفة ؟
................
وما الناس إلا هالك وأبن هالك *** وذو نسب في الهالكين عريق
|
Post: #26
Title: Re: بسم الله نبدأ
Author: Muhammad Elamin
Date: 10-03-2007, 06:18 AM
Parent: #24
يا زول يا أصيل
ربنا يحفظك من كل شر
وإن شاء الله لا تجد منا إلا ما يسرك ويقر عينك دائما
لكن ما لقيتك بصير !
بس برضو قرض علي كدا !
شكلها المعرفة حاصلة ؟
وجزاك الله خيراً علي الإستقبال الهادئ الوقور الصادر من نفس مطمئنة بإذن ربها
|
|