سلام شباب و شابات, استنيت الناس البعرفهم يقدموني ليكم لكن شايفاهم ما ادوني وش, قلت اعرف نفسي براي, يسعدني وجودي بينكم, اخيرا بكرى حن علي و اداني باسورد و رمضان كريم.
Post: #2 Title: Re: عضوه جديده مافي زول اداها وش Author: عبد المنعم سليمان Date: 09-27-2007, 10:56 PM Parent: #1
مرحب بيك يابتي في الحوش الواسع دة .. اكيد الشباب والشابات مشغوليين في ونسات او بيصلو تراوييح او يادوبك صحو من النوم او نايميين فرواد الحوش من اركان الدنيا شتات في شتات وهكذا اهو واحد كهل زي يكون قاعد في المصطبة ما عندو شغلة الا يرد السلام او يسلم ...واكيد وجودك ينور الساحة وفي انتظار اسهاماتك رمضان كريم
دانيه رمضان كريم ومرحبتين ونص معليش ناس البيت ديل مشغولين شوية , في جزء منهم مشو البكا بتاع ناس عمك اسمو منو داك , وفي ناس عندهم كديسة رايحة مشو يفتشو ليها, وناس المراسم مشغولين بهناك بي استقبال برالمة تانيين , ناس كسير التلج قبضوهم ناس الحركة عشان شايلين تلج تقيل ماشين يكسروهو في اسقبال ناس كده. في ناس بي هناك عندهم شكلة ليها ضل في الشارع الوراني ..عشان في واحد قال لي ولدهم يا( جلابي ) فمشو عشان يكسروه ويوروه العين الحمرا, وفي ناس مشو الندوه بتاعة الزول البراي داك... المهم يا زوله ما نطول عليكي ... اخدي راحتك واتمددي لحدي ما يجوك. اتصبري بالكباية دي لحدي ما يجو (يسوطو) ليك حاجة تانية:
Post: #19 Title: Re: عضوه جديده مافي زول اداها وش Author: علاء الدين حيموره Date: 09-28-2007, 00:21 AM Parent: #16
Post: #20 Title: Re: عضوه جديده مافي زول اداها وش Author: هاشم أحمد خلف الله Date: 09-28-2007, 00:34 AM Parent: #18
دانيا إتفضلي البيت بيتك يلا غسلي ايديك وحصلينا علي الغداء اسف قصدي الإفطار
Post: #21 Title: Re: عضوه جديده مافي زول اداها وش Author: محمد نور أحمد Date: 09-28-2007, 00:46 AM Parent: #20
آي لكن الضيف الجديد يقول للناس أنا جيت وبوشه!!!؟؟ مرحب بيك .. (وشوش مستقبلة).
Post: #22 Title: Re: عضوه جديده مافي زول اداها وش Author: حيدر حسن ميرغني Date: 09-28-2007, 00:49 AM Parent: #21
مرحب بيك
ودانيا بنتي بتسلم عليك
Post: #23 Title: Re: عضوه جديده مافي زول اداها وش Author: baha eassa Date: 09-28-2007, 00:53 AM Parent: #20
مرحب بيكي الاخت الكريمة دانيا المكي
Post: #90 Title: Re: عضوه جديده مافي زول اداها وش Author: يسرى صلاح Date: 10-01-2007, 10:01 AM Parent: #20
دانيا مرحب بيك واتمني تكون عضو فاعل وليس ساكن كحالي .
هاشم صينيتك عجيبة والله عملتا لي نفسيات ملاح التقلية كارب شكلو وانا بموت في الكسرة الرهيفة وممابحب اللقمة تعرفي صينيتك دي تقفل عليك الاوضة وماتكلم اي زول تضرب الصينية وماتغسل يدك تاخد ليك نومة علي طول لانو بتكون اتبنجتا وكدة.
احترمو مشاعرنا الدنيا رمضان اخ
Post: #24 Title: Re: عضوه جديده مافي زول اداها وش Author: أحمد الشايقي Date: 09-28-2007, 01:03 AM Parent: #1
يا " واحـدة مـن الثلاثة!!! اكرر لك امنياتـي الطـيبة.
Post: #30 Title: Re: عضوه جديده مافي زول اداها وش Author: salah elamin Date: 09-28-2007, 02:26 AM Parent: #29
Quote: .عضوه جديده مافي زول اداها وش
الاستادة Dania طيب نبدأ one by one حسب عنوان البوست بتاعك يا انتي ما عندك وش ودايرانا نشوف ليك وش او انتي عندك وش وعاوزة ليك وش تاني عشان تكوني دات وشين .
لكن انا في رأي انتي زولة ظريفة ولطيفة عشان كده تستحقي الف لا بل مليون مرحب ومرحب ووش واحد وبس واللي هو وشك الجمييييييييييييييل.
عبدالمنعم, مشكور بس عليك الله الوشين يكونوا حلويين موش لمن تزعلوا مني توروني الوش الثاني منى و ترهاقا الكدايس و الفيران شنو ؟ بخاف منهم موت. كيفكم؟؟ نصار و عمو ابوبكر مرحب بيكم كثير و نورتوا البوست متولي و الامين مرحب بيكم, خمسه بس والله بالغوا معاك. كوستاوي ولد بلدي كيفك؟؟ و اخبار نيمة مسيكه؟ ولا بانه هي انا ما عارفه الصحافه كيفنك؟ رجاء لكن البنت العسل دي بالغتي فيها وشهها فيه تعبير مبالغ فيه دينق ازيك؟؟ بس ما تشاكلني عليك الله عشان بخاف من الشكل تحياتي العوض و احمد موسى ما قصرتوا, الشايقي والله انا من سنه 89 ما اكلت ملاح اخضر و لايوق بالشكل ده محمد عصيرك خطير, علاء فعلا ببقى ليهم حار. ودالداش كيفنك و اهلا بيك هاشم عناقريبك خطيره, بس النومه في حبل البلاستيك حاره, اخير منها الحبل عشان الكراب ما بيخلي علامات في الوش. و ملاح التقليه اخطر. محمد نور فطرت ولا لسع؟؟ لكن ما ما اديتوني وش اعمل شنو : حيدر معقوله انا حلوه و عسل زي دانيه الصغيره دي؟؟ الله يخليها ليك بهاء, احمد, ابوعبيده و الملك مرحب بيكم. ياسر و عادل الله اكرم و اهلا بيكم بكري والله اسمي ده الناس كلها مجننها, لكن انا بكتبه دانيه, و عملته هنا انجليزي عشان في اي مكان اقدر ادخل البورد. في المكتب ما عندي عربي. صلاح الامين والله بالغت عديل كده عمر عبدالله والله حسستني اني صغيره, زي بنت حيدر دي, الله يديك العافيه. وضاح ابدا والله ما بكوس, كتبت الرد من ساعتين لكن النت قطع و ما رجع الا هسح و يا جماعه لو نسيت زول سامحونا والله كده يادوب الواحد يجر نفسه و يستعد ليكم
.مرحب بيك. شخصيا أعتبر وجود أي أمرأة في هذا المنبر ظاهرة صحية. وجودك إضافة ما في شك. بس طولي بالك.. ممكن بدون سبب يجيك واحد أشتر يمسخ ليك يومك كله. دا بحصل..لكن برضو ظاهرة صحية على التنوع المطلوب في كل منبر. مليون مرحب بيك.
Post: #40 Title: Re: عضوه جديده مافي زول اداها وش Author: bukhary el amin Date: 09-28-2007, 11:30 AM Parent: #1
أنت لسه مستوى تفكيرك في مستوى أفلام زماااااااااااان البطل والخاين والعوير؟؟؟؟؟؟
أظنك كنت من النوع البقيف في الصف من العصر ويشيل ويخرت في العرق لامن الواطه تمغرب وباب السينما يفتح، والصف يمشي وكان بقيت لا ورا ما تصل إلا بعد الإستراحة الأولى!!!
مرحبتين بالأخت دانية أو الإبنة دانية (ودى عشان بتى إسمها دانية) أمنياتى لك بإقامة طيبة وسعيدة بالمناسبة نحنا أولاددفعة تقريباً فى الإنضمام للمنبر لك محبتى
Quote: سلام شباب و شابات, استنيت الناس البعرفهم يقدموني ليكم لكن شايفاهم ما ادوني وش, قلت اعرف نفسي براي, يسعدني وجودي بينكم, اخيرا بكرى حن علي و اداني باسورد و رمضان كريم.
دانيا.
ده كلوا عرفناه لكن أنا عاوز أعرف الجماعة أصحابك اللي أتغابو فيك العرفة ديل ناس موا؟
النسر و غاده و محمد عياش سلام, منورين والله دينق انالا معاك لا مع الخيانه, انا مع السودان لو انت مع السودان تبقي معاي. فيصل مرحب بيك, عمر التوم عرفتنا شايته المطبخ موش كده فضيلي, شكرا يا فاهم, بخاري الله يديك العافيه. معقوله بس رب الفن كله هنا؟؟ شرفت كثير والله استاد يوسف الموصلي يسري, حاتم و مجاهد, كيفكم مع الصيام؟؟ أزهري و أحمد خضر مرحب بيكم؟؟ طارق جبريل تعرف انا ايام قصة اي بت شديده بتحب صبي بناي زعلانه و متغاظه منك, ابيت تتم القصه كله كله, و في النهايه زهجت و نسيت الموضوع. انشاء الله تكون تميتها و صاحبك عرس البت انا وصلت لغاية الفطور مع خالتها شيماء شكلك برلومه زيي كده, كيفك يا بت امي تراجي مرحب بيك, و اوعي تحرشي دينق عليي , على فكره والله جالية واشنطن دي عممري ما مشيت ليهم و لا شفتهم, زمان كانوا بيرسلوا لي انا و ناس البيت دعوه, لكن هسع شكلهم قنعوا مننا عشان ليهم فتره ما سمعنا منهم. عثمان, مهند, هند, شهاب, و مدثر رِأفت, كيج و سيليكون ه و مدثر ازيكم
خالد, لا معليش دانيه ما ديانا, لكن ما مشكله حنحفظك الاسم قريب محمد و ادم, كيفنكم يا اولاد امي؟؟
دينق,وو ما تديني ثلاثه يوم الضيافه مالك شفقان كده.... خليني اتوهط بالاوال بعدين اصحابي ديل ما بقدر اجيب اسمهم عشان الهواء بيقسمهم ((((
Post: #69 Title: Re: عضوه جديده مافي زول اداها وش Author: عبد الغفار عبد الله المهدى Date: 09-29-2007, 01:25 AM Parent: #1
دانيه بت المكى حبابك وبركه رمضان جابك كيفن ما بدوك وش؟؟ وهنا انحنا عندنا ناس قاعده على (السوتش )خصوصا لما يكون القادم لطيف وكمان جديد والجديد شديد ولو ما مصدقانى كدى افتحى بوست وكحى فيهو شوفى الوشوش التطاقش عليهو ؟؟؟ واها انا بثبت ليك على العموم مرحب بيك ونورتينا
Post: #70 Title: Re: عضوه جديده مافي زول اداها وش Author: amir jabir Date: 09-29-2007, 01:56 AM Parent: #69
بعد الترحيب ...انتى مريخابيه ولا هلالابيه ... ولا هلاخابيه
Post: #71 Title: Re: عضوه جديده مافي زول اداها وش Author: سلمى الشيخ سلامة Date: 09-29-2007, 02:27 AM Parent: #70
يا حنينة حبابك الف ونديك الندى والزهور مع الندى كيف؟
عبدالغفار مرحب بيك, و ناس السويتش ديل الله يديهم العافيه, أمير جابر لكن التكامل بتاعك الجديد ده غريب و عجيب و جديد سلمى معقوله منوره البوست انت بنفسك, لك الف تحيه
مرحبتين حبابك في هايد بارك السودانيين الذي انشأه الباشمهندس بكري.... حبيبنا جورج همه كله الشوت ما يكون ضفاري,وحسرته بتتضاعف عند اضاعه ضربه الجزاء. بنتنا دانيه تاني بنقول ليك حبابك عشره. عبدالله محمود
أهلا بك أملا متقدا و ضاءا بين أهلك و عشيرتك ، و نحن نعبر لك عن فرحتنا بقدوووومك فإطلالتك البهية هى التى تخلق فينا الأمل ، فمرحبا بك يا عزيزتى ، و ننتظر مساهماتك النيرة .
و لك الود
Post: #75 Title: Re: عضوه جديده مافي زول اداها وش Author: صالح عبده Date: 09-29-2007, 06:49 AM Parent: #1
بتعرفى ( الكراب)؟ ... والله كاربه. ألف ألف مراحب .
Quote: انا مع السودان
ياتو ؟؟؟ القديم واللا الجديد؟؟ غايتو أنا مع ( الجنيه) القديم
مرحب بيك الف تانى
Post: #77 Title: Re: عضوه جديده مافي زول اداها وش Author: انعام حيمورة Date: 09-29-2007, 07:54 AM Parent: #1
Quote: عضوه جديده
دانية لكن ما طلعتي سينر في الردود!! .. مبااالغة
الف مرحب بيك .. ودخلتك حلوة جدا !!
Post: #78 Title: Re: عضوه جديده مافي زول اداها وش Author: نهلة عمر Date: 09-29-2007, 09:51 AM Parent: #1
اهلا يا دانيا مرحب بيك فى و اتشرفنا كتير بانضمامك
Post: #79 Title: Re: عضوه جديده مافي زول اداها وش Author: Mohammed Ibrahim Othman Date: 09-29-2007, 09:57 AM Parent: #1
هلا وغلا بدانيا المكي... نصيحة اعملي حسابك وقبل ما بتدئي بوست جديد.. اتذكري اكييد في ناااس ح يشاكلوك ... اما ظلامية او مستنيرة ... اما حكومية او شيوعية ... اما جلابية او هامشية... اما هلالابية او مريخابية ... خليك مع الاجتماعيات وبس ... ولا اقوليك ...كمان الاغاني والونسات ... او تجيبي ليك موضوع دراسة وتفتحيها هنا... ... قايتو هنا جنس حيرة ... عشان ما تزعل زول ..ما تقول رائك بس تموت بيه كمد ...
طارق جبريل تعرف انا ايام قصة اي بت شديده بتحب صبي بناي زعلانه و متغاظه منك, ابيت تتم القصه كله كله, و في النهايه زهجت و نسيت الموضوع. انشاء الله تكون تميتها و صاحبك عرس البت انا وصلت لغاية الفطور مع خالتها
عييييييك ياخي حصلت حاجات كتيرة خلاص مع الطلبة وتخيلي لسة ما تميتها لكن زورينا هناك خصمناك بالنبي
Post: #88 Title: Re: عضوه جديده مافي زول اداها وش Author: mayada kamal Date: 10-01-2007, 08:03 AM Parent: #87
حبيبتي مرحب بيكي بحجم المليون ميل مربع وانت ما تستني منهم يعرفوكي على الناس اعمل زي اختك انا بديت باللبع وبعدين رجعت سلمت عليهم بعد داك غصبا عنهم حيعرفوكي كوييييييييييييييييييس بس ما يلموا فيكي اللموا فيني الله يكفيكي لسانهم
ألف مرحب بيك يا دانية بين أهلك وعشيرتك. هل يا ترى هو تطابق في الأسماء، أم أنك دانية محمد المكي إبراهيم، التي تعرفنا عليها إسفيرياً في التسعينات في سودان ليست، وكانت تتّقد نشاطاً؟ مرحب بيك يا ستي في كلا الحالتين ونتوق لمشاركاتك الجميلة. كل التحايا لك وصادق المودة
سلام شباب معليش انقطعت منكم, النت كان قاطع في المنطقه كلها اسبوع كامل.
عمو عبدالله كيفك و كيف البنات و خالتوأ من زمان ما شفناكم, شكلكم حاربتوا فرجينيا. الزنجي و صالح حبابكم عشره محمد معتصم عمرك شفت ليك حنكوشه بتعرف الكراب (طبعا في ناس صنفوني حنكوشه في موضوع ثاني ) و انا مع السودان الزمان الناس كانوا طيبين و مؤدبين و ما عندهم حقد, بطريقه ابسط سودان قبل العولمه و الدش. انعام حيموره كيفك و مرحب بيك نهله, محمد و سهام مرحب بيكم , يا سهام شكلي شايته المطبخ طوالي :ط) عثمان رقيم اهلا و سهلا و كيف ابوظبي على حسك, طبعا عشت فيها 6 شهور كانت زي ستين سنه كده و يوم سافرت منها قلت لزوجي عليك الله كسر وراي ازيار عشان ما أرجع تاني, ما حصل كرهت بلد في حياتي زي الامارت و ما حصل شفت سودانيين مفلهمين و ما بسلموا الا في الامارات.
خالد و عمرو اهلا بيكم يا فاهمين مجدي شكرا على الورد, طارق حأرجع اشوف النهايه بس عليك الله كملها سلمى , مياده, حاج حمد و عادل مرحب بيكم كثير و يا مياده طريقة اللبع دي خطيره.
سعاد اهلا و سهلا, لا انا ما داليا محمد المكي ابراهيم, لكن انا دانيه المكي الكنت بكتب في سودانليست, ما عارفه داليا كانت بتكتب هناك ولا لا. و على فكره داليه دي طوالي انا و هي الناس ملخبطه فينا عشان الاسم الاخير و انا دانيه و هي داليه و ابوي و ابوها زملاء وزاره الخارجيه و اصحاب من زمان, لكن حأنقل ليها سلامك. زولو كلك زوق, الساوي والله فعلا انا غلطانه
عبدالمنعم اهلا و سهلا
نها محسن ابوراس كيفك وكيفك نعمات و امجد و الصغار و كيف خالتوا اوشا؟؟ سلمي عليهم كثير و مرحب بيك
محمد عليش رمضان كريم.
Post: #101 Title: Re: عضوه جديده مافي زول اداها وش Author: عمر عبد الخالق سعيد Date: 10-08-2007, 07:02 AM Parent: #1
