إهانة علم السودان وتملق إسرائيل

في هذه الصورة التي يضعها بعض الأعضاء:

الواثق

نطالب معكم بتصحيح هذا الوضع

أشكرك أخي حيدر والقضية مركبة.

الأخ واثق والأخ حيدر ..
هذا الموقع صودانيز اونلاين اصبح يروج للكثير من الأفكــار التي ليس لها علاقة بما يتعلق بالسودان ولا إنسانه .. بالامس القريب زعيمة الجمعية اياها تراجي مصطفى اعلنت هنا انها لا تقتنع بالعلم السوداني المعروف .. وبالامس القريب أيضا .. قام خادمها المطيع خالد الطيب ( اللهم إني صائم ) بوضع العلم اليهودي بشكل سافر جدا ومستفز لكل ما هو سوداني بهذا الموقع .. مالك الموقع .. يتقاضى عن هذه الافاعيــل .. في صمت تام .. وستجر عليه ما تجــر عاجلا أم آجــلا ..
أما اصحاب هذه الدعوة .. يمتلكلون منبر للترويج لهذه الفعله .. فقد خاب وخســ{ فهاهم الآن يفعلونها بشكل مدروس خالص .. ومؤسس .. في ظـل سكوت العديد من العضوية هنــا ..
هذه الافعال منتهى الاهــانة ...والسكوت عليها .. هو ما يشجع ويحفز على الكثير...
مطلوب من مالك الموقع .. الذي نحن فيه أن يعمل على تغيير هذا العبث .. فورا..

والله يا تمبس قبل نتحير في سكوت بكري نتحير في الزول الخت علم إسرائيل في ملفه و فوق علم السودان دا..

دي فضيحة كبيرة والله

والصمت الذي تواجه به مثل هذه الأفعال مشين وقبيح ومريب.

نطالب بتصحيح الوضع ..
يجب أن يكون العلمان بجانب بعضهما
وليس إحداهما تحت الآخر..فهذا علم
بلادنا الحبيبة..

Quote: وستجر عليه ما تجــر عاجلا أم آجــلا ..

تمبس يعني عاوز تخوف بكري؟

إنت قايلو زيك كده؟

بكري ده صنديد..
ولو بيخاف ما كان بقي بكري أبوبكر.والموقع
ده في أمريكا مافي السعودية

Quote: يجب أن يكون العلمان بجانب بعضهما وليس إحداهما تحت الآخر

زي ما عملت إنت قبل كده؟؟؟

Quote: بكري ده صنديد..

كسير تلج لن يحميك كثيراً

الواثق،

( أوشك أن أخلع من وسخ الأيام حذائي)

مظفر النواب

و الله يا محمد المرتضى مظفر النواب ذاتو كان شاف الناس ديل كان قلع الجزمة والشراب وجدع هدومو..

ياخي ديل مسوخ

Quote: تمبس يعني عاوز تخوف بكري؟ إنت قايلو زيك كده؟ بكري ده صنديد.. ولو بيخاف ما كان بقي بكري أبوبكر.والموقع ده في أمريكا مافي السعودية

.. طبعا إن عارف وأنا عارف .. إنو البورد دا ممكن في اي لحظة يروح فيها .. نتيجة لوضع العلم دا .. زي ما الراكوبة بتاعتكم ديك جضمه ليكم واحد في رمشة عين ..
طبعا إنت همك كلو إنو الموقع دا يتنسف .. ودي طبعا غاية مرادك .. وعملت علشانه قبل كدا .. وحسع الحركة دي طبعا نايمه معاك نوم لما يقوم اي واحد من الناس العندهم عداء ازلي مع اسرائيل .. والعلم الاسرائيلي دا .. وطبعا إنت قايلهم وهم زيك كدا الواحد فيهم يجيب ليهو صورة بتاعت قرعه يبوظ بيها البوستات ..
لالا يا حرامي .. ديل طـــاااخ بيجضمو الحاجة ويعدموها ليك نفاخ النار .. إنت ما شفت عملو ليكم شنو بي هناك .؟.
بعدين قلت لي بكري دا صنديد ..؟
يعني خلاص من حرامي قلبتو لي صنديد ..؟ ومن عمر بشير النت قلبتو لي ضكران وصنديد ..؟
إنتو شنو الحاصل اليومين دي ..؟
دينق يعصروهو يقول ليك يا جماعة تاني ما تقولو جلابة عيب عليكم .. إنت واثق يعصرك بي هناك تجي تكتب لينا بي جاي بكري دا زول كويس ..
ذمــة ما عندكم .. وأنا القدامكم دا برضو ما عندي ذمـة علشان كدا معاكم في اي جحر من جحوركم .. وفي نفس الوقت .. والله سودانكم الجديد دا بي طريقتكم دي .. إلا تعملوه في مكتوب دوت كم..

Quote: ده في أمريكا مافي السعودية

.. لالا البورد دا في أمريكــا ما في السعودية .. حسع انا قلت ليكم في السعودية ..؟
البورد دا في أمريكــا لكن العلم دا ما علم أمريكــا دا علم السودان
عليك الله تعال كمان عدل ليك كلام من هنا علشان اجيب ليك ناس الوثق حسع دي ..

جانب لا يمكن إغفاله في دوافع هؤلاء..

Quote: .. طبعا إن عارف وأنا عارف .. إنو البورد دا ممكن في اي لحظة يروح فيها .. نتيجة لوضع العلم دا .. زي ما الراكوبة بتاعتكم ديك جضمه ليكم واحد في رمشة عين .. طبعا إنت همك كلو إنو الموقع دا يتنسف .. ودي طبعا غاية مرادك .. وعملت علشانه قبل كدا .. وحسع الحركة دي طبعا نايمه معاك نوم لما يقوم اي واحد من الناس العندهم عداء ازلي مع اسرائيل .. والعلم الاسرائيلي دا .. وطبعا إنت قايلهم وهم زيك كدا الواحد فيهم يجيب ليهو صورة بتاعت قرعه يبوظ بيها البوستات .. لالا يا حرامي .. ديل طـــاااخ بيجضمو الحاجة ويعدموها ليك نفاخ النار .. إنت ما شفت عملو ليكم شنو بي هناك .؟.

من أبرز علامات طمس البصيرة وقلة التوفيق ألا يختاروا دولةً يصادقونها إلا إسرائيل..



يا للخزي والعار

الواثق :
شكراً فالوطن خط أحمر يُمنع تجاوزه ... والصراع السياسية أوالإختلاف لا ينصرف للمساس بالوطن والوطنية والمواطن ... وحرية التعبير والرأي حين تصل حدود المساس بالوطنية تبقى كلمة حق أُريد بها باطل
الواثق :
أرجو تحويل البوست من بوست لمناقشة أسباب الظاهرة أو المأساة إلى حملة وتوقيعات لإلزام مشرف الموقع بإتخاذ موقف وحذف تلك الصور المستفزة .. فهي ليست أفضل ولا أقل سوءاً من الصور الإباحية ...

Quote: الواثق : أرجو تحويل البوست من بوست لمناقشة أسباب الظاهرة أو المأساة إلى حملة وتوقيعات لإلزام مشرف الموقع بإتخاذ موقف وحذف تلك الصور المستفزة .. فهي ليست أفضل ولا أقل سوءاً من الصور الإباحية ...

و أنا أثني

أول الموقعين:


خالد

Quote: يجب أن يكون العلمان بجانب بعضهما وليس إحداهما تحت الآخر

.
.

Quote: أول الموقعين: خالد

..
يلاي ..؟

شكراً جزيلاً أخ الواثق على هذا البوست
شاهدت هذه الصوره قبل قليل في بوست ترحيبي لزميله جديده وبالجد الصوره أشارت إشمئزازي بشكل لايمكن تتخيله وعكرت صفو يومي نهائياً ..

صدقني يالواثق هؤلاء لايمتون للسودان بصلة ولابد أن نعمل كل جهدنا ياأخ الواثق حتى نضمن ان لايستلم أمثال هؤلاء مصائر الشعب السوداني في أيديهم ..

أتمنى أن يقوم بكري بإزالة هذه الصوره نهائياً وان يلزم كاغة الأعضاء بإحترام مشاعر الآخرين فهذا إستفزاز مابعده إستفزاز وللصبر حدود.

تم إفراد بوست مخصص لجمع ًالتوقيعات حتى تحذف هذه الصورة المستفزة فوراً
وقعوا هنا حتى يقوم بكري أبوبكر بإزالة هذه الصورة فوراً

نتمنى من الاخ عضو المنبر ان ينصت لصوت العقل ويغير الصورة

وضع العلم السوداني بالمقلوب فى حد ذاته إهانة شنيعة

معارضتنا لافاعيل الحكومة لا يعني تعريض كل ما يمت للوطن للسخرية

هذا العلم ليس من صنع الإنقاذ

Quote: هذا العلم ليس من صنع الإنقاذ

..
استاذ حيدر ميرغني
علهم يفهمـون هؤلاء الذين يركبون موجه النضال بالمقلـوب ..

أرجو تحويل البوست من بوست لمناقشة أسباب الظاهرة أو المأساة إلى حملة وتوقيعات لإلزام مشرف الموقع بإتخاذ موقف وحذف تلك الصور المستفزة .. فهي ليست أفضل ولا أقل سوءاً من الصور الإباحية ...
الاستاز احمد
وماذا عن الدول العربيه التى ترفع هذا العلم فى عواصمها
وماذا عن التطبيع والداعين له

السودانيون الافاضل

من المعلوم ان العلم ماديا هو قطعة قماش اما معنى وقيمة فهو
الوطن كله قد نختلف عليه من وضعه وكيفية وضعه
لكن حتى نتفق على تغييره والى ذلك الحين
فهو اينما وجد فهو رمز السودان والسودانيين
علينا المحافظة عليه ورفعه الى العلا
خارج النص
رحم الله الزعيم اسماعيل الازهري الذي
عندما اختلف في مؤتمر باندونق (التاسيسي لمنظمة دول عدم الانحياز)
مع الرئيس جمال عبد الناصر حول رئاسة الوفد
قام برسم علم السودان على منديله ووضعه امامه

هذا ما كتبته في بوست التوقيع لادانة هذا الفعل الغيركريم

كيف لشخص ينتمي لهذا الوطن يجرؤ على وضع علم اسرائيل فوق علم بلاده
صدقوني لو كان يهدف من ذلك تملق اسرائيل فانهم في دواخلهم يحتقرونه
لان من يهين وطنه لن يكرم او يعز اي وطن اخر.

المستلب ثقافيا تمبس.

بطل قلة أدب. وسيب الدور البتقوم بيهو ده لأنوا ما بشبه أبناء الهامش المتبري منهم ديل.

دينق.

Quote: وسيب الدور البتقوم بيهو ده لأنوا ما بشبه أبناء الهامش

وبعض ابناء الهامش
يقومون بدور خطير لبناء حائط مبكى على تراب دارفور

Quote: المستلب ثقافيا تمبس. بطل قلة أدب. وسيب الدور البتقوم بيهو ده لأنوا ما بشبه أبناء الهامش المتبري منهم ديل. دينق.

.. يا البوليص الأمريكي ..
شايفك تاني رجعته لي قلة الأدب وطول اللسان ..
إنت تحديدا لاقيني بالليل ..
عندي معاك كتير جدا ..
كدا بالضبط بقول إنك الامباشى دينق بعد ما رجعت تكتب ليك كلمتين والباقي تتمو شتيمة ..
يعني خلاص استلمت الباص وورد بتاعك ..
اهــا ..
ح جاي عشان تعتذر واللا جاي عشان تقل ادبك ..؟
كان جاي تعتذر حبابك الف
ولو ما جاي تعتذر شكلك ح تعتذر ورجلينك فوق رقبتك ..
تعرف ؟؟
تعتذر بالقانون الدولي كمان .. إنت قايل الدنيا دي همله واللا شنـو ..؟
بعدين اديك اقتراح ..
إنت كان قلبك قوي كدا .. شيل العلم الاسرائيلي دا وختو في بروفايلك .. عشان ما تقعد تجعجع لي ساكت كدا ..

يلالا يا أمباشى وريني شهامتك ودق سدرك ..
خليك من النبذ وطول اللسان دي حركة كلنا بنعرف ليها ..

ولكنهم لا يعلمون

Quote: وبعض ابناء الهامش يقومون بدور خطير لبناء حائط مبكى على تراب دارفور

والله المصيبة ما فيهم (تراجى وشلتها )!!!
المصيبة فيكم انت من البداية الخلقتو من الحبة قبة
ومن الفسيخ شربات
اها بعد دا كلو ما بان ليكم كلامنا
لمن اتحدثنا عن الدورالمشبوه البقوموا به
منظمات وافراد؟
وبرضو بطمئنكم
اختاروا الوقت الخطأ والدور الخطأ
والله كشفهم .
اما انتم فواصلوا صمتكم وصيامكم لا تفسدوه
وسيلة تعبيرية مثل هذه تكفى:-
عزيزى تمبس انك قارئ جيد المسالة اكبر من علم
بعدين قصة العلاقات مع اسرائيل دى مع بعض القوى
السياسية قديمة جدا كانوا وما زالو ينكرونها
من زمن الأنانيا
تستحق يا تمبس كامل التقدير والاحترام

Quote: اختاروا الوقت الخطأ والدور الخطأ والله كشفهم .

أبن الهامش التائه تمبس.

تم تسجيلك ولا لسه؟


دينق.

Quote: أبن الهامش التائه تمبس. تم تسجيلك ولا لسه؟ دينق.

Quote: كدا بالضبط بقول إنك الامباشى دينق بعد ما رجعت تكتب ليك كلمتين والباقي تتمو شتيمة .. يعني خلاص استلمت الباص وورد بتاعك ..

.. مش قلت ليك يا امباشى ..؟
مش كلمتك يا امباشى..؟
اها شفته انا الاسبوع ده كلو بعد ليك لحدي عشرة .. أي مداخله ليك ح اسجله عندي .. ح افضي ليك نفسي خالص ...
بس لما تجي تكتب الاعتذار الفي بالي داك .. عليك الله رسل لي بي تحت .. في الماسينجر بتاع بكري دا ..
والله اخوك شفته بي تقل دمو دا .. قلبو بالشمال وكاتم صوت في الســر ..
أنا القدامك دا ما بنفع اشتغل معاكم في الاستخبارات .. لانو بفتو طوالي بالنسبة للحاجات الحساسة
اعتذارك دا ما حساس .. يعني عادي جدا تعال اكتب لي قول لي يا تمبس انا ماشي اعتذر ..
يعني بي صراحة كدا أول حاجة لازم تكلمني حتين تعتذر..


دا الرد الراكب عدلو يا امباشى
لو عايز الما راكب عدلو تعال بعد الفطـور عشان اكسر ليك راسك الكبير دا ..

يا بوليص ..

يازول انت لسه شفت حاجه؟؟
ده المناظر الفيلم لسه ما بدأ

Quote: اختاروا الوقت الخطأ والدور الخطأوالله كشفهم .

ابعدوا الله من صراعاتكم القذره..لان الذهبوا لاسرائيل ديل برضهم مسليمن زيكم
واسلامهم ربما افضل منكم.فابعدوا الله لانه ليس حكر لاحدكم.
قال الله كشفهم قال!!
امال كشف حال حماس ده كان من فعل الشيطان ام ماذا؟؟؟

Quote: ابعدوا الله من صراعاتكم القذره..لان الذهبوا لاسرائيل ديل برضهم مسليمن زيكم واسلامهم ربما افضل منكم.فابعدوا الله لانه ليس حكر لاحدكم. قال الله كشفهم قال!! امال كشف حال حماس ده كان من فعل الشيطان ام ماذا؟؟؟

الاخت الفاضلة / تراجي
تحية وسلام
ما هكذا تناقش الأمور
وضع مواطن سوداني علم اسرائيل ( وكانت الطامة الكبرى .. العلم السوداني اسفل علم اسرائيل ) إهانة لا نقبلها
من يرتمي في أحضان اليهود فليرتمي بنفسه
ليس هناك من يقيم ان هذا مسلم أحسن من مسلم كلنا مسلون والله يعلم مافي القلوب
إذا تصدى الاخ الواثق لفعل أو عمل استفزه كمسلمهذا لا يعني أنه ينصب نفسه وصي على الاسلام
كلنا هذا العمل استفزنا

أختي الفاضلة ارجوك ان توسعي منظارك لرؤية الامور بعيداً عن كل مهاترات

ولك التحية والاحترام

خالد محجوب

العزيز خالد
اراك لم تعترض على سخافات الواثق وهو منصب نفسه وصي على العقيده و الوطن
وبالعكس جاي ناصحا لي بانه لا تناقش الامور هكذا؟؟؟

Quote: واسلامهم ربما افضل منكم.فابعدوا الله لانه ليس حكر لاحدكم. قال الله كشفهم قال!!

لما قلت ربما لانه الله اعلم بما في الصدور لذا لم افتي في شيئا لا اعلمه.



نعود لعلم هذا الوطن الذي قتلت تحت رايته الملاييين
فهل توصلت لماذا رفض باقان اموم ان يغطى به جثمان قرنق؟؟
لانه علم القتله في منظورهم,فمتى يا خالد نتعلم قبول الآخر
ونعلم انه لا الوطن حكرا على طريقتنا ولا العقيده.
ولك الود.

Quote: سخافات الواثق

ما مشكلة مقبولة منك عشان الدنيا رمضان

Quote: وهو منصب نفسه وصي على العقيده و الوطن وبالعكس جاي ناصحا لي

يا تراجي يا أختي أنا لا وصي على الدين لا حاجة..في مسائل شرعية بننقل فيها كلام الله ورسوله صلى الله عليه وسلم والصحابة والأئمة الأربعة

إذا ما بتقدري ولا ما بتعرفي أمسكي كي بوردك عليك.. أو قارعي الدليل بالدليل والحجة بالحجة زي ما خلق الله الواعين بعملوا مش تندسي

خلف جهلك بهتافية ممجوجة ما عادت تغطي سوأة الجهل كونها أصغر من ورقة توت

وزي ما قلت ليك قبل كده أمشي ذاكري وتعالي

الاخ الصادق تحياتى وليك وحش والله يار جل..

واحد انا اكتبت شكرا اسرائل
اتنين استجلب فلسطنين الى السودان وابناء السودان يحتاجون للحماية اكبر تملق للعرب يا سيدى
اتنين مافى زول متملق اسرائل يا اخى ... نحنا رفعنا العلم وغيرنا باع السودان للوليد ابن طلال وقذافى .... وشكرا اسرائل لان الجمرة بتحرق الواضيها بس ما بتحرق زول تانى...
الحاجة المهم انته راجل ما عندك موضوع وين العلم ووين الصورة هسى فى المنبر الهدف والرسالة وصلت حلاص وشكرا اسرائل بابسط ما نستطيع.... وزى ماقلت تراجى مصطفى دى المناظر العرض مابدى ولمن البلد تنفصل اعمل انته العايزو فى منطقتك مافى زول منعك سوال مهم الرجاء الاجابة علية هل بمثل علم السودان كل ابناء السودان ام يمثل قوم بعينهم... لم نولد ونحن نشكرا اسرائل يا الصداق ومن معه بل شكرنها عندما قامت بحماية ابناء دارفور... والتملق وربنا ما يشوفك انته واهلك ما حداث فى دافور

خالد العبيد موقف الحزب الشيوعى قبل وبعد احداث مصطفى محمود غير مشرف واثبت انكم طلاب سلطه فقط وممكن تسال عضو اللجنة المركزيه الشفيع خضر يا حبيبى

بعدين فى ناس لسع عشمانه انوا السودان ممكن يبقى بلد واحد وعلموا واحد دى وهم اخونا الصادق


تخريمه انته وين من الموضوع دة

Quote: السودان - فوجئ المصلون بمسجد كافوري مربع (6) بفتوى من الإمام ألغى على أساسها صلاة التراويح اعتباراً من 20 رمضان، وأبلغ المصلين الذين اصيب بعضهم بالذهول، ان السي دة عائشة رضي الله عنها، أوردت ان الرسول عليه الصلاة والسلام لم يتجاوز في صلواته الـ(11) ركعة، وأفتى الامام بان الناس يتجهون فى العشرة الاواخر من رمضان الى صلاة التهجد، وان جمعها مع التهجد لايجوز. وقال احد المصلين ويدعى احمد التيجاني لـ(الأحداث) ان ما أثاره الامام خلق حالة من الارتباك وآثر غالب مرتادي المسجد الصلاة فى مواقع اخرى. الأحداث

ويلا نشاء الله نسمع بيكم فى دولة الشمال بكل خير

amir jabir

يا أخوي نصيحة لوجه الله ما بتلقاها من يهودك الفرحان بيهم ديل :أحسن ليك تتفرج في المنبر دا بدل تفرج

خلق الله على بؤس ما تحمل من فكر وثقافة.



تخريمة :ما لقيت قائل البيت الكنت حايم بيهو داك؟؟؟:D

Quote: تخريمة :ما لقيت قائل البيت الكنت حايم بيهو داك؟؟؟

انا عارفوا وهو عارف نفسوا بس علشان الوطنيه ماتبقى علم بس (( والوطنية ماتزوير تاريخ ))

تخريمة الزول الرفع الراية من بعدى دة منوا دى

اسمع الفلسطنين سكنتم وين


محمد فرح البخلى الناس ترفع علم اسرائل انته يازول لو ماعارف اعرف ... قبل ماتجوا انتوا كان لو قلت لى زول من دارفور اسرائل ممكن يقطع راسك هسى شوف الناس وصلت وين..

موية النيل بى كم فى الشهر
عدل لاضافة رد لمحمد فرح الكوز

Quote: يازول انت لسه شفت حاجه؟؟ ده المناظر الفيلم لسه ما بدأ

إذا كان فليمكم دا مناظرو كده أحسن ليكم ما تعرضوهو

Quote: ابعدوا الله من صراعاتكم القذره..

بالله بقت قذرة كيف؟؟؟

دا نقاش مبدئي كيف بقى قذر؟؟؟؟

إلا تكونوا إنتو قذرين

Quote: لان الذهبوا لاسرائيل ديل برضهم مسليمن زيكم واسلامهم ربما افضل منكم

الجاب سيرة الجماعة ديل منو؟؟؟

جنك سواطه ولخبطه..

نحنا بنتكلم عن واحد من جماعتك خت علم إسرائيل فوق علم السودان عامل فيها ثوري ومناضل والحمد لله بلع كلامو وعلمو ذاتو

مرة واحدة بس ركزي معانا

Quote: العزيز خالد اراك لم تعترض على سخافات الواثق وهو منصب نفسه وصي على العقيده و الوطن وبالعكس جاي ناصحا لي بانه لا تناقش الامور هكذا؟؟؟

أختي الفاضلة جداً / تراجي
لا الواثق ولا غير كان وصي علي الإسلام
الواثق مثله مثل غيره استفزه ذاك المشهد المغزز

أختي الفاضلة ماذا بنصيحتي لك هل تريدين أن أراك مثلاً على ما لا أرضاه لك وأتركك
كان رجائي أنت تقبلي نصيحتي أو ترديها بالحجة ... ما كنت أتوقع منك رفض نصيحة من أخ يحبك لله كون أن الواثق فرض نفسه كوصي للدين.

أقول لك مرة ومرات آخر الأخ الواثق واحد من اللذين استفزهم الموقف وعبر عنه بالطريقة التي يعرفها، بعيداً عن طريقة تعبير الواثق فإن الموقف كان مستفز جداً لا أقول لكل السودانيين لكن لأغلبهم.

علم السودان الذي رفض باقان أو غير أن يغطى به قرنق .. العلم ليس ملك لثورة الإنقاذ التي تلتخطت ايديها بدماء الابرياء بل هو علم يمثل السودان معنوياً رضينا أم ابينا والعلم بألوانه الحالية ليست من صنع عمر البشير وصحبه بل هو العلم الذي غير ألوانه جعفر نميري .. فمثلاً أنا مازلت أحب ألوان العلم التي رفعت إعلان بأستقلال السودان العلم الذي رفعه أزهري ... لكن هذا لا يعني أن لا أرضى بعلم السودان الذي فرض علينا.
ألوان العلم ليست المشكلة هنا ويمكن أن نغيرها متى أردنا ... لكن يجب لنا أن نحترم علمنا الذي يمثلنا كسودانيين ولا يمثل اي شخص بعينه أو حكومة كل شخص وكل حكومة مصيرها الزوال والباقي السودان والشعب السوداني إلى أن يرث الله الأرض وماعليها.

عامر جابر يا الواثق ليس احد جماعتي
ولكنه ممن اكتوى باحداث القاهره
هنالك قتلوا له اخوة واطفال اصدقائه وامهات بعضهم
عامر جابر فكر فقط ان يحي اسرائيل وشعبها التي اوت اخوته ضحايا البطش في القاهره:

Quote: نحنا بنتكلم عن واحد من جماعتك خت علم إسرائيل فوق علم السودان عامل فيها ثوري ومناضل والحمد لله بلع كلامو وعلمو ذاتو مرة واحدة بس ركزي معانا

مافي زول بلعه كلامه ولا علمه
كل ما حدث انها امور اجلت لاوقات قادمه فشدو حيلكم بس.

العزيز خالد
نشرب الموايات زيكم

ونرجع لكم بعدين بالدسم المفيد باذن الله.
لك الود.

Quote: العزيز خالد نشرب الموايات زيكم ونرجع لكم بعدين بالدسم المفيد باذن الله. لك الود.

صحة وعافية يا تراجي
وصيام مقبول وعتق من نار
يارب تقبل الله منا ومنكم

مع احترامي

خالد

العزيزة تراجى مصطفى ..
الجمرة بتحرق الواطية بس ... ولو كان الصادق الواثق من جبال النوبه او من الجنوب .. او من شرق السودان او من كجبار او من الانقسان لفعل العجب والرسالة وصلت ...

الاخ خالد

نحن لا نقلل من شان السودان اذا كان سبب الخلاف ان العلم اسفل الاخر وهذا فى وجهت نظرك مزله .. انا احترم وجهت نظرك ولك الاعتذار الشخصى لك ولك من يرى انا فى ذلك اهانه لعلم بمثلة ... وان كان الهدف من الحملة الاعلاميه توجيهنا لمعادات اسرائل فانا لا اعتذرى ولن اعتذرى ابدا ما حيت ... نوجه انفسنا وشعبنا حيث الامن لهم .... وسبب الحرب فى السودان تزوير التاريخ وتوجية البلد لوجة عربية دون غيرها ..

وما التطهير العرقى الا مثال الى ذلك

من منك راى ضحيا مجزرت مصطفى محمود وهم ملقين خارج ثلاجات التبريد .. وقد تعفنت جثثهم بهذا الفعل ..
من منك وقف مع الحاجة راجينا ابنت واو وهى تحاول انا تقاضى المصرين فى حادث مقتل ابنها فاطمة فى حوض السباح فى مصر ...
من منك شهد الاسر فى الكليوا اربعة ونص فى مصر من غير سقف ... ولا طعام....من منكم شهد ضياع الاف الاطفال من كل السودان فى مصر بسبب حكومات الخرطوم من 56
من منكم دخل السجون المصريه وقابل ابناء السودان فى السجون المصرين وطالبوا فقط باجرهم فى العلم مع المصرين فتم اتهامهم بالسرق وا بالمخدرات وزجهم فى السجون لسنوات طويل ...

الواثق الصادق من حق ان تغضب من حقنا ان نغضب
الاول مرة فى مصر توحد ابناء السودان كل ابناء السودان فى مصر فى الاعتصام .. الامر الذى جعل السلطات المصرية وبالتعاون مع الامن السودان تسارع بضرب الاعتصام قبل ان تنتقل عدوى العصيات المدنى للسودان وتسقط الانقاذ.. وخفات الادارة المصرية من وحدت ابناء السودان ففى وحدتهم قوة ..

الاخ الصادق لم نولد عنصرين ابدا لكن تعلمنها من استاذت العنصرية فى الخرطوم ..

واخير لتعلم ان الاعتصام ما كان لميكث 3 اشهر لو رضنيا بخيار الادارة المصرية ممثلة فى مكتب المفوضية فى مصر انها سوف تحل مشاكل ابناء دارفور فقط دون غيرهم فرض ابناء دافور وكانوا اغلبية فى الاعتصام


الاخ الصادق نحلم بان نكون دولة موحدة يسود فيها القانون والعدل الاجتماعى .... فقد احببت وحدة ابناء السودان وانا فى مصر ....

لكن فات الاون لان على ذلك

تحياتى

Quote: نحن لا نقلل من شان السودان اذا كان سبب الخلاف ان العلم اسفل الاخر وهذا فى وجهت نظرك مزله .. انا احترم وجهت نظرك ولك الاعتذار الشخصى لك ولك من يرى انا فى ذلك اهانه لعلم بمثلة ... وان كان الهدف من الحملة الاعلاميه توجيهنا لمعادات اسرائل فانا لا اعتذرى ولن اعتذرى ابدا ما حيت ... نوجه انفسنا وشعبنا حيث الامن لهم .... وسبب الحرب فى السودان تزوير التاريخ وتوجية البلد لوجة عربية دون غيرها ..

الأخ الفاضل / أمير جابر
تحية وسلام
أخي عمري ما فكرت في هذا الأمر بل ضد ذلك تماماً أن أندد باليهود من عاطفة عربية
وما هزمنا وصرنا في زيل الأمم ألا بتلك الكلمة الممقتة ( عربي )
أنا أطرح الأمر كسوداني مسلم ولا غير ذلك
كل مسلم سوف يستفزه ان يرى أخيه المسلم يمد يد العون والحب أعداء الإسلام اليهود
أليس النيجري والمالي والسنغالي النيجري وغيرهم من مسلمي أفريقيا ... يستفزهم هذا الفعل ؟؟؟

هم يمقتونا كمسلمين وما سوف يهدأ لهم بال وجل قضيتهم هدم الإسلام وليس المسلمين لانهم يعلمون أن المسلمين من الضعف أن صاروا لقمة سائغة في افواهّم وجعلونا نقتل بعضنا بعض.

أختي الفاضلة جداً / تراجي
لا الواثق ولا غير كان وصي علي الإسلام
الواثق مثله مثل غيره استفزه ذاك المشهد المغزز

Quote: أختي الفاضلة ماذا بنصيحتي لك هل تريدين أن أراك مثلاً على ما لا أرضاه لك وأتركك كان رجائي أنت تقبلي نصيحتي أو ترديها بالحجة ... ما كنت أتوقع منك رفض نصيحة من أخ يحبك لله كون أن الواثق فرض نفسه كوصي للدين. أقول لك مرة ومرات آخر الأخ الواثق واحد من اللذين استفزهم الموقف وعبر عنه بالطريقة التي يعرفها، بعيداً عن طريقة تعبير الواثق فإن الموقف كان مستفز جداً لا أقول لكل السودانيين لكن لأغلبهم. علم السودان الذي رفض باقان أو غير أن يغطى به قرنق .. العلم ليس ملك لثورة الإنقاذ التي تلتخطت ايديها بدماء الابرياء بل هو علم يمثل السودان معنوياً رضينا أم ابينا والعلم بألوانه الحالية ليست من صنع عمر البشير وصحبه بل هو العلم الذي غير ألوانه جعفر نميري .. فمثلاً أنا مازلت أحب ألوان العلم التي رفعت إعلان بأستقلال السودان العلم الذي رفعه أزهري ... لكن هذا لا يعني أن لا أرضى بعلم السودان الذي فرض علينا. ألوان العلم ليست المشكلة هنا ويمكن أن نغيرها متى أردنا ... لكن يجب لنا أن نحترم علمنا الذي يمثلنا كسودانيين ولا يمثل اي شخص بعينه أو حكومة كل شخص وكل حكومة مصيرها الزوال والباقي السودان والشعب السوداني إلى أن يرث الله الأرض وماعليها.

يا اخ العزيزهذا العلم ليس بيرمز لنا كســــــودابيين وانما يرمز لى العروبة(هل تتفق معى ؟)

لا فرق بين علم فلسظين و هذا العلم

الواثق ...

رمضان كريم ...

ما المغزز في الموضوع يا اخي؟؟؟

Quote: المشهد المغزز

وائل طه
الله أكرم يا زول
وين إنت؟


شوفي يا تراجي

أحداث القاهرة دي أنا ما دافعت عنها ولا عملتها وهي جريمة

بنفس المبدئية دي مفروض تدينوا جرائم إسرائيل ضد الفلسطينيين واللبنانيين لأنو الظلم واحد والقهر واحد

أتحير كيف تنسجمون مع الجلاد وأنتم الضحايا؟؟

أتحير كيف تبتسمون للجزار وأنتم الذبائح؟؟؟

كون إسرائيل عملت حسنة فهذا لا يمسح جرائمها ولا عنصريتها وإلا كان عليكم تحية الكيزان عند كل مشروع تنموي يشيدونه، السذج فقط هم من يفعلون ذلك.

وتعرض بعض أبناء الوطن لأزمة مثل أزمة أحداث القاهرة هذه لا يمنحهم الحق في تعميم الحكم على كل العرب والمسلمين لأن ذلك جرم وخطيئة بل يجب عليهم أن يميزوا خاصة العقلاء والمتعلمين منهم..

والعنصرية نار لو أوقدت لأكلت الجميع فلا تنفخوا في حطب يكون عليكم جهنم، بل يجب أن نتضامن لنخمدها..

والعمل السياسي لا يحتمل مواقف (المكاواة) والاستفزاز والشذوذ فذلك يحدث في مجالس بعض الحريم.

والحمد لله إنو شباب دارفور والمثقفين فيهو عرفو كعابة الكيزان هسع بعدما كان بشيلوا السيخ معاهم في الجامعات عشان يردعوا خصومهم السياسيين حتى سميت (داركوز) على الأقل يكفروا عن ذنوبهم

Quote: فمثلاً أنا مازلت أحب ألوان العلم التي رفعت إعلان بأستقلال السودان العلم الذي رفعه أزهري ... لكن هذا لا يعني أن لا أرضى بعلم السودان الذي فرض علينا.

أخي الفاضل على مايبدو أن لا تقرأ كل ما يكتب
أرجع للأقتباس أعلاه تجدني اني اشرت لهذا الموضوع
لحين أن يتغير علم السودان يظل هذا العلم الذي يمثل السودان
سواء كان يرمز للعروبة او الجن الأحمر
لا نقبل فيه فهو شعارنا لحين يغير بالوان نرضاها

ما المغزز في الموضوع يا اخي؟؟؟

المغزز ياتراجي
أن يوضع علم اليهود جوار علم بلادي

لا أرضاها لعلم بلادي ان يكون قرب مزبلة