Post: #1
Title: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:02 PM
Parent: #0
ظاهرة الكتابة فى الحمامات العامة...ظاهرة غريبة للغاية ومنتشرة بدرجة تدعوا
للذهول...لفتت نظرى للغاية وجعلت التساؤلات تطفح فى داخلى عندى اسباب هذه الظاهرة ..ولماذا
يستخدم البعض الحمامات العامة ان كانت فى الجامعات او المساجد او المستشفيات..الخ للتعبير عن قناعاته...؟وهل للظاهرة علاقة بغياب حرية التعبير والاجواء الديمقراطية...ام هى موجودة فى كل المناخات السياسية...وهل الظاهرة هى ظاهرة سودانية خالصة ام هى منتشرة فى كل البلدان...؟وهل هى فى الاساس ظاهرة صحية ام ظاهرة تعبر عن خلل ما...؟وهل تلعب الصدفة دور فى ان يكتب البعض مايجوش فى دواخله داخل الحمامات العامة ام يلعب سبق الاصرار دور فيه....؟وهل الظاهرة دخيلة على المجتمع السودانى ام قديمة قدم المجتمع ذاته....؟...اذا الموضوع مطبوخ للنقاش....ونرجوا الافادات
|
Post: #2
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:03 PM
Parent: #1
....نماذج لكتابات نقلتها من حمامات جامعة النيلين........
1/عائد عائد يانميرى
|
Post: #3
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:04 PM
Parent: #2
2/ان....ك كل الروابط العرقية والجهوية
|
Post: #4
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:05 PM
Parent: #3
3/ممنوع النضال فى الحمامات الكلام ده قولوا بره
|
Post: #5
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:06 PM
Parent: #4
4/هذا إنحطاط أخلاقى ياشماسة
|
Post: #6
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:06 PM
5/الشعب السودانى رمة
|
Post: #7
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:07 PM
Parent: #6
6/عرب الجزيرة احرجتونا أحسنو إستخدام الحمامات
|
Post: #8
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:10 PM
Parent: #7
ده شكلو رد على التعليق السابق
9/عرب الجزيرة (عبارة جنسية)امك
|
Post: #9
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:12 PM
Parent: #8
10/ده عب وده ود عرب عبارة صنعها الكيزان تحت شعار فرق تسد والدليل على ذلك
أن الكيزان فيهم الشمالى والغرابى(مناضل ثورى)
|
Post: #10
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:14 PM
Parent: #9
11/الشماليين كلهموبناتهم بالاخص(عبارة جنس)وأنا ..(عبارة جنس)سته منهم
(غرابى حر)
|
Post: #11
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:15 PM
Parent: #10
12/اهلك ربوك على كده عيب
(ود عرب)
|
Post: #12
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:19 PM
Parent: #11
هذه مختارات من كتابات موجودة فى حمامات كلية الاداب بجامعة النيلين
والشاهد ان القاسم المشترك بين هذه الكتابات الشتيمة العرقية والقبلية والاساءات الجنسية
..والشاهد ايضا ان بعض مرتادى تلك الحمامات يدخلون فى مساجلات مستمرة بحيث يكتب الواحد عبارات
ويرد عليه اخر...والملاحظ ايضا ان بعض تلك الكتابات لاتحتاج لان تكتب فى الحمامات خاصة فى مايتعلق
بتردى المناخ الاكاديمى والجامعى ويمكن ان تقال فى اركان النقاش اى يمكن ان يطلب كاتبها فرصة للنقاش ويقولها ويمكن ان يقيم مخاطبة يعبر فيها عن ما يراه مناسب....ولى عودة
|
Post: #13
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:25 PM
Parent: #12
حدثتنى صديقة لى تدرس معى فى كلية الاداب
أن حمامات البنات ايضا بها مثل هذه الكتابات...ولكن الاساءت الجنسية تأخذ مساحة كبيرة
...وعبارت إغتيال الشخصية ايضا تاخذ مساحة كبيرة .حيث توجد اسماء بنات فى الحمامات ومكتوب تحتها وقائع جنسية مثل ان فلانة قبضوها مع استاذ فلان...وفلانة قاعدة تنوم فى الشقق المفروشة مع الغرباء...وفلانة حملت سفاحا قبل كده...الخ ...وغيرها من شمارات البنات
|
Post: #14
Title: Re: الكتابة فى الحمامات العامة...قف ....تأمل
Author: ملكة سبأ
Date: 09-26-2007, 01:32 PM
Parent: #1
(الحمد لله الذي أذهب عني الأذى ، وعافاني )
|
Post: #15
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:38 PM
Parent: #14
العزيزة/ملكة
رمضان كريم ....وتشكرى على المرور
| Quote: (الحمد لله الذي أذهب عني الأذى ، وعافاني ) |
العبارت الدينية قليلة جدا..ولكن الدعاء ده بالذات موجود ...
تشكرى على المرور...
|
Post: #16
Title: Re: الكتابة فى الحمامات العامة...قف ....تأمل
Author: أبو عبيدة البصاص
Date: 09-26-2007, 01:42 PM
Parent: #1
|
Post: #17
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 01:46 PM
Parent: #16
الاخ/ابوعبيدة
تشكر على المرور...ومنتظريين تعليق
|
Post: #18
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 02:07 PM
Parent: #17
بورداب الخارج الظاهرة دى موجوده عندكم فى اوربا مثلا
والخليج فى كتابة فى الحمامات العامة...ولا الظاهرة دى صناعة سودانية
|
Post: #19
Title: Re: الكتابة فى الحمامات العامة...قف ....تأمل
Author: عبدالله ادريس محمد
Date: 09-26-2007, 06:26 PM
Parent: #1
هاك دى (( اذا دعتك حلاوة التاخير داخل الحمام)) (( فتذكر حرارة المعصورين خارج الحمام))
0 خالص اللود
|
Post: #20
Title: Re: الكتابة فى الحمامات العامة...قف ....تأمل
Author: فرحات عباس
Date: 09-26-2007, 07:32 PM
Parent: #1
من أنبل الحكم التي قرأتها على حمام .. كانت بحمام مدرسة تعليم السيارات بالرياض .. حيث دخلت ذات زنقة تثقيلة ولم أصدق أن أجد حماماً مفتوحا في خضم الزحام تلك النهارية .. المهم أغلقت باب الحمام ورائي بين نشوة الإنتصار وغصة الإعتصار ... وقبل أن أبدأ في فعل أي شيئ لمحت الحكمة مكتوبة مباشرة تحت صنبور المياه :
" تأكد من وجود الماء في الماسورة قبل أن تتورط ... مع تحيات متورط " ...
أيها السادة لقد أنقذتني حكمة الرجل ... إذ لم تكن في الماسورة نقطة موية وليس ثمة مناديل ولا هباب ....
|
Post: #21
Title: Re: الكتابة فى الحمامات العامة...قف ....تأمل
Author: Elhadi
Date: 09-26-2007, 07:45 PM
Parent: #20
وعبارة قريبة من كلام فرحات أعلاه في القنصلية السودانية وما أدراك ما القنصلية السودانية!
تأكد من وجود الماء قبل تنزيل البضاعة!
|
Post: #24
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 08:49 PM
Parent: #20
الاخ/فرحات
...تشكر حبيبنا...وجود هذه الظاهرة فى الرياض يعنى انهاغير محصورة
فى السودان ولها بعد دولى...وياريت لوكل الكتابات فيها نصيحةزى دى
|
Post: #22
Title: Re: الكتابة فى الحمامات العامة...قف ....تأمل
Author: عبد المنعم سليمان
Date: 09-26-2007, 07:58 PM
Parent: #1
عبارة يا مسهل
دي لو لقيتا في حمام اعرف زولك كان ماكل كوارع
________
خالد الكتابة في الحمامات تكون دائما في البلاد التي تعاني من غياب الديمقراطية .. والكبت
الخليج والسودان مثالا
منعم
|
Post: #23
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 08:46 PM
Parent: #22
كل المتداخلين تشكروا
على الافادات والمشاركةوالتعليق...وننتظر المزيد.
|
Post: #25
Title: Re: الكتابة فى الحمامات العامة...قف ....تأمل
Author: amin siddig
Date: 09-26-2007, 08:50 PM
Parent: #23
say what will convince not what u believe
|
Post: #27
Title: Re: الكتابة فى الحمامات العامة...قف ....تأمل
Author: amin siddig
Date: 09-26-2007, 08:53 PM
Parent: #23
الباقي لو جبتو بالنص البوست ده بيمشي الخور
لكن كلو بدور حول نفس النقاط
في واحدة مثلاً كانت مصحوبة بلوحة بتعبر عن هزيمة الكيزان قبل سنتين في إنتخابات الإتحاد برموز جنسية
واحد رده ليهو قال ........................
خالد هوي ما تستدرجنا
|
Post: #28
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 09:03 PM
Parent: #27
العزيز/أمين صديق
الظاهرة اصلا موجودة ويجب ان تناقش بدون خجل لانها تؤرخ لمناخ
إجتماعى معين ودراستها بنوع من الصراحة قد يساعد على تحليلها أولا
ومعرفة مسبباتها وتجاوزها ..والخجل منها يساعد فى عدم مقاربتها إجتماعيا وعلميا
....يعنى ننكر ونقول إنومافى ناس بكتبوا فى الحمامات عبارت ذات محمول جنسى...عزيزى
أكتب ولا يهمك...ولو البوست مشى الخوريكون فى خلل ما فى هذا البورد....ننتظر الافادات يادكتور...........دم طيب.........
|
Post: #26
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-26-2007, 08:52 PM
Parent: #22
الصديق/منعم
....كدى خلينا من الحمامات...انت ظااااااااتك وينما ظاهر
والله يامنعمالظاهر انو مابقدر عليك إلا رمضان...واتفق معك ان الظاهرة مربوطة بغياب
الحريات والديمقراطية.... لك ودى وننتظر المزيد.......
|
Post: #29
Title: Re: الكتابة فى الحمامات العامة...قف ....تأمل
Author: amin siddig
Date: 09-26-2007, 09:41 PM
Parent: #26
أنا داير أتناول الموضوع من ناحية تانية
بعدين منو القال ليك أنا بخجل ......... وجه خجلان
إنت يا خالد بصفتك قاري علم نفس : في حاجة زي دي؟
إنو الزول مثلاً داير يعبر عن حاجة ما قادر يعملها يقوم يتمها في الخيال
أنا ما قاصد كلام فرويد بتاع الأحلام وأن كان قريب منو ...
مثلاً زول عمل شكلة مع زول ... لمن يجي يحكي القصة بيقوم بيحكيها بي صورة إنتصارات قد تكون ما حصلت
أو برضو التعبير في الحمام ....
طبعاً مع الإحتفاظ بموقفي ضده كمظهر ما حضاري .....
أنا عندي ( قراءة) تانية للموضوع ده
إنو أكتر مما هو بعبر عن واقع ....
بعبر أكتر عن أمنيات المقهور .... ذلك الحد الذي إذا تحقق يكفل له الإحساس برفع القهر
و أي زول بحدد شكل رد الإعتبار ده حسب ميدان المعركة الهو / هي بيعتبرها المكان لإثبات الحقيقة الإجتماعية و ساحة الإقتتال ...
زي إثبات التفوق في ميدان الجنس مثلاً في مجتمع ذكوري
يعني وفق المعيار الذكوري الجنسي لو ذكر من مجموعة ما مارس الجنس مع أنثى من مجموعة أخرى فكأنما إنتصرت مجمعته على هذه المجموعة الأخرى .... دي يسموها شنو ؟؟ سادية إجتماعية ؟؟؟
يعنى العبارات دي ما مفروض يتقري دلالتها المباشرة ....
طبعاً في عبارات معناها صريح و لغرض محدد مثل تشويه السمعة بسبب مشكلة مثلاً ودي ما البقصدها
لكن مثلاً زي العبارات الفي حمام الآنسات ....
مرات كاتبة العبارة و إن كان صريح العبارة يشير لإرتكاب أخرى فعلاً مجرماً من الثقافة السائدة إلا أن الغرض النفسي المطلوب إثباته قد يكون ( أنا ما براي ) ........ أي وجود آخرين يقومون بنفس الفعل كمعيار لرفع التجريم ... وخاصة إذا كان هؤلاء الآخرون مقيمين إيجابياً بمعايير أخرى مثل التفوق الأكاديمي أو المالي.... قد تكون كاتبة العبارة تشعر بالسعادة و هي تنقل هذه المعلومة و إن كان ظاهر العبارة التشفي .....
قد تكون هذه العبارة بالون إختبار لقياس رد الفعل ، وبالتالي إستطلاع رأي حول الذات دون المجازفة بكشف الهوية ....
أما العبارات الجنسية وربطها بالقضايا السياسية و العرقية ...
فأعتقد أن هناك مركب قهر في الثقافة السودانية .....
بحيث أن المضطهد بمعيار عرقي .... لن يشفع له معيار آخر سوى المعيار الجنسي لإثبات التفوق
وبهذا تعبر خيالات أو وقائع الإغتصاب و التمكن الجنسي الذكوري عن أمنيات / أو إنتصارات للذات بالمعيار الإستعلائي الأقوى من المعيار العرقي في ثقافة القهر ، أي المعيار الجنسي الذكوري ،......
هنا توجد مشكلة ... هي تماهي المضطهد مع المعايير التي تضعها ثقافة الإضطهاد ... وبدلاً أن يسعى لتجاوز هذه الثقافة على الأقل في تقييمه لذاته فإنه يتحايل بإستخدام منافذ أخرى في ذات الثقافة لتحقيق الإنتصار للذات.....فيلجأ لمعايير أخرى تتأسس أيضاً على القهر
الموضوع أعمق ويحتاج إفادات أكثر عمقاً ، ولكني أتفق مع الدور المركزي لثقافة القهر في هذه القضية ...
وبجيك راجع يا خالد .....
|
Post: #30
Title: Re: الكتابة فى الحمامات العامة...قف ....تأمل
Author: amin siddig
Date: 09-26-2007, 10:03 PM
Parent: #29
مواصلة ........
يعني المشكلة إنو ثقافة القهر متمكنة من بعض المقهورين ... نوعياً أو عرقياً أو سياسياً... بحيث إنهم بيسعوا لإيجاد ثغرات ( قانونية) في الثقافة المضطهدة ( كسرة تحت الهاء ) ولم يصلو لمرحلة تجاوز تلك الثقافة تماماً بعد........بحيث أن مفاهيم مثل : ما براي ، وفلان/ة برضو عمل كده ، ونحن عملنا فيكم كده ..... هي مفاهيم إنهزام أمام ثقافة الإضطهاد رغم أنها إنتصار على شخص / مجموعة أخرى وفق معايير ثقافة الإضطهاد....
وربما لا يسعى البعض لمواجهة ثاقفة القهر مواجهة شاملة لأنها تنطوي على مواجهة مفاهيم تحقق للمضطهد ( فتحة فوق الهاء ) إمتيازات نفسية و إجتماعية في مجالات أخرى .... أو أن ترك كل هذه المفاهيم مرة واحدة مع عدم إنسجام الواقع الإجتماعي مع المفاهيم الجديدة يجعله يتخوف من الإغتراب الثقافي في مجتمعه .......
في الموضوع السياسي أعتقد أن عبارات مثل ضاع السودان ، وكل القوى السياسية ما نافعة .... هي تعبير عن مخاوف أكثر منها تعبير عن قناعات ،...... فالكاتب داخل دورة المياه عندما يكتب هذا و كأنه يتوهم جمهوراً من المخاطبين ربما تحثهم هذه العبارة لإنقاذ ما يمكن إنقاذه .....
منظرين مدرسة ما بعد الحداثة عندهم مفهوم مثلاً بودريار بفتكر إنو لمن الناس يتكلموا عن مخاوفهم من حاجة هو فعلاً بتكون الحاجة دي حاصلة ... وبسميها الواقع المفرط في الواقعية ..........
زي لمن الناس يتخوفو من السيطرة الأمريكية ، هو الواقع المفرط في الواقعية إنو السيطرة دي حادثة فعلاً ........
أنا ما متفق مع مفهوم ناس ما بعد الحداثة حول الحقائق الإجتماعية
لكن إن جاز لي إستلاف شكل النظرية عندهم للتعامل مع الحقائق ( الحمامية ) ... النفسية
فإنه - أحياناً - ما يعبر عنه كحقائق هو مخاوف عند الكاتب ... و لكنها وصلت مرحلة مستفحلة
.................
........
..
|
Post: #31
Title: Re: الكتابة فى الحمامات العامة...قف ....تأمل
Author: معتز تروتسكى
Date: 09-27-2007, 11:28 AM
Parent: #30
Quote: خالد الكتابة في الحمامات تكون دائما في البلاد التي تعاني من غياب الديمقراطية .. والكبت
الخليج والسودان مثالا
منعم |
القال ليك منو يا انت؟!!؟!؟
---------------
خالد ازيك
|
Post: #32
Title: Re: الكتابة فى الحمامات العامة...قف ....تأمل
Author: shammashi
Date: 09-27-2007, 11:33 AM
Parent: #31
| Quote: /عائد عائد يانميرى |
عارف دي الكتبا منو يا خالد؟؟؟
مــــــلاســــي
|
Post: #33
Title: Re: الكتابة فى الحمامات العامة...قف ....تأمل
Author: الواثق الصادق
Date: 09-27-2007, 11:39 AM
Parent: #31
فاصل إعلاني :
الآن سيراميك رأس الخيمة
صناعة سودانية
لوقاية جدران الحمامات الرجالية والنسائية
من الفوضى والعبارات الجنسية..
صوت فخيم : حللنا أصعب مشكلة بأقل تكلفة
|
Post: #34
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 12:19 PM
Parent: #33
....عدنا
|
Post: #42
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 01:56 PM
Parent: #33
الاخ/الواثق
رمضان كريم...وتشكر على المرور
Quote: الآن سيراميك رأس الخيمة
صناعة سودانية
لوقاية جدران الحمامات الرجالية والنسائية
من الفوضى والعبارات الجنسية |
طيب الناس البكتبو فى ابواب الحمامات ديل يحلو مشكلتم كيف....؟
|
Post: #38
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 01:18 PM
Parent: #30
Quote: يعني المشكلة إنو ثقافة القهر متمكنة من بعض المقهورين ... نوعياً أو عرقياً أو سياسياً... بحيث إنهم بيسعوا لإيجاد ثغرات ( قانونية) في الثقافة المضطهدة ( كسرة تحت الهاء ) ولم يصلو لمرحلة تجاوز تلك الثقافة تماماً بعد........بحيث أن مفاهيم مثل : ما براي ، وفلان/ة برضو عمل كده ، ونحن عملنا فيكم كده ..... هي مفاهيم إنهزام أمام ثقافة الإضطهاد رغم أنها إنتصار على شخص / مجموعة أخرى وفق معايير ثقافة الإضطهاد....
وربما لا يسعى البعض لمواجهة ثاقفة القهر مواجهة شاملة لأنها تنطوي على مواجهة مفاهيم تحقق للمضطهد ( فتحة فوق الهاء ) إمتيازات نفسية و إجتماعية في مجالات أخرى .... أو أن ترك كل هذه المفاهيم مرة واحدة مع عدم إنسجام الواقع الإجتماعي مع المفاهيم الجديدة يجعله يتخوف من الإغتراب الثقافي في مجتمعه .......
|
الدكتور/أمين الصديق
كلام عميق وتحليل يلامس الموضوع ملامسة دقيقة....ننتظر المزيد من الافادات
|
Post: #35
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 12:35 PM
Parent: #29
الدكتور/أمين
تشكر على الحديث المرتب والمتدفق حلاوة........
Quote: إنو الزول مثلاً داير يعبر عن حاجة ما قادر يعملها يقوم يتمها في الخيال
أنا ما قاصد كلام فرويد بتاع الأحلام وأن كان قريب منو ... |
إذا فى زول داير يقول كلام أو داير يعمل أى حاجة تتنافى مع قيم المجتمع العايش فيهو
طوالى بقوم يحولها إلى اللاوعى لحين يجد الفرصة أو المكان المناسب ليخرج هذه الاشياء المكبوتة
فى اللاوعى عنده...وعلى الاساس ده ممكن الكتابة فى الحمامات العامة تدخل فى هذا الاطار..خاصة إذا عرفنا إنها عبارة عن إساءات عنصرية وجنسية مما لا يمكن الحديث عنه أمام المجتمع..لذا يلجا الواحدأو الواحده للكتابة فى الحمامات العامة كتنفيس عن هذه المكبوتات وإخراجها لدائرة العلن....
| Quote: مثلاً زول عمل شكلة مع زول ... لمن يجي يحكي القصة بيقوم بيحكيها بي صورة إنتصارات قد تكون ما حصلت |
ده فى علم النفس يسمى الاسقاط النفسى وهو من حيل الدفاع...حيث يقوم الشخص بالحديث عن مواقف فشل فى تحقيقها وهى تعبر عن أمانيه وتطلعاته
Quote: مرات كاتبة العبارة و إن كان صريح العبارة يشير لإرتكاب أخرى فعلاً مجرماً من الثقافة السائدة إلا أن الغرض النفسي المطلوب إثباته قد يكون ( أنا ما براي ) ........ أي وجود آخرين يقومون بنفس الفعل كمعيار لرفع التجريم ... وخاصة إذا كان هؤلاء الآخرون مقيمين إيجابياً بمعايير أخرى مثل التفوق الأكاديمي أو المالي.... قد تكون كاتبة العبارة تشعر بالسعادة و هي تنقل هذه المعلومة و إن كان ظاهر العبارة التشفي .....
قد تكون هذه العبارة بالون إختبار لقياس رد الفعل ، وبالتالي إستطلاع رأي حول الذات دون المجازفة بكشف الهوية .... |
هذا الكلام يدخل فى باب التبرير النفسى وهى ايضا من حيل الدفاع النفسى ويقوم به الشخص عند لحظات الانهزام والانتكاسات النفسيه الناتجة عن موقف اجتماعى
|
Post: #36
Title: Re: الكتابة فى الحمامات العامة...قف ....تأمل
Author: معتز تروتسكى
Date: 09-27-2007, 01:05 PM
Parent: #35
خالص التحايا
الزميل العزيز
بحر
بكلام الدكتور امين فتح نوافذ للنقاش حول الظاهرة بصورة علمية ، يمكن اقول ليك كظاهرة مقاربة البورده ده ، ايضا قد يصبح في مقام الحمامات دي ..ووالخ
طيب ده مش بنفى كلامك حول اختزال الظاهر في انها ناتجة من كبت للحريات والديمقراطية..
لانو الظاهرة موجودة حتى في البلاد المتقدمة ...
الكبت هو لكن احد الاسباب وليس سببا مباشرا ،الظاهرة بتعتمد على السلوك في المقام الاول والاخير ودي ماعايزه ليها كبت ولا حريات لانها [مرض]..
يمكن ان تاخذ معك ايضا البوست ده..[ربما] قد يتقاطع معك اذا حول الكلام بصيغة علمية ..
سودانيز أون لاين هل هي مرتع للفاشلين؟!؟...
التحايا النواضر..
|
Post: #39
Title: Re: الكتابة فى الحمامات العامة...قف ....تأمل
Author: عمار يس النور
Date: 09-27-2007, 01:19 PM
Parent: #35
الاخ خالد بحر
رمضان كريم
حكى لنا الدكتور المرحوم زيدان أستاذ الفلسفة بجامعة الخرطوم "عليه رحمة الله" قصة طريفة بخصوص موضوعك الشيق عن الكتابة في الحمامات العامة، و كنت ادرس معه مادة إختيارية عن فلسفة الاخلاق.
حكى دكتور زيدان "عليه رحمه الله" أنه اثناء دراسته فوق الجامعية في بريطانيا دخل الحمام و وجد أحدهم قد كتب على الحائط عبارة الفيلسوف الألماني الشهير "نيتشا" Friedrich Nietzsche :
Nietzsche : "GOD IS DEAD
و بعد عدة ايام وفي نفس الحمام جاء احدهم و كتب بخط آخر مختلف ردا على الاول :
GOD : Nietzsche is Dead
و من المعروف أن نيتشا قد توفي في عام 1900 مطلع القرن الماضي.
تحياتي و إحترامي
عمار يس النور
عاشق بخت الرضا
|
Post: #40
Title: Re: الكتابة فى الحمامات العامة...قف ....تأمل
Author: معتز تروتسكى
Date: 09-27-2007, 01:28 PM
Parent: #39
Quote: الاخ خالد بحر
رمضان كريم
حكى لنا الدكتور المرحوم زيدان أستاذ الفلسفة بجامعة الخرطوم "عليه رحمة الله" قصة طريفة بخصوص موضوعك الشيق عن الكتابة في الحمامات العامة، و كنت ادرس معه مادة إختيارية عن فلسفة الاخلاق.
حكى دكتور زيدان "عليه رحمه الله" أنه اثناء دراسته فوق الجامعية في بريطانيا دخل الحمام و وجد أحدهم قد كتب على الحائط عبارة الفيلسوف الألماني الشهير "نيتشا" Friedrich Nietzsche :
Nietzsche : "GOD IS DEAD
و بعد عدة ايام وفي نفس الحمام جاء احدهم و كتب بخط آخر مختلف ردا على الاول :
GOD : Nietzsche is Dead
و من المعروف أن نيتشا قد توفي في عام 1900 مطلع القرن الماضي.
تحياتي و إحترامي
عمار يس النور
عاشق بخت الرضا |
وقع ليك كلامي ده غير البعملوه [النقرو] بالكتابة بى الوان البوهية ووالخ
وهاك يالهيبز والنازين الجدد في المانيا تقول لي شنو ، اقعد بارى لي الجداد..مش ويوديك الحمامات . .
شكرا العزيز عمار..
وبجيك لو ربك سهل..
|
Post: #43
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 02:00 PM
Parent: #40
تروتسكى يا أنا
...تشكر على الاطلالة والتعليق...لكن دحين انت مالك زعلان وصاااااااارى وشك
الاختلاف فى الراى مع البعض لايعنى نهاية الدنيا....ابقى اظهر
|
Post: #41
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-27-2007, 01:32 PM
Parent: #39
الاستاذ/عمار بس
رمضان كريم شنو من بوست الخلاوى دانى ما إتلاقينا..عسى المانع خير
...تشكر عزيزى على المرور الانيق ..وتشكر على الطرفة الجميلة....ومداخلتك تعنى ان موضوع الكتابة فى الحمامات قديم قدم التأريخ نفسو...واصل المرور
|
Post: #46
Title: Re: الكتابة فى الحمامات العامة...قف ....تأمل
Author: أبوبكر طه
Date: 09-29-2007, 04:24 PM
Parent: #29
الكتابات دي موجوده في أي محل انا قابلتني في دبي والهند وتايلاند واليابان ووووووو وحتي هنا في أمريكا موجوده يعني هي عاده بني البشر ما محصوره علي شعب او بلد معين....
تحياتي
|
Post: #37
Title: Re: الكتابة فى الحمامات العامة...قف ....تأمل
Author: mekki
Date: 09-27-2007, 01:06 PM
Parent: #1
بوست عميق....وجميل....
بس كان تأخروا شويه بعد رمضان...عشان الناس تاخد راحتها.....
لنا عوده إنشاء الله
|
Post: #44
Title: Re: الكتابة فى الحمامات العامة...قف ....تأمل
Author: celecon
Date: 09-28-2007, 09:47 PM
Parent: #1
خالد ... رمضان كريم
ملاحظة :
اسوأ العبارات الجنسية الممكن تمر عليك
مكتوبة فى حمامات الجامعات السودانية من
دون فرز يعنى باختصار الطبقة المثقفة والاكاديمين
ومايزيد الطين بله انها حمامات مشتركة (شباب وشابات)
وكانه الشباب هم وحدهم من يستعمل هذه الحمامات
القذرة بكل ماتعنى الكلمة ..
شكرا للفت الانتباه لمثل هذه الممارسات الدنيئة ..
ولنا عودة ..
|
Post: #45
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-29-2007, 02:27 PM
Parent: #44
Quote: اسوأ العبارات الجنسية الممكن تمر عليك
مكتوبة فى حمامات الجامعات السودانية من
دون فرز يعنى باختصار الطبقة المثقفة والاكاديمين |
وللاسف الشديد مفروض ديل يكونوا صناع المستقبل
...الموضوع جد يحتاج للتمحيص....معليش نسيت اقول ليك رمضان كريم
|
Post: #47
Title: Re: الكتابة فى الحمامات العامة...قف ....تأمل
Author: سلمى الشيخ سلامة
Date: 09-29-2007, 06:25 PM
Parent: #45
يبدو لى ان ظاهرة كتابة الحمامات ظاهرة كونية
لانى وجدتها فى امريكا
فى مصر
فى اليونان رغم انى مابعرف لغة يونانية لكن وجدتها تعلو ابواب الحمامات
فى امريكا موجودة فى كل الاماكن التى زرتها والمدن التى مررت بها خاصة محطات الباصات للمسافرين
هنا تجد العبارات التى ترى صاحبتها انها تمثل محبوبا ما
تجدها تكتب قصيدة (راب) تصف فيها محبوبها
احيانا تجد عبارات بذيئة على الاقل فى حمامات النساء هذا ما شهدته
لا اعرف عن حمامات الرجال حيث انها دائما مفصولة
عموما يبدو انها غير قاصرة على مكان ما او زمان ما او بلد ما
حتى فى الطائرات تجدها احيانا فى ابواب الحمامات مع محاولة جادة لمحوها من جانب القائمين على امر الطائرة
وجدتها فى الخطوط السويسرية
وفى البان امريكان (عالمية )
فى الخطوط الداخلية للسفريات فى الولايات المتحدة
فى المطارات (زيورخ ، القاهرة ، اثينا ، بغداد ، لندن، الخرطوم )لذلك الامر ليس قاصرا على مناطق بعينها او بلاد محددة
|
Post: #48
Title: Re: الكتابة فى الحمامات العامة...قف ....تأمل
Author: عبد المنعم سليمان
Date: 09-29-2007, 06:27 PM
Parent: #1
نموذج من كتابات حمامات امريكا يا سلمى .. ممكن
|
Post: #49
Title: Re: الكتابة فى الحمامات العامة...قف ....تأمل
Author: محمد مختار جعفر
Date: 09-29-2007, 08:22 PM
Parent: #48
خالد خليل .. تحية .. ورمضان كريم ..
موضوع يستحق التناول والتحليل والإضافة ..
.. ربما يقول أحدهم ، الكتابة فى الحمامات ،
تساعد فى الإسترخاء خاصة أؤلئك الذين يعانون من وعكة الإمساك !!
ويقال هى فش غبينة الممكون !!
وقال الراوى هى تفريج هم من أذى لمن يقرا ..!
أو ربما هى صوت للجبان ..
وفى كل الحالات هى لاتمارس علنا ، بل فى الخفاء ..
أما هواة الرسم الجدارى بكل أشكاله ، فهؤلاء يطيب لهم الزمان والمكان معا
ويكون عملهم من نوع آخر ... شكرا .. ولنا عودة ...
محمد مختـــار جعفر
|
Post: #50
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-30-2007, 12:55 PM
Parent: #49
العزيز/محمد مختار
.......بعد التحية تشكر على المرور والمساهمة القيمة
وفعلا قد يكون الكتابة فى الحمامات تساعد على الاسترخاء للذين يعانون من الامساك
...اما موضوع الرسومات فهو يحتاج لبوست اخر....لك الود
|
Post: #51
Title: Re: الكتابة فى الحمامات العامة...قف ....تأمل
Author: خالد خليل محمد بحر
Date: 09-30-2007, 12:59 PM
Parent: #50
(على الطلاق الحمام ده أنضف من المؤنمر الوطنى)
....حمام فى السوق العربى.....
|
|