إسمه (بكري الصديق )..كان في الطريق بسيارته من مدينة أبسالا لمدينة تورتيلا باالسويد..وقام بشجاعة نادرة بعد مشاهدته حادث سير في طريقه أمامه في إنقاذ المصابين وإخراجهم من داخل السيارة المحطمة الواضحة بالصورة قبل حضور الجهات الرسمية والإسعاف بوقت مبكر جدا.. وقد نشرت الصحافة السويدية تفاصيل الحادث و تلك المهمة الإنسانية العظيمة التي قام بها السوداني بكري الصديق..
التحية له في ذلك الصقيع وهو يعكس وجه السودان بهذه التضحية وتعريض حياته للخطر..
لا حول ولا قوة الا بالله العربية دى لو اصحابها نايمين فى البيت كانوا ماتو خلى يكونوا جواها! وصاحبك دا مشاء الله منشار كهربائى عديل! عفيت منو الله يديهو العافية ورشة متحركة! جنى
ياها المحرية في السوداني لكن ربنا اوصلو طيب لانو عين جني لو بتصل عن طريق النت الزول بحصل ليهو حاجة لي هسي بضحك قلت لي لو نايمين في البيت؟؟ مسرحيتي الجاية حارسلها ليك تكتب لي الإفيهات الفيها قلت شنو ياجني ؟؟ التحية والتقدير للسوداني الشهم
Quote: لكن الاستايل المعاه دا نحن كلنا بنتلب نمرقه لو وقع في مثلث برمودا ذاته.
البلد دي كلها إستايلات يا محمد..وناسا حلوة.. وكريمة.. ونقية حقيقة..وتستاهل وزي العمل القام بيهو بكري ده بيقدروهو جدا جدا عندهم.. ونفس اليوم تلقاهو ملأ البلد..علشان كده أنا فرحان جدا بإنقاذهم أولا..وبالسمعة الجميلة للسودان.
Quote: ياها المحرية في السوداني لكن ربنا اوصلو طيب لانو عين جني لو بتصل عن طريق النت الزول بحصل ليهو حاجة لي هسي بضحك قلت لي لو نايمين في البيت؟؟ مسرحيتي الجاية حارساها ليك تكتب لي الإفيهات الفيها قلت شنو ياجني ؟؟
السنى يا جميل كفاية انت مساهر بى كم يوم متابع معاك امال عباس العجب رحلتها من ودنوباوى الى مديرة حاجة ترفع الراس انت وامال وسوسن دفع الله يديكم العافية!انا هوى اذاعة لو فى برنامج عجبنى بخلى اى حاجة وليكن ما يكن البرنامج جميل والحوار جميل والاغانى جميلة والتواصل جميل ون تو بشرى وبشارة والله يستاهل يدرسوهو نموذج لى ناس الاعلام والصحافة
جنى
09-26-2007, 11:45 PM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
ــــــــــــــــــــــــــــــــــــــــــــــــــ اليوم حقيقة أنا فرحان جدا ... بي طلتك يا د.مصطفي بعد غياب.. وبخبر السوداني الشهم بكري صديق..وربنا يجعل ايامنا كلها أفراح.
09-27-2007, 00:22 AM
غباشي غباشي
تاريخ التسجيل: 01-19-2007
مجموع المشاركات: 1729
قلت لي يافاضلابي بتعرف سويدي وبتجضمو عديل كده البت الجنبو دي ندى لها التحية على شجاعتها وزترجم لينا الحاصل شنو بالظبط وبعدين ندى سودانية ولا سويدية ؟ بعدين بجيك مع انو الخبر جانا مختصرا بدون ترجمة على الشريط
09-27-2007, 09:33 AM
fadlabi fadlabi
تاريخ التسجيل: 12-13-2004
مجموع المشاركات: 4116
قاليك يا أستاذ السني الناس الفي الحديدة ديل نفرين بنت عمرها 19 و شاب عمره 23 و الحادث كان يوم الأربعاء و إصيبوا إصابات بالغة ولدنا ده و معاه ندى جوا أول ناس لمكان الحادث بعدين ندى ما سودانية.. عليك الله ما عجيب في السويدي نرويجي دنماركي أي حاجة بس أعزل ساكت.. ياخ أنا ... لا حولااااااا عجيب ياخ
09-27-2007, 11:54 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
منعم انت شايف علينا شنو؟ وداير تجيب لنا الهواء مالك؟ وخلينا نطمنك راسنا اصلوا ما بينقطع وافهمها زي ما تفهما(والله يا منعم راسنا شدة ما مقطوع التقول اقاموا عليه حد)
يا خالد موضوع زولك دا جاب له غلاط ، كدي خلونا في ندى الما فيها غلاط دي.
بمجرد ان قرأت الاسم / بكرى صديق وقبل ان ارى الصور توقعت ان يكون هو بكرى اخونا وصديقنا . له التحية من على البعد وارجو اذا قرأ هذا البوست اى شخص يعرف عنوانه ان يرسله لى عبر الايميل المرفق فى البروفايل الخاص بى .
بالمناسبة : شقيق الاخ بكرى الاكبر عادل صديق توفى فى حادث مرور ايضا قبل عدة سنوات وفى شهر رمضان فى دولة الامارات المتحدة . وقد حزن عليه بكرى حزن شديد ، التحية لبكرى وجميع افراد اسرته .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
jini
عبد المنعم سليمان
محمد عمر الفكي
محمد سنى دفع الله
Mustafa Mahmoud
غباشي
احمد معتصم الطيب
محمدين محمد اسحق
fadlabi
فيس بوك
تويتر
انستقرام
يوتيوب
بنتيريست