المـاهـو عاجبـو اليتفـلق ـ النص الكامـل لآخـر قصائـد كـدكـي

مـريخنـا فـرحـت
الخلـق
عنـدك هجـوم زي
البـرق
وكـتين يقـول كـدي
ينطلـق
صـابـونة فـي طـش
تنـزلـق
والمـاهـو عـاجبـو
اليتفلـق
خصمـك متين مـا
ينـزنـق
يصـبـح قطـن دايـر
الطـرق
يتقـص يقـع وقعـة
مــــرق
ومـا فيـش ولادة بـلا
طلـق
المـاهـو عـاجبـو
اليتفلـق
فـي نـاس تكاكـي مـع
العـرق
وفـي نـاس عليهـم
ينطبـق
قـولة فـلان مـو زول
صـدق
حـاسـد يحسـدك فـي
الـرزق
والمـاهـو عـاجبتو
التيفلـق
تلـف الشـلف وعـرف
الفـرق
واليـانـق يـامـا ضـاق
خنـق
وخليـت دولفيتن بيـض
يتسـلق
وكـوارا من فـد شـوط
حـرق
والاسـماعيلي مـن
السـحق
لقـاك شـوكة فـي
الحلـق
والماهـو عـاجبـو
اليتفـلـق
ليـك شـعري نـاتـج مـن
عشـق
وفـي الخـط معـاك أنـا
متفـق
اسـمك حلـو ونصـرك
حـدق
ومـن عسـلك الـزول
يتشـرق
والماهـو عـاجبـو
اليتفـلـق

...،

المـريخـابـي الملـتزم

ـــــــــــــــــــــــــــــــــــــ
مـن يتسـامـح فـي حقـوق المريخ ولـو لمـرة
واحـدة ، يبقـى أبـد الدهـر مزعـزع
العقـيدة ، سـقيم الـوجـدان ..

ما حدث اليوم من احتلال
الجماهير السودانية لأستاد
البحرين لا يعبر عنه إلا قصيدة
المبدع الزبير عوض الكريم
في قصيدته :

سيدة فرح أغنية المريخ الخالدة
ويسـعدني أن أهديكم لهـا :

-----------------------------

يا بت فرح

الليلة لو شفتي الإسم

كيف أضحى مصدر للفرح

كيف أضحى للعشاق حبيب

يحلو الغزل فيه ويصح

أصبح شعار في كل دار

وفوق للسحاب مختال سرح

آه من صفارو العسجدي

ماخد البريق من قوس قزح

آه من كؤوسو المنزلة

مين غيرو يقدر ينزلا

ويهدي البلاد أجمل فرح

......

يا سيده لو شفتي الإسم

كيف أضحى للإبداع شرف

الماوجد في الدار مكان

ندمان وللدمعات زرف

الكابلي يشدو بعد سرور

وفتح الله يخطو خطى كرف

وساقية حمد لسع تدور

ماغاب غناهو ولا وقف

والروعة في ود الأمين

لو كان ترنم أو عزف

ما ديل مثال

إيجاز مصغر مقتضب

أصلو المحال كل المحال

حصر الرموز

يا سيده في الفن والأدب

في الإذاعة والصحافة في

المسارح والرتب

الساحة تذخر بالكوادر

بالنوابغ والنخب

.......

يا سيده لو شفتيهو كيف

فارق بلادنا وانتشر

في كينيا معروف والخليج

في آسيا والصين والمجر

تاريخ مطرز بالفخار
من عهد قرعم لي صخر

تاريخ مطرز بالذهب

من شرفي لي برعي وطلب

وكمال وجقدول والعجب

أيامنا من بعدك بقت

يا سيده في بهجة وطرب

..........

يا سيده لو شفتي الإسم

كيف أضحي معشوق الألوف

زغرودة في ثغر الحسان

ورسوم تزين أحلى

الكفوف

صفقة وأغاني ونقرشه

الحان وإيقاعات دفوف

تشجي المسامع والبدن

يا سيده مريخك دوام

بالصفوة محروس

محتضن

بالكلمة والحرف

الأنيق

أرقى الوصف بيهو

اقترن

مين يعلو في دنيا الأدب

قامة التجاني وحاج

حسن

ود بانقا والمك علي

والمبدعات أخوات مزن

......

يا سيده يكفيكي افتخار

ما شفنا أحلى من

النجوم

في الكون شعار

منظر يريح كل العيون

بهجة ومسرة وانبهار
والحكمة عند

الإنتصار

الدنيا ترقص وتنتشي

والظلمة تتبدل نهار

ما أحلى ساعة

الإنتصار

لما البلد تهدأ وتروق

ويهتف الجمع الخلوق

مريخنا فوق مريخنا فوق

في الكونفدرالية والعربية مريخنا ميه الميه


الف مبروووووووووووك وهكذا دائما نحن في المريخ السعادة والإنبساطه

ابومصطفى

نـاس بتجـرسـوا من أمبدة
والخرطوم تلاتة
وناس بالشـفع تغلب تلاتة

نحمـدك يـا الله ..
جنس تغـى يا أوتوفسـتر ..
دي بطولة تجرب فيها ناس
السعودي وناتالي وعنتر ؟؟

بالغت يا أب لسان ..
بسحروك ..
كان تعمل التغى دا جوة السودان ..

نحمدك يا الله على التغى
والفشخرة المليانة ثقة ..

يا شباب ما في حمام ميت
واقف في الدور ؟؟
أصلو عايزين نريح ايفوسا وايداهور ..

وبدل الحمار أدفنـو تـور ..



.

مبروك يايوسف
حلا وحمار على السكين
غايتو المريخ دا بيكون كتل ليهو واحد من ثلاثة
نرجو معرفة الاجابة
1/ عربى جديد فى الكوره عامل فيها شاعر ذى ود العيلفون شاعر مدنى المعروف
اسمو على قرية من قرى الجزيرة غرب الحصاحيصا اخر حرفين تا
2/واحد ممغوص من المريخ هارب من الامارات متسكع فى مقاهى القاهرة
3/كادر من كوادر حزب الامة الاصلاح جناح مبارك او مسار او الزهاوى
وهاك هذه الابيات
شافوه فى حلة حمد
مريخنا دائما معتمد
تاج النصر
بطل البلد
ما جاب حكم بيهو اتسند
ما بخلى تاره الى الابد
ويفوز على الخصم الالد
بالقوة بالفن بالجلد
*********************
جمهوره يهتف كالرعد
ثابت معاه وما ابتعد
اما الهلال قام او قعد
مريخنا بالاصرار صعد
فوق للجميع
والكل بعد
***********
نواصل