Post: #1
Title: الكشه جاتكم ... يا هو ده صالح الراهنت عليهو !!!!!!
Author: تاج السر حسن
Date: 09-26-2007, 05:04 AM
بلو رأسكم .. ما ح يشارك فى الدورى الممتاز .. لكن تذكروا كأس السودان !!
|
Post: #2
Title: Re: الكشه جاتكم ... يا هو ده صالح الراهنت عليهو !!!!!!
Author: تاج السر حسن
Date: 09-26-2007, 05:17 AM
Parent: #1
الكى الكى صالح ماردونا جى
ون تو بين قود وين وصالح عبد الله تنتهي بانفراد لصالح عبد الله يهدف هدف جميل ثالث للهلال واول لصالح مع الهلال
|
Post: #3
Title: Re: الكشه جاتكم ... يا هو ده صالح الراهنت عليهو !!!!!!
Author: تاج السر حسن
Date: 09-26-2007, 05:34 AM
Parent: #1
قلنا لاعب الكوره زى (العربيه) .. من وقفتو بنعرفو (مجضمها) .. ومنقطها ولا لا !! ما مكن زول بعرف كوره يقول (عصبه) حريف !!
الحريف ياهو (صالح ماردونا) ده !!
اول مرة لا عب من المورده يوقع فى الهلال .. تقوم مظاهرة مشتركه زى القوات الهجين .. مكونه من (المريخ والمورده) !!
عرفنا ناس المورده .. ناس (البعيو) مالهم ؟؟
الغريبه انه (البعيوات) من (حرقة الحشا) غلبو المورده فى الدورى لكن برضو (فلقوهم)!
الزعيم .. قبال ده سجل من المورده 3 لاعبين زى الفرس الكينى .. أحمد سالم .. عبدالسلام .. عوض دوكه .. مافى اى مظاهرة خرجت .. ليه (صالح ماردونا بالذات)!!
صالح لعب مبا ريتن فقط فى الدورى اصبح هداف الدورى ب 5 أهداف منهم 2 فى البعيو!!
ده حالتو فى المورده .. طيب لو جا (الزعيم) يحصل شنو ؟؟
التقيت بصلاح عبدالله بعد توقيعه للهلال مباشرة بفندق السلام قبيل لقاء الزعيم بأهلى مصرى .. شعرت [نى امام لاعب كرة .. نظرة واثقه متأمله مهذبه تشبه الهلال .. فى الحقيقه شعرت انى امام شاعر لا لاعب كرة .. وانتظروا لتتأكدوا من هذا الكلام.
أجريت مع صالح ماردونا حوارا قصيرا وسريعا جاء فيه:-
Quote: من فندق السلام أنقل لكم سلام وتحيات نجمكم الجديد "صالح عبدالله" !!
الفندق الذى تنزل فيه كتيبة الهلال ، فندق جميل للغايه اسمه يدعو للتفاؤل "فندق السلام" فى منطقة جسر السويس بمصر الجديده، ذهبت وبرفقتى الصحفى الأخ/ كمال آفرو، للأطمئنان على آخر مجريات الأمور رغم ابتعادى وأنسحابى عن اللجنه المشرفه على مسألة "الأستقبال والتنظيم والأعلام والحشد والتعبيئة" لأسباب لا داع لذكرها الآن، وكلما نتمناه أن يوفق الله حبيبنا الهلال لأجتياز هذه المباراة الصعبة التى نفقد فيها عنصرين هامين هما "حموده" و"عمر بخيت".
وحينما وصلنا لبهو الفندق لمحنا من بعيد السيد رئيس نادى الهلال وبجانبه رئيس البعثة الرسميه د. محمد جلال، يتحاور معه حول آخر اللمسات ومعهما رئيس بعثة الهلال السيد/ الباقر، ثم التقيت بالصحفى الأخ/ ابراهيم عوض، وتبادلنا حديثا سريعا عن الهلال وعن قريبه كاره الهلال.
وفجأة ظهر يمشى فى هدأة الواثق من نفسه مثل العباقرة .. الشاب الأبنوسى والبدر المنتقل لتوه من المورده للهلال صالح عبدالله" تبادلت معه التحايا الطيبات، وقلت له نرحب بك فى الهلال موئل الفن والأبداع والجمال.
فشكرنى وشكر جمهور الهلال الذى احتفى به وقال أن الأنتماء للهلال شرف وحلم يراود كل لاعب كرة، ولم ينس فريق المورده العظيم الذى كان سببا فى ظهوره ولمعانه، ولم يمانع فى اطلاق سراحه للهلال، فى هذه الظروف التى يخوض فيها الهلال معاركا كرويه بأسم الوطن. |
|
Post: #4
Title: Re: الكشه جاتكم ... يا هو ده صالح الراهنت عليهو !!!!!!
Author: تاج السر حسن
Date: 09-26-2007, 05:44 AM
Parent: #1
قبيل مباراة المريخ والأسماعيلى فى القاهرة وعلى مقهى بشارع 26 يوليو جميع العديد من اقطاب الهلال والمريخ .. التفت (محمد الياس) رئيس نادى المريخ السابق ضاحكا ناحية الأخ (الصغير) والمريخابى الأصيل ود أم درمان (خبيب الفاتح) وقال له :-
الجماعه ديل لو شالو الكأس للسنه الخامسه الا تقفلو ناديكم .. ثم واصل :-
وما فى طريقه تشيلو منهم كاس الا تلقو نادى آخر يشترى النيجيريين (كلاتشى وقودوين) .. اظن الوالى فهمها غلط وعايز يفك عكس الهواء (ايداهو) و(ايفوسا)!!
المصيبه انه الهلال تقول قاصدهم عديل .. هسه جا (صالح ماردونا) ح يعمل (ثلاثى) مع (قودوين) و(كلاتشى) !!
غايتو فى ناس خ تخلى البلد !!!!!!!!!
|
|