Post: #1
Title: عهدي المعاك
Author: حسين محي الدين
Date: 09-27-2007, 07:37 PM
يا ساكنة كل الأمكنة
ويا ساحبة من تحتي البساط
أحزاني بعدك مزمنة،
يا سابحة في عمقي ودماي
حلمي المعاك أصبح ضنا
وحبي النبيل الشايلو ليك
صابو العنا،
يا وردة في وادي الفراش
مزادنة زاهية ملونة،
كيفن تمر أطياف هواك
من غير أشوفها وأحضنها
وكيفن يطيب طعم الرحيق
من غير عيونك والمنى،
قلبي العليل لو جاهو ليل
دمعاتو مين بيسَكنها،
يا ناسية لي عهدي المعاك
خطوات بعيدة وممكنة.
27/7/2007
|
Post: #2
Title: Re: عهدي المعاك
Author: أشرف البنا
Date: 09-27-2007, 10:48 PM
Parent: #1
حسين
سلامات
كلماتك رشيقة لم يثقلها الوجد و الحزن الذي وشت به ...
قصيدة جميلة حقاً ..
مع عاطر التحايا ...
|
Post: #3
Title: Re: عهدي المعاك
Author: حسين محي الدين
Date: 09-28-2007, 02:55 PM
Parent: #2
أخي أشرف
اشكر حضورك الانيق هذا
خالص الود
|
|